കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍് കാസര്‍കോട് ജില്ലാ ഓഫീസിന്റെ സഹകരണത്തോടെ  കുറ്റിക്കോല്‍ ഗ്രാമ പഞ്ചായത്ത് ഹാളില്‍  വെച്ച് കുറ്റിക്കോല്‍  സി.ഡി.എസ്സ്-ന് മൈക്രോ ക്രെഡിറ്റ് വായ്പ വിതരണം നടത്തി.    കെ. കുഞ്ഞിരാമന്‍ എം എല്‍ എ ഉദ്ഘാടനം ചെയ്തു. കുറ്റിക്കോല്‍ ഗ്രാമ പഞ്ചായത്ത് ക്ഷേമകാര്യ സ്റ്റാ9ഡിംഗ് കമ്മിറ്റി ചെയര്‍പേഴ്‌സണ്‍  ധര്‍മ്മാവതി അദ്ധ്യക്ഷത വഹിച്ചു.

കേരള കളള് വ്യവസായ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2020-21 അദ്ധ്യയന വര്‍ഷത്തേക്ക് സ്‌കോളര്‍ഷിപ്പ് നല്‍കുന്നതിനുളള അപേക്ഷ ക്ഷണിച്ചു.  സര്‍ക്കാര്‍ സ്ഥാപനങ്ങളിലോ, സര്‍ക്കാര്‍ അംഗീകൃത സ്ഥാപനങ്ങളിലോ എട്ടാംതരം മുതല്‍ മുകളിലേക്കുളള കോഴ്‌സുകളില്‍ പഠിക്കുന്ന വിദ്യാര്‍ത്ഥികള്‍ക്കാണ് സ്‌കോളര്‍ഷിപ്പിന് അര്‍ഹത.  അപേക്ഷാ ഫോമിത്തിന്റെ മാതൃകയും, വിശദവിവരങ്ങളും കാഞ്ഞങ്ങാട്ടുളള കളളു വ്യവസായ തൊഴിലാളി ക്ഷേമനിധി ബോര്‍ഡിന്റെ ജില്ലാ ഓഫീസില്‍ ലഭിക്കും.  അപേക്ഷയോടൊപ്പം ഹെഡ്മാസ്റ്റര്‍, പ്രിന്‍സിപ്പാള്‍, ഗസറ്റഡ് ഉദ്യോഗസ്ഥര്‍ സാക്ഷ്യപ്പെടുത്തിയ മാര്‍ക്ക്‌ലിസ്റ്റ് , സര്‍ട്ടിഫിക്കറ്റ്, 2020-2

തിരൂരങ്ങാടി എ.കെ.എന്‍.എം ഗവ.പോളിടെക്‌നിക്ക് കോളജില്‍ പോളിടെക്‌നിക്ക് ഡിപ്ലോമ പ്രവേശനത്തിന് രണ്ടാം ഘട്ട അലോട്ട്‌മെന്റില്‍  അഡ്മിഷന്‍ ലഭിച്ചവര്‍ അസ്സല്‍ സര്‍ട്ടിഫിക്കറ്റുകള്‍, അലോട്ട്‌മെന്റ് മെമ്മോ, ഫീസ്, പി.ടി.എ ഫണ്ട് എന്നിവ സഹിതം നവംബര്‍ ആറ്, ഒന്‍പത് തീയതികളില്‍ രക്ഷിതാവിനൊപ്പം ഹാജരാവണമെന്ന് പ്രിന്‍സിപ്പല്‍ അറിയിച്ചു.
 

റീബില്‍ഡ് കേരള ഇനീഷ്യേറ്റീവില്‍ കാര്‍ഷിക മേഖലയുടെ പുനര്‍ ജീവനത്തിനാ നടപ്പാക്കുന്ന ജൈവഗൃഹം പദ്ധതി ധനസഹായ വിതരണം ആരംഭിച്ചു. സംയോജിത കൃഷിക്കാണ് ധനസഹായം. കാര്‍ഷിക വിളകള്‍ക്കൊപ്പം മൃഗപരിപാലനം, കോഴി, മത്സ്യം, താറാവ്, തേനീച്ച എന്നിവയെല്ലാം ഉള്‍പ്പെടുത്തി കുറഞ്ഞ ഭൂമിയില്‍ നിന്നും പരമവാധി ആദായം ഉരപ്പാക്കുന്ന രീതിയാണ് സംയോജിത രീതി.

