പൈനാവ് കേന്ദ്രീയ വിദ്യാലയത്തില്‍ ഒന്നാം ക്ലാസുമുതല്‍ ഒമ്പതാം ക്ലാസുവരെ ഏതാനും സീറ്റുകള്‍ ഒഴിവുണ്ട്. താല്‍പര്യമുള്ളവര്‍ക്ക്  വിദ്യാലയത്തിന്റെ ഓഫീസില്‍ നിന്ന് ലഭിക്കുന്ന അപേക്ഷാഫോറം വഴി ഏപ്രില്‍ 22 ന് നാലുമണിവരെ അപേക്ഷിക്കാം.

തൊടുപുഴ നിയോജകമണ്ഡലത്തിലെ പന്നിമറ്റം, പൂമാല, ഇളംദേശം, ചീനിക്കുഴി, ചിലവ്, തട്ടക്കുഴ, കുന്നത്തുപാറ, ചിറ്റൂര്‍, അരീക്കുഴ, പാറ, മലങ്കര, പാറക്കടവ്, മുട്ടം, തുടങ്ങനാട്, കുമാരമംഗലം എന്നിവിടങ്ങളില്‍ പൊതുസ്ഥലത്ത് സ്ഥാപിച്ചിരുന്ന 437 പോസ്റ്ററുകള്‍, 12 ഫ്‌ളക്‌സ് ബോര്‍ഡുകള്‍, 64 കൊടികള്‍ എന്നിവയും സ്വകാര്യ സ്ഥലത്ത് സ്ഥാപിച്ചിരുന്ന 19 ഫ്‌ളക്‌സ് ബോര്‍ഡുകള്‍ എന്നിവയും നീക്കം ചെയ്തു.

ബൂത്ത് വെലല്‍ ഓഫീസര്‍മാര്‍ ഏപ്രില്‍ 16 മുതല്‍ 21 വരെയുള്ള ദിവസങ്ങളില്‍  വോട്ടര്‍സ്ലിപ്  വിതരണം പൂര്‍ത്തിയാക്കും. ഡ്യൂട്ടി സര്‍ട്ടിഫിക്കറ്റ് ഹാജരാക്കുന്ന ദിവസങ്ങളില്‍ നിയന്ത്രണാധികാരികള്‍ ബി.എല്‍.ഒമാര്‍ക്ക് ഡ്യൂട്ടി ലീവ് അനുവദിക്കണമെന്ന് മുഖ്യ തെരഞ്ഞെടുപ്പ് ഓഫീസര്‍ അറിയിച്ചു.

ലോക്‌സഭാ തെരഞ്ഞെടുപ്പ് ബോധവല്‍ക്കരണ വിഭാഗമായ ഇടുക്കി ജില്ലാ സ്വീപിന്റെ ആഭിമുഖ്യത്തില്‍ നടത്തിയ ഓണ്‍ലൈന്‍ വോട്ടര്‍ ക്വിസ് മത്സരത്തില്‍ കണ്ണൂരില്‍ നിന്നുള്ള സൂര്യകുമാര്‍ ഒന്നാം സ്ഥാനം കരസ്ഥമാക്കി. ഇടുക്കി വാഴത്തോപ്പിലെ ജൂലിയന്‍ ജോസഫിനാണ് രണ്ടാം സ്ഥാനം. 230 പേര്‍ ഓണ്‍ലൈന്‍  പ്രശ്‌നോത്തരിക്ക് രജിസ്റ്റര്‍ ചെയ്തിരുന്നെങ്കിലും 82 പേര്‍ മാത്രമേ മത്സരത്തിനെത്തിയുള്ളൂ. 

