ഡിസംബര്‍ 21 ന് പുനലൂര്‍ താലൂക്കില്‍ നടത്താനിരുന്ന ജില്ലാ കലക്ടറുടെ  ഓണ്‍ലൈന്‍ പരാതി പരിഹാര അദാലത് ഡിസംബര്‍ 29 ന് രാവിലെ 11 മണിക്ക് നടക്കും.

കെല്‍ട്രോണ്‍ നടത്തുന്ന ടെലിവിഷന്‍ ജേണലിസം കോഴ്‌സിലേക്ക് ജനുവരി 30 വരെ അപേക്ഷിക്കാം. യോഗ്യത ഏതെങ്കിലും വിഷയത്തില്‍ ബിരുദം. പ്രായപരിധി 30 വയസ്. വിശദ വിവരങ്ങള്‍ 8137969292 നമ്പരില്‍ ലഭിക്കും.
(പി.ആര്‍.കെ നമ്പര്‍ 3385/2020)

എഴുകോണ്‍ സര്‍ക്കാര്‍ പോളിടെക്‌നിക് കോളജ് തുടര്‍ വിദ്യാഭ്യാസ കേന്ദ്രത്തിന്റെ ആഭിമുഖ്യത്തില്‍ ആരംഭിക്കുന്ന തൊഴിലധിഷ്ഠിത കോഴ്‌സുകളിലേക്ക് ഡിസംബര്‍ 30 വരെ അപേക്ഷിക്കാം. ആട്ടോകാഡ്, അലൂമിനിയം ഫാബ്രിക്കേഷന്‍, മൊബൈല്‍ ഫോണ്‍ ടെക്‌നോളജി, ബ്യൂട്ടിഷന്‍ കോഴ്‌സ്, അഡ്വാസ്ഡ് വെല്‍ഡിംഗ് ടെക്‌നോളജി എന്നിവയാണ് കോഴ്‌സുകള്‍. അപേക്ഷാ ഫോം തുടര്‍ വിദ്യാഭ്യാസ കേന്ദ്രം ഓഫീസില്‍ ലഭിക്കും. വിശദ വിവരങ്ങള്‍ 9496846522 നമ്പരില്‍ ലഭിക്കും.
(പി.ആര്‍.കെ നമ്പര്‍ 3384/2020)
 

പി എസ് സി നടത്തുന്ന പൊതു പ്രാഥമിക പരീക്ഷയ്ക്ക് അപേക്ഷ സമര്‍പ്പിച്ച് കണ്‍ഫര്‍മേഷന്‍ നല്‍കിയിട്ടുള്ള ജില്ലയിലെ ഉദ്യോഗാര്‍ഥികള്‍ക്ക് അവരുടെ ചോദ്യപേപ്പറിന്റെ മാധ്യമം, പരീക്ഷ എഴുതേണ്ടതായ ജില്ല എന്നിവയില്‍ മാറ്റം വരുത്താന്‍ അവസരം. തങ്ങളുടെ യൂസര്‍ ഐ ഡി, മൊബൈല്‍ ഫോണ്‍ നമ്പര്‍, മാറ്റം വരുത്തേണ്ട ചോദ്യ പേപ്പര്‍ മാധ്യമം, മാറ്റം വരുത്തേണ്ട ജില്ല എന്നീ വിവരങ്ങള്‍ ഉള്‍പ്പടെ അപേക്ഷ ഡിസംബര്‍ 21 ന് വൈകിട്ട് അഞ്ചിനകം പി എസ് സി ജില്ലാ ഓഫീസില്‍ സമര്‍പ്പിക്കണം. 21 ന് ശേഷം ലഭിക്കുന്ന അപേക്ഷകള്‍ പരിഗണിക്കില്ലെന്ന് ജില്ലാ ഓഫീസര്‍ അറിയിച്ചു.
(പി.ആര്‍.കെ നമ്പര്‍ 3383/2020)
 

തിരഞ്ഞെടുപ്പ് പ്രവര്‍ത്തനങ്ങളില്‍ സജീവമായി പങ്കെടുത്തവരും രോഗബാധയുണ്ടാകാനുള്ള സാഹചര്യത്തില്‍ ഏര്‍പ്പെട്ടവരും ഇന്നും (ഡിസംബര്‍ 19) നാളെയും (ഡിസംബര്‍ 20) അതാത് കേന്ദ്രങ്ങളില്‍ സ്വമേധയാ സ്രവ പരിശോധനയ്ക്ക് എത്തണമെന്ന്  ഡി എം ഒ ഡോ ആര്‍ ശ്രീലത അറിയിച്ചു. പരിശോധന നടക്കുന്ന തീയതി, പരിശോധനാ കേന്ദ്രം, സമയം എന്ന ക്രമത്തില്‍
ഡിസംബര്‍ 19 (ശനി)
പടിഞ്ഞാറേ കല്ലട പ്രാഥമികാരോഗ്യകേന്ദ്രം - രാവിലെ 9.30
തലച്ചിറ പ്രാഥമികാരോഗ്യകേന്ദ്രം- രാവിലെ 9.30
കെ എസ് പുരം കുടുംബാരോഗ്യകേന്ദ്രം - രാവിലെ 9.30
ശൂരനാട് തെക്ക് പ്രാഥമികാരോഗ്യകേന്ദ്രം - രാവിലെ 11.30

