കോവിഡ് 19 ബാധിതരായി ജില്ലയില്‍ നിലവില്‍ 5907 പേരാണ് ചികിത്സയിലുള്ളത്.  ഇന്ന് (നവംബർ 05) ജില്ലയില്‍ 372 പേര്‍ക്കാണ് രോഗം സ്ഥിരീകരിച്ചത്. ഇന്ന് 118 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 82885 സാമ്പിളുകള്‍ പരിശോധനയ്ക്കായി അയച്ചതില്‍ 80193 പരിശോധനാ ഫലങ്ങളാണ് ലഭ്യമായത്. ഇന്ന് 392 പരിശോധനാ ഫലങ്ങളാണ് ലഭിച്ചത്. പുതുതായി 285 സാമ്പിളുകൾ അയച്ചു. 28293 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 21819 പേർ രോഗമുക്തി നേടി. ഇനി 1581 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

ആലപ്പുഴ : ജില്ലയുടെ മത്സ്യ ബന്ധന മേഖലയിൽ ഏറെ ഉപകാരപ്രദമായി തീരുന്ന തോട്ടപ്പള്ളി ഫിഷിങ് ഹാർബ്ബറിന്റെ രണ്ടാം ഘട്ട നിർമ്മാണത്തിന് തുടക്കമായി. പൊതുമരാമത്തു -രെജിസ്ട്രേഷൻ വകുപ്പ് മന്ത്രി ജി. സുധാകരൻ രണ്ടാം ഘട്ട നിർമ്മാണ പ്രവർത്തനങ്ങളുടെ ഉദ്ഘാടനം നിർവ്വഹിച്ചു. ഓഖി ദുരിതാശ്വാസ ഭാഗമായി തീര ദേശ വികസന പദ്ധതിയിൽ ഉൾപ്പെടുത്തി 13.30 കോടി രൂപയാണ് രണ്ടാം ഘട്ട നിർമ്മാണത്തിനായി സംസ്ഥാന സർക്കാർ അനുവദിച്ചിരിക്കുന്നത്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ജില്ലയിൽ ഇന്ന് ( നവംബർ 5) വൈകിട്ട് 7.30 വരെ  പോലീസ് നടത്തിയ പരിശോധനയിൽ 2 കേസ്  രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു.  2 പേരെ അറസ്റ്റ് ചെയ്തു. 
 
 മാസ്ക് ധരിക്കാത്ത 183 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 183 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

ആലപ്പുഴ: അമ്പലപ്പുഴ പടിഞ്ഞാറെ നടയിൽ  പുതുതായി നിർമിച്ച ബസ് ഷെൽട്ടർ പൊതുമരാമത്തു വകുപ്പ് മന്ത്രി ജി സുധാകരൻ നാടിനു സമർപ്പിച്ചു .എം എൽ എ യുടെ ആസ്തി വികസന ഫണ്ടിൽ നിന്നും 24.5 ലക്ഷം രൂപ മുടക്കു  മുതലിലാണ് നിർമിച്ചിരിക്കുന്നത് .കാത്തിരിപ്പു കേന്ദ്രം, മുകളിലത്തെ നിലയിൽ കെ എസ് ആർ ടി സി യുടെ മേഖല  ഓഫീസ്, പുറകിലായി 6 ടോയ്‍ലെറ്റുകൾ എന്നിവയാണ് നിർമിച്ചിരിക്കുന്നത്.ചടങ്ങിൽ അമ്പലപ്പുഴ തെക്ക് പഞ്ചായത്ത് പ്രസിഡന്റ്‌ ജി വേണുലാൽ, പൊതുമരാമത്തു വകുപ്പ് കെട്ടിട വിഭാഗം എക്സിക്യൂട്ടീവ് എഞ്ചിനീയർ വി ഐ നസീം ,ഡി ടി ഓ അശോക് കുമാർ തുടങ്ങിയവർ സന്നിഹിതരായി .

ആലപ്പുഴ : അമ്പലപ്പുഴ ഗവ : മോഡൽ ഹയർ സെക്കന്ററി സ്കൂൾ ഓഡിറ്റോറിയത്തിൽ സജ്ജമാക്കിയ  എക്കോ പ്രിവന്റീവ് ശബ്ദ സംവിധാനത്തിന്റെയും, ഡിജിറ്റൽ സംവിധാനത്തിന്റെയും ഉദ്ഘാടനം പൊതുമരാമത്തു -രെജിസ്ട്രേഷൻ വകുപ്പ് മന്ത്രി ജി. സുധാകരൻ നിർവ്വഹിച്ചു. ഓഡിറ്റോറിയത്തിനുള്ളിൽ    ശബ്ദത്തിന്റെ മനോഹാര്യത ഒട്ടും നഷ്ടപ്പെടാതെ എത്തിക്കുന്ന സംവിധാനമാണ് എക്കോ പ്രിവന്റീവ് എന്ന നൂതന സാങ്കേതിക വിദ്യ. ഇതിനൊപ്പം ഡിജിറ്റൽ സംവിധാനം കൂടി ചേരുമ്പോൾ മൾട്ടിപ്ലക്സ് സിനിമ തിയേറ്ററിലെന്ന പോലെയുള്ള അനുഭവമാണ് ഉണ്ടാവുക.

മന്ത്രി ജി സുധാകരന്‍ ഉദ്ഘാടനം ചെയ്തു. 

ആലപ്പുഴ : ദേശീയപാതാ നിലവാരത്തില്‍ പുനഃര്‍നിര്‍മ്മിക്കുന്ന ആലപ്പുഴ - മധുര റോഡിന്റെ പുനഃരുദ്ധാരണ പ്രവര്‍ത്തനങ്ങള്‍ക്ക് തുടക്കമായി. പൊതുമരാമത്ത് - രജിസ്‌ട്രേഷന്‍ വകുപ്പ് മന്ത്രി ജി സുധാകരന്‍ നിര്‍മ്മാണ പ്രവര്‍ത്തനങ്ങളുടെ ഉദ്ഘാടനം നിര്‍വഹിച്ചു. ചരിത്രപ്രാധാന്യമുള്ള ആലപ്പുഴ - മധുര റോഡ് മികച്ച  നിലവാരത്തില്‍ തന്നെ പുനര്‍നിര്‍മിക്കുമെന്ന്  മന്ത്രി ജി സുധാകരന്‍ പറഞ്ഞു. പുത്തനങ്ങാടി മുതല്‍ വെച്ചൂര്‍ വരെയുള്ള റോഡിന്റെ പുനര്‍നിര്‍മ്മാണം യാത്ര സുഗമമാക്കുന്നതിന്  സഹായിക്കുമെന്നും മന്ത്രി കൂട്ടിച്ചേര്‍ത്തു.

പാലക്കാട് ജില്ലയിൽ ഇന്ന്(നവംബർ 5) 372 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 193 പേർ, ഉറവിടം അറിയാതെ രോഗം ബാധിച്ച 166 പേർ, ഇതര സംസ്ഥാനത്തുനിന്നും വിദേശത്തുനിന്നുമായി വന്ന 10 പേർ,  മൂന്ന് ആരോഗ്യ പ്രവർത്തകർ എന്നിവർ ഉൾപ്പെടും. 324 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 34 പേർ

ഒറ്റപ്പാലം സ്വദേശികൾ - 28 പേർ

തിരുമിറ്റക്കോട് സ്വദേശികൾ- 19 പേർ

ശ്രീകൃഷ്ണപുരം, അമ്പലപ്പാറ സ്വദേശികൾ- 15 പേർ വീതം

കൊപ്പം സ്വദേശികൾ - 14 പേർ