പാലക്കാട് സര്‍ക്കാര്‍ പോളിടെക്‌നിക് കോളജില്‍ നിന്നും 2020 ല്‍ പ്രവേശനം നേടി കോഴ്‌സ് പൂര്‍ത്തിയാക്കി വിടുതല്‍ സര്‍ട്ടിഫിക്കറ്റ് വാങ്ങിയ വിദ്യാര്‍ഥികള്‍ക്കുള്ള കോഷന്‍ ഡിപ്പോസിറ്റ് കൈപ്പറ്റാത്ത വിദ്യാര്‍ഥികള്‍ പേര്, അഡ്മിഷന്‍ നമ്പര്‍, വിഭാഗം, മൊബൈല്‍ നമ്പര്‍, ബാങ്ക് അക്കൗണ്ട് നമ്പര്‍, ഐ.എഫ്.എസ്.സി, ബ്രാഞ്ച്, ബാങ്ക് പാസ്ബുക്കിന്റെ പകര്‍പ്പും സഹിതം asection@gptcpalakkad.ac.in ഇമെയില്‍ വിലാസത്തിലേക്ക് അയക്കണം.

സംസ്ഥാന സിവില്‍ സര്‍വീസ് അക്കാദമിയുടെ പൊന്നാനി ഉപകേന്ദ്രമായ ഇന്‍സ്റ്റിറ്റ്യൂട്ട് ഓഫ് കരിയര്‍ സ്റ്റഡീസ് ആന്‍ഡ് റിസര്‍ച്ചില്‍ റഗുലര്‍ ബാച്ചിലേക്കുള്ള സിവില്‍ സര്‍വീസ് പരിശീലനത്തിന് അപേക്ഷ ക്ഷണിച്ചു. 50 ശതമാനം സീറ്റുകള്‍ മുസ്ലീം ന്യൂനപക്ഷ വിഭാഗങ്ങള്‍ക്ക് സംവരണം ചെയ്തിട്ടുണ്ട്. ട്യൂഷന്‍ ഫീസ് സൗജന്യം. മുസ്ലീം ന്യൂനപക്ഷ സംവരണത്തിന് പ്രവേശനപരീക്ഷ ജൂണ്‍ 13ന് രാവിലെ 10 മുതല്‍ 12 വരെ നടക്കും. ഹോസ്റ്റല്‍ സൗകര്യം ലഭ്യമാണ്.

ലക്കിടി അഡീഷണല്‍ സ്‌കില്‍ അക്വിസിഷന്‍ പ്രോഗ്രാം നടത്തുന്ന ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ് ട്രെയിനിങ് കോഴ്‌സിലേക്ക് അപേക്ഷ ക്ഷണിച്ചു. യോഗ്യത-  പ്ലസ് ടു. https://forms.gle/THbV5Su474kNiTpCA ല്‍ അപേക്ഷിക്കണം. അവസാന തീയതി ജൂണ്‍ 12. ഫോണ്‍: 9495999667,9895967998.
 

പാലക്കാട് കെല്‍ട്രോണില്‍ ഒരു വര്‍ഷത്തെ സൗജന്യ 'ഒ' ലെവല്‍ കമ്പ്യൂട്ടര്‍ കോഴ്‌സിലേക്ക് പട്ടികജാതി/ പട്ടികവര്‍ഗ വിഭാഗത്തില്‍പ്പെട്ടവര്‍ക്ക് അപേക്ഷിക്കാം. തിരുവനന്തപുരം ദേശീയ തൊഴില്‍ സേവന കേന്ദ്രമാണ് കോഴ്‌സ് നടത്തുന്നത്. 30 വയസില്‍ താഴെ പ്രായമുള്ള മൂന്ന് ലക്ഷത്തില്‍ താഴെ വാര്‍ഷിക വരുമാനമുള്ള പ്ലസ്ടു പാസായവര്‍ക്കാണ് അവസരം. അവസാന തീയതി ജൂണ്‍ 20. യോഗ്യത സര്‍ട്ടിഫിക്കറ്റുകളുമായി കെ.എസ്.ആര്‍.ടി.സി സ്റ്റാന്‍ഡിന് സമീപം മഞ്ഞക്കുളം റോഡിലുള്ള കെല്‍ട്രോണ്‍ നോളജ് സെന്ററില്‍ എത്തണം.

സ്‌പെഷ്യല്‍ തഹസില്‍ദാര്‍ (എല്‍.എ.ജനറല്‍.1) ഓഫീസിലേക്ക് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു.   ഏഴ് /ഒമ്പത് സീറ്റുള്ള നാല് ചക്രവാഹനമാണ് ആവശ്യം. 2020-നുശേഷം രജിസ്റ്റര്‍ ചെയ്തതാകണം. റീ രജിസ്‌ട്രേഷന്‍ അനുവദനീയമല്ല.  ക്വട്ടേഷന്‍ ജൂണ്‍ 17ന് വൈകീട്ട് മൂന്നിനകം സ്‌പെഷ്യല്‍ തഹസില്‍ദാരുടെ ഓഫീസ്, (എല്‍.എ ജനറല്‍ നമ്പര്‍ 1) സിവില്‍സ്റ്റേഷന്‍- 678001 വിലാസത്തില്‍ ലഭ്യമാക്കണം.

