എൽബിഎസ് ഏറ്റുമാനൂർ കേന്ദ്രത്തിൽ പി.ജി.ഡി.സി.എ(യോഗ്യത: ബിരുദം), ഡി.സി.എ(യോഗ്യത: എസ്.എസ്്.എൽ.സി.), ഡി.സി.എ(എസ്.)(യോഗ്യത: പ്ലസ് ടു)  കോഴ്സുകളിൽ ഒഴിവുള്ള സീറ്റുകളിൽ http://lbscentre.kerala.gov.in എന്ന വെബ് സൈറ്റ് വഴി ഓൺ ലൈനായി അപേക്ഷിക്കാം. ഫോൺ: 0481 2534820, 9497818264

കുടുംബശ്രീ മിഷൻ ജില്ലയിലെ ബാലസഭ കുട്ടികൾക്കായി ഫോട്ടോഗ്രാഫി മത്സരം സംഘടിപ്പിക്കുന്നു. 'സന്തോഷം' എന്നതാണ് വിഷയം. 10-18 വയസ് പ്രായപരിധിയിലുള്ളവർക്കു പങ്കെടുക്കാം. ഒരു എൻട്രിയേ പാടുള്ളു. ജെപെഗ്, പി.എൻ.ജി ഫോർമാറ്റിലുള്ള, കുറഞ്ഞത് 1080 പിക്‌സൽ വീതിയുള്ള ചിത്രങ്ങൾ അയക്കണം. തിരിച്ചറിയൽ അടയാളങ്ങൾ ചിത്രത്തിൽ ഉൾപ്പെടുത്തരുത്. ഫോട്ടോകൾ സെപ്റ്റംബർ 13നകം കുടുംബശ്രീ ആർ.പിമാർക്കു സമർപ്പിക്കണം. ജില്ലാതലത്തിലെ മികച്ച ചിത്രങ്ങൾ സംസ്ഥാനതല മത്സരത്തിലേക്ക് അയയ്ക്കും. സംസ്ഥാനതലത്തിൽ തിരഞ്ഞെടുക്കപ്പെടുന്ന മികച്ച ചിത്രങ്ങൾക്ക് പുരസ്‌കാരങ്ങളും സർട്ടിഫിക്കറ്റുകളും നൽകും.

ഏറ്റുമാനൂർ അഡീഷണൽ ശിശുവികസനപദ്ധതി ഓഫീസിന്റെ ആവശ്യത്തിനായി കരാർ വ്യവസ്ഥയിൽ ജീപ്പ്/കാർ വാടകയ്ക്കു ലഭ്യമാക്കുന്നതിനായി വ്യക്തികളിൽനിന്നു ടെൻഡർ ക്ഷണിച്ചു. ടെൻഡറുകൾ സെപ്റ്റംബർ 23 ഉച്ചയ്ക്ക് രണ്ടു മണിവരെ സ്വീകരിക്കും. അന്നേദിവസം ഉച്ചയ്ക്ക് മൂന്ന് മണിക്ക് തുറക്കും. ഫോൺ: 7510162787.

ഏറ്റുമാനൂർ ബ്ലോക്ക് പഞ്ചായത്തിന്റെ പരിധിയിലുള്ള 15 സ്‌കൂളുകളിലെ പെൺകുട്ടികൾക്ക് സ്വയരക്ഷാപരിശീലനം നൽകുന്നതിന്  ഏറ്റുമാനൂർ അഡീഷണൽ ശിശുവികസനപദ്ധതി ഓഫീസ് ടെൻഡർ ക്ഷണിച്ചു. ടെൻഡറുകൾ സെപ്റ്റംബർ 23 ഉച്ചയ്ക്ക് രണ്ടു മണിവരെ സ്വീകരിക്കും. അന്നേദിവസം ഉച്ചയ്ക്ക് മൂന്ന് മണിക്ക് തുറക്കും. ഫോൺ: 7510162787.

