സ്വതന്ത്രവും നീതി പൂര്‍വകവുമായ ലോകസഭ  തിരഞ്ഞെടുപ്പായിരിക്കണം ഇത്തവണ നടത്തേണ്ടത് എന്നു തിരഞ്ഞെടുപ്പ് നിരീക്ഷകന്‍  ഡി.വി സിംഗ് പറഞ്ഞു. തിരഞ്ഞെടുപ്പ് പ്രചരണങ്ങളുടെ വരവ് ചിലവ് കണക്കുകളെ കുറിച്ച് സ്ഥാനാര്‍ഥികള്‍ക്കും രാഷ്ട്രീയ പാര്‍ട്ടികള്‍ക്കുമായി  കലക്ടറേററ്  കോണ്‍ഫറന്‍സ് ഹാളില്‍ ചേര്‍ന്ന  യോഗത്തില്‍ സംസാരിക്കുക ആയിരിന്നു അദ്ദേഹം. 

ഇടുക്കി ലോക്‌സഭാ തെരഞ്ഞെടുപ്പ്  സ്വതന്ത്ര്യവും  നീതിപൂര്‍വ്വവുമായി നടത്തുന്നതിന് തെരഞ്ഞെടുപ്പ് കമ്മീഷന്‍ നിയോജിച്ച നിരീക്ഷകര്‍ മണ്ഡലത്തില്‍ പര്യടനം തുടങ്ങി. ചട്ടലംഘനം ശ്രദ്ധയില്‍പ്പെട്ടാല്‍ അറിയിക്കണമെന്ന് ഒബ്‌സര്‍വര്‍മാര്‍ പൊതുജനങ്ങളോട് അഭ്യര്‍ത്ഥിച്ചു. ഒബ്‌സര്‍വര്‍മാരെയോ ലെയ്‌സണ്‍ ഓഫീസറെയോ ഇ-മെയില്‍ വിലാസത്തിലോ ഫോണിലോ ഫാക്‌സിലോ വിവരം അറിയിക്കാം. പേര്, മൊബൈല്‍ നമ്പര്‍, ഫാക്‌സ്, ഇ-മെയില്‍ എന്ന ക്രമത്തില്‍-

~ഒബ്‌സര്‍വര്‍മാര്‍

ഗരിമ ഗുപ്ത ( ജനറല്‍ ഒബ്‌സര്‍വര്‍), 9188619581, 04862- 232351,  ഴമൃശാമമശമ@െഴാമശഹ.രീാ

കൂറുമാറ്റ നിരോധനനിയമ പ്രകാരം പത്തനംതിട്ട ജില്ലയിലെ വെച്ചൂച്ചിറ ഗ്രാമപഞ്ചായത്തംഗമായ ജോർജ് ഇളംപ്ലാക്കാടിനെ സംസ്ഥാന തിരഞ്ഞെടുപ്പ് കമ്മീഷണർ വി.ഭാസ്‌കരൻ അയോഗ്യനാക്കി.

നിലവിൽ ഗ്രാമപഞ്ചായത്ത് അംഗമായി തുടരുന്നതിനും തദ്ദേശസ്വയംഭരണ സ്ഥാപനങ്ങളിലേക്ക് മത്സരിക്കുന്നതിനും 2019 ഏപ്രിൽ ഒൻപത് മുതൽ ആറ് വർഷത്തേക്കാണ് വിലക്ക്.

ഗ്രാമപഞ്ചായത്തംഗം എ.വി.മാത്യു സമർപ്പിച്ച ഹർജി പരിഗണിച്ചാണ് കമ്മീഷന്റെ നടപടി.

പി.എൻ.എക്സ്. 1090/19

തിരുവനന്തപുരം യൂണിവേഴ്‌സിറ്റി കോളേജിൽ 2012-13 അധ്യയന വർഷം മുതൽ അഡ്മിഷൻ നേടിയവരും 2017-18 വരെ കോഴ്‌സ് പൂർത്തിയാക്കിയവരുമായ വിദ്യാർത്ഥികളിൽ കോഷൻ ഡിപ്പോസിറ്റ് തുക കൈപ്പറ്റാത്തവർ ഏപ്രിൽ 30നകം തുക കൈപ്പറ്റണമെന്ന് പ്രിൻസിപ്പൽ അറിയിച്ചു. 

പി.എൻ.എക്സ്. 1089/19

* പൊതുജനങ്ങൾക്ക് പരാതികൾ അറിയിക്കാം

ഹൈക്കോടതി പുറപ്പെടുവിച്ച വിധിന്യായത്തിന്റെ അടിസ്ഥാനത്തിൽ മുനിസിപ്പാലിറ്റി/മുനിസിപ്പൽ കോർപറേഷൻ പരിധിയിലുള്ള അനധികൃത ബോർഡുകൾ/ബാനറുകൾ/ഹോർഡിംഗുകൾ/കൊടികൾ എന്നിവ നീക്കുന്നത് വിലയിരുത്താനുള്ള നോഡൽ ഓഫീസറായി കൊല്ലം നഗരകാര്യ വകുപ്പിലെ റീജിയണൽ ജോയിൻറ് ഡയറക്ടറെ ചുമതലപ്പെടുത്തി സർക്കാർ ഉത്തരവായി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലെ ചുമതലയാണ് നൽകിയിട്ടുള്ളത്. 

