കേരള സംസ്ഥാന നിയമ സേവന അതോറിറ്റിയുടെ കീഴിലെ എറണാകുളത്തുള്ള സ്ഥിരം ലോക് അദാലത്തിലേക്ക് അംഗമായി നിയമിക്കുന്നതിന് അപേക്ഷ ക്ഷണിച്ചു. വിശദ വിവരങ്ങൾക്ക്: www.kelsa.nic.in.    
പി.എൻ.എക്‌സ്. 4364/2020

റവന്യൂ ദുരന്തനിവാരണ വകുപ്പ് പരിശീലന സ്ഥാപനമായ ഐ.എൽ.ഡി.എം റിവർ മാനേജ്‌മെന്റ് സംബന്ധിച്ചു കൈപുസ്തകം (മലയാളം) തയ്യാറാക്കുന്ന പ്രോജക്ടിലേക്ക് മൂന്ന് മാസത്തേക്ക് ഇന്റേൺഷിപ്പിന് അവസരം. പ്രതിമാസം 12,000 രൂപ സ്റ്റൈപ്പന്റോടുകൂടിയാണ് ഇന്റേൺഷിപ്പ്. രണ്ടൊഴിവാണുള്ളത്. ജിയോളജി/ ജ്യോഗ്രഫി ബിരുദാനന്തര ബിരുദമുള്ളവർക്ക് ഓൺലൈനായി ബയോഡേറ്റ സഹിതം ഈ മാസം 22 നകം അപേക്ഷിക്കാം. ഇ-മെയിൽ:  ildm.revenue@gmail.com. കൂടുതൽ വിവരങ്ങൾക്ക്:  https://ildm.kerala.gov.in/en/. ഫോൺ: 9605869073.
പി.എൻ.എക്‌സ്. 4363/2020
 

പോളിടെക്‌നിക് കോളേജുകളിൽ ഒഴിവുള്ള എൻ.സി.സി ക്വാട്ടാ സീറ്റുകളിലേയ്ക്കുള്ള  സെലക്ഷൻ 23ന് സ്റ്റേറ്റ് ഇൻസ്റ്റിറ്റ്യൂട്ട് ഓഫ് ടെക്‌നിക്കൽ ടീച്ചേഴ്‌സ് ട്രെയിനിംഗ് റിസർച്ച്  (SITTTR) ഓഫീസിൽ നടക്കും. സെലക്ഷൻ ഇന്റർവ്യൂവിൽ പങ്കെടുക്കുവാൻ അർഹതയുള്ളവരുടെ ലിസ്റ്റ്  www.polyadmission.org ൽ പ്രസിദ്ധീകരിച്ചു. ലിസ്റ്റിൽ പേരുള്ളവർ അർഹത തെളിയിക്കുന്ന അസ്സൽ സർട്ടിഫിക്കറ്റുകളുമായി രാവിലെ 9.30 ന്  SITTTR, കളമശ്ശേരി ഓഫീസിൽ എത്തണം.
പി.എൻ.എക്‌സ്. 4362/2020

ദേശീയ ന്യൂനപക്ഷ ദിനാചരണത്തിന്റെ ഭാഗമായി കേരള സംസ്ഥാന ന്യൂനപക്ഷ കമ്മീഷൻ ശാസ്തമംഗലത്തുള്ള കമ്മീഷൻ ആസ്ഥാനത്ത് ന്യൂനപക്ഷ ദിനം ആഘോഷിച്ചു.
കമ്മീഷൻ ചെയർമാൻ പി.കെ.ഹനീഫ അദ്ധ്യക്ഷത വഹിച്ച ചടങ്ങിൽ കമ്മീഷൻ അംഗങ്ങളായ അഡ്വ.ബിന്ദു എം. തോമസ്, അഡ്വ.മുഹമ്മദ് ഫൈസൽ, മെമ്പർ സെക്രട്ടറി ശരത്ചന്ദ്രൻ സി.എസ്, രജിസ്ട്രാർ അബ്ദുൾ മജീദ് കക്കോട്ടിൽ തുടങ്ങിയവർ പങ്കെടുത്തു. ന്യൂനപക്ഷാവകാശങ്ങളെപ്പറ്റി കമ്മീഷൻ ചെയർമാൻ ക്ലാസ് എടുത്തു.
പി.എൻ.എക്‌സ്. 4361/2020

മാനസിക വെല്ലുവിളി നേരിടുന്ന വനിതകളെ പുനരധിവസിപ്പിക്കുന്നതിനായി സാമൂഹ്യനീതി വകുപ്പിനു കീഴിൽ കൊല്ലം കൊട്ടാരക്കര കായിലയിൽ അന്തർദേശീയ നിലവാരത്തിലുള്ള പുനരധിവാസ ഗ്രാമം നിർമ്മിക്കുന്നതിന് മാസ്റ്റർ പ്ലാൻ തയാറാക്കുന്നതിന് സർക്കാർ അംഗീകൃത ഏജൻസികളിൽ നിന്നും താത്പര്യപത്രം ക്ഷണിച്ചു. താത്പര്യമുള്ളവർ 30നകം സാമൂഹ്യനീതി ഡയറക്ടർ, വികാസ് ഭവൻ, അഞ്ചാംനില, പി.എം.ജി, തിരുവനന്തപുരം എന്ന വിലാസത്തിൽ പ്രൊപ്പോസൽ സമർപ്പിക്കണം. വിശദവിവരങ്ങൾ www.sjd.kerala.gov.in ൽ ലഭിക്കും.
പി.എൻ.എക്‌സ്. 4360/2020

കാര്യവട്ടം സർക്കാർ കോളേജിൽ മാത്തമാറ്റിക്‌സ് വിഷയത്തിൽ ഗസ്റ്റ് അധ്യാപക ഒഴിവുണ്ട്. കൊല്ലം കോളേജ് വിദ്യാഭ്യാസ ഡെപ്യൂട്ടി ഡയറക്ടർ തയ്യാറാക്കിയ ഗസ്റ്റ് അധ്യാപക പാനലിൽ ഉൾപ്പെട്ടിട്ടുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം 29ന് രാവിലെ 11ന് പ്രിൻസിപ്പൽ മുൻപാകെ ഇന്റർവ്യൂവിന് ഹാജരാകണം. ഫോൺ: 0471-2417112.
പി.എൻ.എക്‌സ്. 4359/2020

കേരള നിയമസഭയുടെ ഭാഗമായ സഭാ ടിവി തയ്യാറാക്കിയ പ്രത്യേക പരിപാടികൾ വിവിധ ചാനലുകളിൽ ഡിസംബർ 20 മുതൽ 26 വരെ സംപ്രേഷണം ചെയ്യും.  സെൻട്രൽ ഹാൾ (ബഡ്ജറ്റ് ചർച്ച-2), നാട്ടുവഴി(പിറവം) എന്നിവയുടെ സമയക്രമമായി.
സെൻട്രൽ ഹാൾ- സമയക്രമം: ഡിസംബർ 20 ന് 24 ന്യൂസിൽ വൈകിട്ട് 4-4.30 നും 21 ന് പുലർച്ചെ 12-12.30 നും (പുന:സംപ്രേഷണം)