വിജ്ഞാന കേരളം പദ്ധതിയുടെ ഭാഗമായി കണ്ണൂർ ജില്ലയിൽ സംഘടിപ്പിക്കുന്ന മൂന്നാമത്തെ  മിനി  ജോബ് ഫെയർ സെപ്റ്റംബർ എട്ടിന്  കണ്ണൂർ പള്ളിക്കുന്ന് കൃഷ്ണമേനോൻ സ്മാരക ഗവ. വനിത കോളജിൽ  രാവിലെ ഒൻപത് മണി മുതൽ നടക്കും.  മിനി  ജോബ് ഫെയർ  ഉദ്ഘാടനം  രാവിലെ 10 മണിക്ക് രജിസ്ട്രേഷൻ, പുരാവസ്തു, മ്യൂസിയം വകുപ്പ് മന്ത്രി  രാമചന്ദ്രൻ കടന്നപ്പള്ളി നിർവ്വഹിക്കും. കെ. വി. സുമേഷ് എം.എൽ.എ അധ്യക്ഷത വഹിക്കും. മേയർ മുസ്ലിഹ് മഠത്തിൽ, ജില്ലാപഞ്ചായത്ത് പ്രസിഡൻ്റ് അഡ്വ. കെ.കെ. രത്നകുമാരി തുടങ്ങിയവർ പങ്കെടുക്കും.

ശ്രീനാരായണഗുരു ഓപ്പൺ യൂണിവേഴ്സിറ്റിയുടെ വിവിധ പരീക്ഷകളുടെ മൂല്യനിർണയത്തിനായി കാസർഗോഡ്, കണ്ണൂർ, കോഴിക്കോട്, മലപ്പുറം, പാലക്കാട്, തൃശൂർ, എറണാകുളം, കോട്ടയം, ആലപ്പുഴ, കൊല്ലം, തിരുവനന്തപുരം ജില്ലകളിലെ കേന്ദ്രീകൃത മൂല്യനിർണയ ക്യാമ്പുകളിലേക്ക് ഡാറ്റാ എൻട്രി ഓപ്പറേറ്റർ (ഡി.ഇ.ഒ), മൾട്ടി ടാസ്കിങ് സ്റ്റാഫ് (എം.ടി.സ്) എന്നിവരെ താൽക്കാലിക ദിവസ വേതനാടിസ്ഥാനത്തിൽ ആവശ്യമുണ്ട്. വിദ്യാഭ്യാസ യോഗ്യത ചുവടെ ചേർക്കുന്നു.
ഡാറ്റാ എൻട്രി ഓപ്പറേറ്റർ (ഡി.ഇ.ഒ) : പ്ലസ് ടു, കമ്പ്യൂട്ടർ പരിജ്ഞാനം. (വിജ്ഞാപന തീയതിയിൽ പ്രായപരിധി 60 വയസ്സ് )

കലക്ടറേറ്റ് പരിസരത്ത് ഹൈടെൻഷൻ ലൈനിൽ ചാഞ്ഞു നിൽക്കുന്ന മരച്ചില്ലകൾ മുറിച്ചു മാറ്റുന്നതിന്റെ ഭാഗമായി സെപ്റ്റംബർ ഏഴ് ഞായറാഴ്ച രാവിലെ ഒൻപത് മണി മുതൽ വൈകീട്ട് അഞ്ച് മണി വരെ കാൽടെക്സ് ജംഗ്ഷൻ, കലക്ടറേറ്റ്, ക്യാപ്പിറ്റൽ മാൾ, ടി കെ ജംഗ്ഷൻ, എ കെ ജി നേത്രാലയ, താവക്കര റോഡ്, കെ എസ് ആർ ടി സി സ്റ്റാൻഡ്, കണ്ണൂർ യൂണിവേഴ്സിറ്റി റോഡ്, ടൗൺ പോലീസ് സ്റ്റേഷൻ, ആശീർവാദ് ഹോസ്പിറ്റൽ, വേർ ഹൗസ്, കാൽടെക്സ്- താണ റോഡ്, കാൽടെക്സ് - താവക്കര റോഡ്  എന്നീ ഭാഗങ്ങളിൽ വൈദ്യുതി മുടങ്ങും.

