ലോക സാക്ഷരതാദിനാചരണത്തിൻ്റെ ഭാഗമായി സാക്ഷരതാമിഷന്റെ നേതൃത്വത്തിൽ അക്ഷരസംഗമം നടത്തി. പാണാവള്ളി അരയൻകാവിൽ നടന്ന അക്ഷര സംഗമം തൈക്കാട്ടുശേരി ബ്ലോക്ക് പഞ്ചായത്ത് പ്രസിഡൻ്റ് വി ആർ രജിത ടീച്ചർ ഉദ്ഘാടനം ചെയ്തു. പാണാവള്ളി ഗ്രാമപഞ്ചായത്ത് വൈസ് പ്രസിഡൻ്റ് കെ.ഇ കുഞ്ഞുമോൻ അധ്യക്ഷനായി. സാക്ഷരതാമിഷൻ ജില്ലാ പ്രോജക്ട് കോർഡിനേറ്റർ കെ.വി രതീഷ്, അസിസ്റ്റൻ്റ് പ്രോജക്ട് കോർഡിനേറ്റർ എസ് ലേഖ, ഗ്രാമ പഞ്ചായത്ത് അംഗങ്ങളായ ധന്യ സന്തോഷ്, ശാലിനി സമീഷ്, സാക്ഷരത പ്രേരക്മാരായ കെ.കെ രമണി, സണ്ണി ജോൺ തുടങ്ങിയവർ സംസാരിച്ചു.

സംസ്ഥാനസർക്കാരിന്റെ ഒരാഴ്ച നീണ്ട ഓണം വാരാഘോഷത്തിന്റെ സമാപനം കുറിച്ചു നടക്കുന്ന ഘോഷയാത്രയിൽ പങ്കെടുക്കുന്നവരും കാണികളും ഹരിത ചട്ടം പാലിക്കണമെന്ന് ഓണം വാരാഘോഷവുമായി ബന്ധപ്പെട്ട ഗ്രീൻ പ്രോട്ടോക്കോൾ കമ്മിറ്റി അഭ്യർഥിച്ചു.

വയനാട് (മാനന്തവാടി) സർക്കാർ നഴ്സിംഗ് കോളേജ് ട്യൂട്ടർ/ബോണ്ടഡ് ലക്ചറർ തസ്തികകളിൽ നിലവിലുള്ള ഒഴിവിലേക്ക് പ്രതിമാസം 25000 രൂപ ഏകീകൃത ശമ്പളത്തിൽ 2025-26 അധ്യയന വർഷത്തേക്ക് താല്കാലിക നിയമനത്തിന് സെപ്റ്റംബർ 18 ന് അഭിമുഖം നടക്കും. എം.എസ്.സി നഴ്സിംഗ് യോഗ്യതയും കെ.എൻ.എം.സി രജിസ്ട്രേഷനും ഉള്ള ഉദ്യോഗാർത്ഥികൾക്ക് അഭിമുഖത്തിൽ പങ്കെടുക്കാം.

ന്യൂനപക്ഷ ക്ഷേമ ഡയറക്ടറേറ്റിൽ സ്‌കോളർഷിപ് വിതരണവുമായി ബന്ധപ്പെട്ട് കമ്പ്യൂട്ടർ ഓപ്പറേറ്റർ തസ്തികയിൽ ദിവസവേതനാടിസ്ഥാനത്തിൽ താത്ക്കാലികമായി നിയമിക്കുന്നതിനുള്ള വാക്ക്-ഇൻ ഇന്റർവ്യൂ നടത്തും.

വാമനപുരം ഐസിഡിഎസ് പ്രോജക്ടിൽ ഉൾപ്പെട്ട പുല്ലമ്പാറ പഞ്ചായത്തിലെ ചെമ്മണ്ണംകുന്ന് അങ്കണവാടിയിൽ അങ്കണവാടി  കം ക്രഷ് പദ്ധതിയുമായി ബന്ധപ്പെട്ട് ക്രഷ് വർക്കറെയും ക്രഷ് ഹെൽപറെയും തിരഞ്ഞെടുക്കുന്നു. പ്ലസ്ടു അല്ലെങ്കിൽ പത്താം ക്ലാസും ഇസിസിഇ മേഖലയിലെ പ്രവൃത്തി പരിചയവും ഉള്ളവർക്ക് ക്രഷ് വർക്കർ ഒഴിവിൽ അപേക്ഷിക്കാം. ക്രഷ് ഹെൽപർക്ക് പത്താം ക്ലാസ് അല്ലെങ്കിൽ ഏഴാം ക്ലാസും ഇസിസിഇ മേഖലയിലെ പ്രവൃത്തിപരിചവും വേണം.

