ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പ്രചാരണ നോട്ടീസുകള്‍, പോസ്റ്ററുകള്‍, ബാനറുകള്‍ എന്നിവ പ്രിന്റ് ചെയ്യുന്ന പ്രസ് ഉടമകള്‍ അനുബന്ധം എ,ബി എന്നിവ നോട്ടീസ് പ്രിന്റ് ചെയ്ത് മൂന്ന് ദിവസത്തിനകം ജില്ലാ തെരഞ്ഞെടുപ്പ് ഓഫീസര്‍ മുമ്പാകെ സമര്‍പ്പിക്കണം. പ്രിന്റ് ചെയ്യപ്പെടുന്ന നോട്ടീസുകള്‍, പോസ്റ്ററുകള്‍, ബാനറുകള്‍ എന്നിവയില്‍ പ്രകോപനപരവും വ്യക്തിഹത്യ ഉദ്ദേശിച്ചിട്ടുളളതും അനാവശ്യവുമായ പരാമര്‍ശങ്ങള്‍ യാതൊന്നും ഉള്‍പ്പെടുന്നില്ലായെന്ന് പ്രസ് ഉടമകള്‍ ഉറപ്പ് വരുത്തേണ്ടതാണെന്ന് നോഡല്‍ ഓഫീസര്‍ അറിയിച്ചു.

ലോകസഭ തെരഞ്ഞെടുപ്പിനോടനുബന്ധിച്ചുള്ള പരിശീലനത്തില്‍ ഇത് വരെ പങ്കെടുക്കാത്ത മൈക്രോ ഒബ്‌സര്‍വര്‍മാര്‍ക്കായി ഇന്ന് ( ഏപ്രില്‍ 18) ന് ഉച്ചയ്ക്ക് രണ്ടിന് കലക്‌ട്രേറ്റ് കോണ്‍ഫറന്‍സ് ഹാളില്‍  പരിശീലന ക്ലാസ് സംഘടിപ്പിക്കും. ഉദ്യോഗസ്ഥര്‍ നിര്‍ബന്ധമായും പങ്കെടുക്കണമെന്നും പരിശീലനത്തിന് എത്താത്തവര്‍ക്കെതിരെ കര്‍ശന നടപടി ഉണ്ടാകുമെന്നും ജില്ലാ കലക്ടര്‍ അറിയിച്ചു. 

അനധികൃതമായി തെരഞ്ഞെടുപ്പ് ജോലിയില്‍ നിന്ന് വിട്ടുനിന്ന സീതത്തോട് ഗ്രാമപഞ്ചായത്ത് അസിസ്റ്റന്റ് സെക്രട്ടറി പി.ആര്‍.വിജയസേനനെ അനേ്വഷണ വിധേയമായി ജില്ലാ കളക്ടര്‍ പി.ബി.നൂഹ് സസ്‌പെന്‍ഡ് ചെയ്തു. 1951ലെ ജനപ്രാതിനിധ്യ നിയമത്തിലെ വ്യവസ്ഥകള്‍ക്ക് വിധേയമായി, 1960ലെ കേരള സിവില്‍ സര്‍വീസുകള്‍ (തരംതിരിക്കലും നിയന്ത്രണവും അപ്പീലും) ചട്ടങ്ങളിലെ ചട്ടം 10(1) പ്രകാരമാണ് അനേ്വഷണ വിധേയമായി സസ്‌പെന്‍ഡ് ചെയ്തത്. 

കഴക്കൂട്ടം ഇലക്ട്രിക്കല്‍ സെക്ഷന്‍ പരിധിയിലെ പേരൂര്‍, അവന്യൂ പാര്‍ക്ക്, മേവല്ലൂര്‍ ഭാഗം എന്നിവിടങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 18) രാവിലെ എട്ടുമുതല്‍ വൈകുന്നേരം അഞ്ചുമണി വരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.
(പി.ആര്‍.പി. 503/2019)

ആറ്റിങ്ങല്‍, തിരുവനന്തപുരം ലോക്‌സഭാ മണ്ഡലങ്ങളില്‍ മത്സരിക്കുന്ന ബി. ദേവദത്തന്റെ പ്രചാരണ വാഹനത്തിന്റെ പെര്‍മിറ്റ് ജില്ലാ വരണാധികാരി റദ്ദാക്കി. തെരഞ്ഞെടുപ്പ് ചെലവുകള്‍ യഥാസമയം വെളിപ്പെടുത്താതിരുന്നതിനെ തുടര്‍ന്നാണ് നടപടി.
(പി.ആര്‍.പി. 502/2019)

വോട്ടെടുപ്പിന് അഞ്ച് ദിവസം മാത്രം ശേഷിക്കെ ജില്ലയിലെ തെരഞ്ഞെടുപ്പ് ഒരുക്കങ്ങള്‍ അന്തിമ ഘട്ടത്തിലേക്ക്. ആറ്റിങ്ങല്‍, തിരുവനന്തപുരം ലോക്സഭാ മണ്ഡലങ്ങളില്‍ വോട്ടെടുപ്പിന് ഉപയോഗിക്കുന്ന ഇലക്ട്രോണിക് വോട്ടിങ് യന്ത്രങ്ങളുടെ കമ്മിഷനിങ് പൂര്‍ത്തിയായി. തിരുവനന്തപുരം ലോക്സഭാ മണ്ഡലത്തിന്റെ ചുമതലയുള്ള പൊതു നിരീക്ഷകന്‍ ശരവണവേല്‍രാജും ജില്ലയിലെ പൊലീസ് നിരീക്ഷക ശശി പ്രഭ ദ്വിവേദിയും ജില്ലയിലെ വോട്ടെടുപ്പിനുള്ള ക്രമീകരണങ്ങള്‍ വിലയിരുത്തി.

ഏപ്രില്‍ മാസം ജില്ലാ വികസന സമിതിയോഗം ഉണ്ടായിരിക്കുന്നതല്ലെന്ന് ജില്ലാ കളക്ടര്‍ അറിയിച്ചു.                    (പിഎന്‍പി 1027/19)

മെയ് മാസം നടക്കുന്ന അഖിലേന്ത്യാ അപ്രന്റീസ്ഷിപ്പ് ട്രേഡ് ടെസ്റ്റ് ഓണ്‍ലൈന്‍ അപേക്ഷ സമര്‍പ്പിക്കുന്നതിനുള്ള തീയതി ഈ മാസം 22 വരെ നീട്ടി. 

                           (പിഎന്‍പി 1026/19)