ജില്ലയിലെ മൂന്ന് തദ്ദേശ സ്വയംഭരണ സ്ഥാപനങ്ങളിലെ വാര്‍ഡുകളില്‍ നാളെ നടക്കുന്ന ഉപതിരഞ്ഞെടുപ്പിനുള്ള എല്ലാ ക്രമീകരണങ്ങളും പൂര്‍ത്തിയായി. ഇലക്‌ട്രോണിക് വോട്ടിങ് മെഷിനുകളും മറ്റ് ഇലക്ഷന്‍ സാമഗ്രികളും ഇന്ന് (ഫെബ്രുവരി 13) വിതരണം ചെയ്യും. മൂന്ന് വാര്‍ഡുകളിലായി ക്രമീകരിച്ചിരിക്കുന്ന 30 ബൂത്തകളി ലേക്കായി 46 വോട്ടിങ് മെഷീനുകള്‍ വിതരണത്തിന് തയ്യാറായി. എല്ലാ പോളിങ് സ്റ്റേഷനുകളിലും പരിശീലനം ലഭിച്ച  ഉദ്യോഗസ്ഥരെ നിയമിച്ചു കഴിഞ്ഞു.

കേരളക്കര കണ്ട രണ്ട് വലിയ ദുരന്തങ്ങളിലൂടെ കടന്ന് പോയ കടലിന്റെ മക്കള്‍ ഇപ്പോള്‍ സര്‍ക്കാരിന്റെ കൈവലയത്തില്‍ സുരക്ഷിതരാണ്. ഓഖിയുടെ ദുരന്തങ്ങളില്‍ നിന്ന് കരകയറുന്നതിനും മുമ്പേ  നേരിടേണ്ടി വന്ന പ്രളയവും കൂടി  ജില്ലയിലെ തീരദേശ മേഖലയെ കൂടുതല്‍ ദുരിതാവസ്ഥയിലായി. ഈ ഘട്ടത്തിലാണ് കൂടുതല്‍ സുരക്ഷാ പദ്ധതികളുമായി മത്സ്യമേഖലക്ക്  പുത്തന്‍ ഉണര്‍വേകാന്‍   വിവിധ പദ്ധതികള്‍ സര്‍ക്കാര്‍ നടപ്പിലാക്കുന്നത്.

സര്‍ക്കാരിന്റെ ആയിരം ദിനാഘോഷങ്ങളിലേക്ക് കടക്കുന്ന വേളയില്‍ ഇതിനകം തന്നെ വനിതാ ശിശു വികസന വകുപ്പിന്റെ നേതൃത്വത്തില്‍ ജില്ലയിലെ അശരണരായ വിധവകള്‍ക്ക് മെച്ചപ്പെട്ട ജീവിത സൗകര്യം ഒരുക്കുന്നതിനായി 2018-19 സാമ്പത്തിക വര്‍ഷം 114 പേര്‍ക്ക്  11,07,000 രൂപ നല്‍കി.  സര്‍ക്കാരിന്റെ അഭയകിരണം പദ്ധതിയില്‍ ഉള്‍പ്പെടുത്തിയാണ് ധനസഹായം വിതരണം ചെയ്തത്. വനിതകള്‍ ഗൃഹനാഥരായ 122 വിധവകളുടെ മക്കള്‍ക്ക് വിദ്യാഭ്യാസ സ്‌കോളര്‍ഷിപ്പായി 6,25,500 രൂപ ധന സഹായവും വിധവാ പുനര്‍വിവാഹ ധന സഹായമായി 50,000 രൂപയും നല്‍കി.

വിദ്യാഭ്യാസത്തിനു ശേഷം ജോലിക്കായി നെട്ടോട്ടമോടുന്ന യുവാക്കള്‍ക്കും പ്രത്യേക പരിഗണനാ വിഭാഗമായ ഭിന്നശേഷിക്കാര്‍ക്കും സര്‍ക്കാര്‍-സ്വകാര്യ മേഖലകളില്‍ തൊഴില്‍ നേടാന്‍ അവസരമൊരുക്കുകയാണ് ജില്ലയില്‍ പ്രവര്‍ത്തിക്കുന്ന സര്‍ക്കാരിന്റെ നാഷനല്‍ എംപ്ലോയ്മെന്റ് സര്‍വ്വീസ് വകുപ്പ്. സ്ഥിര-താത്കാലിക തസ്തികകളിലായി 2150 നിയമനങ്ങളാണ് ജില്ലയില്‍ ഇതുവരെയായി നടന്നത്.

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് പൊതുജനങ്ങള്‍ക്കായി സംഘടിപ്പിക്കുന്ന ഓണ്‍ലൈന്‍ വീഡിയോ മത്സരം മിഴിവ് 2019  ന് തുടക്കമായി . ംംം.ാശ്വവശ്2019.സലൃമഹമ.ഴീ്.ശി വെബ്‌സൈറ്റില്‍ പേര് രജിസ്റ്റര്‍ ചെയ്ത് മത്സരത്തില്‍ പങ്കെടുക്കാം. അപ്ലോഡ് ചെയ്യുന്ന വീഡിയോകള്‍  പ്രമുഖ സിനിമാ പരസ്യ സംവിധായകര്‍ വിലയിരുത്തി ആദ്യ മൂന്ന് സ്ഥാനക്കാര്‍ക്ക് ഒരു ലക്ഷം, 50,000, 25,000 രൂപ ക്യാഷ് പ്രൈസുകള്‍ നല്‍കും.

വൈദ്യുത ഉത്പാദനരംഗത്ത് സ്വയംപര്യാപ്തമാവുന്ന രാജ്യത്തെ ആദ്യ ജില്ലാ പഞ്ചായത്തായി മാറുകയാണ് കോഴിക്കോട് ജില്ലാ പഞ്ചായത്ത്. ജില്ലയില്‍ പഞ്ചായത്തിന്റെ നിയന്ത്രണത്തിലുള്ള 44 ഹൈസ്‌കൂളുകളില്‍ സോളാര്‍ പാനല്‍ സ്ഥാപിച്ച് 480 കിലോവാട്ട് വൈദ്യുതി ഉത്പാദിപ്പിച്ചാണ് രാജ്യത്തിനു തന്നെ മാതൃകയാവുന്ന നേട്ടം കൈവരിക്കുന്നത്. ഇതിനായി മൂന്നരക്കോടി രൂപയാണ് വിനിയോഗിക്കുന്നത്.