സെപ്റ്റംബർ 16 വരെ നാമനിർദ്ദേശപത്രിക സമർപ്പിക്കാം

 ജില്ലാ സ്പോർട്സ് കൗൺസിൽ തിരഞ്ഞെടുപ്പ് ഒക്ടോബർ ആറിന് നടത്താൻ വിജ്ഞാപനം പുറത്തിറങ്ങി. സെപ്റ്റംബർ 10 മുതൽ 15 വരെയുള്ള പ്രവർത്തി ദിവസങ്ങളിൽ ജില്ലാ വരണാധികാരിയുടെ( അസിസ്റ്റന്റ് രജിസ്ട്രാർ) ഓഫീസിൽ നിന്ന് രാവിലെ 11 മുതൽ അഞ്ചുവരെ നാമനിർദ്ദേശ പത്രിക ലഭിക്കുന്നതാണ്. നാമനിർദ്ദേശ പത്രികകൾ സെപ്റ്റംബർ 16 ന് ഉച്ചയ്ക്ക് രണ്ട് വരെ ജില്ലാ വരണാധികാരിയുടെ ഓഫീസിൽ തപാൽ മുഖേനയോ ജില്ലാ സ്പോർട്‌സ് കൗൺസിൽ ഓഫീസിൽ വച്ചിട്ടുള്ള പെട്ടിയിലോ നിക്ഷേപിക്കുകയോ ചെയ്യാവുന്നതാണ്.

 ആലപ്പുഴ ജില്ലാ സ്‌പോര്‍ട്‌സ് കൗണ്‍സിലിലേയ്ക്കുള്ള തിരഞ്ഞെടുപ്പിന്റെ വിഞ്ജാപനം പുറപ്പെടുവിച്ചു. തിരഞ്ഞെടുപ്പ്  ഒക്ടോബര്‍  ആറിന് രാവിലെ 10 മണി മുതല്‍ ഉച്ചയ്ക്ക് 2 മണി വരെ നടക്കും. നാമനിര്‍ദ്ദേശപത്രിക സ്വീകരിക്കുന്ന അവസാന തീയതി സെപ്റ്റംബര്‍ 16 ഉച്ചയ്ക്ക് രണ്ട് മണി വരെ. സൂക്ഷ്മ പരിശോധന 20 ന് നടക്കും.സ്ഥാനാർത്ഥിത്വം പിൻവലിക്കാനുള്ള അവസാന തീയതി 24 ഉച്ചയ്ക്ക് രണ്ട് മണി വരെയാണ്.
സ്ഥാനാര്‍ത്ഥികളുടെ അന്തിമ പട്ടിക   24 ന് വൈകിട്ട്  അഞ്ച് മണിക്ക് പ്രസിദ്ധീകരിക്കും. തിരഞ്ഞെടുപ്പ് ഫലപ്രഖ്യാപനം  ഒക്ടോബര്‍ ആറിന് വൈകുന്നേരം അഞ്ച് മണിക്ക് നടക്കും.

താനൂര്‍ ബോട്ട് അപകടവുമായി ബന്ധപ്പെട്ട് ജസ്റ്റിസ് വി.കെ മോഹനന്‍ കമ്മിഷന്‍   ജില്ലയില്‍ സെപ്റ്റംബര്‍ 16 നും 18 നും പബ്ലിക് ഹിയറിംഗ് നടത്തും. 16 ന് ഉച്ചയ്ക്ക് 2.30 ന് ആലപ്പുഴ (പാർട്ട്)  പള്ളാത്തുരുത്തി ഹൗസ് ബോട്ട് ടെർമിനലിലും 18ന്  രാവിലെ 11 ന്   ആലപ്പുഴ പുന്നമട ഫിനിഷിങ്‌ പോയിന്റിലെ ഡെപ്യൂട്ടി ഡയറക്ടർ    ഡിസ്ട്രിക്ട് ടൂറിസ്റ്റ് ഓഫീസിലും നടക്കും.

കേരള വനിതാ കമ്മീഷന്‍  അദാലത്ത് സെപ്റ്റംബർ 18 ന്   ആലപ്പുഴ  കളക്ടറേറ്റ് കോൺഫറൻസ് ഹാളിൽ   രാവിലെ 10 മണി മുതൽ നടക്കും.

സാക്ഷരതാമിഷൻ്റെ ഹയർ സെക്കൻഡറി തുല്യതാകോഴ്സ് വിജയിച്ച മുതിർന്ന പഠിതാക്കൾക്കുള്ള ബിരുദ പഠനത്തിന് സെപ്റ്റംബർ 16 വരെ അപേക്ഷിക്കാം. ശ്രീനാരായണ ഗുരു ഓപ്പൺ യൂണിവേഴ്സിറ്റി വഴി സംസ്ഥാന സാക്ഷരതാ മിഷനാണ് പ്രായമായ പഠിതാക്കളുടെ ബിരുദ പഠനത്തിന് അവസരം നല്‍കുന്നത്. ആലപ്പുഴ ജില്ലാ പഞ്ചായത്താണ് വാർഷിക പദ്ധതിയിലുൾപ്പെടുത്തി സംസ്ഥാനത്ത് ആദ്യമായി സാക്ഷരതാ മിഷനുമായി ചേർന്ന് ബിരുദപഠന പരിപാടി ഏറ്റെടുത്ത് നടപ്പാക്കുന്നത്. ജില്ലാ പഞ്ചായത്ത് കെട്ടിടത്തിൽ പ്രവർത്തിക്കുന്ന സാക്ഷരതാ മിഷൻ ഓഫീസിൽ നേരിട്ടെത്തി അപേക്ഷ നൽകാം. 