പനമരം: മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതിയുടെ ഭാഗമായ എൻജിനീയർമാർ, ഓവർസിയർമാർ, അക്കൗണ്ടന്റുമാർ എന്നിവർക്കായി യുക്തധാര സംബന്ധിച്ച ദ്വിദിന പരിശീലനം സംഘടിപ്പിച്ചു. പദ്ധതിയിൽ എസ്റ്റിമേറ്റ് തയ്യാറാക്കുന്നതിന് മുന്നോടിയായി ഉപയോഗിക്കുന്ന സോഫ്റ്റ്‍വെയർ സംബന്ധിച്ചായിരുന്നു പരിശീലനം. പനമരം ബ്ലോക്ക് പഞ്ചായത്ത് വൈസ് പ്രസിഡണ്ട് അബ്ദുൾ ഗഫൂർ കാട്ടി പരിശീലന പരിപാടി  ഉദ്ഘാടനം ചെയ്തു. ജില്ലാ ജോയിന്റ് പ്രോഗ്രാം കോർഡിനേറ്റർ പി.സി മജീദ് അധ്യക്ഷത വഹിച്ചു. ബ്ലോക്ക് പ്രോഗ്രാം ഓഫീസർമാരായ ഷിജി പി.പി, ദീപ്തി ആർ, ശ്രീജിത്ത് എ.ആർ, ജില്ലാ എഞ്ചിനീയർ അമൽ ദേവ് ജെ തുടങ്ങിയവർ പങ്കെടുത്തു.

 മുളക്കാൻതുരുത്തി-തുരുത്തി റോഡിലുള്ള കലുങ്കിന്റെ പുനർനിർമ്മാണവുമായി ബന്ധപ്പെട്ട് തുരുത്തി മുതൽ കുന്നേപ്പീടിക വരെയുള്ള ഭാഗത്തേക്കുള്ള വാഹന ഗതാഗതം ഇന്നു( സെപ്റ്റംബർ 9) മുതൽ ഒക്ടോബർ രണ്ടുവരെ പൂർണമായി നിരോധിച്ചതായി കെ.എസ്.ടി.പി എക്‌സിക്യൂട്ടീവ് എൻജിനീയർ അറിയിച്ചു.
 

കഞ്ഞിക്കുഴി സാമൂഹികാരോഗ്യകേന്ദ്രത്തില്‍ ഈവനിംഗ് ഒ.പിയിലേക്ക് ഫാര്‍മസിസ്റ്റിനെ ദിവസ വേതനാടിസ്ഥാനത്തില്‍ നിയമിക്കുന്നതിന് സെപ്റ്റംബര്‍ 15 ന് രാവിലെ 10 മണിക്ക് കഞ്ഞിക്കുഴി സാമൂഹികാരോഗ്യ കേന്ദ്രത്തില്‍ വച്ച് അഭിമുഖം നടക്കും. ബിഫാം/ ഡി ഫാം, കേരള സ്‌റ്റേറ്റ് ഫാര്‍മസി കൗണ്‍സില്‍ രജിസ്‌ട്രേഷന്‍ എന്നീ യോഗ്യതയുളളവര്‍ക്ക് പങ്കെടുക്കാം. ഉദ്യോഗാർഥികൾപ്രവൃത്തി പരിചയ സര്‍ട്ടിഫിക്കറ്റും അസൽ സര്‍ട്ടിഫിക്കറ്റുകളുമായി ഹാജരാകണം. ഇടുക്കി ബ്ലോക്ക് പഞ്ചായത്തില്‍ ഉള്ളവര്‍ക്ക് മുന്‍ഗണന ഉണ്ടായിരിക്കും. കൂടുതല്‍ വിവരങ്ങള്‍ക്ക്: 6282457391, 9497363402.

കുമിളി പോലീസ് സ്റ്റേഷൻ കോമ്പൗണ്ടിൽ അപകടാവസ്ഥയിൽ നിന്നിരുന്നതിനെ തുടർന്ന് മുറിച്ചു മാറ്റിയ മരങ്ങൾ വിൽപ്പന നടത്തുന്നതിനുള്ള ലേലം സെപ്റ്റംബർ 10 ന് രാവിലെ 11 മണിയ്ക്ക് കുമിളി പോലീസ് സ്റ്റേഷൻ കോൗണ്ടിൽ നടക്കും. ലേലത്തിൽ പങ്കെടുക്കാൻ ആഗ്രഹിക്കുന്നവർക്ക് ലേല ദിവസത്തിന് മുൻപുള്ള പ്രവൃത്തി ദിവസങ്ങളിൽ രാവിലെ 11 നും വൈകിട്ട് 4 നും ഇടയിലുള്ള സമയങ്ങളിൽ ബന്ധപ്പെട്ട ഉദ്യോഗസ്ഥരുടെ സാന്നിധ്യത്തിൽ ലേലം ചെയ്യാനുള്ള മരങ്ങൾ പരിശോധിക്കാവുന്നതാണ്. കൂടുതൽ വിവരങ്ങൾക്ക്: 04862232354