മെയ്യെഴുതി, പുലികളായി രൗദ്ര താളത്തിൽ ചുവടുവച്ച് ജനങ്ങളെ ആവേശത്തിലാക്കുന്ന 'മനുഷ്യപ്പുലി'ക്കൂട്ടങ്ങളെ കണ്ട് വിസ്മയത്തിലായി അന്താരാഷ്ട്ര ഉത്തരവാദിത്ത ടൂറിസം നേതാക്കൾ.

അന്നമനട ഗ്രാമപഞ്ചായത്തിലെ അങ്കണവാടി കുഞ്ഞുങ്ങളുടെ ആരോഗ്യവും പോഷകാഹാരവും ശക്തിപ്പെടുത്താൻ വനിത ശിശു വികസന വകുപ്പ് നടപ്പിലാക്കിയ പരിഷ്കരിച്ച മെനുവിന്റെ പഞ്ചായത്ത് തല ഉദ്ഘാടനം മേലടൂർ 110-ാം നമ്പർ അങ്കണവാടിയിൽ നടന്നു. കുട്ടികൾക്ക് എഗ് ബിരിയാണി വിളമ്പി കൊണ്ട് പഞ്ചായത്ത് പ്രസിഡന്റ് പി.വി. വിനോദ് ഉദ്ഘാടനം നിർവഹിച്ചു.

വൈസ് പ്രസിഡന്റ് സിന്ധുജയൻ അധ്യക്ഷയായി. ഗ്രാമപഞ്ചായത്ത് പോഷകാഹാര വിതരണം ഉറപ്പാക്കാൻ വർഷംതോറും 18 ലക്ഷം രൂപയാണ് ചെലവഴിക്കുന്നത്. ജില്ലാ പഞ്ചായത്ത്, സംസ്ഥാന-കേന്ദ്ര വിഹിതങ്ങളും ഇതിനോടൊപ്പം ലഭിക്കുന്നുണ്ട്.

തൃശ്ശൂരിന്റെ ഹൃദയം കീഴടക്കിയ പുലിക്കൂട്ടങ്ങളെ കാണാൻ പുലിമടകൾ സന്ദർശിച്ച് ഓരോ സംഘത്തിലെയും പ്രവർത്തകരിലൊരാളായി മന്ത്രി കെ. രാജൻ. 
താളമിട്ടും ചായം തേച്ചു കൊടുത്തും മന്ത്രിയും പുലിമടയിലിറങ്ങി പുലിക്കൂട്ടങ്ങൾക്ക് ആവേശം പകർന്നു.   "തൃശ്ശൂരിൽ എത്തുന്ന എല്ലാവരും ഇന്ന് പുലികളാണ്. ലിംഗഭേദമില്ലാതെ എല്ലാവരും പുലികളാകുന്ന ഒരുമയുടെ ആഘോഷമാണിത്," മന്ത്രി പറഞ്ഞു.

 പുലികളെ അണിയിച്ചൊരുക്കുന്ന ഒമ്പത് പുലിമടകളിലും  മന്ത്രി കെ. രാജൻ സന്ദർശിച്ചു. പുലിവേഷം കെട്ടുന്നവരുമായും വരയ്ക്കുന്നവരുമായും സംവദിച്ചും പുലിവേഷം വരച്ചും മന്ത്രി പുലിമടകളെ സജീവമാക്കി.

 ഇരിങ്ങാലക്കുട നിയോജകമണ്ഡലം അടിസ്ഥാനത്തിൽ നടന്നുവന്നിരുന്ന "മധുരം ജീവിതം"ലഹരിവിരുദ്ധ ഓണാഘോഷ പരിപാടിയിലെ  വിജയികൾക്ക്‌   ഉന്നതവിദ്യാഭ്യാസ സാമൂഹ്യനീതിമന്ത്രി ഡോ. ആർ. ബിന്ദു സമ്മാനങ്ങൾ വിതരണം ചെയ്തു.  ലഹരിവിരുദ്ധ ബോധവത്കരണ പ്രചരണാർത്ഥം ഇരിങ്ങാലക്കുട മണ്ഡലത്തിൽ ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ. ബിന്ദുവിന്റെ നേതൃത്വത്തിൽ രാസലഹരിക്കെതിരെ വര്‍ണ്ണക്കുട സ്പെഷ്യല്‍ എഡിഷനായാണ് വിവിധ ഓണാഘോഷ പരിപാടികൾ നടന്നുവന്നിരുന്നത്. 

രണ്ടു ദിവസങ്ങളിലായി ഇരിങ്ങാലക്കുട മുനിസിപ്പൽ ടൗൺഹാളിലും, സെന്റ് ജോസഫ്സ് കോളേജിലും കണ്ടാരംതറ മൈതാനത്തുമാണ് ഓണപ്പരിപാടികൾ  അരങ്ങേറിയത്.

