2018 ഡിസംബർ 28നും 29നും തിരുവനന്തപുരം കേന്ദ്രത്തിൽ റവന്യൂ ജീവനക്കാർക്കായി നടത്തിയ ഹയർ സർവെ (റീകൗണ്ടിംഗിനുശേഷം) പരീക്ഷാഫലം പ്രസിദ്ധീകരിച്ചു.  സർവെ ഡയറക്ടറേറ്റിലും സർവെ വകുപ്പിന്റെ വെബ്‌സൈറ്റിലും (www.dslr.kerala.gov.in) പരീക്ഷാഫലം ലഭ്യമാണ്.

പി.എൻ.എക്സ്. 1104/19

കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മോഡൽ അനുമാനങ്ങൾ പ്രകാരമുള്ള ഭൂപടങ്ങളിലെ സൂചനകളിൽ ഏപ്രിൽ 14 വരെ സംസ്ഥാന വ്യാപകമായി ചൂട് വർധിക്കാൻ സാധ്യതയുണ്ട്. വരും ദിവസങ്ങളിൽ ജനങ്ങൾ കൂടുതൽ ശ്രദ്ധ പുലർത്തുകയും പകൽ 11 മണി മുതൽ 3 മണി വരെ നേരിട്ട് വെയിൽ ഏൽക്കുന്നത് പൂർണ്ണമായും ഒഴിവാക്കുകയും ചെയ്യണമെന്ന് ദുരന്തനിവാരണ അതോറിറ്റി അറിയിച്ചു.  

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തിൽ ഏപ്രിൽ 13  വരെ വയനാട് ഒഴികെയുള്ള ജില്ലകളിൽ ഉയർന്ന താപനില ശരാശരിയിൽ നിന്നും 2 മുതൽ 4 ഡിഗ്രി വരെ ഉയരാൻ സാധ്യതയുണ്ട്.

പി.എൻ.എക്സ്. 1102/19

ഒളശ്ശ സര്‍ക്കാര്‍ അന്ധവിദ്യാലയത്തില്‍ ഒന്നു മുതല്‍ 10 വരെ ക്ലാസുകളിലേക്കുളള പ്രവേശനം ആരംഭിച്ചു. അഞ്ചു വയസ്സ് മുതല്‍ 10 വയസ്സ് വരെ പ്രായമുളളവര്‍ക്ക് ഒന്നാം ക്ലാസിലേക്കും  സാധാരണ സ്കൂളില്‍ പഠിക്കുന്ന 40 ശതമാനത്തിന് മേല്‍ കാഴ്ച വൈകല്യമുളളവര്‍ക്ക് റ്റി.സിയുടെ അടിസ്ഥാനത്തില്‍ അതത് ക്ലാസുകളിലേക്കും പ്രവേശനം ലഭിക്കും. പഠനം, ഭക്ഷണം, വൈദ്യസഹായം, യൂണിഫോം എന്നിവ സൗജന്യമാണ്.

തെരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ട ജീവനക്കാര്‍ക്ക് പോസ്റ്റല്‍ ബാലറ്റിനും ഡ്യൂട്ടി സര്‍ട്ടിഫിക്കറ്റിനും അപേക്ഷിക്കാന്‍ പരിശീലന കേന്ദ്രങ്ങളില്‍ (വോട്ടര്‍ സഹായ കേന്ദ്രം)  സൗകര്യങ്ങള്‍ ഏര്‍പ്പെടുത്തിയതായി ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ അമിത് മീണ അറിയിച്ചു. പോസ്റ്റല്‍ ബാലറ്റിനും ഡ്യൂട്ടി സര്‍ട്ടിഫിക്കറ്റിനും അപേക്ഷിക്കാനുള്ള സൗകര്യങ്ങള്‍ ജീവനക്കാര്‍ക്കുള്ള പരിശീലന കേന്ദ്രങ്ങളില്‍ ഒരുക്കുന്നതിന് ബന്ധപ്പെട്ട അസിസ്റ്റന്റ് റിട്ടേണിംഗ് ഓഫീസര്‍മാര്‍ താഴെ പറയുന്ന നിര്‍ദ്ദേശങ്ങള്‍ പാലിക്കണം.