ജില്ലാ മെഡിക്കല്‍ ഓഫീസിലെ വാഹനം ലേലത്തിലൂടെ വില്‍പന നടത്തിയ ശേഷം അഞ്ച് വര്‍ഷത്തേക്ക് തിരികെ ജില്ലാ മെഡിക്കല്‍ ഓഫീസിന്റെ ഉപയോഗത്തിനായി വാടകയ്ക് എടുക്കുന്നതിന് ദര്‍ഘാസ് ക്ഷണിച്ചു. അവസാന തീയതി സെപ്റ്റംബര്‍ 12. ഫോണ്‍:  0468 2222642

അടൂര്‍ അമ്മകണ്ടകര ക്ഷീരസംരംഭകത്വ വികസനകേന്ദ്രത്തില്‍ ക്ഷീരകര്‍ഷകര്‍ക്കായി 'തീറ്റപ്പുല്‍ക്കൃഷി' വിഷയത്തില്‍ സെപ്റ്റംബര്‍ 10,11 തീയതികളില്‍ പരിശീലനം നടത്തും. ഫോണ്‍: 9447305100, 8304948553, 9496332048, 04734 299869.

പുളിക്കീഴ്, മല്ലപ്പള്ളി ബ്ലോക്ക് പഞ്ചായത്തില്‍ സ്ഥിരതാമസക്കാരായ വനിതകള്‍ക്ക് 75 ശതമാനം സ്‌കോളര്‍ഷിപ്പോടെ നൈപുണ്യ പരിശീലന പദ്ധതിയായ ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ്(നേഴ്സിങ് അസിസ്റ്റന്റ്) കോഴ്‌സിലേക്ക് അപേക്ഷിക്കാം. അസാപ്പ് കമ്യൂണിറ്റി സ്‌കില്‍ പാര്‍ക്ക് കുന്നന്താനവും തിരുവല്ല മെഡിക്കല്‍ മിഷന്‍ അക്കാദമിയും ചേര്‍ന്നാണ് കോഴ്‌സ് നടത്തുന്നത്. യോഗ്യത പ്ലസ് ടു.  പ്രായം 18-36. അവസാന തീയതി സെപ്റ്റംബര്‍ 26. ഫോണ്‍: 9495999688, 9496085912
 

പത്തനംതിട്ട എസ്ബിഐ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ സൗജന്യ ബ്യൂട്ടീഷ്യന്‍ പരിശീലനം സെപ്റ്റംബര്‍ 10 മുതല്‍. പ്രായം 18-50. ഫോണ്‍: 0468 2992293, 2270243

തിരുവല്ല താലൂക്കിലുള്ളവര്‍ക്ക്  പത്തനംതിട്ട എസ്ബിഐ ഗ്രാമീണ സ്വയം തൊഴില്‍ പരിശീലന കേന്ദ്രവും പുളിക്കീഴ്  ബ്ലോക്കും ചേര്‍ന്ന് 13 ദിവസത്തെ സൗജന്യ സിസിടിവി ഇന്‍സ്റ്റാലേഷന്‍ പരിശീലനം പുളിക്കീഴ് ബ്ലോക്കില്‍ ആരംഭിക്കുന്നു. പ്രായം 18-50 വരെ. ഫോണ്‍: 0468 2270243, 2992293

കോഴഞ്ചേരി താലൂക്ക് വികസന സമിതി പത്തനംതിട്ട നഗരസഭ കോണ്‍ഫറന്‍സ് ഹാളില്‍ നടന്നു. കേരള കോണ്‍ഗ്രസ് (എം) ജില്ലാ ജനറല്‍ സെക്രട്ടറി മാത്യു മരോട്ടിമൂട്ടില്‍ അധ്യക്ഷനായി. ബ്ലോക്ക്പഞ്ചായത്ത് പ്രസിഡന്റുമാരായ ഇന്ദിരാദേവി, ബി എസ് അനീഷ്‌മോന്‍, ഗ്രാമപഞ്ചായത്ത് പ്രസിഡന്റുമാരായ ചിത്തിര സി ചന്ദ്രന്‍, അഡ്വ ജോണ്‍സണ്‍ വിളവിനാല്‍, മിനി ജിജു ജോസഫ്, കോഴഞ്ചേരി തഹസില്‍ദാര്‍ പി സുദീപ്, വിവിധ രാഷ്ട്രീയ പാര്‍ട്ടി പ്രതിനിധികള്‍, താലൂക്ക്തല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

പറങ്കിമാംന്തടം-കൂട്ടത്തോട്, പറങ്കിമാംന്തടം-പള്ളിയത്ത് ജംഗ്ഷന്‍ വരെയുള്ള റോഡുകളില്‍ ടാറിങ് നടക്കുന്നതിനാല്‍ സെപ്റ്റംബര്‍ ഒമ്പത് മുതല്‍  11 വരെ ഗതാഗത നിയന്ത്രണം ഏര്‍പ്പെടുത്തി.
 

ആറന്മുള ഉതൃട്ടാതി ജലമേളയുമായി ബന്ധപ്പെട്ട് പമ്പാനദിയിലെ ജലനിരപ്പ് ക്രമീകരിക്കുന്നതിന് കാരിക്കയം ഡാമില്‍ നിന്നും ജലം പുറത്തേക്ക് ഒഴുക്കി വിടുന്നതിനാല്‍ പള്ളിയോടങ്ങള്‍, വള്ളങ്ങള്‍, ബോട്ട്, കടത്ത് എന്നിവ പമ്പാനദിയില്‍ ഇറക്കുന്നതിനും ഉപയോഗിക്കുന്നതിനും ജാഗ്രത പുലര്‍ത്തണമെന്നും സുരക്ഷ മുന്‍കരുതല്‍ സ്വീകരിക്കണമെന്നും ജില്ലാ കലക്ടര്‍ എസ് പ്രേം കൃഷ്ണന്‍ അറിയിച്ചു.

ആറന്മുള ഉതൃട്ടാതി വള്ളംകളിയോടനുബന്ധിച്ച് ജില്ലയിലെ സര്‍ക്കാര്‍ ഓഫീസുകള്‍ക്കും അങ്കണവാടി, പ്രൊഫഷണല്‍ കോളജ് ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കും സെപ്റ്റംബര്‍ 9 (ചൊവ്വ)  പ്രാദേശിക അവധി ആയിരിക്കുമെന്ന് ജില്ലാ കലക്ടര്‍ എസ് പ്രേം കൃഷ്ണന്‍ അറിയിച്ചു. മുന്‍ നിശ്ചയിച്ച പൊതു പരീക്ഷകള്‍ക്കും യൂണിവേഴ്സിറ്റി പരീക്ഷകള്‍ക്കും അവധി ബാധകമല്ല.

*നിർമ്മാണ പ്രവർത്തികൾക്ക് തുടക്കം