കേരള ഭാഷാ ഇന്‍സ്റ്റിറ്റ്യൂട്ട് കോഴിക്കോട് പ്രാദേശിക കേന്ദ്രത്തിന്റെ ആഭിമുഖ്യത്തില്‍ ദേശീയശാസ്ത്രദിനമായ ഫെബ്രുവരി 28-ന് ശാസ്ത്രപ്രഭാഷണങ്ങളും ശാസ്ത്രപുസ്തകത്തിന്റെ പ്രകാശനവും സംഘടിപ്പിക്കും. സ്‌കില്‍ ഡവലപ്പ്മെന്റ് ഡയറക്ടറും ശാസ്ത്രസാഹിത്യപരിഷത്ത് മുന്‍ സംസ്ഥാന പ്രസിഡന്റും ശാസ്ത്രാധ്യാപകനുമായ പ്രൊഫ.കെ.ശ്രീധരന്‍ പരിപാടി ഉദ്ഘാടനം ചെയ്യും.  ശാസ്ത്രാധ്യപകനായ സാബുജോസ് രചിച്ച ഇന്‍സ്റ്റിറ്റ്യൂട്ട് പ്രസിദ്ധീകരിക്കുന്ന സമയസഞ്ചാരം: പ്രപഞ്ചവിസ്മയങ്ങളുടെ ശാസ്ത്രരഹസ്യം എന്ന പുസ്തകം ഐ.എസ്.ആര്‍.ഒ ശാസ്ത്രജ്ഞനായിരുന്ന പി.എം.സിദ്ധാര്‍ഥന്‍ പ്രകാശനം ചെയ്യും. ശാസ്ത്രപ്രഭാഷകനായ കെ.പി.ഏലിയാസ് പുസ്തകം സ്വീകരിക്കും.

സംസ്ഥാന സര്‍ക്കാരിന്റെ ആയിരം ദിനാഘോഷ പരിപാടികളുടെ ഭാഗമായി വഴിയോര ഭാഗ്യക്കുറി വില്‍പ്പനക്കാരായ ക്ഷേമനിധി അംഗങ്ങള്‍ക്ക് സൗജന്യ ബീച്ച് അംബ്രല്ല വിതരണം ചെയ്യുന്നതിന്റെ ജില്ലാതല ഉദ്ഘാടനം ഫെബ്രുവരി 28ന് വൈകീട്ട് 3ന് ജില്ലാ പഞ്ചായത്ത് പ്രസിഡന്റ് കെ.ബി.നസീമ നിര്‍വഹിക്കും.  കല്‍പ്പറ്റ മുനിസിപ്പല്‍ ചെയര്‍പേഴ്‌സണ്‍ സനിത ജഗദീഷ് അധ്യക്ഷത വഹിക്കും.