ബി.ഇ / ബി.ടെക്, എംസിഎ, ഡിഗ്രി വിദ്യാര്‍ത്ഥിനി -വിദ്യാര്‍ത്ഥികള്‍ക്കായി കെല്‍ട്രോണിന്റെ നോളേജ് സെന്ററില്‍ സോഫറ്റ് വെയര്‍ -  ഐ ടി പ്ലാറ്റ്‌ഫോമുകളില്‍  തൊഴിലധിഷ്ഠിത  പരിശീലന പരിപാടി ആരംഭിക്കുന്നു. കൂടുതല്‍ വിവരങ്ങള്‍ക്കും അപേക്ഷ ഫോറത്തിനുമായി കെല്‍ട്രോണ്‍ നോളജ് സെന്റര്‍, അംബേദ്ക്കര്‍ ബില്‍ഡിങ്, റെയില്‍വേ ലിങ്ക് റോഡ്, കോഴിക്കോട് എന്ന വിലാസത്തില്‍                            ബന്ധപ്പെടുക.ഫോണ്‍  8089245760

 ഇലക്‌ട്രോണിക് വോട്ടിങ് മെഷീന്‍ കമ്മീഷണിങ്ങിന് മേല്‍നോട്ടം വഹിക്കുന്ന ഉദ്യോഗസ്ഥര്‍ക്കുള്ള പരിശീലനം കളക്ടറ്റേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ ഡോ ഡി സജിത് ബാബു ഉദ്ഘാടനം ചെയ്തു. ഇവിഎം മെഷീന്‍ വളരെ ശ്രദ്ധയോടെ  കൈകാര്യം ചെയ്യണമെന്നും എന്തെങ്കിലും തെറ്റ് പറ്റിയാല്‍  അത് തെരഞ്ഞെടുപ്പിനെ സാരമായി ബാധിക്കുമെന്നും  കളക്ടര്‍ പറഞ്ഞു. ഇവിഎം, കമ്മീഷണിങ്ങ് എന്നിവയെ  കുറിച്ച് ട്രെയിനിംഗ് മാനേജ്‌മെന്റ് നോഡല്‍ ഓഫീസര്‍ കെ വിനോദ് കുമാര്‍ ക്ലാസ് എടുത്തു.

 ലോക്‌സഭാ തെരഞ്ഞെടുപ്പിന് നിയോഗിക്കപ്പെട്ടിട്ടുളള പോളിങ് ജീവനക്കാര്‍ക്കുളള രണ്ടാംഘട്ട പരിശീലനം ഏപ്രില്‍ 11, 12, 16, 17 തീയതികളിലായി ചന്ദ്രഗിരി കെ എസ് ടി പി റോഡിലുളള ചെമ്മനാട് ജമാഅത്ത് ഹയര്‍ സെക്കഡറി സ്‌കൂളില്‍ നടക്കുമെന്ന് ജില്ലാ കളക്ടര്‍ ഡോ.ഡി.സജിത് ബാബു അറിയിച്ചു. നിയമന ഉത്തരവില്‍  നിര്‍ദ്ദേശിച്ചുള്ള ദിവസവും സമയത്തും തന്നെ പരിശീലന ക്ലാസില്‍  ഉദ്യോഗസ്ഥര്‍ പങ്കെടുക്കണം. അതില്‍ മാറ്റമുണ്ടാകില്ല.

ലോക്‌സഭാ തെരഞ്ഞെടുപ്പില്‍ ജില്ലയിലെ മുഴുവന്‍ ഭിന്നശേഷിക്കാര്‍ക്കും വോട്ട് ചെയ്യുന്നതിനുളള സൗകര്യം ഒരുക്കുന്നതിന്റെ ഭാഗമായി നിയമസഭാ മണ്ഡലാടിസ്ഥാനത്തില്‍  12 കോഡിനേറ്റര്‍മാരെ ജില്ലാ കളക്ടര്‍ ഡോ.ഡി.സജിത് ബാബു നിയമിച്ചു. ഭിന്നശേഷിക്കാരെ  വോട്ടെടുപ്പ് ദിവസം പോളിങ്  ബൂത്തില്‍ എത്തിക്കാനുളള പ്രവര്‍ത്തനങ്ങള്‍ ഏകോപിപ്പിക്കുകയെന്നതാണ് ഇവരുടെ ചുമതല. 

ജില്ലയിലെ 71  ബൂത്തുകളില്‍ പ്രത്യേക പരിശീലനം ലഭിച്ച മൈക്രോ ഒബ്‌സര്‍വര്‍മാരെ നിയമിച്ചിട്ടുണ്ട്. വോട്ടെടുപ്പ് കഴിയുന്നതുവരെ ഇവര്‍ ബൂത്തുകളിലുണ്ടാകും. പ്രശ്‌നബാധിതമായ 43 ബൂത്തുകള്‍ പൊതുനിരീക്ഷന്റെ നിയന്ത്രണത്തിലാകും. ഇവിടെ ഓണ്‍ലൈന്‍ വെബ് കാമറകള്‍ സ്ഥാപിക്കും. കളക്ടറേറ്റില്‍ സജ്ജമാക്കിയ കണ്‍ട്രോള്‍ റൂമില്‍ പൊതുനിരീക്ഷനും ജില്ലാ വരണാധികാരിയും ഈ ബൂത്തുകളിലെ പ്രവര്‍ത്തനങ്ങള്‍ നിരീക്ഷിക്കും. എന്തു പ്രശ്‌നവും നേരിടാന്‍ ശക്തമായ സുരക്ഷയും ഒരുക്കിയിട്ടുണ്ടെന്ന് ജില്ലാ കളക്ടര്‍ അറിയിച്ചു.