സ്റ്റേഷനറി വകുപ്പിന്റെ തിരുവനന്തപുരത്തെ മുഖ്യ സ്റ്റേഷനറി സ്റ്റോറിൽ വാർഷിക സ്റ്റോക്കെടുപ്പ് നടത്തുന്നതിനാൽ ഏപ്രിൽ 1 മുതൽ 5 വരെ സ്റ്റേഷനറി വിതരണം ഉണ്ടായിരിക്കില്ലെന്ന് സ്റ്റേഷനറി കൺട്രോളർ അറിയിച്ചു.

*നിര്‍ജലീകരണം ഒഴിവാക്കുന്നതിനായി ദാഹം തോന്നിയില്ലെങ്കിലും ധാരാളം വെള്ളം കുടിക്കണം

കേരള കർഷക തൊഴിലാളി ക്ഷേമനിധി ബോർഡ് അംഗങ്ങളുടെ മക്കളിൽ ഉന്നത വിദ്യാഭ്യാസ കോഴ്സുകളിൽ ഉയർന്ന മാർക്ക് നേടിയ വിദ്യാർഥികൾക്കുള്ള ധനസഹായം വിതരണം ചെയ്തു. കർഷക തൊഴിലാളി ക്ഷേമനിധി ബോർഡ് ചെയർമാൻ എൻ ചന്ദ്രൻ ഉദ്ഘാടനം ചെയ്തു. കേരള കർഷക തൊഴിലാളി ക്ഷേമനിധി ബോർഡ് ഡയറക്ടർ കെ.

സംസ്ഥാന പട്ടികകജാതി പട്ടികവര്‍ഗ വികസന കോര്‍പ്പറേഷന്റെ ആലപ്പുഴ തിരുമലയില്‍ പ്രവര്‍ത്തിക്കുന്ന ജില്ലാ ഓഫീസില്‍ നിന്നും കൂടുബശ്രീ, സി.ഡി.എസുകള്‍ വഴി പട്ടികവിഭാഗങ്ങളില്‍പ്പെട്ട അയല്‍കൂട്ടാംഗങ്ങള്‍ക്ക് സ്വയംതൊഴില്‍ വായ്പ നല്‍കുന്നു. ഒരു അയല്‍കൂട്ടാംഗത്തിന് പരമാവധി ഒരു ലക്ഷം രൂപ വരെ, മൂന്ന് വര്‍ഷ കാലാവധിയോടുകൂടി വായ്പ ലഭ്യമാകും. വായ്പ ലഭിക്കുന്നതിനുളള വാര്‍ഷിക വരുമാനം മൂന്ന് ലക്ഷം രൂപയും ലോണിന്റെ പലിശ ആറു ശതമാനവുമാണ്. 18 മുതല്‍ 55 വയസ്സ് വരെ പ്രായക്കാര്‍ക്ക് അപേക്ഷിക്കാം. അപേക്ഷകള്‍ സ്വീകരിക്കുന്നതും വായ്പ വിതരണം നടത്തുന്നതും അതത് ഗ്രൂപ്പുകള്‍ ഉള്‍പ്പെടുന്ന സി.ഡി.എസുകള്‍ മുഖേനയായിരിക്കും.

രാമങ്കരി ഗ്രാമപഞ്ചായത്തിൽ ജനകീയ ആസൂത്രണ പദ്ധതിയുടെ ഭാഗമായി പശുക്കുട്ടി, പെണ്ണാട് എന്നിവയുടെ വിതരണ ഉദ്ഘാടനം പഞ്ചായത്ത്‌ പ്രസിഡന്റ്‌ ആർ രാജുമോൻ നിർവഹിച്ചു. പദ്ധതിയുടെ ഭാഗമായി 16 പശുക്കുട്ടികളെയും 14 പെണ്ണാടുകളെയുമാണ് വിതരണം ചെയ്തത്. വൈസ് പ്രസിഡന്റ്‌ ഷീന റെജപ്പൻ, വികസനകാര്യ സ്ഥിരംസമിതി അധ്യക്ഷ മോൾജി രാജേഷ്, രാമങ്കരി മൃഗാശുപത്രി വെറ്റിനറി ഡോ. വി വിബിൻ, ഭരണസമിതി അംഗങ്ങൾ, ഗുണഭോക്താക്കൾ, ഉദ്യോഗസ്ഥർ തുടങ്ങിയവർ പങ്കെടുത്തു.
(പിആർ/എഎൽപി/810)

രാമങ്കരി ഗ്രാമപഞ്ചായത്തിൽ ജനകീയ ആസൂത്രണ പദ്ധതിയുടെ ഭാഗമായി വയോജനങ്ങൾക്കുള്ള കട്ടിലുകള്‍ വിതരണം ചെയ്തു. വിതരണോദ്ഘാടനം പഞ്ചായത്ത് പ്രസിഡന്റ് ആർ രാജുമോൻ നിർവഹിച്ചു. 80 കട്ടിലുകളാണ് പദ്ധതിയിൽ ഉൾപ്പെടുത്തി വിതരണം ചെയ്തത്. ചടങ്ങിൽ വൈസ് പ്രസിഡന്റ്‌ ഷീന റെജപ്പൻ, വികസനകാര്യ സ്ഥിരംസമിതി അധ്യക്ഷ മോൾജി രാജേഷ്, ഐസിഡിഎസ് സൂപ്പർവൈസർ എം യു അജീഷ, മറ്റ് ഭരണസമിതി അംഗങ്ങൾ, ഗുണഭോക്താക്കൾ, ഉദ്യോഗസ്ഥർ തുടങ്ങിയവർ പങ്കെടുത്തു.
(പിആർ/എഎൽപി/809)

