സ്‌നേഹസാന്ദ്രം സംഗീത രാവ്

മഴ മാറി നിന്ന രാവില്‍, കോഴിക്കോടെ ആരാധക സദസ്സിനുമേൽ മുത്തു മഴയായി പെയ്‌തിറങ്ങി ഭാവനായിക ചിന്മയി ശ്രീപദ. സംസ്ഥാന സർക്കാരിൻ്റെ ഓണാഘോഷം മാവേലിക്കസ് 2025 ന്റെ സമാപന ദിനം ലുലു മാളിലെ വേദിയിൽ പിന്നണി ഗായിക ചിന്മയി ശ്രീപദയുടെ ശബ്ദ മാന്ത്രികതയിൽ കോഴിക്കോടെ സംഗീതാസ്വാദകൾ അലിഞ്ഞു ചേർന്നു.  നിലപാട് കൊണ്ടും വേറിട്ട ശബ്ദം കൊണ്ടും ആലാപനം കൊണ്ടും തരംഗമായി മാറിയ ചിന്മയി ആദ്യമായാണ് കോഴിക്കോട് വേദിയിലെത്തുന്നത്. 

ഓണം വാരാഘോഷത്തിൻ്റെ നാലാം ദിനമായ ഞായറാഴ്ച കാണികളിൽ ആവേശം നിറച്ച് ഇശൽനിലാവ്. പ്രശസ്ത മാപ്പിള കലാകാരൻ ബാപ്പു വെളളിപ്പറമ്പിൻ്റെ നേതൃത്വത്തിലുള്ള സംഘമാണ് പരിപാടി അവതരിപ്പിച്ചത്. സൂഫി ഗാനത്തിൽ തുടങ്ങി പഴയതും പുതിയതുമായ ഗാനങ്ങൾ കോർത്തിണക്കിയ പരിപാടി പുതിയ അനുഭവമായി. 

ഓണാവധി ആഘോഷിക്കാൻ ബീച്ചിൽ എത്തിയ ജനസാഗരത്തിന് സംഗീതരാവ് സമ്മാനിച്ച്  ഷാൻ റഹ്മാൻ ഷോ.
സംസ്ഥാന സർക്കാരിൻ്റെ ഓണാഘോഷം മാവേലിക്കസ് 2025 ൻ്റെ ബീച്ചിലെ വേദിയിലാണ് ഷാൻ റഹ്മാനും സംഘവും മെലടികളും ഫാസ്റ്റ് നമ്പറുകളുമായി ആസ്വാദകരെ പാട്ടിൻ്റെ തിരയിൽ അലിയിച്ചത്.

ഓണം വാരാഘോഷത്തിൻ്റെ അഞ്ചാം ദിനമായ തിങ്കളാഴ്ച ( സെപ്തംബർ എട്ട് ) കോട്ടക്കുന്നിൽ പിന്നണി ഗായകൻ അതുൽ നറുകരയുടെ നേതൃത്വത്തിൽ ' സോൾ ഓഫ് ഫോക് ' അരങ്ങേറും. സമാപന ദിവസമായ ചൊവ്വാഴ്ച (സെപ്തംബർ ഒമ്പത് ) പിന്നണി ഗായിക രഞ്ജിനി ജോസും സംഘവും അവതരിപ്പിക്കുന്ന മ്യൂസിക് ഇവന്റും നടക്കും.

 പൊന്നാനി താലൂക്ക് ഓണം ടൂറിസം വാരാഘോഷ ത്തിന്റെ ഭാഗമായി സംഘടിപ്പിച്ച ബിയ്യം കായൽ ജലോത്സവത്തിൽ പറക്കും കുതിര ഒന്നാമതെത്തി. മൈനർ വിഭാഗത്തിൽ യുവരാജയ്ക്കാണ് ഒന്നാം സ്ഥാനം.

വൈകിട്ട് മൂന്നിന് നടന്ന ജലോത്സവത്തിന്റെ ഉദ്ഘാടനം കായിക- ന്യൂനപക്ഷ ക്ഷേമ വകുപ്പു മന്ത്രി വി. അബ്ദുറഹിമാൻ നിർവ്വഹിച്ചു. ഏറ്റവും സന്തോഷകരമായ ഓണമാണ് ഈ വർഷം ആഘോഷിച്ചത്. ടൂറിസം വകുപ്പ് ഓണാഘോഷങ്ങൾക്കായി ഏറ്റവും മികച്ച സൗകര്യമാണ് സംസ്ഥാനത്ത് ഒട്ടാകെ ഒരുക്കിയിരിക്കുന്നത്. മലബാറിലെ ജനശ്രദ്ധയാകർഷിച്ച വള്ളംകളിയാണ് ബിയ്യം കായൽ വള്ളം കളി എന്നും     

ഓണം വാരാഘോഷത്തിൻ്റെ ഭാഗമായി ഞായറാഴ്ച (സെപ്റ്റംബർ ഏഴ് ) കോട്ടക്കുന്നിൽ ഇശൽനൈറ്റ് അരങ്ങേറും. പ്രശസ്ത മാപ്പിള കലാകാരൻ ബാപ്പു വെള്ളിപ്പറമ്പും സംഘവുമാണ് നൈറ്റ് അവതരിപ്പിക്കുന്നത്. അഞ്ചാം ദിനമായ തിങ്കളാഴ്ച (സെപ്റ്റംബർ എട്ട് ) പിന്നണി ഗായകൻ അതുൽ നറുകരയുടെ ' സോൾ ഓഫ് ഫോക് ' നടക്കും.