ആലപ്പുഴ: സാംസ്‌കാരിക വകുപ്പിനു കീഴിൽ പ്രവർത്തിക്കുന്ന അമ്പലപ്പുഴ കുഞ്ചൻ നമ്പ്യാർ സ്മാരകത്തിൻറെ നേതൃത്വത്തിൽ കേരളത്തിലെ പ്രമുഖരായ തുള്ളൽ കലാകാരൻമാർക്ക്  കുഞ്ചൻ നമ്പ്യാർ പുരസ്‌കാരം നൽകി ആദരിക്കുന്നു. ഇതിനുള്ള അപേക്ഷകൾ സ്വീകരിച്ചുതുടങ്ങി. തുള്ളൽ കലയ്ക്ക്  അതുല്യ സംഭാവന നൽകിയ 60 വയസ്സ് പൂർത്തീകരിച്ച കലാകാരന്മാരാണ് അപേക്ഷിക്കേണ്ടത് . വെള്ളക്കടലാസിൽ തയ്യാറാക്കിയ അപേക്ഷയോടൊപ്പം അവതരിപ്പിച്ച പരിപാടികൾ സംബന്ധിച്ച  നോട്ടീസുകൾ,  പ്രായം തെളിയിക്കുന്നതിനുള്ള രേഖ,  ലഭിച്ചിട്ടുള്ള പുരസ്‌കാരങ്ങൾ സംബന്ധിച്ച വിവരങ്ങൾ ഉൾക്കൊള്ളിച്ചിരിക്കണം.

സമ്മതിദായകർ, പോളിംഗ് ഉദ്യോഗസ്ഥർ, സ്ഥാനാർത്ഥി, സ്ഥാനാർത്ഥിയുടെ ഏജന്റ്, പോളിംഗ് ഏജന്റ്, തിരഞ്ഞെടുപ്പ് കമ്മീഷൻ നിയോഗിച്ച ഉദ്യോഗസ്ഥർ, തിരഞ്ഞെടുപ്പ് ജോലിയിൽ ഏർപ്പെട്ടിട്ടുള്ള ജീവനക്കാർ, കൈക്കുഞ്ഞ്, കാഴ്ചയില്ലാത്തതോ പരസഹായം ആവശ്യമുള്ളതോ ആയ സമ്മതിദായകരുടെ സഹായികൾ എന്നിവർക്ക് മാത്രമാണ് തിരഞ്ഞെടുപ്പ് ദിവസം പോളിങ്  ബൂത്തിലേക്കുള്ള പ്രവേശനം. 

പോളിങ്ങ് സ്റ്റേഷനിലും സമീപത്തും ആയുധങ്ങൾ പാടില്ല

പ്രിസൈഡിങ് ഓഫീസറാണ് പോളിങ് സ്റ്റേഷന്റെ മുഴുവൻ ചുമതലക്കാരൻ. വോട്ടിങ്ങ് യന്ത്രം കൃത്യമായി സ്ഥാപിക്കുക, മോക്ക് പോൾ  നടത്തുക, യന്ത്രം വോട്ടിങ്ങിനായി സ്വിച്ച് ഓൺ  ചെയ്യുക, പോളിങ് ആരംഭിക്കുന്നതായി അറിയിക്കുക, മോക്ക് പോളിന് അംഗീകാരം നൽകുക, തിരഞ്ഞെടുപ്പ് കമ്മീഷന്റെ നിർദ്ദേശങ്ങൾ പാലിക്കുക, യന്ത്രം പരിശോധിക്കുക, പോളിങ്ങ് യന്ത്രം തകരാറിലായാൽ ഉടൻ ഉചിത തീരുമാനം കൈക്കൊള്ളുക, ടെൻഡർ വോട്ട് ചെയ്യിക്കുക, രാഷ്ട്രീയ പാർട്ടികളുടെ പ്രതിനിധികൾ ബൂത്തിൽ അനാവശ്യമായി പ്രവേശിക്കുന്നത് നിയന്ത്രിക്കുക, കൃത്യമായി വോട്ടിങ്ങ് യന്ത്രം പരിശോധിക്കുക എന്നിവയാണ് പ്രിസൈഡിങ് ഓഫീസറുടെ പൊതുചുമതലകൾ.