പൊതുവായ പെരുമാറ്റം

1. വിവിധ ജാതികളും സമുദായങ്ങളും തമ്മില്‍ മതപരമോ ഭാഷാപരമോ ആയ സംഘര്‍ഷങ്ങള്‍ ഉളവാക്കുന്നതോ പരസ്പരവിദ്വേഷം ജനിപ്പിക്കുന്നതോ ആയ ഒരു പ്രവര്‍ത്തനത്തിലും രാഷ്ട്രീയ കക്ഷികളോ സ്ഥാനാര്‍ത്ഥികളോ ഏര്‍പ്പെടാന്‍ പാടില്ല. അത്തരം പ്രവര്‍ത്തനങ്ങളില്‍ ഏര്‍പ്പെടുന്നവര്‍ക്ക് മൂന്നുവര്‍ഷം വരെ തടവോ പതിനായിരം രൂപ വരെ പിഴയോ അല്ലെങ്കില്‍ രണ്ടും കൂടിയോ ശിക്ഷ ലഭിക്കും.

നേരിട്ടുള്ള സമ്പര്‍ക്കത്തിലൂടെ 504 പേര്‍ക്ക് വൈറസ്ബാധ
37 പേര്‍ക്ക് ഉറവിടമറിയാതെ രോഗബാധ
രണ്ട് ആരോഗ്യ പ്രവര്‍ത്തകര്‍ക്കും വൈറസ്ബാധ
രോഗബാധിതരായി ചികിത്സയില്‍ 6,583 പേര്‍
ആകെ നിരീക്ഷണത്തിലുള്ളത് 71,626 പേര്‍

നിലമ്പൂര്‍ ജില്ലാ ആശുപത്രിയില്‍ പ്രവേശിപ്പിക്കപ്പെടുന്ന കെ.എ.എസ്.പി.,         എന്‍എച്ച്.എം, എസ്.റ്റി, എച്ച്.എം.സി, വിമുക്തി മിഷന്‍ തുടങ്ങിയ വിവിധ പദ്ധതികള്‍ക്ക് കീഴില്‍ വരുന്ന രോഗികള്‍ക്ക് ലാബ്, സ്‌കാനിങ്/എക്‌സറേ/ഇസിജി, രോഗികള്‍ക്ക് മരുന്ന് ലഭ്യമാക്കല്‍ (ഫാര്‍മസി) തുടങ്ങിയ സേവനങ്ങള്‍ നല്‍കാന്‍ തയ്യാറുള്ള സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു.  ദര്‍ഘാസ് സ്വീകരിക്കുന്ന അവസാന തീയതി നവംബര്‍ 25. ഫോണ്‍: 04931 220351.

        അരീക്കോട്, കീഴുപറമ്പ്, ഊര്‍ങ്ങാട്ടിരി, എടവണ്ണ പഞ്ചായത്തികളിലെ 26 അങ്കണവാടികളിലേക്ക്  2020-21 സാമ്പത്തിക വര്‍ഷത്തില്‍ ഫര്‍ണിച്ചര്‍  വിതരണം ചെയ്യുന്നതിന്  ടെന്‍ഡര്‍ ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി: നവംബര്‍ 23. കൂടുതല്‍ വിവരങ്ങള്‍ക്ക് അരീക്കോട് ഐ.സി.ഡി.എസ് ഓഫീസുമായി ബന്ധപ്പെടണം. ഫോണ്‍  0483 2852939.
 

മലപ്പുറം, കൂട്ടിലങ്ങാടി, പാറടി, കക്കാട് ഏലച്ചോല വീട്ടില്‍ സിദ്ധീഖ് എന്നയാളുടെ ഭാര്യ ഷമീമ 2020 ഒക്‌ടോബര്‍ നാലിന് രാവിലെ 8.30 മുതല്‍ വീട്ടില്‍ നിന്ന് പുറത്ത് പോയതിനു ശേഷം കാണ്മാനില്ല. കണ്ടെത്തുന്നവര്‍ മലപ്പുറം പൊലീസ് സ്റ്റേഷനുമായി ബന്ധപ്പെടണമെന്ന് സബ് ഇന്‍സ്‌പെക്ടര്‍ അറിയിച്ചു.

ദേശീയ സാമ്പിള്‍ സര്‍വേ നടക്കുന്ന വീടുകളില്‍  വിവരശേഖരണത്തോടൊപ്പം കോവിഡ് ബോധവത്ക്കരണവുമായി ബന്ധപ്പെട്ട ജന്‍ ആന്ദോളന്‍ ക്യാമ്പയിന്‍  സംഘടിപ്പിച്ചു. പുളിക്കല്‍ ഗ്രാമപഞ്ചായത്തിലെ 15-ാം വാര്‍ഡായ കൊട്ടപ്പുറത്തെ തെരഞ്ഞെടുക്കപ്പെട്ട വീടുകളിലാണ് ക്യാമ്പയിന്‍ സംഘടിപ്പിച്ചത്. നാഷനല്‍ സ്റ്റാറ്റിസ്റ്റിക്കല്‍ ഓഫീസ് ഡയറക്ടര്‍ എഫ്. മുഹമ്മദ് യാസിര്‍ ക്യാമ്പയിന് നേതൃത്വം നല്‍കി. മാസ്‌ക് ധരിക്കല്‍, തുടര്‍ച്ചയായി കൈ സോപ്പ് ഉപയോഗിച്ച് കഴുകല്‍, സാമൂഹിക അകലം പാലിക്കല്‍ തുടങ്ങിയ കാര്യങ്ങളില്‍ ബോധവത്ക്കരണം നടത്തുകയാണ് ക്യാമ്പയിന്‍ ലക്ഷ്യമിടുന്നത്.

