ലോക്‌സഭാ തിരഞ്ഞെടുപ്പിന്റെ വോട്ടര്‍ ബോധവത്കരണ പരിപാടി (സ്വീപ്) യുടെ ഭാഗമായി  കോട്ടയം ബസേലിയേസ് കോളേജില്‍ ഇലക്ട്രോണിക് വോട്ടിംഗ് മെഷീന്‍ പരിചയപ്പെടുത്തലും വോട്ടിംഗ് പരിശീലനവും സംഘടിപ്പിച്ചു. ജില്ലാ തെരഞ്ഞെടുപ്പ് വിഭാഗവും നാഷണല്‍ സര്‍വ്വീസ് സ്‌കീമും സംയുക്തമായി നടത്തിയ പരിപാടിയില്‍ മുന്നൂറോളം വിദ്യാര്‍ഥികള്‍ പങ്കെടുത്തു.

തിരഞ്ഞെടുപ്പ് പോളിംഗ് ഡ്യൂട്ടിയ്ക്കായി നിയോഗിക്കപ്പെടുന്ന ഉദ്യോഗസ്ഥര്‍ക്ക് ഡ്യൂട്ടിയില്‍നിന്ന് ഒഴിവാകാന്‍ ജില്ലാ മെഡിക്കല്‍ ഓഫീസറുടെ നേതൃത്വത്തിലുള്ള മെഡിക്കല്‍ ബോര്‍ഡിന്റെ അനുമതി വേണമെന്ന് തിരഞ്ഞെടുപ്പ് ഡെപ്യൂട്ടി കളക്ടര്‍ എം. വി സുരേഷ് കുമാര്‍ അറിയിച്ചു. പോളിംഗ് ഡ്യൂട്ടിക്ക് നിയോഗിക്കപ്പെടുന്ന ഉദ്യോഗസ്ഥരുടെ ലിസ്റ്റ് മാര്‍ച്ച് 23 നകം പൂര്‍ത്തിയാകും. 30 നു മുമ്പ് പോളിംഗ് ഓഫീസര്‍മാര്‍ക്കുള്ള തിരഞ്ഞെടുപ്പ് പരിശീലന പരിപാടി ആരംഭിക്കും.

ലോക്‌സഭ തിരഞ്ഞെടുപ്പിനോടനുബന്ധിച്ച് പോളിംഗ് സ്റ്റേഷനുകളിലെ അടിസ്ഥാന സൗകര്യങ്ങളുടെ പരിശോധന അന്തിമ ഘട്ടത്തില്‍. ഭിന്നശേഷിക്കാര്‍ക്ക് പ്രവേശനം സുഗമമാക്കുന്നതിനുള്ള റാംപുകള്‍, ഫര്‍ണിച്ചര്‍, വൈദ്യുതി, കുടിവെള്ളം, ടോയ്‌ലെറ്റ്, ഹെല്‍പ് ഡെസ്‌ക്, പോളിംഗ് സ്റ്റേഷന്റെ പേരും നമ്പറും ഉള്‍പ്പെടുന്ന ബോര്‍ഡുകള്‍  തുടങ്ങിയവ എല്ലാ പോളിംഗ് സ്റ്റേഷനുകളിലും ഉണ്ടായിരിക്കണമെന്നാണ് തിരഞ്ഞെടുപ്പ് കമ്മീഷന്‍ നിഷ്‌കര്‍ഷിച്ചിട്ടുള്ളത്.  

ലോക്‌സഭാ തിരഞ്ഞെടുപ്പിനേക്കുറിച്ച് വോട്ടര്‍മാര്‍ അറിയേണ്ട വിവരങ്ങളെല്ലാം നല്‍കാന്‍ വോട്ടോറിക്ഷ ജില്ലയില്‍ പര്യടനം തുടങ്ങി. കേന്ദ്ര തിരഞ്ഞെടുപ്പ് കമ്മീഷന്റെ വോട്ടര്‍ ബോധവത്കരണ പരിപാടിയായ സ്വീപിന്റെ ഭാഗമായാണ് പ്രത്യേകം സജ്ജീകരിച്ച ഓട്ടോറിക്ഷ വോട്ടോറിക്ഷയായി പര്യടനം നടത്തുന്നത്. 

