കോഴിക്കോട് താലൂക്ക് സപ്ലൈ ഓഫീസില്‍ പുതിയ റേഷന്‍ കാര്‍ഡിനു വേണ്ടി അപേക്ഷ നല്‍കിയവരില്‍ ടോക്കണ്‍ നമ്പര്‍ 7001 മുതല്‍ 7310 വരെയുള്ള റേഷന്‍കാര്‍ഡ് വിതരണം ഏപ്രില്‍ 20 ന്  രാവിലെ 10.30 മുതല്‍ മൂന്ന് മണി വരെ താലൂക്ക് സപ്ലൈ ഓഫീസില്‍ നടത്തുമെന്ന് താലൂക്ക് സപ്ലൈ ഓഫീസര്‍ അറിയിച്ചു.  7000 വരെ ടോക്കണ്‍ ലഭിച്ചിട്ടും കാര്‍ഡ് വാങ്ങാന്‍ കഴിയാത്തവര്‍ക്ക് മറ്റൊരു തീയ്യതിയില്‍ വിതരണം നടക്കും. 

2019 ലോകസഭ പൊതു തെരഞ്ഞെടുപ്പിനോടനുബന്ധിച്ച് ഏപ്രില്‍ 10,11,12 തീയതികളില്‍ താമരശ്ശേരിയിലെ വിവിധ കേന്ദ്രങ്ങളില്‍ നടന്ന കൊടുവളളി എല്‍.എ.സിയിലെ പോളിംഗ് ഉദ്യോഗസ്ഥര്‍ക്കുളള പരിശീലന പരിപാടിയില്‍ ഹാജരാകാതിരുന്നവര്‍ ഏപ്രില്‍ 13 ന് രാവിലെ 9.30 മുതല്‍ താമരശ്ശേരി രാജീവ് ഗാന്ധി ഓഡിറ്റോറിയത്തില്‍ നടക്കുന്ന പരിശീലന പരിപാടിയില്‍ നിര്‍ബന്ധമായും ഹാജരാകണമെന്ന് അസി. റിട്ടേണിംഗ് ഓഫീസര്‍ അറിയിച്ചു.

തിരുവമ്പാടി നിയമസഭ മണ്ഡലത്തില്‍ പോളിംഗ് ഡ്യൂട്ടി ലഭിച്ച് ഏപ്രില്‍, 10, 11, 12 ദിവസങ്ങളിലായി നടന്ന പോളിംഗ് റിഹേഴ്‌സല്‍ ക്ലാസ്സുകളില്‍ പങ്കെടുക്കാന്‍ന്‍ കഴിയാതിരുന്ന ജീവനക്കാര്‍ക്കായി ഇന്ന്(ഏപ്രില്‍ 13) രാവിലെ രാവിലെ 9.30-ന് അല്‍ഫോണ്‍സാ സീനിയര്‍ സെക്കണ്ടറി സ്‌കൂളില്‍ ക്ലാസ്സ് നടത്തും. ഈ ക്ലാസ്സിലും പങ്കെടുക്കാത്തവര്‍ക്കെതിരെ അച്ചടക്ക നടപടി സ്വീകരിക്കുമെന്ന് ഉപവരണാധികാരി അറിയിച്ചു.                
            

ലോക്‌സഭ തെരഞ്ഞെടുപ്പിനോടനുബന്ധിച്ച് പോളിംഗ് ഉദ്യോഗസ്ഥര്‍, മൈക്രോ ഒബ്‌സര്‍വര്‍മാര്‍ എന്നിവര്‍ക്കുള്ള പോസ്റ്റിംഗ് ഓര്‍ഡര്‍ വിതരണം ചെയ്തു വരികയാണ്. ജില്ലയിലെ ബാങ്കുകള്‍, സര്‍ക്കാര്‍, അര്‍ദ്ധ സര്‍ക്കാര്‍ സ്ഥാപനങ്ങള്‍ ഉള്‍പ്പെടെയുള്ള പൊതുമേഖലാ സ്ഥാപന മേധാവികള്‍ ഉത്തരവ് കൈപ്പറ്റി ഇന്ന് ( ഏപ്രില്‍ 13) തന്നെ ഉദ്യോഗസ്ഥര്‍ക്ക് കൈമാറുന്നതിന് ആവശ്യമായ ക്രമീകരണം ഏര്‍പ്പെടുത്തണമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ അറിയിച്ചു. 

