ആദ്യ ഡിജിറ്റല്‍ സെന്‍സസിന്റെ ഭാഗമായി സ്വന്തമായി വിവരങ്ങള്‍ ഓണ്‍ലൈനായി രേഖപ്പെടുത്താനുള്ള (സെല്‍ഫ് എന്യൂമറേഷന്‍) സൗകര്യം ജൂണ്‍ 16 മുതല്‍ ലഭ്യമാകും. ജൂണ്‍ 30 വരെയാണ് സമയം. ജൂലൈ ഒന്നു മുതല്‍ 31 വരെ സെന്‍സസ് ഉദ്യോഗസ്ഥര്‍ വീടുകളിലെത്തി വിവരങ്ങള്‍ശേഖരിക്കുന്നതിന് മുന്നോടിയായാണ് വ്യക്തികള്‍ക്ക് കുടുംബത്തിലെവിവരങ്ങള്‍ ഓണ്‍ലൈന്‍ പോര്‍ട്ടല്‍ വഴി സമര്‍പ്പിക്കാനുള്ള സംവിധാനം. 15-20 മിനിറ്റിനുള്ളില്‍ പ്രക്രിയ പൂര്‍ത്തിയാക്കാനാകും.

ആറാട്ടുപുഴ ഗ്രാമപഞ്ചായത്തിലെ വിവിധ വാര്‍ഡുകളില്‍ വയറിളക്ക രോഗങ്ങളും ഷിഗെല്ല അണുബാധയും റിപ്പോര്‍ട്ട് ചെയ്തിട്ടുണ്ടെന്നും  കുട്ടികളുടെ സുരക്ഷിതത്വം പരിഗണിച്ച് ആറാട്ടുപുഴ ഗ്രാമപഞ്ചായത്തിലെ അങ്കണവാടികള്‍ക്കും സ്‌കൂളുകള്‍ക്കും ഈ  ബാക്ടീരിയയുടെ വ്യാപനം നിയന്ത്രണ വിധേയമാകും വരെ അവധി നല്‍കണമെന്ന്  ആറാട്ടുപുഴ ഗ്രാമപഞ്ചായത്ത് പ്രസിഡൻ്റും  മുതുകുളം ബ്ലോക്ക് പഞ്ചായത്ത് പ്രസിഡന്റും ആവശ്യപ്പെട്ടിട്ടുള്ളതാണ്. ഈ  സാഹചര്യത്തില്‍ ആറാട്ടുപുഴ ഗ്രാമപഞ്ചായത്തിലെ മുഴുവന്‍ സ്‌കൂളുകളും അങ്കണവാടികളും തുറക്കുന്നത് ജൂണ്‍ ഒന്ന് മുതല്‍ 15  പ്രവൃത്തി ദിവസത്തേയ്ക്ക് നീട്ടിവെച്ചു കൊണ്ട് ജില്ലാ കളക്ടര്‍ ഉത്തരവായി.

പുന്നപ്ര ഡോ.അംബേദ്കർ മെമ്മോറിയൽ ഗവ മോഡൽ റസിഡൻഷ്യൽ സ്കൂളിൽ ഹയർസെക്കൻഡറി ബോട്ടണി, ഇംഗ്ലീഷ്, മലയാളം വിഷയങ്ങളിൽ താൽക്കാലിക അധ്യാപക നിയമനം. ജൂണ്‍ 10 വരെ  അപേക്ഷിക്കാം.

എസ് സി/ എസ് ടി  വിഭാഗക്കാർക്ക് മുൻഗണന.  കുറഞ്ഞ യോഗ്യത:  ബന്ധപ്പെട്ട വിഷയങ്ങളിൽ പിജി , ബി .എഡ് , സെറ്റ്. രേഖകൾ സഹിതം അപേക്ഷ സമർപ്പിക്കേണ്ട വിലാസം- സീനിയർ സൂപ്രണ്ട്, ഡോ.അംബേദ്കർ മെമ്മോറിയൽ ഗവ. മോഡൽ റസിഡൻഷ്യൽ സ്കൂൾ പുന്നപ്ര, വാടക്കൽ പി ഒ  688003 ആലപ്പുഴ . ഫോൺ: 9496232399, 9497727049

ആലപ്പുഴ ഗവ. മുഹമ്മദൻസ് ബോയ്സ് ഹൈസ്കൂളിൽ 2026- 27 അധ്യയന വർഷത്തെ പ്രവേശനോത്സവം സംഘടിപ്പിച്ചു . അധ്യാപകരും പിടിഎ പ്രതിനിധികളും വിദ്യാർഥികളെ  മധുരം നൽകി സ്വീകരിച്ചു. 

