പോളിംഗ്: അവസാനഘട്ട പരിശീലനം 17ന്; 

പങ്കെടുക്കാത്തവര്‍ക്കെതിരേ നടപടി

ലോക്സഭ തെരഞ്ഞെടുപ്പുമായി ബന്ധപ്പെട്ട് ഡ്യൂട്ടിക്ക് നിയോഗിച്ച ജീവനക്കാര്‍ക്കായി നിയമസഭാ മണ്ഡലം തലത്തില്‍ വിവിധ കേന്ദ്രങ്ങളിലായി ഇതു വരെ സംഘടിപ്പിച്ച  പരിശീലനങ്ങളില്‍ പങ്കെടുക്കാത്തവര്‍ക്കായി 17ന് രാവിലെ 10 മണിക്ക് ആസൂത്രണ സമിതി കോണ്‍ഫറന്‍സ് ഹാളില്‍ പരിശീലനം നല്‍കും. ജില്ലാതലത്തില്‍ നടത്തുന്ന ഈ പരിശീലനത്തിലും പങ്കെടുക്കാതിരിക്കുന്ന ജീവനക്കാര്‍ക്കെതിരെ ജനപ്രാതിനിധ്യ നിയമം 1951 ലെ വകുപ്പ് 134 പ്രകാരം നടപടിയെടുക്കുമെന്ന് ജില്ലാ ഇലക്ഷന്‍ ഓഫീസര്‍ കൂടിയായ ജില്ലാ കലക്ടര്‍ അറിയിച്ചു.

ലോക്‌സഭാ തെരഞ്ഞെടുപ്പിന് ജില്ലയില്‍ ഉപയോഗിക്കുന്ന ഇവിഎം- വിവിപാറ്റ്  യന്ത്രങ്ങളുടെ കമ്മീഷനിംഗ് ഓരോ നിയമസഭാ മണ്ഡലത്തിലെയും വിതരണ കേന്ദ്രത്തില്‍ ആരംഭിച്ചു. തെരഞ്ഞെടുപ്പ് നിരീക്ഷകര്‍, അസിസ്റ്റന്റ് റിട്ടേണിംഗ് ഓഫീസര്‍മാര്‍, സ്ഥാനാര്‍ഥികള്‍, ഏജന്റുമാര്‍ തുടങ്ങിയവരുടെ സാന്നിദ്ധ്യത്തിലായിരുന്നു കമ്മീഷനിംഗ്. 

കതിരൂര്‍ ഇലക്ട്രിക്കല്‍ സെക്ഷന്‍ പരിധിയിലെ കാനത്തില്‍, കൂവ്വപ്പാടി, കോലക്കാവ് ഭാഗങ്ങളില്‍ നാളെ(ഏപ്രില്‍ 13) രാവിലെ ഒമ്പത് മുതല്‍ വൈകിട്ട് മൂന്ന് മണി വരെ വൈദ്യുതി മുടങ്ങും. 

ജനപ്രാതിനിധ്യനിയമം 1957 അനുസരിച്ച് ലോക്‌സഭ തെരഞ്ഞെടുപ്പ് നടക്കുന്ന  ഏപ്രില്‍ 23 ന് മുഴുവന്‍ സ്വകാര്യ സ്ഥാപനങ്ങളിലെയും വ്യവസായ സ്ഥാപനങ്ങളിലെയും ജീവനക്കാര്‍ക്ക് വേതനത്തോടു കൂടിയ അവധി നല്‍കണമെന്ന് ലേബര്‍ കമ്മീഷണര്‍ ഉത്തരവു പുറപ്പെടുവിച്ചു.  ദിവസവേതനക്കാര്‍ക്കും കാഷ്വല്‍ തൊഴിലാളികള്‍ക്കും ഉത്തരവ് ബാധകമാണ്.  ജില്ലയിലെ എല്ലാ സ്വകാര്യ സ്ഥാപനങ്ങളിലെയും തൊഴിലുടമകള്‍ ജീവനക്കാര്‍ക്ക് ഏപ്രില്‍ 23 ന് വേതനത്തോടുകൂടിയ അവധി നല്‍കി വോട്ടവകാശം വിനിയോഗിക്കുന്നതിനുള്ള സൗകര്യം ഉറപ്പുവരുത്തണമെന്ന് ജില്ലാ ലേബര്‍ ഓഫീസര്‍ (എന്‍ഫോഴ്‌സ്‌മെന്റ്) അറിയിച്ചു.