സ്ഥാനാര്‍ഥികളുടെ തെരഞ്ഞെടുപ്പ് ചെലവ് കര്‍ശനമായി നിരീക്ഷിക്കാനുള്ള നടപടികളുമായി ജില്ലാ ഭരണകൂടം. ഇതിന്റെ ഭാഗമായി തെരഞ്ഞെടുപ്പ് ചെലവ് നിരീക്ഷിച്ച് നിര്‍ണയിക്കുന്നതിനുള്ള നിരക്കുകള്‍ തീരുമാനിക്കുന്നത് സംബന്ധിച്ച് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സാംബശിവറാവുവിന്റെ അധ്യക്ഷതയില്‍ രാഷ്ട്രീയ പാര്‍ടികളുടെ യോഗം വിളിച്ചു ചേര്‍ത്തു. തെരഞ്ഞെടുപ്പില്‍ ഉപയോഗിക്കുന്ന പ്രചാരണ ഉപാധികളുടെ നിരക്കുകള്‍ യോഗത്തില്‍ നിശ്ചയിച്ചു. തെരഞ്ഞെടുപ്പ് ചെലവ് നിരീക്ഷണ വിഭാഗം നോഡല്‍ ഓഫീസറായ കലക്ടറേറ്റ് സീനിയര്‍ ഫിനാന്‍സ് ഓഫീസര്‍ എം കെ രാജന്‍ നിരക്കുകള്‍ സംബന്ധിച്ചുള്ള വിശദീകരണം നടത്തി.

          2019 ജനറല്‍ ഇലക്ഷനുമായി ബന്ധപ്പെട്ട് മാതൃകാ പെരുമാറ്റചട്ടം നിലവില്‍ വന്നതിന്റെ ഭാഗമായി ഓഫീസിലും ഓഫീസ് കോമ്പൗണ്ടിലും രാഷ്ട്രീയപാര്‍ട്ടികള്‍, സര്‍വ്വീസ് സംഘടനകള്‍ തുടങ്ങിയവര്‍ സ്ഥാപിച്ചിരിക്കുന്ന ബോര്‍ഡുകള്‍ ബാനറുകള്‍ പോസ്റ്ററുകള്‍ തുടങ്ങിയവ ബന്ധപ്പെട്ട സംഘടനകളുമായി ആലോചിച്ച് ഇന്ന് (മാര്‍ച്ച് 15) വൈകീട്ട് അഞ്ച് മണിക്ക് മുമ്പായി നീക്കം ചെയ്യുകയും  വിവരം നോഡല്‍ ഓഫീസര്‍, മോഡല്‍ കോഡ് ഓഫ് കോണ്‍ട്രാക്ട് സെല്‍ & ഡെപ്യൂട്ടി കലക്ടര്‍ (ജനറല്‍), കലക്ടറേറ്റ്, കോഴിക്കോട് എന്ന വിലാസത്തില്‍ അറിയിക്കുകയും ചെയ്യേണ്ടതാണെന്ന് നോഡല്‍ ഓഫീസര്‍ അറിയിച്ചു.  

കോഴിക്കോട് താലൂക്ക് കൊടിയത്തൂര്‍ വില്ലേജ് പന്നിക്കോട് ദേശത്ത് റി.സ. 172 ല്‍ ഉള്‍പ്പെട്ട ഭൂമി അളന്ന് സര്‍വ്വെ കല്ലുകള്‍ സ്ഥാപിക്കുന്നതിന് ആയിരം സര്‍വ്വെ കല്ലുകള്‍ ലഭ്യമാക്കി സ്ഥലത്ത് എത്തിക്കുന്നതിന് താല്പര്യമുളള വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. കല്ലൊന്നിനുളള തുക രേഖപ്പെടുത്തി സീല്‍ ചെയ്ത കവര്‍ മാര്‍ച്ച് 18 ന് അഞ്ച് മണിക്ക് മുമ്പായി കോഴിക്കോട് ഭൂരേഖ തഹസില്‍ദാര്‍ മുമ്പാകെ എത്തിക്കണം. 

നൊച്ചാട് ഗ്രാമപഞ്ചായത്തില്‍ തൊഴില്‍ രഹിത വേതന വിതരണം മാര്‍ച്ച് 18, 19 തിയ്യതികളില്‍ 11 മണി മുതല്‍ 3 മണിവരെ വിതരണം ചെയ്യുന്നതാണെന്ന് സെക്രട്ടറിഅറിയിച്ചു.  ആവശ്യമായ രേഖകള്‍ സഹിതം ഹാജരാകേണ്ടതാണ്. ഫോണ്‍ - 04962610269.