ആലപ്പുഴ നഗരസഭ  ആരോഗ്യ സ്ഥിരം സമിതി  ചെയർമാൻ  എ എം നൗഫൽ ഉദ്ഘാടനം നിർവഹിച്ചു.   പിടിഎ പ്രസിഡന്റ്‌  എം സാലിം അധ്യക്ഷത വഹിച്ചു.   നഗരസഭ  സ്ഥിരംസമിതി  അധ്യക്ഷൻ   എസ് ഫൈസൽ, സ്കൂൾ പ്രിൻസിപ്പൽ  സിനി വിഷ്ണു,   ഹെഡ്‌മിസ്ട്രസ്  ജാൻസി ബിയാട്രിസ് ,അധ്യാപകരായ ഗീതകുമാരി, എച്ച്  ഹസീന ,  പിടിഎ വൈസ് പ്രസിഡന്റ്‌  കുഞ്ഞുമോൻ, പൂർവ്വ വിദ്യാർഥി  സംഘടന പ്രസിഡന്റ്‌ ബഷീർ തുടങ്ങിയവർ സംസാരിച്ചു. 

അംബേദ്കർ മെമ്മോറിയൽ ഗവ മോഡൽ റസിഡൻഷ്യൽ സ്കൂളിലെ ഹോസ്റ്റലിലെ അന്തേവാസികളായ വിദ്യാർഥിനികളുടെ  യൂണിഫോം,ബെഡ്ഷീറ്റ്,പില്ലോ കവർ എന്നിവ കഴുകി വൃത്തിയാക്കി ഇസ്തിരിയിട്ടു നൽകുന്നതിന് ഏറ്റവും കുറഞ്ഞ നിരക്കിലുള്ള ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ജൂൺ എട്ട്  ഉച്ചക്ക് രണ്ടു മണി. ഫോൺ. 9446238125, 9497727049. ക്വട്ടേഷൻ അയക്കേണ്ട മേൽവിലാസം - സീനിയർ സൂപ്രണ്ട്, ജി.എം.ആർ.എസ് പുന്നപ്ര, വാടയ്ക്കൽ പി.ഒ , ആലപ്പുഴ 688003.

ആര്യാട് ബ്ലോക്ക് പഞ്ചായത്തിന്റെയും പട്ടികജാതി വികസന വകുപ്പിന്റെയും കീഴിൽ പ്രവർത്തിക്കുന്ന കലവൂർ ഗവ. പ്രീ മെട്രിക് ഹോസ്റ്റലിലേയ്ക്ക് (ഗേൾസ്) വനിതാ ട്യൂഷൻ അധ്യാപകരെ തെരഞ്ഞെടുക്കുന്നു.

2026-27 അധ്യയന വർഷത്തിൽ അഞ്ച് മുതൽ 10 വരെ ക്ലാസ്സുകളിൽ പഠിക്കുന്ന വിദ്യാർഥിനികൾക്ക് ട്യൂഷൻ  എടുക്കുന്നതിനായിട്ടാണ്  നിയമനം.

ഹൈസ്കൂൾ വിഭാഗത്തിലേയ്ക്ക് കണക്ക്, ഫിസിക്കൽ സയൻസ്, നാച്ചുറൽ സയൻസ്, ഇംഗ്ലീഷ്, സോഷ്യൽ സയൻസ്, ഹിന്ദി, എന്നീ വിഷയങ്ങളിൽ ബിരുദവും, ബി.എഡും ഉള്ളവർക്കും, യു.പി വിഭാഗത്തിലേയ്ക്ക് പ്ലസ് ടു വും, റ്റി.റ്റി.സി യും ഉള്ളവർക്കും അപേക്ഷിക്കാം. 

