ഇടുക്കി നിയോജക മണ്ഡലത്തില്‍  പണിപൂര്‍ത്തിയാക്കിയ  8 റോഡുകളുടെ ഉദ്ഘാടനവും  3 റോഡുകളുടെ നിര്‍മ്മാണ  ഉദ്ഘാടനവും ഇന്ന് (നവംബര്‍ 6) നാലു മണിക്ക് മുരിക്കാശ്ശേരിയില്‍ ചേരുന്ന യോഗത്തില്‍ പൊതുമരാമത്ത് വകുപ്പ് മന്ത്രി ജി. സുധാകരന്‍ നിര്‍വഹിക്കും.  വൈദ്യുതി വകുപ്പ് മന്ത്രി എം.എം. മണി അധ്യക്ഷത വഹിക്കും. ഡീന്‍ കുര്യാക്കോസ് എം.പി മുഖ്യപ്രഭാഷണം നടത്തും. റോഷി അഗസ്റ്റിന്‍ എം.എല്‍.എ സ്വാഗതം പറയും.  

എം എല്‍ എയും റവന്യു ഭവന നിര്‍മ്മാണ വകുപ്പ് മന്ത്രിയുമായ ഇ ചന്ദ്രശേഖരന്റെ പ്രത്യേക വികസന നിധിയില്‍ നിന്നും മൂന്ന് പ്രവൃത്തികള്‍ക്കായി 30 ലക്ഷം രൂപ അനുവദിച്ചു.പ്രവൃത്തികള്‍ക്ക് ജില്ലാ കളക്ടര്‍ ഡോ ഡി സജിത് ബാബു ഭരണാനുമതി നല്‍കി.കോടോം-ബേളൂര്‍ പഞ്ചായത്തിലെ കലയന്തടം-കേളോത്ത് റോഡ് വീതി കൂട്ടി ടാറിങ്,പനത്തടി പഞ്ചായത്തിലെ വട്ടക്കുണ്ട്-കാര്യങ്ങാനം റോഡ് ടാറിങ്,കള്ളാര്‍ പഞ്ചായത്തിലെ അയ്യന്‍കാവ്-വളയംകുണ്ട് റോഡ് ടാറിങ് എന്നീ മൂന്ന് പ്രവൃത്തികള്‍ക്കാണ് പത്ത് ലക്ഷം രൂപ വീതം മന്ത്രിയുടെ പ്രത്യേക വികസന നിധിയില്‍ നിന്നും അനുവദിച്ചിരുന്നത്.

ജില്ലയിലെ വിവിധ പോലീസ് സ്‌റ്റേഷനുകളിലായി സൂക്ഷിച്ചിരിക്കുന്ന 189 ഓളം വാഹനങ്ങള്‍ ഇ-ലേലം ചെയ്യുന്നു. വാഹനത്തിന്മേല്‍ ഏതെങ്കിലും തരത്തിലുള്ള അവകാശവാദം ഉന്നയിക്കുന്നവര്‍ 30 ദിവസത്തിനുള്ള രേഖകളുമായി അതത് സ്‌റ്റേഷന്‍ ഓഫീസര്‍മാര്‍ മുമ്പാകെ ബന്ധപ്പെടണമെന്നും അല്ലാത്തപക്ഷം പ്രസ്തുത വാഹനങ്ങള്‍ അവകാശികളില്ലാത്ത വാഹനങ്ങളായി പരിഗണിച്ച് സര്‍ക്കാരിലേക്ക് മുതല്‍ കൂട്ടുന്നതായിരിക്കുമെന്ന് ജില്ലാ പോലീസ് മേധാവി അറിയിച്ചു.

ആലപ്പുഴ: കോളജ് ഓഫ് അപ്ലൈഡ് സയന്‍സ് കാര്‍ത്തികപ്പള്ളി പുതുതായി അനുവദിച്ച ബി.കോം ഫിനാന്‍സ് കോഴ്‌സിന് ഒരു ആഴ്ചക്കകം അപേക്ഷിക്കാം. കോളജ് സീറ്റായ 50 ശതമാനത്തിലേക്ക് യൂണിവേഴ്‌സിറ്റി വെബ്‌സൈറ്റില്‍ രജിസ്റ്റര്‍ ചെയ്തശേഷം നേരിട്ട് അപേക്ഷ നല്‍കാം. നേരത്തെ രജിസ്റ്റര്‍ ചെയ്തവര്‍ക്ക് സൈറ്റില്‍ കയറി തിരുത്തലുകള്‍ വരുത്താന്‍ അവസരമുണ്ട്. ഒഴിവുള്ള ബി.എസ് സി കമ്പ്യൂട്ടര്‍ സയന്‍സ് സീറ്റുകളിലേക്കും അപേക്ഷ നല്‍കാം. വെബ്‌സൈറ്റ് : www.ihrd.ac.in, www.keralauniversity.ac.in. ഫോണ്‍ 0479 2485852, 9495069307, 854700 5018.

