സര്‍ക്കാരിന്റെ ആയിരം ദിനത്തില്‍ പൊന്നാനി നഗരസഭയില്‍  1000 വീടുകള്‍ നിര്‍മ്മിക്കുന്നു. കൂടാതെ എല്ലാവര്‍ക്കും സൗജന്യമായി മാലിന്യ സംസ്‌കരണ സംവിധാനവും നല്‍കുന്നു.   പി.എം.എ.വൈ (അര്‍ബന്‍), ലൈഫ് ഭവനപദ്ധതികളില്‍ ഉള്‍പ്പെടുത്തി നിര്‍മ്മിച്ച 333 വീടുകളുടെ താക്കോല്‍ദാനവും ഗുണഭോക്തൃ സംഗമവും ഇന്ന് (ഫെബ്രുവരി 25) ആര്‍.വി ഹാളില്‍ വെച്ച് നവകേരള കര്‍മ്മപദ്ധതി സംസ്ഥാന കോ - ഓഡിനേറ്റര്‍ ചെറിയന്‍ ഫിലിപ്പ് ഉദ്ഘാടനം ചെയ്യും.

കേരളത്തിന്റെ പുനര്‍ നിര്‍മ്മാണത്തിന് പാരിസ്ഥിതിക സൗഹൃദ സമീപനമുണ്ടാകണമെന്ന് കേളുവേട്ടന്‍ പഠനഗവേഷണ കേന്ദ്രം ഡയറക്ടര്‍ കെ.ടി കുഞ്ഞിക്കണ്ണന്‍. സംസ്ഥാന സര്‍ക്കാറിന്റെ ആയിരം ദിനാഘോഷ പരിപാടികളോടനുബന്ധിച്ച് തിരൂര്‍ കോരങ്ങത്തെ സാംസ്‌കാരിക സമുച്ചയ പരിസരത്ത് സംഘടിപ്പിച്ച ' പരിസ്ഥിതിയും പാര്‍പ്പിടവും കേരള പുനര്‍നിര്‍മിതിയില്‍' എന്ന വിഷയത്തിലുള്ള സെമിനാറില്‍ സംസാരിക്കുകയായിരുന്നു അദ്ദേഹം.

സംസ്ഥാന മന്ത്രിസഭയുടെ ആയിരം ദിനാഘോഷത്തിന്റെ ഭാഗമായി ഇന്‍ഫര്‍മേഷന്‍ പബ്ലിക്ക് റിലേഷന്‍ വകുപ്പിന്റെ ആഭിമുഖ്യത്തില്‍ രശ്മി ഫിലിം സൊസൈറ്റിയുടെ സഹകരണത്തോടെ അതിജീവനം പ്രമേയമാക്കി  നടത്തുന്ന ചലച്ചിത്രോത്സവത്തിന് ഇന്ന് ( ഫെബ്രുവരി 25 ) തുടക്കമാവും.

മാലിന്യ സംസ്‌കരണത്തിന്റെയും പ്രകൃതിയെ തിരിച്ച് പിടിക്കുന്നതിന്റെയും അറിവ് പകര്‍ന്ന് ഹരിത കേരളമിഷന്‍ പ്രദര്‍ശനം ആകര്‍ഷകമാകുന്നു. സംസ്ഥാന സര്‍ക്കാറിന്റെ ആയിരം ദിനാഘോഷത്തിന്റെ ഭാഗമായി തിരൂരില്‍ നടത്തുന്ന 'മികവ്' പ്രദര്‍ശന വിപണനമേളയിലാണ് ഹരിത കേരളം സ്റ്റാള്‍ ഒരുക്കിയിട്ടുള്ളത്.  മിഷന്‍ മുന്നോട്ട് വെക്കുന്ന ലക്ഷ്യങ്ങളാണ്സ്റ്റാളില്‍ പ്രധാനമായും പ്രദര്‍ശിപ്പിച്ചിട്ടുള്ളത്.  

തൊഴില്‍ നിയമങ്ങള്‍ പാലിക്കുന്നതിലും നടപ്പാക്കുന്നതിലും കേരളം ഇതര സംസഥാനങ്ങള്‍ക്ക് മാതൃകയാണെന്ന് ഗവര്‍ണര്‍ റിട്ട. ജസ്റ്റിസ് പി. സദാശിവം പറഞ്ഞു. 1978 സൊസൈറ്റിയായി ആരംഭിച്ച കിലെ തൊഴിലാളികള്‍ക്ക് പരിശീലനം നല്‍കുന്നതിലും ക്ഷേമത്തിലും ഗണ്യമായ പുരോഗതിയാണ് ഉണ്ടാക്കിയിട്ടുളളത്. മാറി വരുന്ന തൊഴില്‍ സാഹചര്യങ്ങളെ തൊഴിലാളികള്‍ക്ക് നേരിടുന്നതിനും പ്രാപ്തരാക്കുന്നതിനും കിലെ നിര്‍ണ്ണായക പങ്ക് വഹിച്ചിട്ടുണ്ട്. തൊഴിലാളി തൊഴിലുടമ സംസ്‌കാരം മെച്ചപ്പെടുത്തുന്നതിന് കിലെ നടത്തിയ പ്രവര്‍ത്തനം പ്രശംസനീയമാണ്.