മലബാർ ദേവസ്വം ബോർഡ് 1.19 കോടി രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകി. ദേവസ്വം ചെയർമാൻ ഒ.കെ. വാസുവാണ് മുഖ്യമന്ത്രിയുടെ ചേമ്പറിൽ തുക മുഖ്യമന്ത്രി പിണറായി വിജയന് കൈമാറിയത്. സ്റ്റാൻഡിംഗ് കമ്മിറ്റി ചെയർമാൻ ശശികുമാർ പേരാമ്പ്ര, ദേവസ്വം കമ്മീഷണർ കെ.മുരളി എന്നിവർ സംബന്ധിച്ചു.

പി.എൻ.എക്സ്. 758/19

സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി ശബരിമല ഇടത്താവളത്തില്‍ ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റും വനിതാ ശിശു വികസന വകുപ്പും സംയുക്തമായി സെമിനാര്‍ സംഘടിപ്പിച്ചു. കുട്ടികളുടെ അവകാശ സംരക്ഷണം വിദ്യാര്‍ത്ഥി സംഘടനകളുടെ പങ്ക് എന്ന വിഷയത്തെ ആസ്പദമാക്കി യായിരുന്നു സെമിനാര്‍.

* ഹൈടെക് ആർ.ടി ഓഫീസും വാഹൻ സാരഥി സോഫ്റ്റ്‌വെയറും ഉദ്ഘാടനം ചെയ്തു

ലോക്‌സഭാ തെരഞ്ഞെടുപ്പിന് മുന്നോടിയായി മാര്‍ച്ച് രണ്ടിനും മൂന്നിനും രാവിലെ 10 മുതല്‍ വൈകിട്ട് അഞ്ച് വരെ കോന്നി താലൂക്കിന്റെ പരിധിയിലുള്ള പോളിംഗ് ബൂത്തുകളില്‍ ബിഎല്‍ഒമാരുടെ സാന്നിധ്യത്തില്‍ വോട്ടര്‍ പട്ടിക പരിശോധിക്കുന്നതിനും സംശയങ്ങള്‍ ദുരീകരിക്കുന്നതിനും ക്രമീകരണങ്ങള്‍ ഏര്‍പ്പെടുത്തിയിട്ടുള്ളതായി കോന്നി ഇലക്ടറല്‍ രജിസ്‌ട്രേഷന്‍ ഓഫീസര്‍ അറിയിച്ചു.  (പിഎന്‍പി 747/19)

മൈലപ്ര ഗ്രാമപഞ്ചായത്തിലെ വിവിധ മാര്‍ക്കറ്റുകളില്‍ നിന്നും ഫീസ് പിരിക്കുന്നതിനും ചപ്പുചവറുകള്‍ ശേഖരിച്ച് മാറ്റുന്നതിനും സ്റ്റാളുകള്‍ ലഭ്യമാക്കുന്നതിനും മറ്റുമുള്ള പുനര്‍ലേലം മാര്‍ച്ച് രണ്ടിന് പകല്‍ 11ന് ഗ്രാമപഞ്ചായത്ത് ഓഫീസില്‍ നടക്കുമെന്ന് സെക്രട്ടറി അറിയിച്ചു.            (പിഎന്‍പി 744/19)