വട്ടംകുളം ഗ്രാമപഞ്ചായത്തിലെ കുടുംബാരോഗ്യ കേന്ദ്രത്തിലേയ്ക്ക് ലാബ് ടെക്നീഷ്യന്‍ തസ്തികയില്‍ ദിവസ വേതനാടിസ്ഥാനത്തില്‍ നിയമനം നടത്തുന്നതിനുള്ള അഭിമുഖം സെപ്റ്റംബര്‍ 16 ന് രാവിലെ 10ന് വട്ടംകുളം കുടുംബാരോഗ്യ കേന്ദ്രത്തില്‍ നടക്കും. ഡി.എം.ഇ അപ്രൂവ്ഡ് ഡിപ്ലോമ ഇന്‍ മെഡിക്കല്‍ ലബോറട്ടറി ടെക്നോളജി/ബാച്ചിലര്‍ ഇന്‍ മെഡിക്കല്‍ ലബോറട്ടറി ടെക്നോളജി എന്നീ യോഗ്യതയുള്ള  കേരള പാരാമെഡിക്കല്‍ കൗണ്‍സിലില്‍ രജിസ്റ്റര്‍ ചെയ്തവര്‍ക്ക് അപേക്ഷിക്കാം. സര്‍ക്കാര്‍/അംഗീകൃത ആശുപത്രികളില്‍ പ്രവൃത്തി പരിചയം ഉള്ളവര്‍ക്ക് മുന്‍ഗണയുണ്ട്. അപേക്ഷകര്‍ക്ക് കംപ്യൂട്ടര്‍ പരിജ്ഞാനം ഉണ്ടായിരിക്കണം.

ഭിന്നശേഷിക്കാര്‍ക്കായി ജില്ലാ ഭരണകൂടത്തിന്റെ നേതൃത്വത്തില്‍ നടപ്പാക്കുന്ന 'ഒപ്പം' പദ്ധതിയുടെ ഭാഗമായുള്ള രണ്ടാമത്തെ 'ആക്‌സസ് കഫേ' ജില്ലാ ട്രാന്‍സ്‌പോര്‍ട്ട് ഓഫീസില്‍ പ്രവര്‍ത്തനം ആരംഭിച്ചു. ഭിന്നശേഷിക്കാര്‍ക്ക് സ്ഥിര വരുമാനം നല്‍കുകയെന്ന ഉദ്ദേശത്തോട് കൂടിയാണ് ഭിന്നശേഷി സൗഹൃദ കഫേകള്‍ സ്ഥാപിക്കുന്നത്. കഫേയുടെ ഉദ്ഘാടനം ജില്ലാ കളക്ടര്‍ വി.ആര്‍. വിനോദ് നിര്‍വഹിച്ചു. ആനപടിക്കല്‍ ഗ്രൂപ്പിന്റെ സഹായത്തോടെ തണല്‍ ട്രസ്റ്റാണ് കഫേ സ്‌പോണ്‍സര്‍ ചെയ്തത്. കാപ്പി, ചായ, ചെറുകടികള്‍ എന്നിവയാണ് കഫേയില്‍ വില്‍പന നടത്തുക. രാവിലെ 10 മുതല്‍ വൈകിട്ട് അഞ്ചു വരെ കഫേ പ്രവര്‍ത്തിക്കും. കോട്ടക്കല്‍ സ്വദേശി കെ.

മലപ്പുറം എംഎസ്പി ഗ്രൗണ്ടില്‍ പരിശീലനം പൂർത്തിയാക്കിയ  സീനിയർ സിവിൽ പോലീസ്  ഓഫീസർമാരുടെ പാസ്സിങ് ഔട്ട്‌ പരേഡ് നടന്നു