കൂത്തുപറമ്പ് ഗവ ഐ.ടി.ഐ യിൽ ഡ്രാഫ്റ്റ്‌മാൻ സിവിൽ ട്രേഡിൽ ജൂനിയർ ഇൻസ്ട്രക്ടർ തസ്തികയിലെ ഒരു ഒഴിവിലേക്ക് ഗസ്റ്റ് ഇൻസ്ട്രക്ടറെ നിയമിക്കുന്നതിനുള്ള അഭിമുഖം സെപ്റ്റംബർ ഒൻപതിന് രാവിലെ 11 മണിക്ക് ഐ.ടി.ഐ യിൽ നടത്തുന്നു. യോഗ്യത: സിവിൽ എഞ്ചിനീയറിംഗിൽ ബിരുദവും/ബിരുദാനന്തര ബിരുദവും ഒരു വർഷത്തെ പ്രവൃത്തി പരിചയവും, അല്ലെങ്കിൽ സിവിൽ എഞ്ചിനീയറിംഗിൽ ഡിപ്ലോമയും രണ്ടു വർഷത്തെ പ്രവൃത്തി പരിചയവും, അല്ലെങ്കിൽ പ്രസ്തുത ട്രേഡിൽ എൻ.ടി.സി യും മൂന്ന് വർഷത്തെ പ്രവൃത്തി പരിചയവും അല്ലെങ്കിൽ പ്രസ്തുത ട്രേഡിൽ എൻ. എ. സിയും ഒരു വർഷത്തെ പ്രവൃത്തി പരിചയവും.

കണ്ണൂരുകാർക്ക് സന്തോഷ പൊന്നോണ രാവുകൾ സമ്മാനിച്ച് സംസ്ഥാന ടൂറിസം വകുപ്പും ജില്ലാ ടൂറിസം പ്രൊമോഷൻ കൗൺസിലും ചേർന്ന സംഘടിപ്പിക്കുന്ന ഓണാഘോഷം. കണ്ണൂർ ടൗൺ സ്‌ക്വയറിൽ  ഔദ്യോഗിക ഉദ്ഘാടനം രജിസ്ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി നിർവഹിച്ചു. കണ്ണൂർ കോർപറേഷൻ മേയർ മുസ്ലിഹ് മഠത്തിൽ അധ്യക്ഷത വഹിച്ചു. പ്രശസ്ത സിനിമാ താരം പി പി കുഞ്ഞി കൃഷ്ണൻ, ബാലതാരവും ഫ്ലവേഴ്സ് ടോപ് സിംഗർ ഫെയിമുമായ റാനിയ റഫീക്ക് എന്നിവർ വിശിഷ്ടാതിഥികളായി.

കല്ല്യാശ്ശേരി നിയോജക മണ്ഡലം ഔഷധ ഗ്രാമം പദ്ധതിയുടെ ഭാഗമായുള്ള മൂന്നാംഘട്ട കുറുന്തോട്ടി കൃഷിയുടെ നടീൽ ഉദ്ഘാടനം കുഞ്ഞിമംഗലം താമരം കുളങ്ങര കൈതപ്രത്ത് തറവാട് ക്ഷേത്രത്തിന് സമീപം  എം വിജിൻ എം എൽ എ നിർവഹിച്ചു കുഞ്ഞിമംഗലം  പഞ്ചായത്ത്  പ്രസിഡന്റ്  എ പ്രാർത്ഥന അധ്യക്ഷത വഹിച്ചു കല്യാശ്ശേരി ബ്ലോക്ക് കൃഷി അസിസ്റ്റന്റ് ഡയറക്ടർ കെ സതീഷ് കുമാർ പദ്ധതി വിശദീകരിച്ചു മേലേടത്ത് രഘൂത്തമൻ പാട്ടത്തിന്റെടുത്ത 75 സെന്റ് സ്ഥലത്താണ് കൃഷി ഒരുക്കുന്നത്.

സംസ്ഥാന ടൂറിസം വകുപ്പും ജില്ലാ ടൂറിസം പ്രൊമോഷൻ കൗൺസിലും ചേർന്ന് സംഘടിപ്പിക്കുന്ന ഓണാഘോഷ പരിപാടികളുടെ ഭാഗമായുള്ള കലാപരിപാടികൾക്ക് കണ്ണൂർ ടൗൺ സ്‌ക്വയറിൽ തുടക്കമായി. പഴയകാല ഗാനങ്ങൾ കോർത്തിണക്കി കലാഭവൻ ദിൽന അവതരിപ്പിച്ച സ്മൃതിതൻ ചിറകിലേറി, ചെമ്പൈ സംഗീത ഭവൻ കണ്ണൂരിന്റെ നേതൃത്വത്തിൽ കാഞ്ഞങ്ങാട് പുഷ്പ പ്രഭാകർ അവതരിപ്പിച്ച സംഗീത കച്ചേരി, മൈത്രി ആർട്സ് ആൻഡ് സ്പോർട്സ് ക്ലബ് പയ്യന്നൂർ അവതരിപ്പിച്ച ചരടുകുത്തി കോൽക്കളി, പാലാപ്പള്ളി തിരുപ്പള്ളി ഫെയിം അതുൽ നറുകര നയിച്ച ഫോക്ക് സന്ധ്യ എന്നിവ ബുധനാഴ്ച അരങ്ങേറി.

