ആയിരം ദിനാഘോഷത്തിന്റെ ഭാഗമായുള്ള പ്രദര്‍ശനമേളയിലെ മണ്ണ് പര്യവേഷണ- സംരക്ഷണ വകുപ്പിന്റെ സ്റ്റോളിലെത്തിയാല്‍  വിവിധയിനം മണ്ണിനങ്ങളെ പരിചയപ്പെടാം.

എൻവയോൺമെന്റൽ സയൻസ്, ജിയോളജി, സോഷ്യോളജി, സോഷ്യൽ വർക്ക്,      കെമിസ്ട്രി, ബോട്ടണി, തുടങ്ങിയ മേഖലകളിൽ ബിരുദാനന്തര ബിരുദധാരികൾക്കും സിവിൽ എഞ്ചിനീയറിംഗ്, കൃഷി എന്നീ മേഖലകളിൽ ബിരുദധാരികൾക്കും ജേർണലിസത്തിൽ ബിരുദാനന്തര ബിരുദം അല്ലെങ്കിൽ പി.ജി ഡിപ്ലോമ കഴിഞ്ഞ വിദ്യാർത്ഥികൾക്കും ഹരിതകേരളം മിഷനിൽ ഇന്റേൺഷിപ്പ് പ്രോഗ്രാമിന് അപേക്ഷിക്കാം. ആറു മാസമാണ് കാലാവധി.    തെരഞ്ഞെടുക്കപ്പെടുന്നവർ 14 ജില്ലാ മിഷൻ ഓഫീസുമായും ഹരിതകേരളം മിഷൻ സംസ്ഥാന ഓഫീസുമായും ബന്ധപ്പെട്ടാണ് പ്രവർത്തിക്കേണ്ടത്. അതത് രംഗത്തെ വിദഗ്ദ്ധർ പരിശീലനവും മാർഗ്ഗനിർദ്ദേശങ്ങളും നൽകും.

പീച്ചി വനഗവേഷണ സ്ഥാപനത്തിൽ 2021 ഡിസംബർ 21 വരെ കാലാവധിയുള്ള സമയബന്ധിത ഗവേഷണ പദ്ധതിയിലെ ഒരു പ്രോജക്ട് അസിസ്റ്റന്റ് ഒഴിവിലേക്ക് ഈ മാസം എട്ടിന് രാവിലെ പത്തിന് ഓഫീസിൽ വാക്ക് ഇൻ ഇന്റർവ്യൂ നടക്കും. ബോട്ടണി അല്ലെങ്കിൽ എൻവയൺമെന്റൽ സയൻസിലുള്ള ഒന്നാംക്ലാസ് ബിരുദം, ക്ലൈമറ്റിക് ചെയ്ഞ്ച് സ്റ്റഡീസ് ഇൻ ഫോറസ്റ്റ് പ്ലാന്റ്‌സിൽ 1-2 വർഷത്തെ പ്രവൃത്തി പരിചയം അഭികാമ്യം. പ്രതിമാസം 15000 രൂപ ഫെല്ലോഷിപ്പ് ലഭിക്കും. വിശദവിവരങ്ങൾക്ക് www.kfri.res.in സന്ദർശിക്കുക.

പി.എൻ.എക്സ്. 806/19

കേരളത്തിലെ സർവ്വകലാശാലകളിലേക്കും സ്വാശ്രയ കോളേജുകളിലേക്കുമുളള എം.ബി.എ 2019 പ്രവേശനത്തിന് കുസാറ്റിന്റെ അഭിമുഖ്യത്തിലും പ്രവേശനമേൽനോട്ട സമിതിയുടെ നിയന്ത്രണത്തിലും നടത്തിയ കെമാറ്റ് കേരള 2019 പരീക്ഷാഫലം പ്രസിദ്ധീകരിച്ചു. 12 ജില്ലകളിലെ 29 കേന്ദ്രങ്ങളിലായി 8597 പേർ പരീക്ഷ എഴുതിയത്. പരീക്ഷാഫലം asckerala.org, kmatkerala.in  എന്നീ സൈറ്റുകളിൽ ലഭ്യമാണ്.

തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശ്ശൂർ, മലപ്പുറം, കോഴിക്കോട് ജില്ലകളിൽ ചിക്കൻപോക്‌സ് റിപ്പോർട്ട് ചെയ്ത സാഹചര്യത്തിൽ ജനങ്ങൾ ശ്രദ്ധിക്കണമെന്ന് ആരോഗ്യവകുപ്പ് അറിയിച്ചു.

വായു വഴിയാണ് ചിക്കൻപോക്‌സ് വൈറസ് പകരുന്നത്. അസൈക്ലോവീർ എന്ന ആന്റിവൈറൽ മരുന്ന് രോഗാരംഭം മുതൽ ഉപയോഗിക്കുന്നത് രോഗം വേഗത്തിൽ ഭേദമാകാനും രോഗതീവ്രതയും സങ്കീർണ്ണതകളും കുറയ്ക്കാനും സഹായിക്കും.

രോഗാണുക്കൾ ശരീരത്തിൽ പ്രവേശിച്ചു കഴിഞ്ഞാൽ രണ്ടുമുതൽ മൂന്നാഴ്ചയ്ക്കുള്ളിൽ രോഗലക്ഷണം കാണും.

ഇൻഫർമേഷൻ പബ്‌ളിക് റിലേഷൻസ് വകുപ്പിൽ ഇൻഫർമേഷൻ ഓഫീസറായ എൻ.പി.സന്തോഷിനെ ഡെപ്യൂട്ടി ഡയറക്ടറായി സ്ഥാനക്കയറ്റം നൽകി ന്യൂഡൽഹി കേരളഹൗസിലും വി.പി. സുലഭകുമാരിയെ തൃശ്ശൂർ മേഖലാ ഡെപ്യൂട്ടി ഡയറക്ടറായും നിയമിച്ച് ഉത്തരവായി. തൃശ്ശൂർ മേഖലാ ഡെപ്യൂട്ടി ഡയറക്ടറായിരുന്ന കെ.മോഹനനെ മീഡിയാ അക്കാദമി സെക്രട്ടറിയായി സ്ഥലംമാറ്റി നിയമിച്ചും ഉത്തരവായി.  

താഴെപ്പറയുന്ന ഇൻഫർമേഷൻ ഓഫീസർമാരെ പേരിനൊപ്പമുള്ള തസ്തികകളിലേക്ക് സ്ഥലംമാറ്റി നിയമിച്ചു.