കുഞ്ഞുങ്ങളോടൊപ്പം സന്തോഷം പങ്കിട്ട് മന്ത്രി റോഷി അഗസ്റ്റിൻ

 വൈകല്യങ്ങള്‍ മറന്ന് ഒരുമിച്ചുകൂടി വാഴത്തോപ്പിലെ 'മിന്നാമിന്നി' കൂട്ടം. വാഴത്തോപ്പ് ഗ്രാമപഞ്ചായത്തിന്റെ നേതൃത്വത്തില്‍ സംഘടിപ്പിച്ച 'മിന്നാമിന്നി' ഭിന്നശേഷി കലോത്സവം ഏറെ ശ്രദ്ധേയമായി. പരിപാടിയില്‍ കുഞ്ഞുങ്ങള്‍ക്കൊപ്പം സന്തോഷം പങ്കിട്ട് ജലവിഭവ വകുപ്പ് മന്ത്രി റോഷി അഗസ്റ്റിന്‍ പങ്കെടുത്തു. 

   കലോത്സവത്തിന്റെ ഭാഗമായി കുട്ടികള്‍ക്കായി കസേര കളി, ബോള്‍ പാസ്സിങ്, ചിത്ര രചന തുടങ്ങി വിവിധ കലാപരിപാടികള്‍ നടത്തി. 

വിജ്ഞാന കേരളം പദ്ധതിയുടെ ഭാഗമായി വൈത്തിരി പഞ്ചായത്ത് പരിധിയിലെ തൊഴിലന്വേഷകര്‍ക്കായി സെപ്റ്റംബര്‍ 15 ന് പഞ്ചായത്തില്‍ തൊഴില്‍ മേള സംഘടിപ്പിക്കും. വിജ്ഞാന കേരളം പദ്ധതിയുമായി ബന്ധപ്പെട്ട് വൈത്തിരി ഗ്രാമപഞ്ചായത്തിന്റെ നേതൃത്വത്തില്‍ സംഘടിപ്പിച്ച തൊഴില്‍ ദാതാക്കളുടെ യോഗത്തിലാണ് തീരുമാനം. യോഗത്തില്‍ ഗ്രാമപഞ്ചായത്ത് വൈസ് പ്രസിഡന്റ് ഉഷാ ജോതിദാസ്, രവി ചന്ദ്രന്‍, കുടുംബശ്രീ മിഷന്‍ അസിസ്റ്റന്റ് കോ-ഓര്‍ഡിനേറ്റര്‍ വി.കെ റെജീന, ജില്ലാ പ്രോഗ്രാം മാനേജര്‍ ജെന്‍സണ്‍, കുടുംബശ്രീ ബ്ലോക്ക് കോ-ഓര്‍ഡിനേറ്റര്‍ ആഷിത, വിവിധ കമ്പനി പ്രതിനിധികള്‍ എന്നിവര്‍ പങ്കെടുത്തു.

ഇടമലക്കുടി പദ്ധതി പൂര്‍ത്തികരണത്തിന് സര്‍ക്കാരില്‍ നിന്നും പ്രത്യേക അനുമതി വാങ്ങും

അഴുത ഐസിഡിഎസ് ഓഫീസിന്റെ പരിധിയില്‍ വരുന്ന 92 അങ്കണവാടികളില്‍ നവീകരണ പ്രവര്‍ത്തനങ്ങള്‍ക്കാവശ്യമായ സാമഗ്രികള്‍ വാങ്ങി അങ്കണവാടികളില്‍ എത്തിച്ച് നല്‍കുന്നതിന് താല്‍പ്പര്യമുളള സ്ഥാപനങ്ങള്‍/വ്യക്തികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 15 ന് പകല്‍ ഒരുമണി വരെ സ്വീകരിക്കും. കൂടുതല്‍ വിവരങ്ങള്‍ക്ക്: 04869233281

സമഗ്ര ശിക്ഷാ കേരളം പദ്ധതിയുടെ കീഴിൽ ഇടുക്കി ജില്ലയില്‍ കണ്ണംപടി ഗവണ്‍മെന്റ് ട്രൈബല്‍ ഹൈസ്‌ക്കൂളില്‍ ധര്‍തി ആബ ജന്‍ജാതിയ ഗ്രാം ഉത്കര്‍ഷ് അഭിയാന്‍ പദ്ധതിയില്‍ ഉള്‍പ്പെടുത്തി ഹോസ്റ്റല്‍ നിര്‍മ്മിക്കുന്നതിന് ഡി.പി.ആര്‍ തയ്യാറാക്കുന്നതിനും പ്രവൃത്തി നടപ്പാക്കുന്നതിനുമായി നോണ്‍ അക്രഡിറ്റഡ് എജന്‍സികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 11 വൈകിട്ട് അഞ്ച് മണി വരെ സ്വീകരിക്കും. 11 ന് രാവിലെ 11.30 ന് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക്: 04862 226991, 9400834671, 9446441210.

പോപ്പുലര്‍ ഫിനാന്‍സുമായി ബന്ധപ്പെട്ട് ജില്ലയില്‍ ഇനിയും ക്ലയിം സമര്‍പ്പിക്കാനുളളവര്‍ സെപ്റ്റംബര്‍ 17 നകം സമര്‍പ്പിക്കണമെന്ന് ഇടുക്കി ജില്ലാ കളക്ടര്‍ അറിയിച്ചു.

.

വാഴത്തോപ്പ് ഗ്രാമപഞ്ചായത്ത് ഭിന്നശേഷി കലോത്സവം 'മിന്നാമിന്നി' തടിയമ്പാട് കമ്മ്യൂണിറ്റി ഹാളില്‍ ഇന്ന് (9) രാവിലെ 9.30ന് ജലവിഭവ വകുപ്പ് മന്ത്രി റോഷി അഗസ്റ്റിന്‍ ഉദ്ഘാടനം ചെയ്യും. വാഴത്തോപ്പ് ഗ്രാമപഞ്ചായത്ത് പ്രസിഡന്റ് ജോര്‍ജ് പോള്‍ അധ്യക്ഷത വഹിക്കും. ത്രിതല പഞ്ചായത്ത് അംഗങ്ങള്‍, വകുപ്പ് മേധാവികള്‍ തുടങ്ങിയവര്‍ പങ്കെടുക്കും.

തൊഴിലാളികള്‍, തൊഴിലുടമകള്‍ എന്നിവര്‍ക്കായി എംപ്ലോയീസ് ഇ.എസ്.ഐ കോര്‍പ്പറേഷന്‍ നടത്തുന്ന പരാതി പരിഹാര ബോധവല്‍ക്കരണ അദാലത്ത് സെപ്റ്റംബര്‍ 12 ന് ഇ.എസ്.ഐ കോര്‍പ്പറേഷന്റെ അടിമാലി ബ്രാഞ്ച് ഓഫീസില്‍ നടക്കും. പങ്കെടുക്കാന്‍ ആഗ്രഹിക്കുന്നവര്‍ പരാതി വിശദമായി എഴുതി നേരിട്ട് ബോധിപ്പിക്കണം.പരാതികള്‍ dcbo-munnar.ke@esic.nic. എന്ന ഇ-മെയിലിലും അയയ്ക്കാം. പരാതികളില്‍ ഇ.എസ്.ഐ നമ്പര്‍, മൊബൈല്‍ നമ്പര്‍, ജോലി ചെയുന്ന സ്ഥാപനത്തിന്റെ പേര് എന്നിവയും ചേര്‍ത്തിരിക്കണം.