പത്തനംതിട്ട ലോക്‌സഭാ മണ്ഡലത്തില്‍ ഇത്തവണ 4154 സര്‍വീസ് വോട്ടര്‍മാരുണ്ട്. അടൂര്‍ മണ്ഡലത്തിലാണ് കൂടുതല്‍ സര്‍വീസ് വോട്ടര്‍മാര്‍ ഉള്ളത്-1247 പേര്‍. കുറവ് പൂഞ്ഞാര്‍ മണ്ഡലത്തില്‍, ഇവിടെ 152 സര്‍വീസ് വോട്ടുകളാണുള്ളത്. കാഞ്ഞിരപ്പള്ളിയില്‍ 204 ഉം തിരുവല്ലയില്‍ 427 ഉം റാന്നിയില്‍ 442 ഉം ആറന്മുളയില്‍ 699 ഉം കോന്നിയില്‍ 983 ഉം സര്‍വീസ് വോട്ടര്‍മാര്‍ ഇക്കുറിയുണ്ട്.            (ഇലക്ഷന്‍: 153/19)

ഇത്തവണ ലോക്‌സഭാ തെരഞ്ഞെടുപ്പില്‍ പത്തനംതിട്ട ലോക്‌സഭാ മണ്ഡലത്തില്‍ ആദ്യമായി വോട്ടവകാശം ലഭ്യമായത് 22,805 പേര്‍ക്ക്. 18, 19 വയസുകാരാണ് ഈ വിഭാഗത്തിലുള്ളത്. ഇവര്‍ക്ക് പ്രായപൂര്‍ത്തി വോട്ടവകാശം ലഭിച്ച ശേഷമുള്ള ആദ്യ പൊതുതെരഞ്ഞെടുപ്പാണിത്. 

പത്തനംതിട്ട ലോക്‌സഭാ മണ്ഡലത്തില്‍ എന്‍.ആര്‍.ഐ. വോട്ടര്‍മാര്‍ ആകെ 2442 പേര്‍. ഇതില്‍ 2082 പേര്‍ പത്തനംതിട്ട ജില്ലയിലും 360 പേര്‍ കാഞ്ഞിരപ്പള്ളി, പൂഞ്ഞാര്‍ മണ്ഡലങ്ങളിലുമാണ് ഉള്ളത്. എന്‍.ആര്‍.ഐ വോട്ടര്‍മാരില്‍ ബഹുഭൂരിപക്ഷവും പുരുഷന്‍മാരാണ്. 1984 പുരുഷ വോട്ടര്‍മാരും 458 സ്ത്രീ വോട്ടര്‍മാരുമാണ് ഈ പട്ടികയിലുള്ളത്. 

ജി പി എസ് ഘടിപ്പിച്ച ടാങ്കറുകളുടെ ഉടമകളില്‍ നിന്നും  താലൂക്ക് അടിസ്ഥാനത്തില്‍ ലിറ്റര്‍ നിരക്കിന് കുടിവെള്ള വിതരണത്തിന് ക്വട്ടേഷന്‍ ക്ഷണിച്ചു. ടാങ്കറുകളില്‍ തദ്ദേശ സ്വയംഭരണ സ്ഥാപനങ്ങള്‍ മുഖേന ജി പി എസ് ഘടിപ്പിക്കണം. ക്വട്ടേഷനുള്ള അപേക്ഷ ഏപ്രില്‍ 10 നകം ജില്ലാ കളക്ടര്‍, കളക്ട്രേറ്റ് ഇടുക്കി എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് കളക്ട്രേറ്റുമായി ബന്ധപ്പെടുക.

കട്ടപ്പന-ഇരട്ടയാര്‍ റോഡില്‍ പേഴുംകവല ഭാഗത്ത് കലുങ്ക് നിര്‍മ്മാണം നടക്കുന്നതിനാല്‍ ഏപ്രില്‍ എട്ട് മുതല്‍ 10 ദിവസത്തേക്ക് കട്ടപ്പന- ഇരട്ടയാര്‍ റോഡിലൂടെയുള്ള ഗതാഗതം എസ്.എന്‍ ജംഗ്ഷന്‍ വഴി തിരിച്ചുവിട്ടു.

തൊടുപുഴ നിയോജകമണ്ഡലത്തിലെ മുട്ടത്ത് സ്ഥാപിച്ചിരുന്ന പാര്‍ട്ടി കൊടി സംബന്ധിച്ചും വെങ്ങല്ലൂരില്‍ സ്ഥാപിച്ചിരുന്ന ഫ്‌ളക്‌സ് ബോര്‍ഡുകള്‍ സംബന്ധിച്ചും ഇലക്ഷന്‍ കമ്മീഷന്റ വെബ്‌സൈറ്റായ സിവിജിലില്‍ ലഭിച്ച പരാതി ആന്റി ഡീഫേയ്‌സ്‌മെന്റ് സ്‌ക്വാഡുകള്‍ സ്ഥലപരിശോധന നടത്തി നീക്കം ചെയ്ത് പരാതി പരിഹരിച്ചു.

തൊടുപുഴ നിയോജകമണ്ഡലത്തിലെ ഇടവെട്ടി, ശാസ്താംപാറ, കൊതകുത്തി, ബ്ലാത്തിക്കവല, പട്യംക്കവല, മാര്‍ത്തോമ, മുരളിക്കവല, വെങ്ങല്ലൂര്‍, കുമാരമംഗലം, പെരുമ്പിള്ളിച്ചിറ, ഏഴല്ലൂര്‍, പടി.കോടിക്കുളം, പാറ എന്നിവിടങ്ങളില്‍ പൊതുസ്ഥലത്ത് സ്ഥാപിച്ചിരുന്ന 353 പോസ്റ്ററുകള്‍, 15 ഫ്‌ളക്‌സുകള്‍ ( പൊതുസ്ഥലത്ത് സ്ഥാപിച്ചിരുന്ന 14 ഫ്‌ളക്‌സ് ബോര്‍ഡ്, സ്വകാര്യ സ്ഥലത്ത് സ്ഥാപിച്ചിരുന്ന 1 ഫ്‌ളക്‌സ് ബോര്‍ഡ് ) എന്നിവ നീക്കം ചെയ്തു.