ഡെപ്യൂട്ടി കളക്ടര്‍ ജനറലിന്റെ ചേമ്പറില്‍ നടന്ന ജില്ലാ അഴിമതി നിവാരണ യോഗത്തില്‍ രണ്ട് പരാതികള്‍ ലഭിച്ചു. അഴിയുമായി ബന്ധപ്പെട്ട പരാതി നടപടി സ്വീകരിക്കുന്നതിന് ബന്ധപ്പെട്ട വകുപ്പിന് കൈമാറി. യോഗത്തില്‍ റിട്ട. ജില്ലാ ജഡ്ജി പി. നാരായണന്‍കുട്ടി മേനോന്‍, ഡെപ്യൂട്ടി കളക്ടര്‍ ജനറല്‍ എന്‍.എം. മെഹറലി, ഹുസൂര്‍ ശിരസ്തദാര്‍ പി.കെ. വിനില്‍, ജൂനിയര്‍ സൂപ്രണ്ട് എ.പി. സിന്ധു എന്നിവര്‍ പങ്കെടുത്തു.

മലബാര്‍ ദേവസ്വം ബോര്‍ഡിന് കീഴിലുള്ള മലപ്പുറം കാളികാവ് ദേവസ്വത്തില്‍ പാരമ്പര്യേതര ട്രസ്റ്റിമാരായി നിയമിക്കുന്നതിന് അപേക്ഷ ക്ഷണിച്ചു. അപേക്ഷാ ഫോം മലബാര്‍ ദേവസ്വം ബോര്‍ഡ് കാസര്‍ഗോഡ് അസിസ്റ്റന്റ് കമ്മീഷണര്‍ ഓഫീസിലും malabardevaswom.kerala.gov.in എന്ന വെബ്‌സൈറ്റിലും ലഭിക്കും. പൂരിപ്പിച്ച അപേക്ഷകള്‍ മലബാര്‍ ദേവസ്വം ബോര്‍ഡ് കമ്മീഷണറുടെ കോഴിക്കോടുള്ള ഓഫീസില്‍ സെപ്റ്റംബര്‍ 30ന് മുമ്പായി ലഭിക്കണം. ഫോണ്‍: 0495 2367735.

മലമ്പുഴ സർക്കാർ മൃഗ സംരക്ഷണ പരിശീലന കേന്ദ്രത്തിൻ്റെ ആഭിമുഖ്യത്തിൽ
തീറ്റപ്പുൽകൃഷിയിൽ സൗജന്യ പരിശീലനം സംഘടിപ്പിക്കുന്നു. സെപ്റ്റംബർ 11 ന് രാവിലെ പത്ത് മണി മുതൽ വൈകിട്ട് അഞ്ചുമണി വരെയാണ് പരിശീലനം നടത്തുന്നത്.
പരിശീലനത്തിൽ പങ്കെടുക്കാൻ താൽപര്യമുള്ളവർ ഓഫീസ് സമയത്ത് പകൽ പത്ത് മണിക്കും വൈകിട്ട് അഞ്ച് മണിക്കും ഇടയിൽ വിളിച്ചു മുൻകൂട്ടി രജിസ്റ്റർ ചെയ്യേണ്ടതാണ്. പരിശീലനത്തിൽ പങ്കെടുക്കുന്നവർ നിർബന്ധമായും ആധാർ കാർഡിൻ്റെ പകർപ്പ് കൊണ്ടുവരേണ്ടതാണ്. രജിസ്റ്റർ ചെയ്യുന്നതിനും കൂടുതൽ വിവരങ്ങൾക്കും 04912815454 എന്ന നമ്പറിൽ ബന്ധപ്പെടുക.
 

മലമ്പുഴ ഗവ. മൃഗസംരക്ഷണ പരിശീലന കേന്ദ്രത്തില്‍ തീറ്റപ്പുല്‍ കൃഷി എന്ന വിഷയത്തില്‍ സെപ്റ്റംബര്‍ 11ന്  രാവിലെ 10 മുതല്‍ അഞ്ചു വരെ അടിസ്ഥാന പരിശീലനം നല്‍കും. പരിശീലനത്തില്‍ പങ്കെടുക്കുന്നവര്‍ 0491 2815454 എന്ന നമ്പറില്‍ പ്രവൃത്തി ദിവസങ്ങളില്‍ വിളിച്ച് മുന്‍കൂട്ടി രജിസ്റ്റര്‍ ചെയ്യണം. പരിശീലനത്തിനെത്തുന്നവര്‍ ആധാര്‍ കാര്‍ഡിന്റെ പകര്‍പ്പും കൊണ്ടുവരണം.

സംസ്ഥാന ജൈവ വൈവിധ്യ ബോർഡ് വിദ്യാർത്ഥികൾക്കായി സംഘടിപ്പിക്കുന്ന പതിനെട്ടാമത്  ജൈവവൈവിധ്യ കോൺഗ്രസ് ജില്ലാതല മത്സരങ്ങൾക്ക് അപേക്ഷ ക്ഷണിച്ചു. സ്കൂൾ വിദ്യാർത്ഥികൾക്കായി ജൂനിയർ, സീനിയർ വിഭാഗങ്ങളിൽ പ്രൊജക്റ്റ് അവതരണം, പെയിന്റിങ്, പെൻസിൽ ഡ്രോയിങ്, പുരയിട ജൈവവൈവിധ്യ സംരക്ഷണം എന്നീ മത്സരങ്ങളും ബിരുദ വിദ്യാർത്ഥികൾക്കായി പ്രൊജക്റ്റ്  അവതരണവുമാണ് നടത്തുന്നത്.താത്പര്യമുള്ളവർ സെപ്റ്റംബർ 22നകം അപേക്ഷ നൽകണം. www.keralabiodiversity.org എന്ന വെബ്സൈറ്റിൽ അപേക്ഷാഫോമും മാർഗനിർദേശങ്ങളും ലഭ്യമാണ്.

