കോഴിക്കോട് ജില്ലയില്‍ എന്‍.സി.സി /സൈനികക്ഷേമ വകുപ്പില്‍ വിമുക്ത ഭടന്‍മാര്‍ക്കുവേണ്ടി മാത്രമുള്ള ലോവര്‍ ഡിവിഷന്‍ ടൈപ്പിസ്റ്റ്   (എന്‍.സി.എ - എല്‍.സി/എ.ഐ, കാറ്റഗറി നമ്പര്‍ : .604/2015 )   റാങ്ക് പട്ടിക  2013 ജൂലൈ 18 ന് കാറ്റഗറി നമ്പര്‍: 035/2010  പ്രകാരം നിലവില്‍ വന്ന മാതൃ റാങ്ക് പട്ടികയുടെ കാലാവധിക്കുള്ളില്‍  എല്‍.സി/എ.ഐ വിഭാഗത്തിലുള്ള ഉദ്യോഗാര്‍ത്ഥികള്‍ ലഭ്യമല്ലാത്തതിനാല്‍ ഉത്ഭവിച്ച എന്‍.സി.എ ഒഴിവുകളെല്ലാം തന്നെ നികത്തപ്പെട്ടിട്ടുള്ളതിനാല്‍  റദ്ദായതായി ജില്ലാ പിഎസ്‌സി ഓഫീസര്‍ അറിയിച്ചു.  

തദ്ദേശ സ്വയംഭരണ സ്ഥാപന തിരഞ്ഞെടുപ്പുമായി ബന്ധപ്പെട്ട് സുല്‍ത്താന്‍ ബത്തേരി നഗരസഭയിലെ 19 തൊടുവെട്ടി  ഡിവിഷനില്‍  ഇന്ന് (ഡിസംബര്‍ 18) രാവിലെ 7 മുതല്‍ വൈകീട്ട് 6 വരെ റീപോളിംഗ് നടക്കും. വോട്ടിംഗ് യന്ത്രത്തിന് തകരാര്‍ സംഭവിച്ച സാഹചര്യത്തിലാണ് റീ പോളിംഗ്.  വോട്ടെണ്ണല്‍  ഇന്ന് (ഡിസംബര്‍ 18) രാത്രി 8 ന് നടക്കും.

കോഴിക്കോട്  മീഞ്ചന്ത ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂളിലെ ഡിബിഡിഒ ലാബിക്കേക്ക് ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. ലാബ് ഉപകരണങ്ങളുടെ വിശദമായ പട്ടിക സ്‌കൂള്‍ നോട്ടീസ് ബോര്‍ഡില്‍ പ്രദര്‍ശിപ്പിച്ചിട്ടുണ്ട്. ടെണ്ടര്‍ അടക്കം ചെയ്തിരിക്കുന്ന കവറിന് പുറത്ത് ഡിബിഡിഒ ലാബിലേക്കുളള ലാബ് ഉപകരണങ്ങളുടെ വിതരണം എന്ന് രേഖപ്പെടുത്തി പ്രിന്‍സിപ്പാള്‍, ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂള്‍, മീഞ്ചന്ത ആര്‍ട്‌സ് ആന്‍ഡ് സയന്‍സ് കോളേജ് പി.ഒ, കോഴിക്കോട് 673018 എന്ന വിലാസത്തില്‍ അയക്കണം. അവസാന തീയതി ഡിസംബര്‍ 31  വൈകീട്ട് രണ്ട് മണി. ഫോണ്‍ : 0495 2320294.

മലപ്പുറം ജില്ലയില്‍ നിരോധനാജ്ഞ പ്രഖ്യാപിച്ചിരിക്കുന്ന പശ്ചാത്തലത്തില്‍ ഡിസംബര്‍ 19 ന് മലപ്പുറം കോട്ടക്കുന്ന് ബാങ്ക് എംപ്ലോയീസ് ഓഡിറ്റോറിയത്തില്‍ നടത്താന്നിരുന്ന നോര്‍ക്ക പുനരധിവാസ പദ്ധതിയുമായി ബന്ധപ്പെട്ട സംരഭകത്വ പരിശീലന പരിപാടിയും വായ്പ നിര്‍ണ്ണയ ക്യാമ്പും മറ്റൊരു ദിവസത്തേക്ക് മാറ്റിയതായി നോര്‍ക്ക റൂട്ട്സ്  സെന്റര്‍ മാനേജര്‍ അറിയിച്ചു.
 

വൈത്തിരി താലൂക്ക് മുട്ടില്‍ നോര്‍ത്ത് വില്ലേജിലെ ബ്ലോക്ക് 15, റി.സര്‍വ്വെ നമ്പര്‍ 643/1 മുതല്‍ 643/9 വരെയും  713/3 ലും ഉള്‍പ്പെട്ട കാപ്പിച്ചെടികളില്‍ നിന്നുളള ആദായം ഡിസംബര്‍ 29 ന് ഉച്ചയ്ക്ക് ശേഷം 2 ന് സ്ഥലത്ത് വെച്ച് ലേലം ചെയ്യും. ഫോണ്‍. 04936 255229.

· 210 പേര്‍ക്ക് രോഗമുക്തി
· 138 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (17.12.20) 140 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 210 പേര്‍ രോഗമുക്തി നേടി. 138 പേര്‍ക്ക് സമ്പര്‍ക്കത്തിലൂടെയാണ് രോഗബാധ. മൂന്ന് പേരുടെ സമ്പര്‍ക്ക ഉറവിടം ലഭ്യമല്ല.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 14209 ആയി. 11982 പേര്‍ ഇതുവരെ രോഗമുക്തരായി. ചികിത്സയിലിരിക്കെ 85 മരണം. നിലവില്‍ 2142 പേരാണ് ചികിത്സയിലുള്ളത്. ഇവരില്‍ 1312 പേര്‍ വീടുകളിലാണ് ഐസൊലേഷനില്‍ കഴിയുന്നത്.

കാരാപ്പുഴ ജലസേചന പദ്ധതിയിൽ ഉൾപ്പെട്ട കനാൽ ഇൻസ്പെക്ഷൻ റോഡിൽ അറ്റകുറ്റ പണികൾ നടക്കുന്നതിനാൽ വാഴവറ്റ മുതൽ മൂർത്തിക്കുന്ന് കവല വരെ കനാൽ ഇൻസ്പെക്ഷൻ റോഡിലൂടെയുള്ള വാഹന ഗതാഗതം ഇന്ന് (വെള്ളിയാഴ്ച) മുതൽ ഡിസംബർ 23 വരെ  നിരോധിച്ചതായി എക്സിക്യൂട്ടീവ് എഞ്ചിനീയർ അറിയിച്ചു.

തദ്ദേശ സ്വയംഭരണ സ്ഥാപന തിരഞ്ഞെടുപ്പ് റീപോളിംഗ് നടക്കുന്ന സുല്‍ത്താന്‍ ബത്തേരി നഗരസഭയിലെ  19  തൊടുവെട്ടി വാര്‍ഡിലെ പോളിംഗ് സ്റ്റേഷനുകളായി നിര്‍ണയിച്ചിട്ടുള്ള വിദ്യാഭ്യാസ സ്ഥാപനങ്ങള്‍ക്കും , പൊതു തിരഞ്ഞെടുപ്പ് നടക്കുന്ന നഗരസഭ വാര്‍ഡ്  പരിധിക്കുള്ളിലെ എല്ലാ സര്‍ക്കാര്‍ ഓഫീസുകള്‍ക്കും ഇന്ന് (വെള്ളിയാഴ്ച) ജില്ലാ കളക്ടര്‍ അവധി പ്രഖ്യാപിച്ചു.