ദു:ഖവെള്ളിയാഴ്ച പ്രമാണിച്ച് ഏപ്രിൽ 19നും പാർമെന്റ് തിരഞ്ഞെടുപ്പ് ദിവസമായ 23നും സംസ്ഥാന ശാസ്ത്ര സാങ്കേതിക മ്യൂസിയവും പ്ലാനറ്റേറിയവും തുറന്ന് പ്രവർത്തിക്കുന്നതല്ല എന്ന് ഡയറക്ടർ അറിയിച്ചു.

പി.എൻ.എക്സ്. 1116/19

ഇടുക്കിയിൽ തേക്കടിക്കു സമീപം കുമളിയിൽ കേരള തൊഴിലാളി ക്ഷേമനിധി ബോർഡിന്റെ കീഴിൽ പ്രവർത്തിക്കുന്ന ഹോളിഡേ ഹോം ഫോർ വർക്കേഴ്‌സ് വിശ്രമകേന്ദ്രത്തിൽ അംഗങ്ങളായിട്ടുളള തൊഴിലാളികൾക്കും, സ്‌കൂൾ/കോളേജ് വിദ്യാർത്ഥികൾക്കും, പൊതുജനങ്ങൾക്കും കുറഞ്ഞ നിരക്കിൽ താമസ സൗകര്യം ലഭ്യമാണ്. 24 മണിക്കൂറും പ്രവർത്തിക്കുന്ന സ്ഥാപനത്തിൽ രാവിലെ ആറു മുതൽ രാത്രി ഒൻപത് വരെ റെസ്റ്റോറന്റ് സൗകര്യവും ഉണ്ട്. കൂടുതൽ വിവരങ്ങൾക്കും മുൻകൂർ ബുക്കിംഗിനും ഫോൺ 04869-222017, 9188602017.

പി.എൻ.എക്സ്. 1115/19

* മുഖ്യ തിരഞ്ഞെടുപ്പ് ഓഫീസർ ബോധവത്കരണ പവലിയൻ 

ഉദ്ഘാടനം ചെയ്തു

* വോട്ടർപട്ടികയിൽ ഇത്തവണ 174 ട്രാൻജെൻഡർമാർ

ലോക്‌സഭാ തിരഞ്ഞെടുപ്പിലേക്ക് ആദ്യമായി വോട്ട് ചെയ്യാൻ മാത്രമല്ല തിരഞ്ഞെടുപ്പ് ബോധവത്കരണത്തിനും മുന്നിട്ടിറങ്ങിയിരിക്കുകയാണ് തലസ്ഥാനത്തെ ട്രാൻസ്‌ജെൻഡർമാർ. സെക്രട്ടേറിയറ്റ് സൗത്ത് ഗേറ്റിനു സമീപം വോട്ടിംഗ് ബോധവത്കരണത്തിനായി തിരഞ്ഞെടുപ്പ് കമ്മീഷൻ ആരംഭിച്ച പവലിയനിൽ ട്രാൻസ്‌ജെൻഡർമാർ വോട്ടിംഗുമായി ബന്ധപ്പെട്ട സംശയങ്ങൾ ദൂരീകരിക്കും. പവലിയന്റെ ഉദ്ഘാടനം മുഖ്യ തിരഞ്ഞെടുപ്പ് ഓഫീസർ ടീക്കാറാം മീണ നിർവഹിച്ചു.