നിറമരുതൂര്‍ ഗ്രാമ പഞ്ചായത്തിലെ തേവര്‍ക്കടപ്പുറം കുടുംബാരോഗ്യ കേന്ദ്രത്തിലേക്ക് ദിവസവേതാനാടിസ്ഥാനത്തില്‍ ഡോക്ടറെ നിയമിക്കുന്നു. താത്പര്യമുള്ളവര്‍ യോഗ്യത തെളിയിക്കുന്ന അസ്സല്‍ രേഖകള്‍ സഹിതം സെപ്റ്റംബര്‍ 16 ന് രാവിലെ 10ന് തേവര്‍ക്കടപ്പുറം കുടുംബാരോഗ്യ കേന്ദ്രത്തില്‍ നടക്കുന്ന കൂടിക്കാഴ്ചയില്‍ പങ്കെടുക്കണം.

എടപ്പാള്‍ ഗവ. ഐ.ടി.ഐ.യില്‍ ഫാഷന്‍ ഡിസൈനിങ് ആന്‍ഡ് ടെക്നോളജി കോഴ്സിലെ ഒഴിവുള്ള സീറ്റുകളിലേക്ക് സെപ്റ്റംബര്‍ 20 വരെ സ്പോട്ട് അഡ്മിഷന്‍ നടത്തും. എല്ലാ ദിവസവും ഉച്ചക്ക് 12.30 വരെ അപേക്ഷകള്‍ സ്വീകരിക്കും.  താത്പര്യമുള്ളവര്‍ക്ക് അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം മാറഞ്ചേരി ഗവ. ഐ.ടി.ഐ. ഓഫീസില്‍ അപേക്ഷ നല്‍കാം. ഫോണ്‍: 9744489127.

കാര്‍ഷിക ക്ഷേമ വകുപ്പിന്റെ കീഴിലുള്ള പ്ലാന്റേഷന്‍ കോര്‍പ്പറേഷന്റെ നിലമ്പൂര്‍ എസ്റ്റേറ്റിലേക്ക് 92 എസ്റ്റേറ്റ് വര്‍ക്കര്‍മാരുടെ ഒഴിവുകളുണ്ട്. എസ്റ്റേറ്റ് ജോലികള്‍ ചെയ്യാന്‍ ശാരീരിക ക്ഷമതയുള്ള ഏഴാം ക്ലാസ് പാസായിട്ടുള്ള 18നും 50നും മധ്യേയുള്ള സ്ത്രീകള്‍ക്കും പുരുഷന്മാര്‍ക്കും അപേക്ഷിക്കാം. റബ്ബര്‍ ബോര്‍ഡില്‍ നിന്നോ പ്ലാന്റേഷന്‍ കോര്‍പ്പറേഷന്‍ ഓഫ് കേരള ലിമിറ്റഡില്‍ നിന്നോ ലഭിച്ചിട്ടുള്ള ട്രെയിനിങ് സര്‍ട്ടിഫിക്കറ്റ് ഉണ്ടായിരിക്കണം. താത്പര്യമുള്ളവര്‍ സെപ്റ്റംബര്‍ 15ന് യോഗ്യതകള്‍ തെളിയിക്കുന്ന സര്‍ട്ടിഫിക്കറ്റുകളുമായി നിലമ്പൂര്‍ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ ഹാജരാകണം.

തദ്ദേശസ്വയംഭരണ തിരഞ്ഞെടുപ്പിന്റെ വോട്ടർപട്ടികയിൽ പേര് ചേർക്കാൻ ഒക്ടോബർവരെ അവസരം എന്ന തരത്തിൽ സോഷ്യൽ മീഡിയയിൽ പ്രചരിക്കുന്ന വാർത്തകൾ വ്യാജമാണെന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു. തദ്ദേശസ്വയംഭരണ തിരഞ്ഞെടുപ്പിനുള്ള അന്തിമ വോട്ടർ പട്ടിക 2025 സെപ്തംബർ രണ്ടിന് പ്രസിദ്ധീകരിച്ചിട്ടുണ്ട്. വോട്ടർ പട്ടിക വീണ്ടും പുതുക്കുന്നതിനുള്ള തീരുമാനമൊന്നും കമ്മീഷൻ ഇതുവരെ എടുത്തിട്ടില്ല.
വോട്ടർ പട്ടിക പുതുക്കുന്നതിന് തീരുമാനിക്കുകയാണെങ്കിൽ, ആ വിവരം കമ്മീഷൻ ഔദ്യോഗികമായി അറിയിക്കുന്നതാണ്.

പുല്ലാനൂര്‍ ഗവ. വി.എച്ച്.എസ്. സ്‌കൂളിലെ വി.എച്ച്.എസ്.ഇ. വിഭാഗത്തില്‍ ദിവസ വേതനാടിസ്ഥാനത്തില്‍ വൊക്കേഷണല്‍ ടീച്ചര്‍ (കംപ്യൂട്ടര്‍ സയന്‍സ്) തസ്തികയിലേക്കുള്ള നിയമനത്തിനായുള്ള അഭിമുഖം സെപ്റ്റംബര്‍ 11 ന് രാവിലെ 9.30 ന്
നടക്കും. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം വി.എച്ച്.എസ്.ഇ പ്രിന്‍സിപ്പല്‍ മുമ്പാകെ നടക്കുന്ന അഭിമുഖത്തില്‍ പങ്കെടുക്കണം.ഫോണ്‍: 9446284497.