മലപ്പുറം, കുറ്റിപ്പുറം, വണ്ടൂര്‍, പാണ്ടിക്കാട് പൊലീസ് സ്റ്റേഷന്‍ പരിധികളില്‍ സൂക്ഷിച്ചിരിക്കുന്ന വാഹനങ്ങളുടെ ലേലം  നവംബര്‍ 25 മുതല്‍ 28  തീയതികളില്‍ നടക്കും. മലപ്പുറം പൊലീസ് സ്റ്റേഷന്‍ പരിധിയിലെ ലേലം നവംബര്‍ 25ന് മലപ്പുറം എം.എസ്.പി കമ്യൂനിറ്റി ഹാളിലും പാണ്ടിക്കാട് പൊലീസ് സ്റ്റേഷന്റേത്  നവംബര്‍ 26ന് പാണ്ടിക്കാട് പ്രോമിസ് ഓഡിറ്റോറിയത്തിലും കുറ്റിപ്പുറം പൊലീസ് സ്റ്റേഷന്റേത്  കുറ്റിപ്പുറം കൈലാസ് ഓഡിറ്റോറിയത്തില്‍ നവംബര്‍ 27നും വണ്ടൂര്‍ പൊലീസ് സ്റ്റേഷന്റേത് വണ്ടൂര്‍ ഷറഫിയ ഓഡിറ്റോറിയത്തില്‍ നവംബര്‍ 28നും നടക്കും. ഫോണ്‍: 0483 2734983.

ആതവനാട് മൃഗസംരക്ഷണ പരിശീലന കേന്ദ്രത്തില്‍ രജിസ്റ്റര്‍ ചെയ്തിട്ടുള്ള കര്‍ഷകര്‍ക്ക് നവംബര്‍ 12ന് വൈകീട്ട് ഏഴ് മുതല്‍ 'നായവളര്‍ത്തല്‍ - പ്രജനനവും പരിപാലനവും' എന്ന വിഷയത്തില്‍ ഓണ്‍ലൈന്‍ മുഖേന സൗജന്യ വെബിനാര്‍ സംഘടിപ്പിക്കുന്നു. വെബിനാറില്‍ ജില്ലാ വെറ്ററിനറി കേന്ദ്രത്തിലെ വെറ്ററിനറി സര്‍ജ്ജന്‍ ഡോ. പി.എം ഹരിനാരായണന്‍ ക്ലാസെടുക്കും. പരിശീലനത്തില്‍ പങ്കെടുക്കാനുള്ള ഗൂഗിള്‍ മീറ്റ് ലിങ്ക് https://meet.google.com/qsr-kzsf-epe.
മീറ്റിങ് കോഡ്  sqr-kzsf-epe. ഫോണ്‍: 0494 296 2296.

പെരിയയിലുളള ദിനപരിചരണ കേന്ദ്രത്തിലേക്ക് സമഗ്ര മാനസികാരോഗ്യപരിപാടിയുടെ ഭാഗമായി ഇന്‍മേറ്റ്‌സിനെ കൊണ്ടുവരുന്നതിനും തിരികെ വീടുകളിലെത്തിക്കുന്നതിനുമായി വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ സ്വീകരിക്കുന്ന അവസാന തീയതി നവംബര്‍ 18 ന് വൈകീട്ട് നാല് മണി.   ഫോണ്‍ 0467 2217018.

കാസര്‍കോട് ഗവ.വൃദ്ധസദനത്തിലെ അന്തേവാസിയായ അഷ്‌റഫ് (68) നവംബര്‍ ഏഴിന് നിര്യാതനായി. 2020 ജൂലൈ 18 ന് സ്ഥാപനത്തില്‍ പ്രവേശിപ്പിക്കപ്പെട്ട ഇദ്ദേഹത്തിന്റെ സ്വദേശം മലപ്പുറം ജില്ലയിലെ പരപ്പനങ്ങാടി എന്നാണ് പറഞ്ഞിരുന്നതെങ്കിലും അവകാശികളെക്കുറിച്ചോ  ബന്ധു ക്കളെക്കുറിച്ചോ യാതൊരു വിവരവും ലഭ്യമല്ലാത്തതിനാല്‍ മൃതദേഹം കാസറകോട് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. പരേതന് ബന്ധുക്കളോ അവകാശികളോ ജീവിച്ചിരിപ്പുണ്ടെങ്കില്‍ മൂന്ന് ദിവസത്തിനകം കാസര്‍കോട് പരവനടുക്കത്തുള്ള സര്‍ക്കാര്‍ വൃദ്ധസദനവുമായി ബന്ധപ്പെടണം.