ആയിരം ദിനാഘോഷത്തിന്റെ ഭാഗമായി പൊതു വിദ്യാഭ്യാസ വകുപ്പിന്റെ ആഭിമുഖ്യത്തില്‍ 'പൊതുവിദ്യാഭ്യാസം ആശയവും കാഴ്ചപ്പാടും' എന്ന വിഷയത്തില്‍ സെമിനാര്‍ നടത്തും. ഫെബ്രുവരി 25 ന്  തിരൂര്‍ സാസ്‌കാരിക നിലയത്തിനു സമീപമുള്ള പ്രത്യേക വേദിയില്‍ വൈകിട്ട് മൂന്നിനാണ്  പരിപാടി. ഇതിനു മുന്നോടിയായി  ഉച്ചക്ക് രണ്ടിന് സര്‍ഗ സമന്വയം എന്ന കലാപരിപാടി നടത്തും. ജില്ലയിലെ സംഗീത അധ്യാപകരാണ് പരിപാടി നടത്തുക. പഠന നേട്ടങ്ങളെ സ്വാംശീകരിക്കുന്നതിന് വ്യത്യസ്ത ആശയവിനിമയ രീതികള്‍ പ്രയോജനപ്പെടുത്തുന്നതിന്റെ ആവിഷ്‌കാര രീതി പരിചയപ്പെടുത്തികൊണ്ട് 'സര്‍ഗ സമന്വയം' പരിപാടി അവതരിപ്പിക്കുന്നത്.

ജനകീയ ഇടപെടലുകളുടെ കേരള മോഡല്‍ ആണ് ഇന്ന് കാണുന്ന വികസന നേട്ടങ്ങള്‍ എന്ന് മുഖ്യമന്ത്രി പിണറായി വിജയന്‍. ആസൂത്രണ കമ്മീഷന്റെ ഘടന മാറ്റിയപ്പോഴും സംസ്ഥാനം പഴയരീതി തുടരുകയായിരുന്നു. സാമൂഹികനീതിയിലധിഷ്ഠതമായ സര്‍വതലസ്പര്‍ശിയായ വികസനമാണ് സര്‍ക്കാര്‍ ലക്ഷ്യമെന്നും മുഖ്യമന്ത്രി പറഞ്ഞു. മലപ്പുറം ജില്ലാ ആസൂത്രണ സമിതി സമുച്ചയത്തിന്റെ ഉദ്ഘാടനം നിര്‍വഹിക്കുകയായിരുന്നു മുഖ്യമന്ത്രി.

    ജില്ലാവ്യവസായകേന്ദ്രത്തിന്റെആഭിമുഖ്യത്തില്‍ഇന്ന് (ഫെബ്രുവരി 26)രാവിലെ 9.30ന് മലപ്പുറംഹോട്ടല്‍സൂര്യ റീജന്‍സിയില്‍ നിക്ഷേപ സംഗമംസംഘടിപ്പിക്കുന്നു.  പി. ഉബൈദുള്ളഎം.എല്‍.എസംഗമംഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ അധ്യക്ഷതവഹിക്കും.  ജില്ലയിലെവിവിധ നിക്ഷേപ സാധ്യതകളെക്കുറിച്ച് മനസ്സിലാക്കുന്നതിനും അനുബന്ധസ്ഥാപനങ്ങളില്‍ നിന്ന് സംരഭകര്‍ക്ക് ലഭ്യമാകുന്ന സേവനങ്ങളെക്കുറിച്ചും സൗകര്യങ്ങളെക്കുറിച്ചും വിശദീകരിക്കുന്നതിനുമാണ് സെമിനാര്‍ സംഘടിപ്പിക്കുന്നത്.ഫോണ്‍-0483-2737405

കൊണ്ടോട്ടിമണ്ഡലത്തിലെമുസ്ലിയാരങ്ങാടി-അരിമ്പ്ര റോഡ് നവീകരണ പ്രവൃത്തിഉദ്ഘാടനം ചെയ്തു.ടിവിഇബ്രാഹിംഎം എല്‍ എ  പ്രവൃത്തിഉദ്ഘാടനം നിര്‍വഹിച്ചു. കൊണ്ടോട്ടിനഗരസഭ ചെയര്‍പേഴ്‌സണ്‍ കെ.സി. ഷീബ അധ്യക്ഷതവഹിച്ചു.റോഡ്‌റബ്ബറൈസ്‌ചെയ്ത് നവീകരിക്കുന്നതിനായി 1.6 കോടിരൂപയാണ് പൊതുമരാമത്ത്‌വകുപ്പ് ബഡ്ജറ്റില്‍ഉള്‍പ്പെടുത്തി  അനുവദിച്ചത്.

നവീകരിച്ച പൂളമണ്ണ - വാണിയമ്പലം റോഡ്ഉദ്ഘാടനം അഡ്വക്കേറ്റ്എം ഉമ്മര്‍ എംഎല്‍എ നിര്‍വഹിച്ചു .ചടങ്ങില്‍ പാണ്ടിക്കാട് ഗ്രാമപഞ്ചായത്ത് പ്രസിഡന്റ്അജിത അധ്യക്ഷതവഹിച്ചു.   ജില്ലാ പഞ്ചായത്തംഗം പി .ആര്‍  രോഹില്‍ നാഥ്,  വണ്ടൂര്‍ബ്ലോക്ക് പഞ്ചായത്ത് പ്രസിഡന്റ്ആസ്യടീച്ചര്‍,  പിഡബ്ല്യുഡി എക്‌സിക്യൂട്ടീവ് എന്‍ജിനീയര്‍ എസ് ഹരീഷ്,  അസിസ്റ്റന്റ് എന്‍ജിനീയര്‍മാരായകെ.വിസുജിഷ് , എം. അനൂപ് കുമാര്‍, ബ്ലോക്ക് പഞ്ചായത്തംഗങ്ങളായ  പിടിസുമയ്യ,  ടിഎച്ച് മൊയ്തീന്‍,  പാണ്ടിക്കാട് ഗ്രാമപഞ്ചായത്ത് സ്ഥിരസമിതി ചെയര്‍മാന്‍  വി. മജീദ്മാസ്റ്റര്‍ അംഗങ്ങളായ മേലേതില്‍ ബേനസീര്‍,  ശ്രീദേവി എന്നിവര്‍ സംസാരിച്ചു.