വണ്ടൂര്‍ അംബേദ്കര്‍ കോളേജ് ഓഫ് ആര്‍ട്‌സ് & സയന്‍സ് കോളജില്‍ ഗസ്റ്റ് അധ്യാപകരെ നിയമിക്കുന്നു. കോമേഴ്‌സ്, എക്കണോമിക്‌സ്, ഹിസ്റ്ററി, പൊളിറ്റിക്കല്‍ സയന്‍സ്, അറബിക് വിഷയങ്ങളില്‍ ഏപ്രില്‍ 25 രാവിലെ 9:30 നും ഇംഗ്ലീഷ്, ജേര്‍ണലിസം സോഷ്യോളജി, മാത്തമാറ്റിക്‌സ്, കമ്പ്യൂട്ടര്‍ സയന്‍സ്,സ്റ്റാറ്റിസ്റ്റിക്‌സ്, തുടങ്ങിയവയില്‍   അന്നേ  ദിവസം ഉച്ചക്ക് 1:30 നും കൂടിക്കാഴ്ച്ച നടത്തും. കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ളവര്‍ യോഗ്യത/പരിചയ അസ്സല്‍ സര്‍ട്ടിഫിക്കറ്റുകള്‍ സഹിതം നിശ്ചിത സമയം കോളേജില്‍ ഹാജരാകണം. ഫോണ്‍. 04931249666.

    തിരൂര്‍ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ 2018-20 വര്‍ഷത്തില്‍ ഉണ്ടാകാനിടയുള്ള തൊഴില്‍ അവസരങ്ങളിലേക്ക് ഡ്രൈവര്‍ (എല്‍.എം.വി) ബാഡ്ജ് ഇല്ലാത്തവരെകൂടി ഉള്‍പ്പെടുത്തിയുള്ള താല്‍ക്കാലിക സീനിയോറിറ്റി പട്ടിക പ്രസിദ്ധീകരിച്ചു.  പട്ടിക ലേലൃtuൃ.ലാു.ഹയൃ@സലൃമഹമ.ഴീ്.ശി ല്‍ ലഭിക്കും.  പരാതികള്‍ ഏപ്രില്‍ 22നകം നല്‍കണം.

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില്‍ ഏപ്രില്‍ 10, 11, 12  തീയതികളില്‍ തിരുവനന്തപുരം, കോട്ടയം, ആലപ്പുഴ, കൊല്ലം,  പത്തനംതിട്ട, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്നും രണ്ടു മുതല്‍ മൂന്നു ഡിഗ്രി വരെ ഉയരുവാന്‍ സാധ്യതയുണ്ട്.
പൊതുജനങ്ങള്‍ക്കായുള്ള നിര്‍ദേശങ്ങള്‍
- പൊതുജനങ്ങള്‍ 11 മുതല്‍ മൂന്നു വരെ നേരിട്ട് സൂര്യപ്രകാശം എല്‍ക്കുന്നത് ഒഴിവാക്കണം.
- നിര്‍ജലീകരണം തടയാന്‍ കുടിവെള്ളം എപ്പോഴും ഒരു ചെറിയ കുപ്പിയില്‍ കയ്യില്‍ കരുതണം.

ലോക്‌സഭ തെരഞ്ഞെടുപ്പുമായി ബന്ധപ്പെട്ട് ജില്ലയിലെ സെക്ടറല്‍ ഓഫീസര്‍മാര്‍ക്ക് പരിശീലന ക്ലാസ്സ് സംഘടിപ്പിച്ചു.  കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ തിരൂര്‍ റവന്യൂ സബ് വകുപ്പിനു കീഴിലുള്ള സെക്ടറല്‍ ഓഫീസര്‍മാര്‍ പങ്കെടുത്തു. രണ്ട് സെക്ഷനുകളിലായി നടന്ന പരിശീലനത്തില്‍ വോട്ടിങ് സാമഗ്രികളായ വി.വി.പാറ്റ് ഇ.വി.എം തുടങ്ങിയവയുടെ ഉപയോഗത്തെ കുറിച്ചും തെരഞ്ഞെടുപ്പില്‍ ഉദ്യോഗസ്ഥര്‍ നിര്‍വഹിക്കേണ്ട ചുമതലകളും വിവരിച്ചു. ഇലക്ഷന്‍ ഡെപ്യൂട്ടി കലക്ടര്‍ എം.കെ അനില്‍ കുമാര്‍ സംസാരിച്ചു. ജൂനിയര്‍ സൂപ്രണ്ടുമാരായ അന്‍സു ബാബു, അബ്ദുള്‍ നാസര്‍ എന്നിവര്‍ ക്ലാസെടുത്തു.

വോട്ടെടുപ്പുമായി ബന്ധപ്പെട്ടുള്ള പ്രധാനപ്പെട്ട  വിവരങ്ങള്‍ വളരെ വേഗം ജില്ലാതലത്തില്‍ ലഭ്യമാക്കാന്‍ പോള്‍ മാനേജര്‍ ആപ്പ് ഒരുങ്ങി.  വോട്ടെടുപ്പ് ദിവസവും അതിന് മുമ്പത്തെ ദിവസവും ഉദ്യോഗസ്ഥര്‍ക്ക് ഉപയോഗിക്കാനാണ് മൊബൈല്‍ ആപ്പ് ആയ  പോള്‍ മാനേജര്‍ സംവിധാനം ഒരുങ്ങിയിരിക്കുന്നത്.
ഇതിനായി ആപ്പില്‍ മുന്‍കൂട്ടി നിശ്ചയിച്ചിട്ടുള്ള 19 ചോദ്യാവലികളാണുള്ളത്. പോളിങ് സ്റ്റേഷനിലേക്ക് നിയമിക്കപ്പെട്ട ഉദ്യോഗസ്ഥര്‍ പുറപ്പെട്ട് തിരിച്ചെത്തുന്നതു വരെയുള്ള വിവരങ്ങള്‍ ഇതുവഴി രേഖപ്പെടുത്താം. നിലവില്‍ പ്രീസഡിംങ് ഓഫീസര്‍, പോളിങ് ഓഫീസര്‍, സെക്ടര്‍ ഓഫീസര്‍ എന്നിവര്‍ക്കാണ് ഈ ആപ്പ് ഉപയോഗിക്കാന്‍ സാധിക്കുക.

ലോക്സഭാ തിരഞ്ഞെടുപ്പില്‍ കോട്ടയം ജില്ലയിലെ പോളിംഗ് ഉദ്യോഗസ്ഥര്‍ക്കുള്ള പരിശീലനം ഇന്ന് (ഏപ്രില്‍ 11) ആരംഭിക്കും. ഒന്‍പത് നിയമസഭാ നിയോജക മണ്ഡലങ്ങളിലായി 7476 പേരെയാണ് പോളിംഗ് ജോലികള്‍ക്കായി നിയോഗിച്ചിട്ടുള്ളത്. പാലാ സെന്‍റ്തോമസ് കോളേജ്, പാലാ സെന്‍റ് തോമസ് ബി.എഡ് കോളേജ്, വൈക്കം സത്യാഗ്രഹ മെമ്മോറിയല്‍ ശ്രീനാരായണ ഹയര്‍ സെക്കന്‍ഡറി സ്കൂള്‍, മാന്നാനം കെ. ഇ ഹയര്‍ സെക്കന്‍ഡറി സ്കൂള്‍, കോട്ടയം ബേക്കര്‍ മെമ്മോറിയല്‍ ഹയര്‍ സെക്കന്‍ഡറി സ്കൂള്‍, ചങ്ങനാശേരി എസ്.എച്ച്.