മണ്ണഞ്ചേരി ഗ്രാമപഞ്ചായത്തിന് കീഴിലെ ആറ് എൽ പി സ്കൂളുകൾക്ക് പഠനോപകരണങ്ങൾ വിതരണം ചെയ്തു. തമ്പകച്ചുവട് ഗവ. യു പി സ്കൂളിൽ നടന്ന ചടങ്ങിൽ പി പി ചിത്തരഞ്ജൻ എംഎൽഎ വിതരണോദ്ഘാടനം നിർവഹിച്ചു. 2024-25 വർഷത്തെ പദ്ധതിയിൽ ഉൾപ്പെടുത്തി 49 ലക്ഷം രൂപ വിനിയോഗിച്ചാണ് വിദ്യാലയങ്ങൾക്ക് ലാപ്ടോപ്, ഫർണീച്ചറുകൾ, ഉച്ചഭക്ഷണത്തിനുള്ള പാത്രങ്ങൾ, പട്ടികജാതി-പട്ടികവർഗ വിദ്യാർഥികൾക്കുള്ള പഠനോപകരണങ്ങൾ എന്നിവ വിതരണം ചെയ്തത്. ചടങ്ങിൽ മണ്ണഞ്ചേരി ഗ്രാമപഞ്ചായത്ത്‌ പ്രസിഡന്റ് റ്റി വി അജിത് കുമാർ അധ്യക്ഷനായി.

ആറാട്ടുപുഴ ഗ്രാമപഞ്ചായത്ത് കുടുംബാരോഗ്യ കേന്ദ്രത്തിൽ സൗജന്യ ചെവി പരിശോധനാ ക്യാമ്പ് സംഘടിപ്പിച്ചു. മുതുകുളം സിഎച്ച്സി ഇഎൻടി അസിസ്റ്റന്റ് സർജൻ ഡോ. ശാരിപ്രിയ ക്യാമ്പിന് നേതൃത്വം നൽകി. രാവിലെ 10 മണി മുതൽ ഉച്ചയ്ക്ക് 12.30 വരെ സംഘടിപ്പിച്ച ക്യാമ്പിൽ 37ലധികം ആളുകൾ പങ്കെടുത്തു. മെഡിക്കൽ ഓഫീസർ ഡോ. എം ഷെറിൻ, നാഷണൽ ഹെൽത്ത് മിഷൻ ഉദ്യോഗസ്ഥ ഡോ. അശ്വിനി തുടങ്ങിയവർ പങ്കെടുത്തു.
(പിആർ/എഎൽപി/807)

മില്ലിങ്ങ് /ബിസി ടാറിങ്ങ് പ്രവൃത്തികള്‍ നടക്കുന്നതിനാല്‍ കേരള റോഡ് ഫണ്ട് ബോര്‍ഡ് കോഴിക്കോട് നഗരപാത വികസന പദ്ധതിയില്‍ ഉള്‍പ്പെട്ട മൂന്ന് റോഡുകളിൽ ഗതാഗത നിയന്ത്രണം ഏർപ്പെടുത്തി. 

വെള്ളിമാടുകുന്ന്- കോവൂര്‍ റോഡ് (മാര്‍ച്ച് 15 മുതല്‍ 24 വരെ),  പുഷ്പ-മാങ്കാവ് റോഡ് (മാര്‍ച്ച് 22 മുതല്‍ ഏപ്രില്‍ ഒന്ന് വരെ), കാരപ്പറമ്പ്- കല്ലുത്താന്‍ക്കടവ് റോഡ് (മാര്‍ച്ച് 28 മുതല്‍ ഏപ്രില്‍ 13 വരെ) റോഡുകളിലാണ് ഗതാഗതം നിയന്ത്രിച്ചത്.

ആലപ്പുഴ ജില്ലാ പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി ജില്ലാ പട്ടികജാതി വികസന ഓഫീസ് നടപ്പാക്കുന്ന 'പട്ടികജാതി യുവജനങ്ങള്‍ക്ക് വാദ്യോപകരണങ്ങള്‍' പദ്ധതിയിലേക്ക് ഗ്രാമസഭ പട്ടികയില്‍ പേര് ഉള്‍പ്പെട്ടിട്ടുള്ള ഗ്രൂപ്പുകളില്‍ നിന്നും അപേക്ഷ ക്ഷണിച്ചു. ഗ്രൂപ്പ് എന്ന നിലയില്‍ പ്രവര്‍ത്തിക്കാന്‍ കഴിവും പരിചയവും പ്രാവീണ്യവുമുള്ള അഞ്ച് അംഗങ്ങളെങ്കിലുമുള്ള സംഘങ്ങള്‍ക്ക് അപേക്ഷിക്കാം.  തിരഞ്ഞെടുക്കപ്പെടുന്ന ഗ്രൂപ്പുകള്‍ അഞ്ചു ശതമാനം തുക ഗുണഭോക്തൃവിഹിതമായി അടക്കണം. അപേക്ഷിക്കേണ്ട അവസാന തീയതി മാര്‍ച്ച് 21.  ഫോണ്‍: 0477-2252548.
(പിആർ/എഎൽപി/806)