കേരള രാഷ്ട്രീയത്തിലെ അത്യുജ്ജ്വലമായ ഒരു കാലഘട്ടമാണ് കെ.എം മാണിയുടെ ദേഹവിയോഗത്തോടെ അസ്തമിക്കുന്നതെന്ന് ചീഫ് സെക്രട്ടറി ടോം ജോസ് അനുശോചന സന്ദേശത്തിൽ പറഞ്ഞു. 

കേരള സർക്കാർ സ്ഥാപനമായ കെൽട്രോണിൽ തൊഴിലധിഷ്ഠിത കോഴ്‌സുകളായ കംമ്പ്യൂട്ടർ ഹാർഡ്‌വെയർ ആന്റ് നെറ്റ്‌വർക്ക് മെയിന്റനൻസ് വിത്ത് ഇ-ഗാഡ്ജറ്റ് ടെക്‌നോളജീസ്, ഇലക്ട്രിക്കൽ വയർമാൻ ആന്റ് പ്ലംബർ, റഫ്രിജറേഷൻ ആന്റ് എയർകണ്ടീഷനിങ്, സി.സി.എൻ.എ, പ്രൊഫഷണൽ ഡിപ്ലോമ ഇൻ വെബ്ഡിസൈൻ ആന്റ് ഡെവലപ്‌മെന്റ് എന്നീ കോഴ്‌സുകളിലേക്ക് അപേക്ഷ ക്ഷണിച്ചു. കൂടുതൽ വിവരങ്ങൾക്ക് തിരുവനന്തപുരത്ത് സ്‌പെൻസർ ജംഗഷനിലെ കെൽട്രോൺ നോളഡ്ജ് സെന്ററിൽ ബന്ധപ്പെടണം. ഫോൺ: 0471 2337450, 0471 2320332

പി.എൻ.എക്സ്. 1092/19

സിവിൽ സർവീസ് പരീക്ഷയിൽ മികച്ച വിജയം നേടി സ്വന്തം സമൂഹത്തിന് പ്രചോദനവും സംസ്ഥാനത്തിന്റെ അഭിമാനവുമായ ശ്രീധന്യയെ ഫേസ്ബുക്കിലൂടെ വംശീയമായി അധിക്ഷേപിച്ചുവെന്ന് കാണിച്ച് മൃദുലദേവി.എസ്, വിബിൻ എന്നിവർ നൽകിയ പരാതിയുടെ അടിസ്ഥാനത്തിൽ എസ്.സി-എസ്.ടി കമ്മിഷൻ കേസെടുത്തു. ഇതേക്കുറിച്ച് അന്വേഷിച്ച് റിപ്പോർട്ട് നൽകാൻ ജില്ലാ പോലീസ് മേധാവികൾ, സൈബർ ക്രൈം വിംഗ് എന്നിവരോട് കമ്മീഷൻ ആവശ്യപ്പെട്ടു.

പി.എൻ.എക്സ്. 1091/19

ശബരിമല മേടമാസ പൂജ, വിഷു ഉത്സവത്തോടനുബന്ധിച്ച് പമ്പ ത്രിവേണി സ്‌നാന സരസില്‍ ആവശ്യമായ ജല ലഭ്യത ഉറപ്പാക്കുന്നതിനായി പമ്പ അണക്കെട്ടില്‍ നിന്നും ജലം തുറന്നുവിടുന്നതിന് ജില്ലാ കളക്ടര്‍ പി.ബി.നൂഹ് ഉത്തരവായി. പമ്പ അണക്കെട്ടില്‍ സ്ഥാപിച്ചിട്ടുള്ള സ്ലൂയിസ് വാല്‍വ് തുറന്നുവിട്ട് ജലം കൊച്ചുപമ്പാ വിയറിലെ തടയണയില്‍ ശേഖരിച്ച ശേഷം തടയണയില്‍ സ്ഥാപിച്ചിട്ടുള്ള വാല്‍വിലൂടെ പ്രതിദിനം 25000 ക്യുബിക് മീറ്റര്‍ എന്ന തോതിലാണ്  ഇന്ന് (10) മുതല്‍ 19 വരെ ജലം തുറന്നുവിടുന്നത്. 