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ് പ്രിന്റിംഗ് ആൻഡ് ട്രെയിനിംഗും സംയുക്തമായി തിരുവനന്തപുരത്തുള്ള ട്രെയിനിംഗ് ഡിവിഷനിൽ ആരംഭിച്ച കേരള ഗവണ്മെന്റ് അംഗീകാരമുള്ള ഒരു വർഷ സർട്ടിഫിക്കറ്റ് ഇൻ ഓഫ്‌സെറ്റ് പ്രിന്റിംഗ് ടെക്‌നോളജി കോഴ്‌സിലെ ഒഴിവുള്ള സീറ്റുകളിലേയ്ക്ക് പ്രവേശനം ആരംഭിച്ചു. അപേക്ഷകർക്ക് പ്ലസ്ടു/വി.എച്ച്.എസ്.ഇ/ഡിപ്ലോമ അഥവാ തത്തുല്യ യോഗ്യതയുണ്ടായിരിക്കണം.

തിരുവനന്തപുരം വട്ടിയൂർക്കാവ് സെൻട്രൽ പോളിടെക്നിക് കോളേജിൽ അസിസ്റ്റന്റ് പ്രൊഫസർ (കെമിസ്ട്രി) തസ്തികയിലേക്കുള്ള അഭിമുഖം സെപ്റ്റബർ 9 രാവിലെ 10 ന് കോളേജിൽ നടക്കും. ഒരൊഴിവാണുള്ളത്. 55 ശതമാനം മാർക്കിൽ കുറയാതെ എംഎസ്‌സി കെമിസ്ട്രിയാണ് യോഗ്യത. നെറ്റ്/ പിഎച്ച്ഡി ഉള്ളവർക്ക് മുൻഗണന ലഭിക്കും. നിശ്ചിത യോഗ്യതയുള്ളവർ അസൽ സർട്ടിഫിക്കറ്റ് സഹിതം കോളേജിൽ നേരിട്ട് ഹാജരാകണം.

തിരുവനന്തപുരം സർക്കാർ മെഡിക്കൽ കോളേജിൽ പ്ലാസ്റ്റിക് സർജറി വിഭാഗത്തിനു കീഴിൽ പ്രവർത്തിക്കുന്ന ബേൺസ് യൂണിറ്റിലെ NPPMBI യൂണിറ്റിലെ പ്രോജക്ടിലേക്ക് ഒ.ടി ടെക്നീഷ്യൻ തസ്തികയിലേയ്ക്ക് കരാർ അടിസ്ഥാനത്തിൽ നിയമനം നടത്തുന്നതിനായി അപേക്ഷ ക്ഷണിച്ച

കേരള അർബൻ കോൺക്ലേവ് സെപ്റ്റംബർ 12, 13 തീയതികളിൽ കൊച്ചിയിൽ

സമഗ്ര നഗരനയം രൂപപ്പെടുത്തുന്നതിന്റെ ഭാഗമായുള്ള കേരള അർബൻ കോൺക്ലേവ് സെപ്റ്റംബർ 12 മുതൽ കൊച്ചിയിൽ നടക്കുമെന്ന് മന്ത്രി എം. ബി രാജേഷ് പറഞ്ഞു. സെപ്റ്റംബർ 12 മുതൽ 13 വരെ കൊച്ചി ഗ്രാൻഡ് ഹയാത്ത് കൺവെൻഷൻ സെന്ററിലാണ് കോൺക്ലേവ് നടക്കുന്നത്. 'അസ്പിറിങ് സിറ്റീസ്, ത്രൈവിംഗ് കമ്മ്യൂണിറ്റീസ്' എന്ന ആശയത്തിൽ നടക്കുന്ന അന്താരാഷ്ട്ര കോൺക്ലേവ് 12ന് രാവിലെ 9.30ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യുമെന്ന് എറണാകുളം ഗവ ഗസ്റ്റ് ഹൗസിൽ നടത്തിയ വാർത്ത സമ്മേളനത്തിൽ മന്ത്രി അറിയിച്ചു.

ഇൻഫർമേഷൻ പബ്ലിക് റിലേഷൻസ് വകുപ്പിൽ എറണാകുളം ജില്ലാ ഇൻഫർമേഷൻ ഓഫീസിലെ പ്രിസം പ്രൊജക്റ്റ്‌ പാനലിൽ 

ഒരു ഇൻഫർമേഷൻ അസിസ്റ്റന്റിന്റെ ഒഴിവിലേക്ക്

2025 സെപ്റ്റംബർ 10 ( ബുധൻ) ന്

വാക്ക് ഇൻ ഇൻ്റർവ്യൂ നടത്തും.

 കാക്കനാട് സിവിൽ സ്റ്റേഷനിൽ ഐ ആൻഡ് പി ആർ ഡി ഡെപ്യൂട്ടി ഡയറക്ടർ ഓഫീസിൽ രാവിലെ 10 ന് ആണ് ഇന്റർവ്യു.