സംസ്ഥാന ടൂറിസം വകുപ്പും മലപ്പുറം ജില്ലാ ടൂറിസം പ്രൊമോഷൻ കൗൺസിലും സംയുക്തമായി കോട്ടക്കുന്നിൽ സംഘടിപ്പിക്കുന്ന ഓണം വാരാഘോഷത്തിൻ്റെ മൂന്നാം ദിനമായ ശനിയാഴ്ച ആവേശമായി ഖവാലി സൂഫി സംഗീതം. കോട്ടക്കുന്നിൽ എത്തിയവർക്ക് പുതിയ അനുഭവം നൽകുന്നതായിരുന്നു പരിപാടി. സൂഫി കാവ്യാലാപനത്തില്‍ പതിറ്റാണ്ട് പിന്നിട്ട ഗായകരായ സമീര്‍ ബിന്‍സി, ഇമാം മജ്ബൂര്‍ എന്നിവരുടെ ഈരടികളിൽ കോട്ടക്കുന്ന് മതിമറന്നു പോയി.

ടൂറിസം വാരാഘോഷത്തിൻ്റെ ഭാഗമായി കോട്ടക്കുന്ന് ഓപ്പൺ ഓഡിറ്റോറിയത്തിൽ വെള്ളിയാഴ്ച (സെപ്റ്റംബർ അഞ്ച് ) പ്രശസ്ത കലാകാരൻമാരായ കൊല്ലം ഷാഫി, ശ്വേത അശോക് എന്നിവരുടെ നേതൃത്വത്തിൽ മ്യൂസിക് നൈറ്റ് അരങ്ങേറും.

സംസ്‌ഥാന വിനോദ സഞ്ചാര വകുപ്പിൻ്റെയും ജില്ലാ ടൂറിസം വകുപ്പിൻ്റെയും നേതൃത്വത്തിൽ നടത്തുന്ന ഓണം വാരാഘോഷത്തിന് തുടക്കമായി. വാരാഘോഷത്തിൻ്റെ ഉദ്ഘാടനം കോട്ടക്കുന്നിൽ പി ഉബൈദുല്ല എം എൽ എ നിർവഹിച്ചു. ഓണം ഒരുമയുടെ ആഘോഷമാണ്. ജാതി മത ഭേദമന്യേ മനുഷ്യരെ ഒരുമിപ്പിക്കാൻ ഓണത്തിന് കഴിയുമെന്നും എംഎൽഎ പറഞ്ഞു. നഗരസഭ ചെയർമാൻ മുജീബ് കാടേരി അധ്യക്ഷത വഹിച്ചു. ആറ് ദിവസങ്ങളിലായി വിവിധ പരിപാടികളാണ് കോട്ടക്കുന്നിൽ ഒരുക്കിയിട്ടുള്ളത്. ഉദ്ഘാടന ദിവസമായ വ്യാഴാഴ്ച പ്രശസ്ത ഗായകൻ ജാസിം ജമാലും സംഘവും അവതരിപ്പിച്ച മ്യൂസിക് ലൈവ് അരങ്ങേറി. നിരവധി പേരാണ് ഉദ്ഘടന ദിവസം കോട്ടക്കുന്നിൽ എത്തിയത്.

കാർഷിക ക്ഷേമ വകുപ്പിന്റെ കീഴിലുള്ള പ്ലാന്റേഷൻ കോർപ്പറേഷന്റെ നിലമ്പൂർ എസ്റ്റേറ്റിലേക്ക് 92 എസ്റ്റേറ്റ് വർക്കർമാരുടെ ഒഴിവുകളുണ്ട്. എസ്റ്റേറ്റ് ജോലികൾ ചെയ്യാൻ ശാരീരിക ക്ഷമതയുള്ള ഏഴാം ക്ലാസ് പാസായിട്ടുള്ള 18നും 50നും മധ്യേയുള്ള സ്ത്രീകൾക്കും പുരുഷന്മാർക്കും അപേക്ഷിക്കാം. റബ്ബർ ബോർഡിൽ നിന്നോ പ്ലാന്റേഷൻ കോർപ്പറേഷൻ ഓഫ് കേരള ലിമിറ്റഡിൽ നിന്നോ ലഭിച്ചിട്ടുള്ള ട്രെയിനിങ് സർട്ടിഫിക്കറ്റ് ഉണ്ടായിരിക്കണം. താത്പര്യമുള്ളവർ സെപ്റ്റംബർ 15ന് യോഗ്യതകൾ തെളിയിക്കുന്ന സർട്ടിഫിക്കറ്റുകളുമായി നിലമ്പൂർ ടൗൺ എംപ്ലോയ്മെന്റ് എക്സ്ചേഞ്ചിൽ ഹാജരാകണം. ഫോൺ: 04931-222990.