സംസ്ഥാന ന്യൂനപക്ഷ ക്ഷേമവകുപ്പിന്റെ കീഴില്‍ ന്യൂനപക്ഷ യുവജനങ്ങള്‍ക്കായി ജില്ലാതലത്തില്‍ സംഘടിപ്പിച്ച പ്രീമാരിറ്റല്‍ കോഴ്‌സ്‌ സമാപിച്ചു. കോഴ്‌സ്‌ പൂര്‍ത്തിയാക്കിയവരുടെ ജില്ലാതല സമാപനസമ്മേളനവും കുടുംബസംഗമവും സര്‍ട്ടിഫിക്കറ്റ്‌ വിതരണവും കൊടുങ്ങല്ലൂര്‍ ചേരമാന്‍ മാലിക്‌ മന്‍സില്‍ ഓര്‍ഫനേജ്‌ ഹാളില്‍ അഡ്വ. വി. ആര്‍. സുനില്‍കുമാര്‍ എം.എല്‍.എ ഉദ്‌ഘാടനം ചെയ്‌തു. കോഴ്‌സ്‌ പൂര്‍ത്തിയാക്കിയവരുടെ കുടുംബാംഗങ്ങള്‍ക്കായി സംസ്ഥാനത്ത്‌ ആദ്യമായാണ്‌ ഇത്തരത്തില്‍ കുടുംബസംഗമം നടത്തുന്നത്‌.

ഭക്ഷ്യസംസ്‌ക്കരണ മേഖലയിലും ഇലക്‌ട്രോണിക്‌സ്‌ ഉപകരണ നിര്‍മ്മാണ മേഖലയിലും മിനിമം വേതനം പുതുക്കി നിശ്ചിയിക്കുന്നതിനുളള ഉപദേശക സമിതിയുടെ തെളിവെടുപ്പ്‌ തൃശൂരില്‍ നടന്നു. തൃശൂര്‍, പാലക്കാട്‌, മലപ്പുറം ജില്ലകളിലുളളവര്‍ക്ക്‌ വേണ്ടി രാമനിലയത്തിലായിരുന്നു തെളിവെടുപ്പ്‌ നടന്നത്‌. ഭക്ഷ്യസംസ്‌ക്കരണ മേഖല ഉപദേശകസമിതിയുടെ ആദ്യതെളിവെടുപ്പായിരുന്നു തൃശൂരിലേത്‌. സമിതി കണ്‍വീനര്‍ ആനത്തലവട്ടം ആനന്ദന്‍, ഉപദേശകസമിതി അംഗങ്ങളായ തോമസ്‌ ജോസഫ്‌, എം എ അബ്‌ദുറഹ്മാന്‍ എന്നിവരുടെ നേതൃത്വത്തിലായിരുന്നു തെളിവെടുപ്പ്‌.

തൃശൂര്‍ ഗവണ്‍മെന്റ്‌ മെഡിക്കല്‍ കോളേജില്‍ നിന്നും ഉപയോഗശൂന്യമായ കേസ്‌ ഷീറ്റുകളും രജിസ്റ്ററുകളും ഏറ്റെടുത്ത്‌ ഷ്രഡ്‌ ചെയ്‌ത്‌ നീക്കം ചെയ്യുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഫെബ്രുവരി 20. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2200310, 2200317.

സംസ്ഥാന സര്‍ക്കാര്‍ സ്ഥാപനമായ ഐ.എച്ച്‌.ആര്‍.ഡിയുടെ കീഴില്‍ എറിയാട്‌ ഗ്രാമപഞ്ചായത്തില്‍ നിര്‍മ്മാണം പൂര്‍ത്തിയാക്കിയ കോളേജ്‌ ഓഫ്‌ അപ്ലൈഡ്‌ സയന്‍സിന്റെ പുതിയ കെട്ടിടം സംസ്ഥാന കൃഷിവകുപ്പ്‌ മന്ത്രി അഡ്വ. വി.എസ്‌ സുനില്‍കുമാര്‍ നാടിന്‌ സമര്‍പ്പിച്ചു. ബികോം, കമ്പ്യൂട്ടര്‍ ആപ്ലിക്കേഷന്‍, ബി.എസ്‌. സിഎന്നീ കോഴ്‌സുകള്‍ പഠിപ്പിക്കുന്ന ഐ.എച്ച്‌.ആര്‍.ഡി.യുടെ കീഴില്‍ നിലവില്‍ എടവിലങ്ങ്‌ ഹയര്‍സെക്കന്‍ഡറി സ്‌കൂളിലാണ്‌ കോളേജ്‌ പ്രവര്‍ത്തിച്ചു വന്നിരുന്നത്‌.