കൊച്ചി ഐഎന്‍എസ് ദ്രോണാചാര്യയുടെ പ്രതിനിധി ഈ മാസം 27ന് രാവിലെ 11 മുതല്‍ ഉച്ചയ്ക്ക് ഒന്ന് വരെ ജില്ലാ സൈനിക ക്ഷേമ ഓഫീസില്‍ ഉണ്ടായിരിക്കും. ജില്ലയിലെ നേവല്‍ വിധവകള്‍, നേവല്‍ വിമുക്തഭടന്മാര്‍ എന്നിവര്‍ക്ക് അവരുടെ നേവല്‍ പെന്‍ഷന്‍/ ഫാമിലി പെന്‍ഷന്‍ എന്നിവ സംബന്ധിച്ചുള്ള പരാതികള്‍ നേരിട്ട് സമര്‍പ്പിക്കാമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.                   (പിഎന്‍പി 1013/19)

ഹൈക്കോടതി പുറപ്പെടുവിച്ച വിധിന്യായത്തിന്റെ അടിസ്ഥാനത്തില്‍ മുനിസിപ്പാലിറ്റി/ മുനിസിപ്പല്‍ കോര്‍പറേഷന്‍ പരിധിയിലുള്ള അനധികൃത ബോര്‍ഡുകള്‍/ബാനറുകള്‍/ ഹോര്‍ഡിംഗുകള്‍/കൊടികള്‍ എന്നിവ നീക്കുന്നത് വിലയിരുത്താനുള്ള നോഡല്‍ ഓഫീസറായി കൊല്ലം നഗരകാര്യ വകുപ്പിലെ റീജിയണല്‍ ജോയിന്റ് ഡയറക്ടറെ ചുമതലപ്പെടുത്തി സര്‍ക്കാര്‍ ഉത്തരവായി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലെ ചുമതലയാണ് നല്‍കിയിട്ടുള്ളത്. 

ഈ വര്‍ഷത്തെ നഴ്‌സസ് വാരാഘോഷം മെയ് ആറ് മുതല്‍ 12 വരെ വിവിധ പരിപാടികളോടെ നടത്താന്‍ എഡിഎം ക്ലമന്റ് ലോപ്പസിന്റെ അധ്യക്ഷതയില്‍ കളക്ടറേറ്റില്‍ കൂടിയ സംഘാടക സമിതിയില്‍ തീരുമാനമായി. വാരാഘോഷ പരിപാടികള്‍ ചുട്ടിപ്പാറ എസ്എംഇ കോളജ് ഓഫ് നഴ്‌സിംഗില്‍ ജില്ലാ കളക്ടര്‍ പി.ബി.നൂഹ് ഉദ്ഘാടനം ചെയ്യും. ട്രൈബല്‍ ഹെല്‍ത്ത് ക്യാമ്പ്, നഴ്‌സിംഗ് വിദ്യാര്‍ഥികള്‍ക്കും ജീവനക്കാര്‍ക്കുമുള്ള കലാമത്സരങ്ങള്‍, ക്യാന്‍സര്‍ നിര്‍ണയ ക്യാമ്പ്, യോഗാ ക്യാമ്പ് എന്നിവയും വാരാഘോഷത്തോടനുബന്ധിച്ച് നടത്തും. 

2019 ജനുവരിയില്‍ നടന്ന കെ-ടെറ്റ് പരീക്ഷയില്‍ വിജയിച്ച പത്തനംതിട്ട വിദ്യാഭ്യാസ ജില്ലയിലെ കാറ്റഗറി ഒന്ന്, രണ്ട്, മൂന്ന്, നാല് വിഭാഗം ഉദേ്യാഗാര്‍ഥികളുടെ സര്‍ട്ടിഫിക്കറ്റ് പരിശോധന ഇന്നും (10) നാളെയും നടക്കും. 2017 ഡിസംബര്‍, 2018 ജൂണ്‍, 2018 ഒക്‌ടോബര്‍ വര്‍ഷങ്ങളിലെ സര്‍ട്ടിഫിക്കറ്റുകള്‍ രാവിലെ 10.30 മുതല്‍ ജില്ലാ വിദ്യാഭ്യാസ ഓഫീസില്‍ വിതരണം ചെയ്യും. ഉദേ്യാഗാര്‍ഥികള്‍ സര്‍ട്ടിഫിക്കറ്റ്, ഹാള്‍ ടിക്കറ്റ് എന്നിവയുടെ അസല്‍, പകര്‍പ്പ് എന്നിവ സഹിതം ഹാജരാകണം. ഫോണ്‍: 0468 2222229.

       (പിഎന്‍പി 1010/19)