കേരള മഹിളാ സമഖ്യ സൊസൈറ്റിയുടെ മേൽനോട്ടത്തിൽ കണിയാമ്പറ്റയിൽ പ്രവര്‍ത്തിക്കുന്ന എൻട്രി ഹോം ഫോർ ഗേൾസ് ഹോമിൽ പാചകക്കാരിയുടെ തസ്തികയിലേക്ക് നിയമനം നടത്തുന്നു. 25നും 45നും ഇടയിൽ പ്രായമുള്ള ഉദ്യോഗാർത്ഥികൾ  സ്വയം തയ്യാറാക്കിയ അപേക്ഷയും അസൽ സർട്ടിഫിക്കറ്റുകളും അവയുടെ പകർപ്പും സഹിതം സെപ്റ്റംബർ 11ന് രാവിലെ 10.30ന് മാനന്തവാടി കേരള മഹിളാ സമഖ്യ സൊസൈറ്റി ജില്ലാ ഓഫീസിൽ നടത്തുന്ന വാക്ക് ഇൻ ഇന്റർവ്യൂവിൽ പങ്കെടുക്കണം.ഫോൺ - 04935 293078

മൂക്കുതല പി ചിത്രൻ നമ്പൂതിരിപ്പാട് ഗവൺമെൻറ് ഹയർ സെക്കൻഡറി സ്കൂളിലെ സിന്തറ്റിക് ട്രാക്കിന്റെയും നാച്ചുറൽ ഫുട്ബോൾ ടർഫിന്റെയും ഉദ്ഘാടനം പി നന്ദകുമാർ എംഎൽഎ നിർവഹിച്ചു. മൂന്നു കോടി രൂപ ചെലവിലാണ് 200 മീറ്ററുള്ള സിന്തറ്റിക്ക് ട്രാക്ക് നിർമിചച്ചത്.

ഓണം വാരഘോഷത്തിൻ്റെ അഞ്ചാം ദിനമായ തിങ്കളാഴ്ച (സെപ്റ്റംബർ എട്ട് ) കോട്ടക്കുന്നിൽ ആവേശം വിതറി അതുൽ നറുകരയും സംഘവും. നാടന്‍പാട്ടിന്റെ തനത് ശൈലിയെ പാശ്ചാത്യ സംഗീതത്തോടിഴ ചേര്‍ത്ത് അവതരിപ്പിച്ചപ്പോള്‍ പ്രായഭേദമന്യേ നൂറുകണക്കിനാളുകളാണ് അതുലിനോടൊപ്പം ചേര്‍ന്ന് പാടിത്തിമിര്‍ത്തത്. 

സ്വതന്ത്രമായി ചിട്ടപ്പെടുത്തിയ ചടുലമാര്‍ന്ന ഈണങ്ങളില്‍ സിനിമാ ഗാനങ്ങളും നാടന്‍ പാട്ടുകളും അതുല്‍ മനം മറന്ന് പാടി. തനതായ ശൈലിയില്‍ അതുലും സംഘവും ആടി പാടി സദസിനെ കയ്യിലെടുത്തു.

ആരോഗ്യകരവും സജീവുമായ ജീവിതം വീണ്ടെടുക്കുന്നതിന് ഫിസിയോതെറാപ്പി അനിവാര്യമാണെന്ന് ജില്ലാ മെഡിക്കല്‍ ഓഫീസര്‍ ഡോ.ആര്‍.രേണുക. ലോക ഫിസിയോതെറാപ്പി ദിനാചരണം ജില്ലാതല ഉദ്ഘാടനം ചെയ്ത് സംസാരിക്കുകയായിരുന്നു അവര്‍. ശരീര ചലനം പ്രോത്സഹിപ്പിക്കാനും വൈകല്യങ്ങള്‍ തടയാനും രോഗശാന്തിയ്ക്കും പുനരാധിവാസത്തിനും ജീവിത നിലവാരം ഉയര്‍ത്തുന്നതിനും ഫിസിയോതെറാപ്പിക്കുള്ള പ്രാധാന്യം സമൂഹത്തില്‍ എത്തിക്കുകയാണ് ദിനാചരണ ലക്ഷ്യം.