കേരള മദ്രസ അധ്യാപക ക്ഷേമനിധിയില്‍ നിന്നും പേന്‍ഷന്‍ വാങ്ങുന്നവര്‍ പെന്‍ഷന്‍ തടസ്സം കൂടാതെ ലഭിക്കുന്നതിന് ഡിസംബര്‍ 20 നകം ലൈഫ് സര്‍ട്ടിഫിക്കറ്റ് സമര്‍പ്പിക്കണം. ലൈഫ് സര്‍ട്ടിഫിക്കറ്റിന്റെ മാതൃക www.kmtboard.in  ല്‍ ലഭിക്കും.

മലബാര്‍ ദേവസ്വം ബോര്‍ഡിനു കീഴിലുളള അനന്തപുരം   ശ്രീ അനന്തപത്മനാഭ സ്വാമി  ക്ഷേത്രത്തില്‍ നിലവിലുളള പാരമ്പര്യേതര ട്രസ്റ്റിമാരുടെ  ഒഴിവുകളിലേക്ക്   അപേക്ഷ ക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡിന്റെ നലേശ്വരത്തുളള അസിസ്റ്റന്റ് കമ്മീഷണറുടെ ഓഫീസില്‍ നവംബര്‍ 20 ന് വൈകീട്ട് അഞ്ചിനകം   ലഭിക്കണം.

കാസര്‍കോട് പഞ്ചായത്ത് ഡെപ്യൂട്ടി ഡയറക്ടറുടെ ഉടമസ്ഥതയിലുളള ജെസ്സോപ് റോഡ് റോളര്‍ നവംബര്‍ 30 ന് ഉച്ചയ്ക്ക് 12 ന് പഞ്ചായത്ത് ഡെപ്യൂട്ടി ഡയറക്ടറുടെ കാര്യാലയത്തില്‍ ലേലം ചെയ്യും.  കൂടുതല്‍ വിവരങ്ങള്‍ക്ക് ഫോണ്‍- 04994 255803, 255782.

ഡിസ്ട്രിക്ട് ആര്‍മ്ഡ് ഫോഴ്‌സ് ഫ്്‌ലാഗ്  ഡേ ഫണ്ട് കമ്മിറ്റി മീറ്റിംഗ് കലക്ടറേറ്റ് കോണ്‍ഫറന്‍സ് ഹാളില്‍ നവംബര്‍ പന്ത്രണ്ടിന് 11 മണിക്ക് ചേരുമെന്ന്് ജില്ല സൈനിക് വെല്‍ഫയര്‍ ഓഫീസര്‍ അറിയിച്ചു.

തൊടുപുഴ ജില്ലാ സ്റ്റേഷനറി ആഫിസിലേക്ക് പാഴ്‌സല്‍ ആഫീസുകളില്‍ നിന്നും എത്തിച്ചേരുന്ന സാധനങ്ങള്‍ ഏറ്റെടുത്ത് സ്റ്റോറില്‍ അട്ടിയിടുക, കെട്ടുകളായും വീഞ്ഞപ്പെട്ടികളായും  എത്തുന്ന സാധനങ്ങള്‍ പൊളിച്ച് അടുക്കുക, ലോറിയില്‍ വരുന്ന സാധനങ്ങളുടെ കയറ്റിറക്ക് തുടങ്ങിയ ജോലികള്‍ ഒരു വര്‍ഷം കരാര്‍ വ്യവസ്ഥയില്‍ ഏറ്റെടുത്ത് നടത്തുന്നതിന് ദര്‍ഘാസ് ക്ഷണിച്ചു. ദര്‍ഘാസുകള്‍ നവംബര്‍ 18ന് രണ്ടിന് മുമ്പായി ജില്ലാ സ്റ്റേഷനറി ആഫീസ്, തൊടുപുഴ- 685584 എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് ഫോണ്‍: 04862 227912  

ശ്രീകൃഷ്ണപുരം എഞ്ചിനീയറിംഗ് കോളേജില്‍  യു.പി.എസ് റൂമുകളില്‍ പെഡസ്ട്രിയല്‍ ഫാന്‍ സ്ഥാപിക്കുന്നതിന് അപേക്ഷ ക്ഷണിച്ചു. അടങ്കല്‍ തുക - 45,000/-പൂരിപ്പിച്ച ക്വട്ടേഷനുകള്‍ സമര്‍പ്പിക്കേണ്ട അവസാന തിയ്യതി നവംബര്‍ പതിനെട്ട്. കൂടുതല്‍ വിവരങ്ങള്‍ www.gecskp.ac.in ല്‍ ലഭിക്കും.