പട്ടഞ്ചേരി ഗ്രാമപഞ്ചായത്തിലെ നവീകരിച്ച വടതോട് കുളത്തിന്റെ ഉദ്ഘാടനം  കൃഷി, മണ്ണ് പര്യവേക്ഷണ, മണ്ണ് സംരക്ഷണ വകുപ്പ് മന്ത്രി അഡ്വ.വി.എസ്. സുനില്‍കുമാര്‍  ഉദ്ഘടാനം ചെയ്തു. ഓണ്‍ലൈനായി നടന്ന പരിപാടിയില്‍  ജലവിഭവവകുപ്പ് മന്ത്രി കെ.കൃഷ്ണന്‍കുട്ടി അധ്യക്ഷനായി. കാര്‍ഷിക മേഖലയില്‍ നിരവധി പ്രവര്‍ത്തനങ്ങളാണ് സര്‍ക്കാര്‍ നടത്തിക്കൊണ്ടിരിക്കുന്നതെന്ന് മന്ത്രി വി.എസ്.സുനില്‍കുമാര്‍ പറഞ്ഞു. കര്‍ഷക ക്ഷേമനിധി ബോര്‍ഡ് രൂപീകരിക്കുകയും കര്‍ഷകരുടെ ഉല്‍പ്പന്നങ്ങളുടെ താങ്ങുവില നിശ്ചയിക്കുകയുംചെയ്തു. കേരളത്തിലാദ്യമായി  വയനാട് സെന്റര്‍ ഓഫ് എക്സലന്‍സ്  ആരംഭിക്കാന്‍ പോവുന്നതായും മന്ത്രി പറഞ്ഞു.

കോട്ടക്കല്‍ ഗവ: വനിതാ പോളിടെക്‌നിക് കോളജില്‍ ത്രിവത്സര ഡിപ്ലോമ പ്രവേശനത്തിനുള്ള രണ്ടാം ഘട്ട അലോട്ട്‌മെന്റില്‍ പ്രവേശനത്തിന് അര്‍ഹരായവര്‍ നവംബര്‍ ആറ്, ഒന്‍പത്, 10 തീയതികളില്‍  കോളജില്‍ രാവിലെ ഒന്‍പത് മുതല്‍ നാല് വരെയുള്ള സമയങ്ങളില്‍ പ്രവേശനം നേടണം. നവംബര്‍ ആറിന് കമ്പ്യൂട്ടര്‍ ആപ്ലിക്കേഷന്‍ ആന്‍ഡ് ബിസിനസ് മാനേജ്‌മെന്റ്, ഇന്‍ട്രുമെന്റേഷന്‍ എഞ്ചിനീയറിങ,് നവംബര്‍ ഒന്‍പതിന് ഇലക്‌ട്രോണിക്‌സ് ആന്‍ഡ് കമ്യൂനിക്കേഷന്‍ എഞ്ചിനീയറിങ്, നവംബര്‍ 10ന് ഇലക്‌ട്രോണിക്‌സ് എഞ്ചിനീയറിങ് എന്നീ വിഭാഗങ്ങളിലാണ് പ്രവേശനം.

വള്ളക്കടവ്-മൂഴിയാര്‍ (ഗവി) റോഡില്‍ നിര്‍മ്മാണ പ്രവര്‍ത്തനങ്ങള്‍ ഇന്നു മുതല്‍ ആരംഭിക്കുന്നതിനാല്‍ ഈ റോഡില്‍ കൂടിയുളള വാഹന ഗതാഗതം നവംബര്‍ 20 വരെ നിരോധിച്ചു.

മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്  ജില്ലകളിലെ ക്ഷീരകര്‍ഷകര്‍ക്കായി  കേരളസര്‍ക്കാര്‍ ക്ഷീര പരിശീലന കേന്ദ്രം ക്ഷീരകര്‍ഷക ക്ഷേമനിധി എന്ന വിഷയത്തില്‍ നവംബര്‍ 10ന് വൈകീട്ട്3.30 ന്  ഓണ്‍ലൈനായി ക്ലാസ് സംഘടിപ്പിക്കുന്നു. പങ്കെടുക്കാന്‍ താല്‍പ്പര്യമുള്ള ക്ഷീരകര്‍ഷകര്‍ dtckkdonlinetrg@gmail.com എന്ന ഇ-മെയില്‍ പേരും ഫോണ്‍നമ്പറും മുന്‍കൂട്ടി രജിസ്റ്റര്‍ ചെയ്യണം

കൊണ്ടോട്ടി പള്ളിക്കല്‍ പഞ്ചായത്ത് ചോലമാട് എസ്.സി  കുടി വെള്ള പദ്ധതി ജില്ലാ പഞ്ചായത്ത് അംഗം സെറീന ഹസീബ് ഉദ്ഘാടനം ചെയ്തു. ജില്ലാ പഞ്ചായത്തില്‍ നിന്ന് 22 ലക്ഷം രൂപയും പള്ളിക്കല്‍ ഗ്രാമ പഞ്ചായത്തില്‍ നിന്ന് നാല് ലക്ഷവും ചെലവഴിച്ചാണ് ചോലമാട് എസ്.സി കുടിവെള്ള പദ്ധതി യാഥാര്‍ത്ഥ്യമായത്. നിലവില്‍ 14 കുടുംബങ്ങള്‍ക്കാണ്  പദ്ധതിയിലൂടെ  കുടിവെള്ളം ലഭിക്കുക. വാര്‍ഡ് അംഗം ജാഫര്‍ സാദിഖ്, ടി. പി.രാജേഷ് ഒരുവില്‍, സൗമ്യ ഒരുവില്‍, പൗരസമിതി പ്രസിഡന്റ് ടി.പി നാസര്‍  തുടങ്ങിവര്‍ പങ്കെടുത്തു.