'ആരോഗ്യകരമായ വാര്‍ധക്യം' എന്നതാണ് ഈ വര്‍ഷത്തെ സന്ദേശം. ഇതോടനുബന്ധിച്ച് ആരോഗ്യവകുപ്പും ആരോഗ്യകേരളവും വിവിധ സാമൂഹിക ബോധവത്ക്കരണ പരിപാടികളും ജില്ലയില്‍ സംഘടിപ്പിക്കുന്നുണ്ട്.

ജില്ലയിൽ ആരോഗ്യകേരളം മുഖേന കരാറടിസ്ഥാനത്തിൽ ജൂനിയര്‍ കൺസൾട്ടന്റ് (മോണിട്ടറിങ് ആന്റ് ഇവാല്യുവേഷൻ)  തസ്തികയിലേക്ക് നിയമനം നടത്തുന്നു. എം.പി.എച്ച്  ഉള്ള മെഡിക്കൽ ബിരുദമാണ് യോഗ്യത. ഉദ്യോഗാർത്ഥികൾ സെപ്റ്റംബർ 20 വൈകിട്ട് അഞ്ചിനകം അപേക്ഷ നൽകണം. കൂടതൽ വിവരങ്ങൾക്ക് www.arogyakeralam.gov.in സന്ദർശിക്കുക. ഫോൺ - 04936 202771

കടൽത്തീരത്തെ തഴുകിയെത്തിയ ഓണക്കാറ്റിൽ താളവും സംഗീതവും അലിഞ്ഞുചേർന്ന്, ചാവക്കാട് ഒരുക്കിയ 'തീരപ്പെരുമ' ഓണാഘോഷത്തിന് പ്രൗഢമായ കൊടിയിറക്കം. ചാവക്കാട് നഗരസഭയും ബീച്ച് ഡെസ്റ്റിനേഷൻ മാനേജ്‌മെന്റും സംയുക്തമായി സംഘടിപ്പിച്ച ദ്വിദിന ഓണാഘോഷം വൈവിധ്യമാർന്ന കലാസാംസ്കാരിക പരിപാടികളാൽ സമ്പന്നമായി.

സിതാര കൃഷ്ണകുമാർ നയിച്ച 'മലബാറിക്കസ്' സംഗീത ബാൻഡിന്റെ പ്രകടനവും പ്രശസ്ത ഗസൽ ഗായകൻ സിറാജ് അമലിന്റെ സംഗീത വിരുന്നും ആസ്വാദകരുടെ കണ്ണുകൾക്കും കാതുകൾക്കും വിരുന്നേകി .

 പ്രാദേശിക കലാകാരന്മാർ അണിനിരന്ന ഓണക്കളികളും മറ്റു കലാപരിപാടികളും തീരപ്പെരുമയുടെ മാറ്റുകൂട്ടി.

വെളിയങ്കോട് ഗവ. ഹയര്‍സെക്കന്‍ഡറി സ്‌കൂളില്‍ മൂന്നുകോടി രൂപ ചെലവിട്ട് നിര്‍മ്മാണം പൂര്‍ത്തിയാക്കിയ സ്റ്റേഡിയത്തിന്റെ ഉദ്ഘാടനം പി. നന്ദകുമാര്‍ എം.എല്‍.എ നിര്‍വഹിച്ചു. നിലവാരമുള്ള പശ്ചാത്തല സൗകര്യമൊരുക്കി മികച്ച കായികതാരങ്ങളെ വളര്‍ത്തിയെടുക്കുക എന്ന ലക്ഷ്യം മുന്‍ നിര്‍ത്തിയാണ് സര്‍ക്കാര്‍ കായിക നയത്തിന് രൂപം നല്‍കിയിരിക്കുന്നതെന്ന് എം.എല്‍.എ പറഞ്ഞു. നിലവില്‍ കോടികള്‍ ചെലവഴിച്ച് നിര്‍മിച്ച് ഉപയോഗശൂന്യമായി കിടക്കുന്ന സ്റ്റേഡിയങ്ങള്‍ പോലെ ഇനിയുള്ളവ മാറരുത്. അതിനായി പുറത്തു നിന്നും സ്റ്റേഡിയം ഉപയോഗപ്പെടുത്തുന്നവരില്‍ നിന്നും നിശ്ചിത ഫീസ് ഈടാക്കേണ്ടതുണ്ടെന്നും എം.എല്‍.എ നിര്‍ദ്ദേശിച്ചു.

