വടകര ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പേരാമ്പ്ര അസംബ്ലി മണ്ഡലത്തിലെ ഇവിഎം/വിവിപാറ്റ് മെഷീനുകളുടെ കമ്മീഷനിംഗ് എപ്രില്‍ 16 ചൊവ്വാഴ്ച രാവിലെ 9.30 മുതല്‍ പേരാമ്പ്ര സി.കെ.ജി മെമ്മോറിയല്‍ ഗവണ്‍മെന്റ് കോളേജില്‍ നടക്കും. മണ്ഡലത്തിലെ എല്ലാ സ്ഥാനാര്‍ത്ഥികളും നേരിട്ട് ഹാജരാകുകയോ അല്ലെങ്കില്‍ രേഖാമൂലം 17 പ്രതിനിധികളെ ഹാളിലേക്ക്  ചുമതലപ്പെടുത്തുകയോ ചെയ്യണമെന്ന് അസിസ്റ്റന്റ് റിട്ടേണിംഗ് ഓഫീസര്‍ അറിയിച്ചു. ഹാളിലേയ്ക്കു പാസിനുളള അപേക്ഷ അന്നേ ദിവസം  രാവിലെ 8.30 മുതല്‍ സ്വീകരിക്കും. 

ലോക്‌സഭ തെരഞ്ഞെടുപ്പിനോടനുബന്ധിച്ച് കൊടുവള്ളി നിയോജക മണ്‌ലത്തിലെ മുഴുവന്‍ ബൂത്തുകളിലേക്കുമുള്ള ഇ.വി.എം, വി.വിപാറ്റ് മെഷീനുകള്‍ ഏപ്രില്‍ 16 ന് രാവിലെ  എട്ട് മണി മുതല്‍ കെ.എം.ഒ കൊടുവള്ളി ഹയര്‍സെക്കന്ററി സ്‌കൂളില്‍ കമ്മീഷനിംഗ് ചെയ്യും. കമ്മീഷനിംഗിന് സ്ഥാനാര്‍ത്ഥികളുടെയോ അവരുടെ പ്രതിനിധികളുടെയോ സാന്നിധ്യം ഉണ്ടാവണമെന്നും ഇതിനാവശ്യമായ പാസ് ഓഫീസില്‍ നിന്ന് കൈപ്പറ്റണമെന്നും അസി റിട്ടേണിംഗ് ഓഫീസര്‍ അറിയിച്ചു. ഫോണ്‍: 0495 2370343.  

ലോകസഭ തെരഞ്ഞെടുപ്പിനോടനുബന്ധിച്ച് ഫ്‌ളയിംഗ് സ്‌ക്വാഡ് നടത്തിയ പരിശോധനയില്‍ കുന്ദമംഗലത്ത് നിന്ന് 90,000 രൂപ പിടിച്ചെടുത്തു.  തുക  കലക്‌ട്രേറ്റ് സീനിയര്‍ ഓഫീസറുടെ നേതൃത്വത്തിലുളള അപ്പീല്‍ കമ്മറ്റിക്ക് മുമ്പാകെ കൈമാറി. ഇതുവരെ 61.46 ലക്ഷം രൂപ പിടിച്ചെടുത്തതായി ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ അറിയിച്ചു.

ലോകസഭ തെരഞ്ഞെടുപ്പ് 2019 മായി ബന്ധപ്പെട്ട് കോഴിക്കോട് ലോകസഭ മണ്ഡലത്തിലെ സ്ഥാനാര്‍ത്ഥികളുടെ ഏപ്രില്‍ 9 മുതല്‍ 14 വരെയുള്ള തെരഞ്ഞെടുപ്പ് ചെലവ് കണക്കുകളുടെ പരിശോധന 16 ന് വൈകീട്ട് മൂന്ന് മണിക്കും വടകര ലോകസഭ മണ്ഡലത്തിലെ സ്ഥാനാര്‍ത്ഥികളുടെ 10 മുതല്‍ 15 വരെയുള്ള കണക്ക്  പരിശോധന 17 ന് രാവിലെ 10 മണിക്കും നടത്തും. ചെലവ് നിരീക്ഷണ വിഭാഗം ഒബ്‌സര്‍വര്‍മാരുടെ മേല്‍ നോട്ടത്തില്‍ കലക്‌ട്രേറ്റ് കോണ്‍ഫറന്‍സ് ഹാളിലാണ് പരിശോധന നടത്തുക. സ്ഥാനാര്‍ത്ഥികള്‍, സ്ഥാനാര്‍ത്ഥികളുടെ ഏജന്റുമാര്‍ ബന്ധപ്പെട്ട രേഖകള്‍ സഹിതം എത്തണമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ അറിയിച്ചു. 