ആലപ്പുഴ എപ്ലോയബിലിറ്റി സെന്റർ മുഖേന തിരുവല്ലയില്‍ പ്രവര്‍ത്തിക്കുന്ന സ്വകാര്യ സ്ഥാപനങ്ങളിലേക്ക് നിയമനം നടത്തുന്നു. അഭിമുഖം ജൂൺ നാലിന്  രാവിലെ 10 ന് തിരുവല്ല ടൗൺ എംപ്ലോയ്മെന്‍റ് എക്സ്ചേഞ്ചില്‍ നടക്കും. വിദ്യാഭ്യാസ യോഗ്യത:  പ്ലസ് ടു, ബിരുദം, ഐ റ്റി ഐ / ഡിപ്ലോമ/ബി.ടെക് (ഇലക്ട്രോണിക്സ്/ഇലക്ട്രിക്കല്‍).  നിശ്ചിത യോഗ്യതയുള്ള എംപ്ലോയബിലിറ്റി സെന്ററില്‍ രജിസ്റ്റർ ചെയ്തതും അല്ലാത്തതുമായ  18 നും 40 നും ഇടയില്‍ പ്രായമുള്ള ഉദ്യോഗാർഥികൾക്ക് പങ്കെടുക്കാം. സ്പോട്ട് രജിസ്ട്രേഷന്‍ ഉണ്ടാകും. ഫോൺ   : 0477-2230624, 8304057735,  04692600843

ഭാരതീയ തപാൽ വകുപ്പിന്റെ ആലപ്പുഴ ഡിവിഷന് കീഴിൽ പോസ്റ്റൽ ലൈഫ് ഇൻഷുറൻസ്,  റൂറൽ പോസ്റ്റൽ ലൈഫ് ഇൻഷുറൻസ് എന്നിവയിലേക്ക് ഡയറക്റ്റ് ഏജന്റുമാരെയും ഫീൽഡ് ഓഫീസർമാരെയും തെരഞ്ഞെടുക്കുന്നു. ആലപ്പുഴ പോസ്റ്റൽ ഡിവിഷന്റെ പരിധിയിൽ വരുന്ന ചേർത്തല, അമ്പലപ്പുഴ, കുട്ടനാട് താലൂക്കുകളിൽ നിന്നുള്ളവർക്കാണ് അവസരം.  ഇതിനായി  ജൂൺ 15-ന് വാക്-ഇൻ-ഇന്റർവ്യൂ നടക്കും.  അന്നേ ദിവസം രാവിലെ 10 മണി മുതൽ ഉച്ചയ്ക്ക് 12 മണി വരെ ആലപ്പുഴ ഹെഡ് പോസ്റ്റ് ഓഫീസിലാണ് അഭിമുഖം നടക്കുക.

ജില്ലാതല സ്കൂൾ പ്രവേശനോത്സവം ചാരമംഗലം ഗവ. ഡി.വി.എച്ച്.എസ്.എസിൽ നടന്നു. പി. പ്രസാദ് എം.എൽ.എ. ചടങ്ങ് ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ അധ്യക്ഷത വഹിച്ചു.

ജില്ലാ പഞ്ചായത്ത് സ്ഥിരം സമിതി അധ്യക്ഷൻ എസ്. രാധാകൃഷ്ണൻ, കഞ്ഞിക്കുഴി ഗ്രാമപഞ്ചായത്ത് പ്രസിഡന്റ് അഡ്വ. എം. സന്തോഷ് കുമാർ, ജില്ലാ പഞ്ചായത്ത് അംഗം വിജയശ്രീ സുനിൽ , കഞ്ഞിക്കുഴി ഗ്രാമപഞ്ചായത്ത് അംഗങ്ങളായ വി. സോയ, സജിത ബൈജു, ചേർത്തല എ.ഇ.ഒ. എൽ. ജയലക്ഷ്മി, ചേർത്തല ബി.പി.സി. ടി.ഒ. സൽമോൻ, പ്രിൻസിപ്പൽ കെ. രശ്മി, സീനിയർ അധ്യാപിക നിഷ, ഡൊമനിക് സെബാസ്റ്റ്യൻ, കെ.ആർ. ബ്രിജിത്ത്, ടി.സി. സെബാസ്റ്റ്യൻ തുടങ്ങിയവർ സംസാരിച്ചു.

ഹരിപ്പാട് ഉപജില്ലാതല സ്കൂൾ പ്രവേശന ഉത്സവം കാർത്തികപ്പള്ളി ഗവ. യു.പി. സ്കൂളിൽ ആഭ്യന്തരവകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്തു. 

2025-26 അധ്യയന വർഷത്തെ ഏറ്റവും മികച്ച വിദ്യാർത്ഥിയായിരുന്ന എസ്. പാർത്ഥസാരഥിയെ ചടങ്ങിൽ മന്ത്രി അനുമോദിച്ചു.