മലപ്പുറം മുനിസിപ്പാലിറ്റിയുടെ 2025-26 സാമ്പത്തിക വര്‍ഷത്തിലെ പ്രൊജക്ട് പ്രകാരം യു.എച്ച്.ഐ.ഡി കാര്‍ഡ് നിര്‍മ്മിക്കുന്നതിന് അംഗീകൃത സ്ഥാപനത്തില്‍ നിന്നും ക്വട്ടേഷന്‍ ക്ഷണിച്ചു. സെപ്റ്റംബര്‍ 22ന് വൈകിട്ട് അഞ്ചു വരെ ക്വട്ടേഷന്‍ സ്വീകരിക്കും. ഫോണ്‍: 0483 2734866.

ജില്ലയിലെ സ്വകാര്യ ആശുപത്രികള്‍, ക്ലിനിക്കുകള്‍, ലബോറട്ടറികള്‍ എന്നിവ കേരള ക്ലിനിക്കല്‍ എസ്റ്റാബ്ലിഷ്‌മെന്റ് നിയമ പ്രകാരമുള്ള മാനദണ്ഡങ്ങളും നിര്‍ദ്ദേങ്ങളും പാലിച്ചുകൊണ്ടു പ്രവര്‍ത്തിക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. ഈ സ്ഥാപനങ്ങളില്‍ നിന്നും നല്‍കുന്ന സേവനങ്ങളും ചികിത്സാ നടപടികളും രജിസ്റ്ററുകളില്‍ കൃത്യമായി രേഖപ്പെടുത്തുകയും ഇക്കാര്യം നടത്തിപ്പുകാര്‍ ഉറപ്പുവരുത്തുകയും ചെയ്യണം.

ദേശീയ ആരോഗ്യ ദൗത്യത്തിന് (എൻ.എച്ച്.എം.) കീഴിൽ തൃശ്ശൂർ ജില്ലയിലെ വിവിധ ആരോഗ്യ സ്ഥാപനങ്ങളിലേക്ക് ജൂനിയർ പബ്ലിക് ഹെൽത്ത് നഴ്സ് (ജെ.പി.എച്ച്.എൻ.) തസ്തികയിലേക്ക് താത്കാലിക നിയമനത്തിന് അപേക്ഷ ക്ഷണിച്ചു. രാഷ്ട്രീയ ബാൽ സ്വാസ്ഥ്യ കാര്യക്രം (ആർ.ബി.എസ്.കെ.) പദ്ധതിയുടെ ഭാഗമായാണ് നിയമനം.

അപേക്ഷകർക്ക് സർക്കാർ അംഗീകൃത സ്ഥാപനത്തിൽ നിന്നുള്ള ജെ.പി.എച്ച്.എൻ. ബിരുദവും കേരള നഴ്സസ് ആൻഡ് മിഡ്‌വൈഫ്സ് കൗൺസിലിന്റെ സ്ഥിരം രജിസ്ട്രേഷനും ഉണ്ടായിരിക്കണം. 40 വയസാണ് പ്രായ പരിധി. പ്രതിമാസം 17,000 രൂപ ശമ്പളമായി ലഭിക്കും.