ജില്ലാ ഭരണകൂടത്തിന്റെ നേതൃത്വത്തില്‍ സ്‌വീപ്പ് പദ്ധതിയുടെ ഭാഗമായി വാഹനങ്ങളില്‍ തെരഞ്ഞെടുപ്പ് ബോധവത്കരണ പോസ്റ്ററുകള്‍ പതിച്ചു. പാളയം ബസ്റ്റാന്റ്, കെ.എസ്.ആര്‍.ടി.സി ബസ്റ്റാന്റ് എന്നിവിടങ്ങളില്‍ ബസുകളിലും സമീപത്തെ ഓട്ടോകളിലുമാണ് പോസ്റ്റര്‍ പതിപ്പിച്ചത്. എന്റെ വോട്ട് എന്റെ അഭിമാനമാണെന്നും നമ്മുടെ ജനാധിപത്യത്തിന്റെ വിജയഗീതത്തിനായി ലോകം കാതോര്‍ക്കുകയാണെന്നും  ഓര്‍മിപ്പിച്ച് വോട്ട് ചെയ്യുന്നതിന്റെ പ്രാധാന്യം ജനങ്ങളിലേക്കെത്തിക്കുകയാണ് പോസ്റ്റര്‍ പതിപ്പിക്കുന്നതിലൂടെ ലക്ഷ്യമിടുന്നത്.    

ലോക്‌സഭ തെരഞ്ഞെടുപ്പിനോടനുബന്ധിച്ച് കൊടുവള്ളി നിയോജക മണ്‌ലത്തിലെ മുഴുവന്‍ ബൂത്തുകളിലേക്കുമുള്ള ഇ.വി.എം, വി.വിപാറ്റ് മെഷീനുകള്‍ ഏപ്രില്‍ 16 ന് രാവിലെ  എട്ട് മണി മുതല്‍ കെ.എം.ഒ കൊടുവള്ളി ഹയര്‍സെക്കന്ററി സ്‌കൂളില്‍ കമ്മീഷനിംഗ് ചെയ്യും. 

ജില്ലയിലെ തെരഞ്ഞെടുപ്പ് പൂര്‍ണ്ണമായും സമാധാനപരമായും മാതൃകാപരമായും സംഘടിപ്പിക്കാന്‍ ജില്ലാ ഭരണകൂടത്തോട് ഒപ്പം നില്‍ക്കുമെന്ന് വിവിധ രാഷ്ട്രീയ പാര്‍ട്ടികള്‍. വിദ്വേഷം പടര്‍ത്തുന്ന രീതിയിലുള്ള പ്രചാരണം നടത്തുകയോ പെരുമാറ്റച്ചട്ടലംഘനം നടത്തുകയോ ചെയ്യില്ലെന്നും രാഷ്ട്രീയപാര്‍ട്ടികള്‍ പറഞ്ഞു.  ജില്ലാ കലക്ടറുടെ അധ്യക്ഷതയില്‍ കലക്ടറേറ്റില്‍ ചേര്‍ന്ന രാഷ്ട്രീയകക്ഷികളുടെ യോഗത്തിലാണ്  ഈ തീരുമാനം. 

ലോക്‌സഭ തെരഞ്ഞെടുപ്പുമായി ബന്ധപ്പെട്ട് ജില്ലയിലെ 13 അസംബ്ലി നിയോജക മണ്ഡലങ്ങളിലെയും തെരഞ്ഞെടുക്കപ്പെട്ട 936 പോളിംഗ് സ്റ്റേഷനുകളില്‍ വെബ്കാസ്റ്റിംഗ് ഏര്‍പ്പെടുത്തും. ഇതിനായി ബിഎസ്.എന്‍.എല്‍ കണക്ടിവിറ്റി ജില്ലയിലുടനീളം തടസ്സം കൂടാതെ ഉറപ്പ് വരുത്തേണ്ട സാഹചര്യം ഉള്ളതിനാല്‍ ഏപ്രില്‍ 24 വരെ ജില്ലയില്‍ റോഡ് കുഴിക്കുന്ന പ്രവൃത്തി നിര്‍ത്തിവച്ച് കലക്ടര്‍ ഉത്തരവായി. 

സാങ്കേതിക വിദ്യാഭ്യാസ വകുപ്പിന്റെ കീഴിലുള്ള സർക്കാർ/എയ്ഡഡ് എൻജിനീയറിംഗ് കോളേജുകളിൽ നിന്ന് ഈ വർഷത്തെ സിവിൽ സർവീസ് പരീക്ഷയിൽ 11 വിദ്യാർഥികൾ ഉന്നതവിജയം കരസ്ഥമാക്കി. ജിഷ്ണു ജെ. രാജ്, ദിവ്യ ചന്ദ്രൻ, ശ്വേത കെ. സുഗതൻ, അമിത് എം.പി, ജിതിൻ റഹ്മാൻ, അർജുൻ മോഹൻ, അർച്ചന പി.പി, നിഥിൻരാജ് പി, അനന്തു സുരേഷ് ഗോവിന്ദ്, വീണാ സുഗതൻ, ടി. ഫരാഷ് എന്നിവരാണ് മികച്ച വിജയം നേടിയത്.

പ്രധാന വിഭാഗങ്ങളായ ഇലക്ട്രിക്കൽ, മെക്കാനിക്കൽ, സിവിൽ, കെമിക്കൽ, ഇലക്‌ട്രോണിക്‌സ് എന്നീ ബ്രാഞ്ചുകളിൽ ഉൾപ്പെട്ട വിദ്യാർഥികളാണ് പട്ടികയിൽ ഇടം നേടിയതെന്ന് സാങ്കേതിക വിദ്യാഭ്യാസ ഡയറക്ടർ (ഇൻ ചാർജ്) അറിയിച്ചു.