വോട്ടെടുപ്പുമായി ബന്ധപ്പെട്ട പോള്‍ മാനേജര്‍ ആപ്പ് ഉപയോഗത്തെ കുറിച്ച് സെക്ടറല്‍ ഓഫീസര്‍മാര്‍ക്ക് ഏപ്രില്‍ 16ന് രാവിലെ 10 മണിക്ക് ജില്ലാ പഞ്ചായത്ത് ഹാളില്‍ പരിശീലനം സംഘടിപ്പിക്കുന്നു. എല്ലാ സെക്ടറല്‍ ഓഫീസര്‍മാരും നിര്‍ബന്ധമായും പരിശീലനത്തില്‍ പങ്കെടുക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടര്‍ അറിയിച്ചു. 

കണ്ണൂര്‍ നിയമസഭാ മണ്ഡലത്തിലെ പോളിംഗ് ബൂത്തുകളിലേക്കുള്ള ഇലക്‌ട്രോണിക് വോട്ടിംഗ് മെഷീനുകളുടെ കമ്മീഷനിംഗം ഇന്നും നാളെയും ഏപ്രില്‍ 13നും, 14നും മുനിസിപ്പല്‍ വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ നടക്കും. ഇന്ന് രാവിലെ ഒമ്പത് മണി മുതല്‍ കമ്മീഷനിംഗ് ആരംഭിക്കും. രാഷ്ട്രീയ പാര്‍ട്ടികളുടെ/സ്ഥാനാര്‍ഥികളുടെ പ്രതിനിധികള്‍ ഹാജരാകണമെന്ന് ഉപവരണാധികാരി അറിയിച്ചു.

വടകര ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പേരാമ്പ്ര അസംബ്ലി മണ്ഡലത്തിലെ ഇവിഎം/വിവിപാറ്റ് മെഷീനുകളുടെ കമ്മീഷനിംഗ് എപ്രില്‍ 16 ചൊവ്വാഴ്ച രാവിലെ 9.30 മുതല്‍ പേരാമ്പ്ര സി.കെ.ജി മെമ്മോറിയല്‍ ഗവണ്‍മെന്റ് കോളേജില്‍ നടക്കും. മണ്ഡലത്തിലെ എല്ലാ സ്ഥാനാര്‍ത്ഥികളും നേരിട്ട് ഹാജരാകുകയോ അല്ലെങ്കില്‍ രേഖാമൂലം 17 പ്രതിനിധികളെ ഹാളിലേക്ക്  ചുമതലപ്പെടുത്തുകയോ ചെയ്യണമെന്ന് അസിസ്റ്റന്റ് റിട്ടേണിംഗ് ഓഫീസര്‍ അറിയിച്ചു. ഹാളിലേയ്ക്കു പാസിനുളള അപേക്ഷ അന്നേ ദിവസം  രാവിലെ 8.30 മുതല്‍ സ്വീകരിക്കും. 

ലോക്‌സഭ തെരഞ്ഞെടുപ്പിനോടനുബന്ധിച്ച് കൊടുവള്ളി നിയോജക മണ്‌ലത്തിലെ മുഴുവന്‍ ബൂത്തുകളിലേക്കുമുള്ള ഇ.വി.എം, വി.വിപാറ്റ് മെഷീനുകള്‍ ഏപ്രില്‍ 16 ന് രാവിലെ  എട്ട് മണി മുതല്‍ കെ.എം.ഒ കൊടുവള്ളി ഹയര്‍സെക്കന്ററി സ്‌കൂളില്‍ കമ്മീഷനിംഗ് ചെയ്യും. കമ്മീഷനിംഗിന് സ്ഥാനാര്‍ത്ഥികളുടെയോ അവരുടെ പ്രതിനിധികളുടെയോ സാന്നിധ്യം ഉണ്ടാവണമെന്നും ഇതിനാവശ്യമായ പാസ് ഓഫീസില്‍ നിന്ന് കൈപ്പറ്റണമെന്നും അസി റിട്ടേണിംഗ് ഓഫീസര്‍ അറിയിച്ചു. ഫോണ്‍: 0495 2370343.