ഗാര്‍ഹിക ഉപഭോക്താക്കള്‍ക്ക് സബ്‌സിഡി സ്‌കീമില്‍ സൗരോര്‍ജ നിലയം സ്ഥാപിക്കുന്നതിന് അപേക്ഷിക്കാം.  www.buymysun.com വെബ് പോര്‍ട്ടലില്‍ രജിസ്റ്റര്‍ ചെയ്ത് ആവശ്യമായ രേഖകള്‍ സമര്‍പ്പിക്കണം ആദ്യ മൂന്ന് കിലോവാട്ടിന് 40 ശതമാനം സബ്‌സിഡിയും അധികമായി വരുന്ന 10 കിലോവാട്ട് വരെയുള്ള നിലയങ്ങള്‍ക്ക് ഓരോ കിലോവാട്ടിനും 20 ശതമാനം സബ്‌സിഡിയും ലഭിക്കും. മുന്‍ഗണനാ ക്രമമനുസരിച്ച് സാധ്യത പഠനം നടത്തിയാകും നിലയങ്ങള്‍ സ്ഥാപിക്കുക.

ശിശുദിനത്തിന്റെ ഭാഗമായി ജില്ലാ ശിശുക്ഷേമ സമിതി കലളക്ട്രറ്റ് കോണ്‍ഫറന്‍സ് ഹാളില്‍ സംഘടിപ്പിക്കുന്ന വിദ്യാര്‍ത്ഥികളുടെ പാര്‍ലിമെന്റിലേക്ക് അംഗങ്ങളെ തെരഞ്ഞെടുക്കുന്നതിന് ജില്ലയിലെ നാല് മുതല്‍ ഏഴ് വരെ ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ക്ക് പ്രസംഗ മത്സരം സംഘടിപ്പിക്കുന്നു. കന്നട വിഭാഗത്തില്‍ നിന്ന് രണ്ടും  മലയാള വിഭാഗത്തില്‍ നിന്ന് മൂന്ന് പേരെയുമാണ് തെരഞ്ഞെടുക്കുക. നവംബര്‍ എട്ടിന് രാവിലെ 11 മുതല്‍ 12 വരെയാണ് വാട്‌സ്ആപ്പ് ഗ്രൂപ്പുകള്‍ വഴി മത്സരം നടത്തുക വിഷയം. അര മണിക്കൂര്‍ മുമ്പ് അറിയിക്കും. പ്രസംഗത്തിന്റെ വിഡീയോ ചിത്രീകരണം വാട്‌സ്ആപ്പില്‍ അയക്കണം.

ജില്ലയില് മൂന്ന് പ്രാഥമികാരോഗ്യ കേന്ദ്രങ്ങള്‍ കുടുംബാരോഗ്യ
കേന്ദ്രങ്ങളാക്കി ഉയര്‍ത്തി

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വമെടുത്ത തൊഴിലാളികള്‍ക്ക് നിബന്ധനകള്‍ക്ക് വിധേയമായി എല്ലാത്തരം കുടിശികകളും 9 ശതമാനം പലിശ ഉള്‍പ്പെടെ ഒടുക്കുന്നതിനുള്ള കാലാവധി  ഡിസംബര്‍ 31 വരെ ദീര്‍ഘിപ്പിച്ചു.

കേരള മദ്രസ അധ്യാപക ക്ഷേമനിധിയില്‍ നിന്നും പെന്‍ഷന്‍ വാങ്ങിക്കൊണ്ടിരിക്കുന്ന എല്ലാവരും പെന്‍ഷന്‍ തടസ്സം കൂടാതെ ലഭിക്കുന്നതിന് ഡിസംബര്‍ 20 നു മുമ്പ് ലൈഫ് സര്ട്ടിഫിക്കറ്റ് ഹാജരാക്കണം. ലൈഫ് സര്‍ട്ടിഫിക്കറ്റിന്റെ മാതൃക www.kmtboard.in എന്ന വെബ്‌സൈറ്റില്‍ ലഭിക്കും.
 