സാക്ഷരതാമിഷൻ നടത്തുന്ന ഹയർ സെക്കൻഡറി തുല്യതാ കോഴ്സിൽ എൺപതുകാരന് മികച്ച വിജയം. പുന്നപ്ര വടക്ക് ഗ്രാമ പഞ്ചായത്ത് പതിനഞ്ചാം വാർഡിൽ താന്നിപ്പള്ളിച്ചിറ വീട്ടിൽ പി ഡി ഗോപിദാസാണ് നേട്ടം കൈവരിച്ചത്. ഹയർ സെക്കൻഡറി ഹ്യുമാനിറ്റീസ് വിഭാഗത്തിൽ പഠനം നടത്തിയ ഗോപിദാസിന് മലയാളത്തിന് എ പ്ലസ് ലഭിച്ചു. പൊളിറ്റിക്സിനും സോഷ്യോളജിക്കും ബി ഗ്രേഡ് ലഭിച്ചു. 

പൊതുവിദ്യാഭ്യാസ വകുപ്പ് ഹയർസെക്കൻഡറി വിഭാഗത്തിലെ എച്ച്.എസ്.എസ്.റ്റി ജൂനിയർ തസ്തികകളിലേക്കുള്ള തസ്തികമാറ്റ നിയമനം - യോഗ്യരായ ഡിപ്പാർട്ട്മെന്റൽ അദ്ധ്യാപകർ, 

കേരള മീഡിയ അക്കാദമിയുടെ രാജ്യാന്തര മാധ്യമോത്സവം തിരുവനന്തപുരത്ത് സെപ്റ്റംബർ 30 മുതൽ ഒക്ടോബർ 2വരെ .

മുഖ്യമന്ത്രി പിണറായി വിജയൻ ഉദ്ഘാടനം ചെയ്യുന്ന ഇൻറർനാഷണൽ മീഡിയ ഫെസ്റ്റിവൽ ഓഫ് കേരളയുടെ വിജയത്തിനായി വിപുലമായ സംഘാടക സമിതി രൂപീകരിച്ചു.

കേസരി സ്മാരക ഹാളിൽ നടന്ന സമ്മേളനത്തിൽ ഫെസ്റ്റിവൽ ലോഗോ സരസ്വതി സമ്മാൻ നേടിയ കവിയും മുഖ്യമന്ത്രിയുടെ മാധ്യമ ഉപദേഷ്ടാവുമായ പ്രഭാവർമ്മ പ്രകാശിപ്പിച്ചു. കേരള പത്രപ്രവർത്തക യൂണിയൻ ജില്ലാ പ്രസിഡൻറ് ഷില്ലർ സ്റ്റീഫൻ ഏറ്റുവാങ്ങി.

കേരള അര്‍ബന്‍ കോണ്‍ക്ലേവ് 2025ന്റെ ഭാഗമായുള്ള പ്രദര്‍ശനം കൊച്ചി മറൈന്‍ ഡ്രൈവില്‍ ഇന്നാരംഭിക്കും (11-09-2025, വ്യാഴം). ഇന്ന് വൈകിട്ട് മൂന്ന് മണിക്ക് തദ്ദേശസ്വയംഭരണവകുപ്പ് മന്ത്രി എം.ബി. രാജേഷ് പ്രദര്‍ശനം ഉദ്ഘാടനം ചെയ്യും. കൊച്ചി മേയര്‍ അഡ്വ: എം. അനില്‍കുമാര്‍ മറ്റു ജനപ്രതിനിധികള്‍ തുടങ്ങിയവര്‍ പങ്കെടുക്കും. കോണ്‍ക്ലേവിനോടനുബന്ധിച്ച് സെപ്റ്റംബര്‍ 11 മുതല്‍ 15 വരെയാണ് വിപുലമായ പ്രദര്‍ശനം സംഘടിപ്പിക്കുന്നത്.

കേരള അര്‍ബന്‍ കോണ്‍ക്ലേവ് 2025ലെ ഹൈലെവല്‍ പൊളിറ്റിക്കല്‍ ഫോറത്തിലെ മേയര്‍മാരുടെ സമ്മേളനത്തില്‍ പങ്കെടുക്കാനെത്തുന്നത് ലോകത്തിലെ വിവിധ രാജ്യങ്ങളിലെ നഗരവികസനത്തില്‍ മാതൃകാപരമായ പ്രവര്‍ത്തനങ്ങള്‍ കാഴ്ടചവെച്ച മേയര്‍മാരാണ്. അഞ്ചു വിദേശ രാജ്യങ്ങളില്‍ നിന്നായി ഏഴ് മേയര്‍മാര്‍ സമ്മേളനത്തില്‍ പങ്കെടുക്കും ദക്ഷിണാഫ്രിക്ക, ശ്രീലങ്ക, മാലിദ്വീപ്, ബ്രസീല്‍ എന്നീ രാജ്യങ്ങളിലെ വിവിധ മുനിസിപ്പാലിറ്റികളില്‍ നിന്നുള്ള മേയര്‍മാരും നേപ്പാളിലെ മൂന്നു മുനിസപ്പാലിറ്റികളുടെ മേയര്‍മാരുമാണ് സമ്മേളനത്തില്‍ പങ്കെടുക്കുന്നത്.