മലമ്പുഴ ആശ്രമം സ്‌കൂളിലേക്ക് കമ്പ്യൂട്ടര്‍ ഇന്‍സ്ട്രക്ടര്‍, ലൈബ്രേറിയന്‍ തസ്തികകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. കമ്പ്യൂട്ടര്‍ ഇന്‍സ്ട്രക്ടര്‍ യോഗ്യത- നിശ്ചിത ട്രേഡില്‍ ലഭിച്ച ടെക്ക്നിക്കല്‍ ഹയര്‍ സെക്കന്‍ഡറി ലിവിങ് സര്‍ട്ടിഫിക്കറ്റ് അല്ലെങ്കില്‍ എസ്.എസ്. എല്‍.സിയും, നാഷണല്‍ ട്രേഡ് സര്‍ട്ടിഫിക്കറ്റ്/ കേരള എന്‍ജിനീയറിങ് പരീക്ഷ/ വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ സര്‍ട്ടിഫിക്കറ്റ് കോഴ്‌സ് എന്നിവയില്‍ നിശ്ചിത ട്രേഡിലുള്ള വിജയം,  പ്രവൃത്തിപരിചയം അഭിലഷണീയം.

ജില്ലാ പഞ്ചായത്ത് പദ്ധതിയായ സൈക്കോ സോഷ്യല്‍ സ്‌കൂള്‍ കൗണ്‍സിലര്‍ നിയമനത്തിനായി തിരഞ്ഞെടുക്കപ്പെട്ടവര്‍ക്കുള്ള പരിശീലനം ജില്ലാ പഞ്ചായത്ത് ആക്ടിങ് പ്രസിഡന്റ് എന്‍ സരിത ഉദ്ഘാടനം ചെയ്തു. ജൂണ്‍ അഞ്ച് വരെയാണ് റെസിഡന്‍ഷ്യല്‍ ട്രെയിനിങ് നടക്കുന്നത്.

പാലക്കാട് എല്‍.ബി.എസില്‍ തൊഴിലധിഷ്ഠിത കമ്പ്യൂട്ടര്‍ കോഴ്‌സുകളിലേക്ക് അപേക്ഷിക്കാം. 'പ്രോഗ്രാമിങ് ഇന്‍ പൈത്തണ്‍ ++' 'ജി.എസ്.ടി ടാലി' 'മൊബൈല്‍ ടെക്‌നോളജി ആന്‍ഡ് ട്രബിള്‍ ഷൂട്ടിംഗ്', 'ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍' എന്നിവയാണ് കോഴ്‌സുകള്‍. കോളജ് വിദ്യാര്‍ഥികള്‍ക്കും ഉദ്യോഗസ്ഥര്‍ക്കുമായി ശനിയാഴ്ചകളില്‍ മാത്രം നടത്തുന്ന പ്രത്യേക ബാച്ചുകളിലേക്കും പ്രവേശനം ആരംഭിച്ചു.

ലോക പുകയില വിരുദ്ധ ദിനാചരണം ജില്ലാതല ഉദ്ഘാടനവും കാഞ്ഞിരപ്പുഴ കുടുംബാരോഗ്യ പരിധിയില്‍ ഉള്‍പ്പെടുന്ന 12 വിദ്യാഭ്യാസ സ്ഥാപനങ്ങള്‍ക്ക്  പുകയില വിമുക്ത വിദ്യാലയ സര്‍ട്ടിഫിക്കറ്റ് വിതരണവും കാഞ്ഞിരപ്പുഴ ഗ്രാമപഞ്ചായത്ത് പ്രസിഡന്റ് അശ്വതി ചന്ദ്രന്‍ നിര്‍വഹിച്ചു.

തൈക്കാട്ടുശ്ശേരി ബ്ലോക്ക് പഞ്ചായത്ത് പരിധിയിലെ രണ്ട് റോഡ് നിർമ്മാണ പ്രവൃത്തികൾക്കായി പൊതുമരാമത്ത് ലൈസൻസുള്ള കരാറുകാരിൽ നിന്നും ടെൻഡർ ക്ഷണിച്ചു.  താൽപര്യമുള്ളവർക്ക് etenders.kerala.gov.in എന്ന വെബ്‌സൈറ്റ് വഴി ജൂൺ ഒമ്പത്   വൈകിട്ട് നാല് വരെ ഓൺലൈനായി ടെൻഡർ സമർപ്പിക്കാവുന്നതാണ്. ഫോൺ: 0478 2523010

(പി ആർ/എ എൽ പി/ 1046)