നേരിട്ടുള്ള സമ്പര്‍ക്കത്തിലൂടെ 584 പേര്‍ക്ക് വൈറസ്ബാധ
36 പേര്‍ക്ക് ഉറവിടമറിയാതെ രോഗബാധ
രണ്ട് ആരോഗ്യ പ്രവര്‍ത്തകര്‍ക്കും വൈറസ്ബാധ
രോഗബാധിതരായി ചികിത്സയില്‍ 8,114 പേര്‍
ആകെ നിരീക്ഷണത്തിലുള്ളത് 65,675 പേര്‍

        വെള്ളിയാമറ്റം ഗ്രാമപഞ്ചായത്തിന്റെയും കുടുംബശ്രീ സി.ഡി.എസിന്റെയും നേത്യത്വത്തില്‍ കുടുംബശ്രീ വനിതകളെ ഉള്‍പ്പെടുത്തി കേരള സര്‍ക്കാറിന്റെ  അഭിമാന സംരംഭമായ 'വിശപ്പ് രഹിത കേരളം  ജനകീയ ഹോട്ടല്‍  തുടക്കം കുറിച്ചു.

വെള്ളിയാമറ്റം ഗ്രാമപഞ്ചായത്ത് കുടുംബശ്രീ സി.ഡി.എസ് ഓഫീസിന് സമീപം ഗ്രാമപഞ്ചായത്ത് പ്രസിഡന്റ് ഷീബരാജശേഖരന്‍ ഉദ്ഘാടനം നിര്‍വ്വഹിച്ചു. കുടുംബശ്രീ ചെയര്‍പേഴ്‌സണ്‍ റെസിയ അസ്സീസ് അദ്ധ്യക്ഷത വഹിച്ചു. വൈസ് പ്രസിഡന്റ് വി.ജി മോഹനന്‍ മുഖ്യപ്രഭാഷണം  നടത്തി. ഗ്രാമപഞ്ചായത്തിലെ ജനപ്രതിനിധികളും, ജില്ലാ മിഷന്‍ ഉദ്യോഗസ്ഥരും സി.ഡി.എസ്പ്രതിനിധികളും ചടങ്ങില്‍ പങ്കെടുത്തു.

ജലജീവന്‍ മിഷന്‍ കോന്നി നിയോജക മണ്ഡലംതല ഉദ്ഘാടനം മലയാലപ്പുഴയില്‍ അഡ്വ. കെ.യു.ജനീഷ് കുമാര്‍ എംഎല്‍എ നിര്‍വഹിച്ചു. 2.95 കോടി രൂപയുടെ പദ്ധതിയുടെ ഉദ്ഘാടനമാണ് നടത്തിയത്. നിലവിലുള്ള പൈപ്പ് ലൈനില്‍ നിന്ന് ഗാര്‍ഹിക കണക്ഷന്‍ നല്‍കുന്നതും, ലൈന്‍ ദീര്‍ഘിപ്പിച്ച് കണക്ഷന്‍ നല്‍കുന്നതുമാണ് പദ്ധതി. നിയോജക മണ്ഡലത്തിലെ മൂവായിരത്തോളം കുടുംബങ്ങള്‍ക്കാണ് പദ്ധതിയുടെ പ്രയോജനം ലഭിക്കുക. പഞ്ചായത്ത് വിഹിതവും, ഗുണഭോക്തൃ വിഹിതവും ഉള്‍പ്പെട്ടതാണ് പദ്ധതി.

തിരൂര്‍ ബ്ലോക്ക് പഞ്ചായത്ത് 21 ലക്ഷം രൂപ ചെലവഴിച്ച് തലക്കാട് ഗ്രാമപഞ്ചായത്തിലെ ബി.പി അങ്ങാടി ജി.യു.പി  (കോട്ടത്തറ സ്‌കൂള്‍) സ്‌കൂളില്‍ കൗമാരക്കാരായ വിദ്യാര്‍ഥിനികള്‍ക്കായി ഒരുക്കിയ ഷീ സെന്ററിന്റയും പ്രത്യേകം സജ്ജീകരിച്ച ക്ലാസ്സ് റൂമിന്റെയും ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സി.പി. റംല നിര്‍വഹിച്ചു. കൗമാരക്കാരായ വിദ്യാര്‍ഥിനികള്‍ക്ക് പ്രത്യേക സംരക്ഷണവും കരുതലും ലക്ഷ്യമിട്ടാണ് പദ്ധതി നടപ്പിലാക്കിയത്. തിരൂര്‍ ബ്ലോക്ക് പഞ്ചായത്തിന്റെ 2019-20, 2020-21 സാമ്പത്തിക വര്‍ഷത്തെ പദ്ധതികളില്‍ ഉര്‍പ്പെടുത്തിയാണ് നിര്‍മാണം.