പിണങ്ങോട് ഡബ്യൂ.ഒ.എച്ച്.എസ്.എസിൽ ദിവസവേതനാടിസ്ഥാനത്തിൽ സൂവോളജി അധ്യാപക (സീനിയർ)  തസ്തികയിലേക്ക് നിയമനം നടത്തുന്നു. യോഗ്യതയുള്ള ഉദ്യോഗാർത്ഥികൾ അസൽ  സർട്ടിഫിക്കറ്റുകളുമായി സെപ്റ്റംബർ 26ന് രാവിലെ 10ന് മുട്ടിൽ ഡബ്യൂ.എം.ഒ ക്യാമ്പസിൽ നടക്കുന്ന കൂടിക്കാഴ്ചയിൽ  പങ്കെടുക്കണം. ഫോൺ - 9895204364

ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ സംരംഭകർക്കായി ബാങ്കേഴ്സ് മീറ്റ് സംഘടിപ്പിക്കുന്നു. സൂക്ഷ്മ, ചെറുകിട, ഇടത്തര സംരംഭങ്ങളുടെ സാമ്പത്തിക സാക്ഷരത മെച്ചപ്പെടുത്തുക, വായ്പാ ലഭ്യത വർദ്ധിപ്പിക്കുക, ബാങ്കിങ്ങിൽ എം.എസ്.എം.ഇകൾ നേരിടുന്ന പ്രശ്നങ്ങൾ പരിഹരിക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിക്കുന്നത്. സെപ്റ്റംബർ 17ന് രാവിലെ 10 മുതൽ വൈകിട്ട് അഞ്ചു വരെ ഹോട്ടൽ ഓഷിനിൽ നടക്കുന്ന പരിപാടിയിൽ വിവിധ ബാങ്കുകൾ, ധനകാര്യ സ്ഥാപനങ്ങൾ, വിവിധ വകുപ്പുകൾ തുടങ്ങിയവ പങ്കെടുക്കും. സംരംഭകർക്ക് ബാങ്കുമായി സംവദിക്കാനും വായ്പാ അപേക്ഷകൾ സമർപ്പിക്കാനും അവസരം ഉണ്ടാകും.

എടവക കുടുംബാരോഗ്യ കേന്ദ്രത്തിൽ താത്കാലികാടിസ്ഥാനത്തിൽ ഒ.പി ടിക്കറ്റ് കൗണ്ടർ സ്റ്റാഫ്‌ നിയമനം നടത്തുന്നു. പത്താം ക്ലാസ് യോഗ്യതയും  കമ്പ്യൂട്ടർ പരിജ്ഞാനവുമുള്ള ഉദ്യോഗാർത്ഥികൾക്ക് അപേക്ഷിക്കാം. ആറുമാസ പ്രവൃത്തിപരിചയം അഭികാമ്യം. താത്പര്യമുള്ള ഉദ്യോഗാർത്ഥികൾ അസൽ സർട്ടിഫിക്കറ്റുകളുമായി സെപ്റ്റംബർ 12ന്  ഉച്ചയ്ക്ക് രണ്ടിന്  എടവക കുടുംബാരോഗ്യ കേന്ദ്രത്തിൽ നടക്കുന്ന കൂടിക്കാഴ്ചയിൽ പങ്കെടുക്കണം. ഫോൺ - 04935 296906

എടവക കുടുംബാരോഗ്യ കേന്ദ്രത്തിൽ താത്കാലികാടിസ്ഥാനത്തിൽ ഡ്രൈവർ നിയമനം നടത്തുന്നു. 18നും 45നും ഇടയിൽ പ്രായമുള്ള ഏഴാം ക്ലാസ് യോഗ്യതയുള്ളവരും ഹെവി വാഹനങ്ങൾ ഓടിച്ച് രണ്ട് വർഷത്തെ പ്രവൃത്തി പരിചയമുള്ളവര്‍ക്കും അപേക്ഷിക്കാം. താത്പര്യമുള്ളവർ അസൽ  സർട്ടിഫിക്കറ്റുകളുമായി സെപ്റ്റംബർ 12ന്  രാവിലെ 11ന് എടവക കുടുംബാരോഗ്യ കേന്ദ്രത്തിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ - 04935 296906

എടവക കുടുംബാരോഗ്യ കേന്ദ്രത്തിൽ താത്കാലികാടിസ്ഥാനത്തിൽ ലാബ് ടെക്നീഷ്യൻ നിയമനം നടത്തുന്നു. ഡി.എം.എൽ.ടി അല്ലെങ്കിൽ ബി.എസ്.സി എം.എൽ.ടിയാണ് യോഗ്യത. പാരമെഡിക്കൽ കൗൺസിൽ രജിസ്ട്രേഷൻ നിർബന്ധമാണ്. താത്പര്യമുള്ള  ഉദ്യോഗാർത്ഥികൾ അസൽ  സർട്ടിഫിക്കറ്റുകളുമായി  സെപ്റ്റംബർ 16ന്  രാവിലെ 11ന് എടവക കുടുംബാരോഗ്യ കേന്ദ്രത്തിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ - 04935 296906