വൈദ്യുതി മുടങ്ങും

ധര്‍മ്മശാല ഇലക്ട്രിക്കല്‍ സെക്ഷന്‍ പരിധിയിലെ അഞ്ചാംപീടിക, ചിത്ര തീയറ്റര്‍, പാളിയത്ത് വളപ്പ്, കൂളിച്ചാല്‍, മൊറാഴ സെന്റര്‍, വേണി വയല്‍, കുഞ്ഞരയാല്‍, കോരന്‍ പീടിക, ജെംസ് സ്‌കൂള്‍, വെള്ളിക്കീല്‍ ഭാഗങ്ങളില്‍ നാളെ(ഏപ്രില്‍ 11) രാവിലെ എട്ട് മുതല്‍ വൈകിട്ട് ആറ് മണി വരെ വൈദ്യുതി മുടങ്ങും. 

ചൊവ്വ ഇലക്ട്രിക്കല്‍ സെക്ഷന്‍ പരിധിയിലെ വാണിവിലാസം, ജ്യോതി പീടിക, പുതിയ കോട്ടം, പുളുക്കോപാലം, സ്പ്രിംഗ് ഫീല്‍ഡ് ഭാഗങ്ങളില്‍ നാളെ(ഏപ്രില്‍ 11) രാവിലെ ഒമ്പത് മുതല്‍ വൈകിട്ട് ആറ് മണി വരെ വൈദ്യുതി മുടങ്ങും. 

ജില്ലയിലെ സ്വകാര്യ ബസ് ജീവനക്കാര്‍ക്ക് 2018 -19 വര്‍ഷത്തെ കസ്റ്റമറി ബോണസ് അനുവദിക്കുന്നത് സംബന്ധിച്ച തര്‍ക്കം ജില്ലാ ലേബര്‍ ഓഫീസര്‍ ടി വി സുരേന്ദ്രന്റെ സാന്നിധ്യത്തില്‍ നടന്ന ചര്‍ച്ചയില്‍ ഒത്തുതീര്‍ന്നു.  ബോണസായി  മൊത്ത വരുമാനത്തിന്റെ 20 ശതമാനം തുക പ്രതിമാസം 3500 രൂപ എന്ന പരിധിക്ക് വിധേയമായി തൊഴിലാളികള്‍ക്ക് ലഭിക്കും.   തുക അതാത് ബസ് ഉടമകള്‍ നല്‍കും.

ലോക്സഭ തെരഞ്ഞെടുപ്പിന് മുന്നോടിയായി ജില്ലയിലെ പോളിംഗ് സ്റ്റേഷനുകളിലേക്കുള്ള പോളിംഗ് സാമഗ്രികള്‍ വിതരണത്തിനെത്തി.  2,100 വോട്ടിംഗ് കംപാര്‍ട്ട്മെന്റ്, 695 പാക്കറ്റ് സീല്‍ ചെയ്യുന്നതിനുള്ള മെഴുക്, 4,800 ഷീറ്റ് പാക്കിംഗ് പേപ്പര്‍, 2,300 മെറ്റല്‍ സ്‌കെയില്‍, 50,000 വീതമുള്ള മൂന്ന് തരം പോസ്റ്റല്‍ ബാലറ്റ് കവറുകള്‍, വോട്ടേഴ്സ് സ്ലിപ്പുകള്‍ തുടങ്ങി 23 ഇനം സാധനങ്ങളാണ് ജില്ലയിലെ 1857 പോളിംഗ് സ്റ്റേഷനുകളിലേക്കായി വിതരണത്തിനെത്തിയത്. 

ലോക്‌സഭാ തെരഞ്ഞെടുപ്പ് പ്രചാരണങ്ങളുടെ ഭാഗമായി രാഷ്ട്രീയ പാര്‍ട്ടികള്‍ പ്രചാരണ ജാഥകളും പൊതുയോഗങ്ങളും സംഘടിപ്പിക്കുമ്പോള്‍ ഗതാഗത തടസമുണ്ടാക്കരുതെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ മീര്‍ മുഹമ്മദലി അറിയിച്ചു. 

ലോക്‌സഭാ തെരഞ്ഞെടുപ്പില്‍ വോട്ടുചെയ്യുന്നതിനായി ജില്ലയില്‍ നിന്നുള്ള സര്‍വീസ് വോട്ടര്‍മാര്‍ക്ക് ഇത്തവണ ബാലറ്റുകള്‍ അയച്ചത് ഓണ്‍ലൈന്‍ വഴി. ഇതിനായി പ്രത്യേകം സജ്ജമാക്കിയ പോര്‍ട്ടല്‍ വഴി ചൊവ്വാഴ്ച മൂന്നു മണിയോടെയാണ് റിട്ടേണിംഗ് ഓഫീസര്‍ കൂടിയായ ജില്ലാ കലക്ടര്‍ ഇ ബാലറ്റുകള്‍ അയച്ചത്.

വിവിധ കേന്ദ്ര സുരക്ഷാ സേനകളിലും വിദേശ സര്‍വീസിലും ജോലി ചെയ്യുന്നവര്‍, സംസ്ഥാനത്തിന് പുറത്ത് സേവനമനുഷ്ഠിക്കുന്ന പോലിസ് ഓഫീസര്‍മാര്‍ തുടങ്ങിയവര്‍ക്കാണ് സര്‍വീസ് വോട്ടുകള്‍ ചെയ്യാന്‍ അവസരം. 

കണിയാമ്പറ്റ ചിത്രമൂലയില്‍ പ്രവര്‍ത്തിക്കുന്ന ഗവ.ചില്‍ഡ്രന്‍സ് ഹോമില്‍ ഇന്‍വെര്‍ട്ടര്‍ സ്ഥാപിക്കുന്നതിന് വ്യക്തികളില്‍ നിന്നും സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. അവസാന തീയതി ഏപ്രില്‍ 17 വൈകീട്ട് 3 വരെ. ഫോണ്‍ 04936 286900.