പഞ്ചായത്തിന്റെ പൂര്‍ണ്ണവിവരങ്ങള്‍ പ്രതിനിധികള്‍ക്ക്‌ ലഭ്യമാക്കുന്നതിന്‌ വേണ്ടി ഇന്‍ഫര്‍മേഷന്‍ കേരള മിഷന്‍ തയ്യാറാക്കിയ മൊബൈല്‍ ആപ്‌ തദ്ദേശസ്വയംഭരണ വകുപ്പ്‌ മന്ത്രി എ സി മൊയ്‌തീന്‍ പ്രകാശനം ചെയ്‌തു. പ്രതിനിധികള്‍ക്ക്‌ വേദിയില്‍ എത്തിച്ചേരുന്നതിനു സഹായകമാകുന്ന റൂട്ട്‌ മാപ്‌, താമസം സ്ഥലം സംബന്ധമായ റൂട്‌ മാപ്‌, പ്രോഗ്രാ വിശദ വിവരങ്ങള്‍, തത്സമയ വീഡിയോ, വിവിധ സബ്‌ കമ്മിറ്റി / വോളണ്ടിയര്‍ കോണ്‍ടാക്ട്‌ നമ്പര്‍, തുടങ്ങിയവ ഉള്‍പ്പെടുത്തിയിട്ടുണ്ട്‌.കൂടാതെ പ്രധിനിധികളുടെ രജിസ്‌ട്രേഷനും, റൂം ബുക്കിങ്‌ ആവശ്യമായ വെബ്‌സൈറ്റ്‌ നിര്‍മ്മിച്ചിട്ടുണ്ട്‌.

പിലാത്തറ-പാപ്പിനിശ്ശേരി കെഎസ്ടിപി റോഡില്‍ ടെയ്ക്ക് എ ബ്രെയ്ക്ക് വിശ്രമ പാര്‍ക്ക് ഒരുങ്ങുന്നു. രാമപുരത്ത് റോഡിനോട് ചേര്‍ന്നുള്ള പൊതുമരാമത്ത് വകുപ്പിന്റെ 40 സെന്റ് സ്ഥലത്താണ് ടി വി രാജേഷ് എംഎല്‍എയുടെ പ്രത്യേക താല്‍പര്യപ്രകാരം കെഎസ്ടിപി വിശ്രമ പാര്‍ക്ക് നിര്‍മിക്കുന്നത്. സ്ത്രീകള്‍ ഉള്‍പ്പെടെയുള്ള ദീര്‍ഘദൂര യാത്രക്കാര്‍ക്ക് വിശ്രമിക്കാനും പ്രാഥമികാവശ്യങ്ങള്‍ നിര്‍വഹിക്കാനും കുട്ടികള്‍ക്ക് കളിക്കാനും മുതിര്‍ന്നവര്‍ക്ക് ഉല്ലസിക്കാനുമുള്ള സൗകര്യങ്ങളോടെ സജ്ജീകരിക്കുന്ന പാര്‍ക്കിന്റെ നിര്‍മാണ പ്രവൃത്തികള്‍ ഇതിനകം ആരംഭിച്ചു കഴിഞ്ഞു. 

സംഘാടക സമിതി രൂപീകരിച്ചു 

പിഴത്തുക ഒടുക്കാത്തതിനാല്‍ ജപ്തി ചെയ്ത ചെറുവത്തൂര്‍ വില്ലേജിലെ റീസര്‍വ്വേനമ്പര്‍ 165/4 യില്‍പ്പെട്ട 0.0658 ഹെക്ടര്‍ സ്ഥലവും  അതിലെ സകലവും ഇന്ന്(12) രാവിലെ 11 ന് ചെറുവത്തൂര്‍ വില്ലേജ് ഓഫീസില്‍ ലേലം ചെയ്യും. കൂടുതല്‍ വിവരങ്ങള്‍ക്ക്-0467 2204042 

കുറ്റിക്കോല്‍ ഐ ടി ഐ യിലെ ഇ-മെക്ക് ട്രേഡിലേക്കു മൊബൈല്‍ ഫോണ്‍, ടെലിവിഷന്‍ എന്നിവ  സംഭരിക്കുന്നതിന് ദര്‍ഘാസ് ക്ഷണിച്ചു. ഫെബ്രുവരി 25 ന് വൈകുന്നേരം മൂന്നിനകം ദര്‍ഘാസ് സമര്‍പ്പിക്കണം. കൂടുതല്‍ വിവരങ്ങള്‍ www.itikasaragod.kerala.gov.in എന്ന വെബ്‌സൈറ്റില്‍ ലഭ്യമാണ്.ഫോണ്‍-04994 256440

പട്‌ല ഗവ. ഹയര്‍സെക്കന്ററി സ്‌കൂളില്‍ നിന്നും 2018 മാര്‍ച്ചില്‍ പ്ലസ്ടു പഠനം പൂര്‍ത്തിയാക്കിയ വിദ്യാര്‍ത്ഥികള്‍ക്കുളള ഇ-ഗ്രാന്റ്‌സ് സ്‌കോളര്‍ഷിപ് തുക ഫെബ്രുവരി 19 വരെ ഓഫീസില്‍ നിന്നും വിതരണം ചെയ്യും. അര്‍ഹരായ വിദ്യര്‍ത്ഥികള്‍ രേഖകള്‍ സഹിതം ഓഫീസില്‍ നിന്നും തുക കൈപ്പറ്റണം.ഫോണ്‍- 9446413719.