* വർധിപ്പിച്ച ആനുകൂല്യ വിതരണോദ്ഘാടനം നിർവഹിച്ചു

     വിദ്യാര്‍ത്ഥികളില്‍ പുനരുപയോഗ ശീലം വളര്‍ത്തുക എന്ന ലക്ഷ്യവുമായി വര്‍ക്കല നഗരസഭാ പരിധിയില്‍ 'ഓള്‍ഡ് ഈസ് മൈ ഗോള്‍ഡ്' പദ്ധതി ആരംഭിച്ചു.  പദ്ധതിയുടെ ജില്ലാതല ഉത്ഘാടനം ദേവസ്വം- സഹകരണ- ടുറിസം വകുപ്പ് മന്ത്രി കടകംപള്ളി സുരേന്ദ്രന്‍ നിര്‍വഹിച്ചു. വിദ്യാഭ്യാസ വകുപ്പുമായി സഹകരിച്ച് ജില്ലാ ഭരണകൂടവും ജില്ലാ ശുചിത്വ മിഷനും ഹരിത കേരള മിഷനുമാണ് പദ്ധതി നടപ്പാക്കുന്നത്.

     ലോക്‌സഭാ തെരഞ്ഞെടുപ്പിന്റെ നടപടിക്രമങ്ങള്‍ കാര്യക്ഷമവും സുഗമവുമായി പൂര്‍ത്തിയാക്കുന്നതിന് ജില്ലയില്‍ 17 നോഡല്‍ ഓഫിസര്‍മാരെ നിയമിച്ചു. തെരഞ്ഞെടുപ്പുമായി ബന്ധപ്പെട്ട 17 പ്രധാന പ്രവര്‍ത്തനങ്ങളുടെ മേല്‍നോട്ടത്തിനായാണ് നോഡല്‍ ഓഫിസര്‍മാരെ നിയോഗിച്ചിട്ടുള്ളത്. ഓരോ നോഡല്‍ ഓഫിസര്‍ക്കു കീഴിലും പ്രത്യേക ടീം രൂപീകരിച്ചാണ് തെരഞ്ഞെടുപ്പിനുള്ള ക്രമീകരണങ്ങള്‍ പൂര്‍ത്തിയാക്കുന്നത്.
(പി.ആര്‍.പി. 353/2019)

      മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിയിലുള്‍പ്പെടുത്തി പാറശ്ശാല ഗ്രാമപഞ്ചായത്തിലെ ആര്യശ്ശേരി കുളം നവീകരിച്ചു. 54 ലക്ഷം രൂപ ചെലവഴിച്ചാണ് 12 ഏക്കറോളം വിസ്തീര്‍ണമുള്ള കുളത്തിന്റെ പുനരുദ്ധാരണ പ്രവര്‍ത്തനങ്ങള്‍ നടത്തിയത്. വിവിധ ചാനലുകളില്‍  നിന്നും കുളത്തിലടിഞ്ഞ ചെളിയും അവശിഷ്ടങ്ങളും മാറ്റുകയും ജലനിര്‍ഗമനം സുഗമമാക്കുകയും ചെയ്തു കൊണ്ടാണ് പുനരുദ്ധാരണ പ്രവര്‍ത്തനങ്ങള്‍ ആരംഭിച്ചത്.

    പച്ചക്കറി കൃഷിയില്‍ സ്വയം പര്യാപ്തത നേടുകയെന്ന ലക്ഷ്യത്തോടെ ചിറയിന്‍കീഴ് ബ്ലോക്ക് പഞ്ചായത്ത് നടപ്പിലാക്കുന്ന 'ഹരിതഗ്രാമം' പദ്ധതിയുടെ ഉദ്ഘാടനം ഹരിതകേരള മിഷന്‍ വൈസ് ചെയര്‍പേഴ്‌സണ്‍ ഡോ. ടി. എന്‍ സീമ  നിര്‍വഹിച്ചു. ജൈവപച്ചക്കറി കൃഷിയെ പ്രോത്സാഹിക്കുന്ന ബ്ലോക്ക് പഞ്ചായത്തിന്റെ ഇടപെടല്‍ മറ്റു പഞ്ചായത്തുകള്‍ മാതൃകയാക്കണമെന്ന് ഉദ്ഘാടന പ്രസംഗത്തില്‍ ഡോ. ടി. എന്‍ സീമ പറഞ്ഞു. പത്തിനം പച്ചക്കറി വിത്തുകള്‍ അടങ്ങിയ നാല്പതോളം പച്ചക്കറി ഗ്രോ ബാഗുകള്‍ ചടങ്ങില്‍ വിതരണം ചെയ്തു.