കേരള സംസ്ഥാന സഹകരണ ജീവനക്കാരുടെ പെന്‍ഷന്‍ ബോര്‍ഡ് മുഖേന പെന്‍ഷന്‍ വാങ്ങുന്ന പ്രാഥമിക സഹകരണ സംഘം, കേരള ബാങ്ക്, സഹകരണേതര വകുപ്പുകളിലെ സഹകരണ സംഘങ്ങളില്‍ നിന്നും വിരമിച്ച പെന്‍ഷന്‍കാര്‍, കുടുംബ പെന്‍ഷന്‍ വാങ്ങുന്നവര്‍, ആശ്വാസ്-സമാശ്വാസ് പദ്ധതി പ്രകാരം പെന്‍ഷന്‍ വാങ്ങുന്നവര്‍, കയര്‍ സ്‌പെഷ്യല്‍ സ്‌കീം പ്രകാരം പെന്‍ഷന്‍ വാങ്ങുന്നവര്‍ എന്നിങ്ങനെ 2025 ജനുവരി മാസത്തിന് മുന്‍പ് പെന്‍ഷന്‍ ലഭിച്ചു തുടങ്ങിയവര്‍ അക്ഷയ കേന്ദ്രം വഴി ബയോമെട്രിക് രീതിയില്‍ ഒക്ടോബര്‍ 31 നകം മസ്റ്ററിങ് നടത്തണമെന്ന് പെന്‍ഷന്‍ ബോര്‍ഡ് അഡീഷണല്‍ രജിസ്ട്രാര്‍/സെക്രട്ടറി അറിയിച്ചു.

കല്യാശ്ശേരി മണ്ഡലം ഔഷധ ഗ്രാമം മൂന്നാം ഘട്ട പദ്ധതിയുടെ നടീല്‍ ഉദ്ഘാടനം സെപ്റ്റംബര്‍ നാലിന് രാവിലെ ഒമ്പത് മണിക്ക് കുഞ്ഞിമംഗലം പഞ്ചായത്തിലെ  താമരംകുളങ്ങര - കൈപ്രത്ത് തറവാട് ക്ഷേത്രത്തിന് സമീപം എം വിജിന്‍ എം എല്‍ എ നിര്‍വ്വഹിക്കും. 2023 മെയ് മാസത്തില്‍   മണ്ഡലത്തിലെ മൂന്ന് പഞ്ചായത്തുകളിലായി 25 ഏക്കറിയില്‍ ആരംഭിച്ച ഔഷധ ഗ്രാമം പദ്ധതി രണ്ടാംഘട്ടത്തില്‍ 100 ഏക്കറില്‍ നൂറ് മേനി വിളവാണ് ലഭിച്ചത്. 100 ഏക്കറില്‍ നിന്നും 18.5 ടണ്‍ കുറുന്തോട്ടിയും 30.5 കിലോ വിത്തും കഴിഞ്ഞ വര്‍ഷം സംഭരിച്ചു. ഇതിലൂടെ സംസ്ഥാനത്ത് ലഭിച്ച കൂടിയ വിളവെടുപ്പാണ് മണ്ഡലം കൈവരിച്ചത്.

സെപ്റ്റംബർ രണ്ടിന് പ്രസിദ്ധീകരിച്ച സംസ്ഥാനത്തെ തദ്ദേശസ്ഥാപനങ്ങളുടെ വോട്ടർപട്ടികയിൽ ആകെ 2,83,12,472 വോട്ടർമാർ. തദ്ദേശസ്ഥാപനങ്ങളിലെ വാർഡ് പുനർവിഭജനത്തിന് ശേഷം പുതിയ വാർഡുകളിലെ പോളിംഗ് സ്റ്റേഷനടിസ്ഥാനത്തിലാണ് പുതുക്കിയ അന്തിമവോട്ടർപട്ടിക തയ്യാറാക്കിയിട്ടുള്ളത്.
1,33,52,951 പുരുഷൻമാരും 1,49,59,245 സ്ത്രീകളും 276 ട്രാൻസ്ജെൻഡേഴ്‌സുമാണ് പട്ടികയിൽ ഉള്ളത്. 2025 ജനുവരി ഒന്നിനോ  അതിന് മുൻപോ 18 വയസ്സ് പൂർത്തിയായവരെ ഉൾപ്പെടുത്തിയാണ് പട്ടിക തയ്യാറാക്കിയത്. ഇതിനു പുറമെ, പ്രവാസി വോട്ടർപട്ടികയിൽ ആകെ 2087 പേരുണ്ട്.