പെൻഷനോ രണ്ടാം ലോക മഹായുദ്ധ സേനാനികൾക്കുള്ള പ്രതിമാസ സാമ്പത്തിക സഹായമോ (എം.എഫ്.എ) ലഭിക്കാത്ത, സാമ്പത്തികമായി ബുദ്ധിമുട്ട് അനുഭവിക്കുന്ന വിമുക്തഭടന്മാർക്കും അവരുടെ വിധവകൾക്കും ജില്ലാ സൈനികക്ഷേമ ഓഫീസ് മുഖേനയുള്ള ഒറ്റത്തവണ വാർഷിക സാമ്പത്തിക സഹായത്തിന് അപേക്ഷിക്കാം. അർഹരായവർ ഡിസ്ചാർജ് ബുക്ക്, വിമുക്തഭട തിരിച്ചറിയൽ കാർഡ്, ബാങ്ക് പാസ്ബുക്ക് എന്നിവയുടെ പകർപ്പ്, വില്ലേജ് ഓഫീസിൽ നിന്നുള്ള വരുമാന സർട്ടിഫിക്കറ്റ് എന്നിവ സഹിതം ഒക്ടോബർ 15 നുള്ളിൽ അപേക്ഷിക്കണം. ഫോൺ: 0481-2371187

കേരള ഖാദി ഗ്രാമ വ്യവസായ ബോർഡിന്റെ ഓണം മേളയോടനുബന്ധിച്ചുള്ള നാലാമത് ജില്ലാതല കൂപ്പൺ നറുക്കെടുപ്പ് ആലപ്പുഴ സർവോദയ സംഘിന്റെ കോട്ടയം ഷോറൂമിൽ വെച്ച് നടന്നു. 3000 രൂപയുടെ ഗിഫ്റ്റ് വൗച്ചറിന് നിതിൻ മാത്യു അർഹനായി. (കൂപ്പൺ നമ്പർ- 393200).കാനറാ ബാങ്ക് സീനിയർ മാനേജർ അതുല്യ ഹരിദാസ് നറുക്കെടുപ്പ് നിർവഹിച്ചു. ചടങ്ങിൽ ജില്ലാ ഖാദി ഗ്രാമ വ്യവസായ ഓഫീസ് പ്രോജക്ട് ഓഫീസർ ജെസി ജോൺ, ഷോറും മാനേജർ അനിത്  എന്നിവർ പങ്കെടുത്തു. സെപ്റ്റംബർ നാലുവരെയാണ് മേള. ഓണം മേളയോടനുബന്ധിച്ച് ഖാദി തുണിത്തരങ്ങൾക്ക് 30 ശതമാനം വരെ റിബേറ്റ് ലഭിക്കും.

ഈ വർഷത്തെ ഉത്രാടക്കിഴി സമർപ്പണം ഇന്നു (സെപ്റ്റംബർ 4)രാവിലെ 11ന് സഹകരണ-തുറമുഖ-ദേവസ്വം വകുപ്പുമന്ത്രി വി.എൻ വാസവൻ കോട്ടയം വയസ്‌കര രാജ്ഭവൻ കോവിലകത്തെ എൻ.കെ സൗമ്യവതി തമ്പുരാട്ടിക്ക് കൈമാറും. തിരുവഞ്ചൂർ രാധാകൃഷ്ണൻ എം.എൽ.എ. ചടങ്ങിൽ പങ്കെടുക്കും.

വൈക്കം താലൂക്ക് ആസ്ഥാന ആശുപത്രി ജനനി സുരക്ഷ മാതൃയാനം പദ്ധതിയിലുൾപ്പെടുത്തി 2025 സെപ്റ്റംബർ 16  മുതൽ 2026 മാർച്ച് 31 വരെ പ്രസവ ശുശ്രുഷയ്ക്ക് വിധേയരാകുന്ന അമ്മയേയും കുഞ്ഞിനേയും വീട്ടിൽ എത്തിക്കുന്നതിനു വേണ്ടി അഞ്ച് സീറ്റുള്ള ടാക്‌സി വാഹനം ഡ്രൈവർ ഉൾപ്പെടെ വാടകയ്ക്ക് വിട്ടു കൊടുക്കുവാൻ താൽപര്യമുളള ടാക്‌സി ഡ്രൈവർമാരിൽ നിന്നോ ടാക്‌സി ഡ്രൈവർമാരുടെ സംഘടനയിൽ നിന്നോ ദർഘാസ് ക്ഷണിച്ചു. സെപ്റ്റംബർ 15 ഉച്ചയ്ക്ക് 12 മണി വരെ ദർഘാസ് സ്വീകരിക്കും. അന്നേ ദിവസം ഉച്ചക്കഴിഞ്ഞ്  രണ്ട് മണിയ്ക്ക്  ദർഘാസ് തുറക്കും.  വിശദവിവരത്തിന് ഫോൺ: 04829216361.

മാവേലിക്കര ഐ.എച്ച്.ആർ.ഡിയുടെ കോളജ് ഓഫ് അപ്ലൈഡ് സയൻസിൽ ഒഴിവുള്ള ബിരുദ/ബിരുദാന്തര കോഴ്‌സുകളിൽ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ബി.എസ്.സി. കംപ്യൂട്ടർ സയൻസ്, ബി.എസ്.സി. ഇലക്ട്രോണിക്‌സ്,  ബി.കോം, ബി.ഐ.എസ്, ബി.കോം ഫിനാൻസ്, ബി.കോം ടാക്‌സേഷൻ,  എം.എസ്.സി കംപ്യൂട്ടർ സയൻസ്, എം.എസ്.സി. ഇലക്ട്രോണിക്‌സ്, എം.കോം ഫിനാൻസ്  എന്നീ കോഴ്‌സുകളിലേക്കാണ് പ്രവേശനം. താൽപര്യമുള്ളവർ കോജ്ജ് ഓഫീസുമായി ബന്ധപ്പെടണം. വിശദവിവരത്തിന് ഫോൺ: 8547005046, 04792304494.