തിരഞ്ഞെടുപ്പില്‍ മത്സരിച്ച സ്ഥാനാര്‍ഥികള്‍, ഏജന്റുമാര്‍, പ്രവര്‍ത്തകര്‍, പോളിങ് ഉദ്യോഗസ്ഥര്‍, പൊലീസ് ഉദ്യോഗസ്ഥര്‍ തുടങ്ങിയവരില്‍ രോഗബാധ ഉണ്ടായിട്ടുണ്ടോ എന്നറിയാന്‍ ആരോഗ്യവകുപ്പ് നടപ്പിലാക്കുന്ന ത്രീ സീറോ പദ്ധതി പ്രവര്‍ത്തനങ്ങള്‍ ജില്ലയില്‍ ശക്തിപ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത.

സെപ്തംബറിൽ നടത്തിയ ഡി.എഡ്/ഡി.എൽ.എഡ് പരീക്ഷകളുടെ ഫലം പ്രഖ്യാപിച്ചു. പുനർ മൂല്യനിർണ്ണയത്തിന് ഡിസംബർ 23 മുതൽ 30 വരെയുള്ള തിയതികളിൽ ഓൺലൈൻ മുഖേന അപേക്ഷിക്കാം. വിശദമായ പരീക്ഷാഫലം   www.keralapareekshabhavan.in  വെബ്‌സൈറ്റിൽ ലഭ്യമാണ്.
പി.എൻ.എക്‌സ്. 4377/2020

* ചികിത്സയിലുള്ളവർ 58,884; അഞ്ച് പുതിയ ഹോട്ട് സ്‌പോട്ടുകൾ
കേരളത്തിൽ വെള്ളിയാഴ്ച 5456 പേർക്ക് കോവിഡ്-19 സ്ഥിരീകരിച്ചതായി ആരോഗ്യ മന്ത്രി കെ.കെ. ശൈലജ ടീച്ചർ അറിയിച്ചു. കോഴിക്കോട് 674, തൃശൂർ 630, എറണാകുളം 578, കോട്ടയം 538, മലപ്പുറം 485, കൊല്ലം 441, പത്തനംതിട്ട 404, പാലക്കാട് 365, ആലപ്പുഴ 324, തിരുവനന്തപുരം 309, കണ്ണൂർ 298, വയനാട് 219, ഇടുക്കി 113, കാസർഗോഡ് 78 എന്നിങ്ങനെയാണ് ജില്ലകളിൽ രോഗബാധ സ്ഥിരീകരിച്ചത്.

ഗുരുവായൂർ ദേവസ്വത്തിലെ ഇലത്താളം പ്ലെയർ, തകിൽ പ്ലെയർ, താളം പ്ലെയർ, ടീച്ചർ-ചെണ്ട, ടീച്ചർ-കൊമ്പ്, ടീച്ചർ-കുറുംകുഴൽ, ടീച്ചർ-തകിൽ എന്നീ തസ്തികകളിലേക്കുള്ള റാങ്ക് പട്ടികകൾ പ്രസിദ്ധീകരിച്ചു. റാങ്ക് പട്ടികകൾ കേരള ദേവസ്വം റിക്രൂട്ട്‌മെന്റ് ബോർഡിന്റെ വെബ്‌സൈറ്റായ www.kdrb.kerala.gov.in ൽ ലഭ്യമാണ്.
പി.എൻ.എക്‌സ്. 4375/2020

ഗുരുവായൂർ ദേവസ്വത്തിലെ എൽ.ഡി ക്ലർക്ക് തസ്തികയിലേക്ക് (കാറ്റഗറി നമ്പർ: 23/2020) അപേക്ഷ സമർപ്പിച്ച ഉദ്യോഗാർഥികൾക്കുള്ള ഒ.എം.ആർ പരീക്ഷ 2021 ജനവരി 10ന് ഉച്ചയ്ക്ക് 1.30 മുതൽ 3.15 വരെ തൃശ്ശൂർ, എറണാകുളം എന്നീ ജില്ലകളിലെ വിവിധ കേന്ദ്രങ്ങളിൽ നടത്തും. ഉദ്യോഗാർഥികൾക്കുള്ള അഡ്മിഷൻ ടിക്കറ്റ് ഡിസംബർ 26 മുതൽ അവരുടെ പ്രൊഫൈലിൽ നിന്ന് ഡൗൺലോഡ് ചെയ്യാം. പരീക്ഷയ്ക്ക് ഹാജരാവുന്ന ഉദ്യോഗാർഥികൾ സംസ്ഥാനത്ത് നിലവിലുള്ള കോവിഡ് മാനദണ്ഡങ്ങൾ പൂർണമായും പാലിച്ച് ഗ്ലൗസ്, ഫേസ് മാസ്‌ക്, സാനിറ്റൈസർ എന്നിവ നിർബന്ധമായും ഉപയോഗിക്കണം.
പി.എൻ.എക്‌സ്. 4374/2020