പരിശീലനം പൂര്‍ത്തിയാക്കിയ 31 പേര്‍ കൂടി പൊലീസിന്റെ ഭാഗമായി. മലപ്പുറം എംഎസ്പി ഗ്രൗണ്ടില്‍ നടന്ന പാസിങ് ഔട്ട് പരേഡില്‍ സംസ്ഥാന പൊലീസ് മേധാവി റവാഡ ചന്ദ്രശേഖര്‍ അഭിവാദ്യം സ്വീകരിച്ചു. എഡിജിപി എസ്. ശ്രീജിത്ത്, ഡിഐജി അരുള്‍ ആര്‍ ബി കൃഷ്ണ, എംഎസ്പി കമാന്‍ഡന്റ് കെ. സലിന്‍ എന്നിവര്‍ പങ്കെടുത്തു. എംഎസ്പി അസി. കമാന്‍ഡന്റ് കെ.വി. രാജേഷ് പ്രതിജ്ഞ ചൊല്ലി കൊടുത്തു. സീനിയര്‍ സിവില്‍ പൊലീസ് ഓഫീസര്‍ തസ്തികയിലാണ് പരിശീലനം നേടിയവര്‍ നിയമിതരായത്.

ജല അതോറിറ്റിയുടെ കൽപ്പറ്റ എസ്‍.പി ഓഫീസ് പരിസരത്തെ ടാങ്ക് ക്ലീൻ ചെയ്യുന്നതിന്റെ ഭാഗമായി വിവിധ പ്രദേശങ്ങളിൽ സെപ്റ്റംബര്‍ 9 ചൊവ്വാഴ്ച രാവിലെ 8 മണി മുതൽ വൈകുന്നേരം 5.30 വരെ ജലവിതരണം മുടങ്ങുമെന്ന്  അസിസ്റ്റന്റ് എഞ്ചിനീയര്‍ അറിയിച്ചു.

മാടപ്പള്ളി ബ്ലോക്ക് പഞ്ചായത്തിലെ പൂർത്തീകരിച്ച വിവിധ പദ്ധതികളുടെ ഉദ്ഘാടനം ബുധനാഴ്ച്ച (സെപ്റ്റംബർ 10) വൈകിട്ടു നാലു മണിക്ക് പട്ടികജാതി-പട്ടികവർഗ-പിന്നോക്കവിഭാഗ വികസന വകുപ്പ് മന്ത്രി ഒ.ആർ. കേളു നിർവഹിക്കും. ബ്ലോക്ക് പഞ്ചായത്ത് ഹാളിൽ നടക്കുന്ന പരിപാടിയിൽ അഡ്വ. ജോബ് മൈക്കിൾ എം.എൽ.എ. അദ്ധ്യക്ഷനാകും.  കൊടിക്കുന്നിൽ സുരേഷ് എം.പി. മുഖ്യപ്രഭാഷണം നടത്തും.
 2024-25, 2025-26 വാർഷിക പദ്ധതിയിൽ ഉൾപ്പെടുത്തി നിർമ്മാണം പൂർത്തീകരിച്ച ഡോ. ബി.ആർ. അംബേദ്കർ സ്മാരക ഹാൾ, ചെമ്പുംപുറം കമ്മ്യൂണിറ്റി ഹാൾ, 'സൗഹൃദം' വയോജന പാർക്ക് എന്നീ പദ്ധതികളുടെ ഉദ്ഘാടനമാണ് നടക്കുന്നത്.

ജില്ലാ ഭരണകൂടവും ജില്ലാ ടൂറിസം പ്രൊമോഷൻ കൗൺസിലും കോട്ടയം നഗരസഭയും സംയുക്തമായി സംഘടിപ്പിച്ച ഓണാഘോഷപരിപാടി- ചിങ്ങനിലാവ് 2025ന് സമാപനം. തിരുനക്കര മൈതാനത്ത് നടന്ന സമാപന സമ്മേളനം സഹകരണ-തുറമുഖ-ദേവസ്വം വകുപ്പ് മന്ത്രി  വി.എൻ. വാസവൻ ഉദ്ഘാടനം ചെയ്തു.

 ഈ വര്‍ഷം പരാതിരഹിതമായി ഓണം ആഘോഷിക്കാന്‍ അവസരമൊരുക്കുന്നതില്‍ സഹകരണമേഖല പ്രധാന പങ്കുവഹിച്ചെന്ന് സഹകരണ-തുറമുഖ-ദേവസ്വം മന്ത്രി വി.എൻ. വാസവൻ. സഹകരണ അംഗ സമാശ്വാസ പദ്ധതിയുടെ ജില്ലാതല സഹായവിതരണം ഉദ്ഘാടനം ചെയ്തു സംസാരിക്കുയായിരുന്നു അദ്ദേഹം. 

സംസ്ഥാനത്തെ 1800 സഹകരണസംഘങ്ങള്‍ വഴി ഉത്പന്നങ്ങൾ സമാഹരിച്ച് വിപണിയിൽ സജീവമായി ഇടപെടാൻ സഹകരണ മേഖലയ്ക്ക് സാധിച്ചു. അംഗ സമാശ്വാസ പദ്ധതി വേറിട്ട മാതൃകയാണെന്നും അദ്ദേഹം പറഞ്ഞു.  

മത്സ്യത്തൊഴിലാളി ക്ഷേമനിധി ബോർഡിൻ്റെ ഉദയംപേരൂർ, തൃശൂർ എന്നിവിടങ്ങളിലെ ഫിഷറീസ് ഓഫീസുകളിലേക്ക് ദിവസവേതന അടിസ്ഥനത്തിൽ കോ-ഓർഡിനേറ്റർമാരെ നിയമിക്കുന്നു. ബിരുദവും കമ്പ്യൂട്ടർ പരിജ്ഞാനവുമാണ്
അടിസ്ഥാന യോഗ്യത. മത്സ്യത്തൊഴിലാളി കുടുംബങ്ങളിൽ നിന്നുള്ളവർക്ക് മുൻഗണന ഉണ്ടായിരിക്കും. പ്രായപരിധി 20 വയസ്സിനും 35 വയസ്സിനും ഇടയിൽ ഉള്ളവരായിരിക്കണം. ദിവസ വേതന നിരക്ക് 800 രൂപ. അപേക്ഷകർ അതത് ജില്ലകളിൽ സ്ഥിര താമസക്കാർ ആയിരിക്കണം.

 കടുത്തുരുത്തി പോളിടെക്‌നിക്കിൽ ഒഴിവുള്ള സീറ്റുകളിലേക്ക് പ്രവേശനം നടത്തുന്നതിന് സെപ്റ്റംബർ 15വരെ സ്‌പോട്ട് അഡ്മിഷൻ നടത്തും. ഈ ദിവസങ്ങളിൽ രാവിലെ 11.00 മണിക്ക് മുൻപായി കോളജിലെത്തി സ്‌പോട്ട് അഡ്മിഷന് രജിസ്റ്റർ ചെയ്യണം. ഡിപ്ലോമ റാങ്ക് ലിസ്റ്റിൽ ഉൾപ്പെട്ടവർക്കും പുതിയ അപേക്ഷകർക്കും പങ്കെടുക്കാം. സർട്ടിഫിക്കറ്റുകൾ , ഫീസ് എന്നിവ രക്ഷിതാവിനോടൊപ്പം ഹാജരാകണം. വിശദവിവരങ്ങൾക്ക്

www.polyadmission.org ഫോൺ-9895498038.

 എറണാകുളം ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ കൊച്ചി ശാസ്ത്ര സാങ്കേതിക സർവ്വകലാശാലയുടെ സഹകരണത്തോടെ നാഷണൽ എംപ്‌ളോയ്‌മെന്റ് സർവീസ് സെപ്റ്റംബർ 13 നു മെഗാ ജോബ് ഫെസ്റ്റ് 'നിയുക്തി 2025' കുസാറ്റ് ക്യാമ്പസിൽ സംഘടിപ്പിക്കുന്നു. 18-50 പ്രായപരിധിയിലുള്ള എസ്.എസ്.എൽ.സി, പ്ലസ് ടു, ഡിഗ്രി, പിജി, ഐ.ടി.ഐ, ഡിപ്ലോമ, ബി.ടെക്, പാരാമെഡിക്കൽ തുടങ്ങിയ യോഗ്യതയുള്ള ഉദ്യോഗാർത്ഥികൾക്ക് പങ്കെടുക്കാം.  ജോബ് ഫെയറിൽ പങ്കെടുക്കാൻ www.privatejobs.employment.kerala.gov.in വെബ് സൈറ്റിൽ രജിസ്റ്റർ ചെയ്യണം.  സ്‌പോട്ട് അഡ്മിഷൻ ഉണ്ടാകും.