 മാവേലിക്കര ഐ.എച്ച്.ആർ.ഡിയുടെ കീഴിലുള്ള കോളജ് ഓഫ് അപ്ലൈഡ് സയൻസിൽ മൂന്ന് മാസത്തെ ഇന്റേൺഷിപ്പിന് അപേക്ഷ ക്ഷണിച്ചു. സെയിൽസ് മാർക്കറ്റിംഗ്, അക്കൗണ്ടിംഗ് ഇലക്ട്രോണിക്‌സ്, കമ്പ്യൂട്ടർ സയൻസ്, ലൈബ്രറി സയൻസ് എന്നീ വിഷയങ്ങൾക്കാണ് ഇന്റേൺഷിപ്പ് നൽകുന്നത്. അതത് വിഷയങ്ങളിൽ ബിരുദ കോഴ്‌സ് ചെയ്തു കൊണ്ടിരിക്കുന്നവർക്കോ ബിരുദ കോഴ്‌സ് കഴിഞ്ഞവർക്കോ ഇന്റേൺഷിപ്പ്  ചെയ്യാം. താല്പര്യമുള്ളവർ സർട്ടിഫിക്കറ്റുകളുമായി കോളജിൽ നേരിട്ട് ഹാജരാകണം. ഫോൺ: 04792304494, 8547005046.

പൊതുവിദ്യാഭ്യാസ വകപ്പിന് കീഴിലെ സ്‌കോൾ - കേരള മുഖാന്തിരം തെരഞ്ഞെടുക്കപ്പെട്ട സർക്കാർ/എയ്ഡഡ് ഹയർസെക്കൻഡറി, വൊക്കേഷണൽ ഹയർസെക്കൻഡറി, ഹയർസെക്കൻഡറി സ്‌കൂളുകളിൽ സംഘടിപ്പിക്കുന്ന ഡി.സി.എ കോഴ്‌സിലേക്കുള്ള  പ്രവേശന തീയതി  നീട്ടി. പിഴയില്ലാതെ സെപ്റ്റംബർ 10വരെയും 60/- രൂപ പിഴയോടുകൂടി സെപ്റ്റംബർ 17 വരെയും പ്രവേശനം നേടാം. എട്ട് , ഒൻപത്, പത്ത് ബാച്ചുകളിൽ പ്രവേശനം നേടിയിട്ടുള്ള, പരീക്ഷാ ഫീസ് ഒടുക്കിയിട്ടില്ലാത്തും പഠനം പൂർത്തിയാക്കാത്തതുമായ വിദ്യാർത്ഥികൾക്കും പതിനാന്നാം ബാച്ചിൽ പുനഃപ്രവേശനം നേടാം. പുനഃപ്രവേശന ഫീസ് 500/- രൂപ.

ഏറ്റുമാനൂർ ഗവൺമെന്റ് ഹയർ സെക്കൻഡറി സ്‌കൂളിൽ സ്റ്റാർസ് പദ്ധതിയിൽ ഉൾപ്പെടുത്തി അനുവദിച്ച ഇലക്ട്രിക് വെഹിക്കിൾ സർവീസ്  ടെക്‌നീഷ്യൻ കോഴ്‌സിലേക്ക് ആവശ്യമായ സാധനങ്ങൾ  വാങ്ങാൻ ടെൻഡർ ക്ഷണിച്ചു. ടെൻഡറുകൾ സ്വീകരിക്കുന്ന അവസാന തീയതി സെപ്റ്റംബർ 19 രാവിലെ 10ന്. അന്നേദിവസം ഉച്ചകഴിഞ്ഞ് രണ്ടിന് തുറക്കും. ഫോൺ: 9446304104, 9447587595, 9544821475

 ജില്ലയിലെ സർക്കാർ ആയുർവേദ ആശുപത്രികളിൽ 2025- 26 വാർഷിക പദ്ധതികളുടെ നടത്തിപ്പിനായി താൽക്കാലിക തെറാപ്പിസ്റ്റുമാരെ നിയമിക്കുന്നതിന് വയസ്‌കരക്കുന്നു ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസിൽ വെച്ച് സെപ്റ്റംബർ 18 ന്് അഭിമുഖം നടത്തുന്നു. യോഗ്യത എസ്.എസ്.എൽ.സി, ഡയറക്ടർ ഓഫ് ആയുർവേദ മെഡിക്കൽ എഡ്യൂക്കേഷൻ അംഗീകാരമുള്ള തെറാപ്പിസ്റ്റ് സർട്ടിഫിക്കറ്റ്. 11 ഒഴിവുകളുണ്ട്. വിശദവിവരത്തിന് ഫോൺ: 0481-2568118 

വനിതാ ശിശു വികസന വകുപ്പ് മിഷൻ വാത്സല്യ പദ്ധതിയുടെ ഭാഗമായി ചിൽഡ്രൻസ് ഹോമിൽ കൗൺസലർ തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു.