· കോഫീ പാര്‍ക്കിന്റെ ഉദ്ഘാടനം മാര്‍ച്ച് 2 ന്

സർക്കാരിന്റെ വികസന മുന്നേറ്റത്തെ അധികരിച്ച് ഇൻഫർമേഷൻ പബ്ലിക് റിലേഷൻസ് വകുപ്പ് സംഘടിപ്പിച്ച 'മിഴിവ് 2019' പ്രൊമോ വീഡിയോ മത്സരത്തിൽ രശ്മി രാധാകൃഷ്ണൻ ഒന്നാം സ്ഥാനം നേടി.  മാന്റോ കോണിക്കര, ജോയെൽ കൂവെള്ളൂർ എന്നിവർക്ക് യഥാക്രമം രണ്ടും മൂന്നും സ്ഥാനം ലഭിച്ചു.  ഒന്നാം സ്ഥാനത്തിന് ഒരു ലക്ഷം രൂപയും സർട്ടിഫിക്കറ്റും ഫലകവും ലഭിക്കും.  50,000 രൂപ, 25,000 രൂപ എന്നിവയും സർട്ടിഫിക്കറ്റും ഫലകവും രണ്ടും മൂന്നും സ്ഥാനക്കാർക്ക് ലഭിക്കും.

അടുത്ത അധ്യയനവർഷം മുതൽ സംസ്ഥാനത്തെ എല്ലാ സർവകലാശാലകളിലെയും പ്രവേശനം, പരീക്ഷാനടത്തിപ്പ്, ഫലപ്രഖ്യാപനം എന്നിവ ഏകീകരിക്കും. ബിരുദപരീക്ഷകളുടെ ഫലം ഏപ്രിൽ 30ന് മുമ്പും ബിരുദാനന്തരപരീക്ഷകളുടേത് മേയ് 30ന് മുമ്പും പ്രഖ്യാപിക്കണമെന്ന് സർവകലാശാലകൾക്ക് നിർദേശം നൽകിയെന്ന് വാർത്താസമ്മേളനത്തിൽ ഉന്നതവിദ്യാഭ്യാസമന്ത്രി ഡോ.കെ.ടി.ജലീൽ പറഞ്ഞു.

ഉന്നതവിദ്യാഭ്യാസരംഗത്ത് ഗുണമേൻമയും പ്രാപ്യതയും ഉറപ്പാക്കുന്നത് ലക്ഷ്യമിട്ടുള്ള പ്രവർത്തനമാണ് സർക്കാർ നടത്തുന്നതെന്ന് മന്ത്രി പറഞ്ഞു.

സംസ്ഥാനത്തെ മുഴുവൻ എൻജിനീയറിങ് കോളജുകളിലും അഞ്ച് ശതമാനം സീറ്റുകളിൽ 2019-20 മുതൽ സൗജന്യപഠനം നടപ്പാക്കും.

ലോകജലദിനത്തിനോടനുബന്ധിച്ച് സംസ്ഥാന ഭൂജലവകുപ്പ് തിരുവനന്തപുരം ജില്ലയിലെ സ്‌കൂൾ വിദ്യാർത്ഥികൾക്കായി മാർച്ച് രണ്ടിന് പട്ടം ഗവൺമെന്റ് മോഡൽ ഗേൾസ് ഹൈസ്‌കൂൾ, ആഡിറ്റോറിയത്തിൽ ചിത്രരചന, ഉപന്യാസ രചന, ക്വിസ് എന്നീ ഇനങ്ങളിൽ മത്സരങ്ങൾ നടത്തുന്നു. വിജയികൾക്കുള്ള സമ്മാനദാനം മാർച്ച് 22 ന് കനകക്കുന്ന് കൊട്ടാരത്തിൽ നടക്കുന്ന ലോക ജലദിനാഘോഷത്തിൽ നൽകും.

പി.എൻ.എക്സ്. 749/19

കോളേജ് വിദ്യാഭ്യാസ വകുപ്പിന്റെ നേതൃത്വത്തിൽ മാർച്ച് ഏഴിന് രാവിലെ 10 മണി മുതൽ തിരുവനന്തപുരം സർക്കാർ വനിതാ കോളേജിൽ മെഗാഫയൽ അദാലത്ത് സംഘടിപ്പിക്കുന്നു. പൊതുജനങ്ങൾ/ജീവനക്കാരുടെ വിഭാഗത്തിൽ പരാതികൾ നൽകിയിരുന്നവർ പരാതിയുടെ പകർപ്പും മറ്റ് രേഖകൾ സഹിതം രാവിലെ ഒൻപതിന് എത്തണമെന്ന് കോളേജ് വിദ്യാഭ്യാസ ഡയറക്ടർ അറിയിച്ചു.

പി.എൻ.എക്സ്. 747/19

* സർവകലാശാല ഫയൽ അദാലത്ത് നടത്തി

* 717 കോടിയുടെ മാസ്റ്റർപ്ലാനിന് തുടക്കം

തിരുവനന്തപുരം സർക്കാർ മെഡിക്കൽ കോളേജിൽ നടപ്പിലാക്കുന്ന 717.29 കോടി രൂപയുടെ മാസ്റ്റർപ്ലാൻ, മറ്റ് ഒൻപത് പദ്ധതികൾ എന്നിവയുടെ ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു. ആരോഗ്യ, സാമൂഹ്യനീതി വനിതാ ശിശു വികസന മന്ത്രി കെ.കെ. ശൈലജ ടീച്ചർ അധ്യക്ഷത വഹിച്ച ചടങ്ങിൽ ദേവസ്വം സഹകരണ ടൂറിസം മന്ത്രി കടകംപള്ളി സുരേന്ദ്രൻ മുഖ്യാതിഥിയായിരുന്നു.