ജില്ലാ ആയുര്‍വേദ ആശുപത്രിയിലെ യോഗ-പ്രകൃതി ചികിത്സാ യൂണിറ്റിന്റെ കീഴില്‍ 50 വയസ്സിന് മുകളില്‍ പ്രായമുളള സ്ത്രീകള്‍ക്കും പുരുഷന്‍മാര്‍ക്കും 10 ദിവസത്തെ സൗജന്യ യോഗാക്യാമ്പ് നടത്തും.  ഏപ്രില്‍ 24 മുതല്‍ മെയ് മൂന്ന് വരെ രാവിലെ 10 മണി മുതല്‍ 11 മണി വരെയാണ് ക്യാമ്പ്. ഫോണ്‍ 8075258044.

തെരഞ്ഞെടുപ്പിനോടനുബന്ധിച്ച് സ്റ്റാറ്റിക് സര്‍വൈലന്‍സ്  കുന്ദമംഗലം സ്‌ക്വാഡ് 65000 രൂപ പിടിച്ചെടുത്ത് കലക്ടറേറ്റ് സീനിയര്‍ ഫിനാന്‍സ് ഓഫീസറുടെ നേതൃത്വത്തിലുളള അപ്പീല്‍ കമ്മറ്റിക്ക്  കൈമാറി. ഇതുവരെ 60.56 ലക്ഷം രൂപ പിടിച്ചെടുത്തിട്ടുണ്ടെന്ന് ജില്ലാ തിരഞ്ഞെടുപ്പ് ഓഫീസര്‍ അറിയിച്ചു.

ജില്ലയില്‍ സൂര്യാതപം മൂലം നാല് പുരുഷ•ാരും രണ്ട് സ്ത്രീകളും ഒരു കുട്ടിയുമടക്കം ഏഴ്‌പേര്‍ ഇന്ന് (ഏപ്രില്‍ 12) ചികിത്സതേടി. ബേപ്പൂര്‍, പനങ്ങാട്, മേപ്പയൂര്‍, മണിയൂര്‍, അഴിയൂര്‍ എന്നിവിടങ്ങളില്‍ നിന്നാണ് കേസുകള്‍ റിപ്പോര്‍ട്ട് ചെയ്യപ്പെട്ടത്. ജില്ലയിലാകെ ഇതുവരെ ചികിത്സ തേടിയവരുടെ എണ്ണം 190 ആണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.

തിരുവമ്പാടി നിയമസഭ മണ്ഡലത്തില്‍ പോളിംഗ് ഡ്യൂട്ടി ലഭിച്ച് ഏപ്രില്‍, 10, 11, 12 ദിവസങ്ങളിലായി നടന്ന പോളിംഗ് റിഹേഴ്‌സല്‍ ക്ലാസ്സുകളില്‍ പങ്കെടുക്കാന്‍ന്‍ കഴിയാതിരുന്ന ജീവനക്കാര്‍ക്കായി ഇന്ന്(ഏപ്രില്‍ 13) രാവിലെ രാവിലെ 9.30-ന് അല്‍ഫോണ്‍സാ സീനിയര്‍ സെക്കണ്ടറി സ്‌കൂളില്‍ ക്ലാസ്സ് നടത്തും. ഈ ക്ലാസ്സിലും പങ്കെടുക്കാത്തവര്‍ക്കെതിരെ അച്ചടക്ക നടപടി സ്വീകരിക്കുമെന്ന് ഉപവരണാധികാരി അറിയിച്ചു.                
            

ലോക്‌സഭ തെരഞ്ഞെടുപ്പിനോടനുബന്ധിച്ച് പോളിംഗ് ഉദ്യോഗസ്ഥര്‍, മൈക്രോ ഒബ്‌സര്‍വര്‍മാര്‍ എന്നിവര്‍ക്കുള്ള പോസ്റ്റിംഗ് ഓര്‍ഡര്‍ വിതരണം ചെയ്തു വരികയാണ്. ജില്ലയിലെ ബാങ്കുകള്‍, സര്‍ക്കാര്‍, അര്‍ദ്ധ സര്‍ക്കാര്‍ സ്ഥാപനങ്ങള്‍ ഉള്‍പ്പെടെയുള്ള പൊതുമേഖലാ സ്ഥാപന മേധാവികള്‍ ഉത്തരവ് കൈപ്പറ്റി ഇന്ന് ( ഏപ്രില്‍ 13) തന്നെ ഉദ്യോഗസ്ഥര്‍ക്ക് കൈമാറുന്നതിന് ആവശ്യമായ ക്രമീകരണം ഏര്‍പ്പെടുത്തണമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ അറിയിച്ചു. 

ലോക്‌സഭാ തെരഞ്ഞെടുപ്പിന്റെ പ്രചാരണാര്‍ഥം സ്വീപ്പിന്റെയും ശുചിത്വമിഷന്റെയും ആഭിമുഖ്യത്തില്‍ സജ്ജമാക്കിയിട്ടുള്ള വോട്ടുവണ്ടി ജില്ലയില്‍ പര്യടനം തുടങ്ങി. കളക്ടറേറ്റില്‍ നടന്ന ചടങ്ങില്‍ തെരഞ്ഞെടുപ്പ് പൊതുനിരീക്ഷകന്‍ സഹദേബ്ദാസ് ഐഎഎസും ജില്ലാ കളക്ടര്‍ പി.ബി.നൂഹും ചേര്‍ന്ന് വോട്ടുവണ്ടി ഫ്‌ളാഗ് ഓഫ് ചെയ്തു. 

    കേരള മീഡിയ അക്കാദമി തിരുവനന്തപുരം, എറണാകുളം സെന്ററുകളില്‍ ആരംഭിക്കുന്ന ഫോട്ടോ ജേര്‍ണലിസം കോഴ്‌സിന് അപേക്ഷ ക്ഷണിച്ചു. മൂന്നുമാസം കാലാവധിയുള്ള കോഴ്‌സിന് പ്ലസ് ടുവാണ് യോഗ്യത. കോഴ്‌സ് ഫീ 25,000 രൂപ. ഓരോ സെന്ററിലും 30 സീറ്റുകള്‍ വരെ ഒഴിവുണ്ടാകും. അപേക്ഷാ ഫോം അക്കാദമി വെബ്‌സൈറ്റായ www.keralamediaacademy.org ല്‍ നിന്നു ഡൗണ്‍ലോഡ് ചെയ്ത് സര്‍ട്ടിഫിക്കറ്റുകളുടെ പകര്‍പ്പു സഹിതം സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി-30 എന്ന വിലാസത്തില്‍ അപേക്ഷിക്കണം.  അപേക്ഷ സ്വീകരിക്കുന്ന അവസാന തീയതി  ഏപ്രില്‍ 27.  കൂടുതല്‍ വിവരങ്ങള്‍ക്ക് ഫോണ്‍:  0484 2422275, 2422068.