മൃഗസംരക്ഷണ വകുപ്പിനു കീഴിലുള്ള മലമ്പുഴ മേഖലാ കോഴിവളര്‍ത്തല്‍ കേന്ദ്രത്തില്‍ നിന്നും കോഴിക്കുഞ്ഞുങ്ങളെ വിതരണം ചെയ്യുന്നു. ഏപ്രില്‍ 15, 18, 22, 25, 29 തിയതികളില്‍ ഒരു ദിവസം പ്രായമുള്ള ഗ്രാമശ്രീ ഇനത്തില്‍പ്പെട്ട പൂവന്‍ കോഴിക്കുഞ്ഞുങ്ങളും ഏപ്രില്‍ 18ന് പിടക്കോഴിക്കുഞ്ഞുങ്ങളും തരംതിരിക്കാത്തവയും ലഭ്യമാണ്. ആവശ്യമുള്ളവര്‍ 0491-2815206   ല്‍ മുന്‍കൂട്ടി ബുക്ക് ചെയ്യണമെന്ന് അസിസ്റ്റന്‍റ് ഡയറക്ടര്‍ അറിയിച്ചു. 

    ഗവ. ടെക്നിക്കല്‍ ഹൈസ്ക്കൂളില്‍ 2019-20 അധ്യയന വര്‍ഷത്തെ എട്ടാം ക്ലാസ് പ്രവേശനത്തിനുളള അപേക്ഷകളുടെ വിതരണം തുടങ്ങി. അപേക്ഷാ ഫോമും പ്രോസ്പെക്ടസും 10 രൂപയ്ക്ക് സ്ക്കൂള്‍ ഓഫീസില്‍   ലഭിക്കും. പഠനമാധ്യമം ഇംഗ്ലീഷിലാണ്. പൂരിപ്പിച്ച അപേക്ഷകള്‍ മെയ് രണ്ട് വൈകിട്ട് നാല് വരെ സ്വീകരിക്കും. പ്രവേശന പരീക്ഷ മെയ് മൂന്നിന് രാവിലെ 10ന് നടക്കും. ഫോണ്‍: 0491-2572038.

പട്ടാമ്പി താലൂക്ക് ആശുപത്രി ലബോറട്ടറിയിലേക്ക് 'ഫുള്ളി ഓട്ടോമേറ്റിക് 5 പാര്‍ട്ട് ഹീമറ്റോളജി അനലൈസര്‍ ഓട്ടോ ലീഡര്‍' ഉപകരണം ആശുപത്രി ചിലവില്ലാതെ സ്ഥാപിക്കുന്നതിനും ഉപകരണത്തിന് വേണ്ട റീഏജന്‍റ്സ്  രണ്ട് വര്‍ഷത്തേക്ക് വിതരണം ചെയ്യുന്നതിനും താല്‍പര്യമുള്ള കമ്പനികളില്‍ നിന്നും മത്സരാധിഷ്ഠിത ടെണ്ടറുകള്‍ ക്ഷണിച്ചു. 400 രൂപയാണ് ടെണ്ടര്‍ ഫോമിന്‍റെ വില. ടെണ്ടര്‍ ഫോമുകള്‍ ഏപ്രില്‍ 24 ഉച്ചയ്ക്ക് ഒന്ന് വരെ വിതരണം ചെയ്യും. ഏപ്രില്‍ 24 ഉച്ചയ്ക്ക് രണ്ടുവരെ ടെണ്ടറുകള്‍ സ്വീകരിക്കും. അന്നേജിവസം വൈകീട്ട് മൂന്നിന് ടെണ്ടറുകള്‍ തുറക്കും. ഫോണ്‍: 0466-2213769.

    പാലക്കാട് ലോക്സഭാ മണ്ഡലം പൊലീസ് നിരീക്ഷകന്‍ ഡോ.എം.സി സാരംഗനെ   6238951093, 0491-2571400 എന്നീ നമ്പറുകളിലോ ുീഹീയെ.ുസറുിശ@ഴാമശഹ.രീാ ലോ ബന്ധപ്പെടാവുന്നതാണ്. ചന്ദ്രനഗര്‍ ഐ.ടി.ഐ ഗസ്റ്റ് ഹൗസാണ് പ്രവര്‍ത്തന കാര്യാലയം.  
    ആലത്തൂര്‍ ലോക്സഭാ മണ്ഡലം പൊലീസ് നിരീക്ഷകന്‍ അമിത്കുമാര്‍ സിന്‍ഹയെ 8943288743, 0487-2337800 എന്നീ നമ്പറുകളിലോ ുഹമിലഹല2019@ഴാമശഹ.രീാ ലോ   ബന്ധപ്പെടാവുന്നതാണ്.  തൃശൂര്‍ രാമനിലയം ഗവ. ഗസ്റ്റ് ഹൗസാണ് പ്രവര്‍ത്തന കാര്യാലയം. 

 
പൊതു തിരഞ്ഞെടുപ്പ് മാതൃകാ പെരുമാറ്റച്ചട്ടം നടപ്പാക്കുന്നതിന്‍റെ ഭാഗമായി രൂപീകരിച്ച ആന്‍റി ഡീഫെയ്സ്മെന്‍റ് സ്ക്വാഡ് ജില്ലയില്‍ ഇതുവരെ 61161 പ്രചരണ സാമഗ്രികള്‍ നീക്കി. ഇതില്‍ പൊതുയിടങ്ങളില്‍ നിന്നും 54350 പോസ്റ്റര്‍, 1496 ബാനറുകള്‍, 4901 കൊടികള്‍, 414 ചുവരെഴുത്തുകള്‍ ഉള്‍പ്പെടുന്നു. സ്വകാര്യ വ്യക്തികളുടെ സ്ഥലത്ത് ഉടമസ്ഥന്‍റെ അനുമതിയില്ലാതെ പതിച്ച 21 പ്രചരണ വസ്തുക്കളും നീക്കി. ഇന്നലെ (ഏപ്രില്‍ 12) മാത്രം പൊതുസ്ഥലത്തെ 3258 നിരോധിത പ്രചരണ സാമഗ്രികളാണ് നീക്കിയത്.