കോതമംഗലത്ത് വിവിധ പദ്ധതികൾ ഉദ്ഘാടനം ചെയ്തു 

സി.സി.ടി.വി നിയന്ത്രിതമായ സുരക്ഷാസംവിധാനങ്ങൾ ആധുനിക കാലഘട്ടത്തിൽ ഏറെ പ്രധാനമെന്ന് വ്യവസായ വകുപ്പ് മന്ത്രി പി. രാജീവ്‌ പറഞ്ഞു. കോതമംഗലം നഗരസഭയുടെ നവീകരിച്ച മാർക്കറ്റ് സമുച്ചയത്തിന്റെയും കോതമംഗലം നഗരത്തിൽ സ്ഥാപിച്ച സി.സി.ടി.വി സംവിധാനത്തിന്റെയും, മാർക്കറ്റ് പരിസരത്ത് പുതിയതായി സ്ഥാപിച്ച മിനി മാസ്റ്റ് ലൈറ്റിന്റെയും ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.

കുമ്മനോട് ഗവ. യുപി സ്കൂൾ പുതിയ കെട്ടിടം ഉദ്ഘാടനം ചെയ്തു

കേരളത്തിന്റെ വിദ്യാഭ്യാസ മേഖല ലോക ശ്രദ്ധ ആകർഷിക്കുകയാണെന്ന് വ്യവസായ വകുപ്പ് മന്ത്രി പി രാജീവ് പറഞ്ഞു. പൊതു വിദ്യാഭ്യാസ വകുപ്പ് പ്ലാൻ ഫണ്ടിൽ നിന്നും ഒരു കോടി രൂപ വിനിയോഗിച്ച് നിർമ്മിച്ച കുമ്മനോട് ഗവൺമെന്റ് യുപി സ്കൂൾ പുതിയ കെട്ടിടത്തിന്റെ ഉദ്ഘാടനം നിർവഹിക്കുകയായിരുന്നു മന്ത്രി.

പ്രവാസി കമ്മീഷൻ അദാലത്ത് സെപ്റ്റംബർ 16ന് രാവിലെ 10 മുതൽ എറണാകുളം കളക്ടറേറ്റ് കോൺഫറൻസ് ഹാളിൽ നടക്കും. കമ്മീഷൻ ചെയർപേഴ്സൺ ജസ്റ്റിസ് സോഫി തോമസ് അദാലത്തിന് നേതൃത്വം നൽകും. കമ്മീഷൻ അംഗങ്ങളായ പി. എം. ജാബിർ, ഡോ. മാത്യൂസ് കെ. ലൂക്കോസ്, എം. എം. നയീം, ജോസഫ് ദേവസ്യ പൊന്മാങ്കൽ എന്നിവർ പങ്കെടുക്കും. *എല്ലാ ജില്ലകളിൽ നിന്നുള്ള പരാതികളും അദാലത്തിൽ സ്വീകരിക്കും*.  

പ്രവാസികളുടെ സ്വത്തിനെയും ജീവനെയും സംബന്ധിക്കുന്നതുൾപ്പെടെ അവരുടെ ന്യായമായ ഏതു വിഷയവും പ്രവാസി കമ്മീഷൻ മുമ്പാകെ ഉന്നയിക്കാവുന്നതാണ്.

ലോക ആത്മഹത്യാ പ്രതിരോധ ദിനാചരണത്തിന്റെ ഭാഗമായി സംയുക്ത ബോധവൽക്കരണ യജ്ഞവുമായി ജില്ല. ഇന്ന് (സെപ്റ്റംബർ 10)രാവിലെ 9 ന് എറണാകുളം ജനറൽ ആശുപത്രിയിൽ നടക്കുന്ന ചടങ്ങിൽ ജില്ലാതല ഉദ്ഘാടനം കൊച്ചി സിറ്റി പോലീസ് കമ്മീഷണർ പുട്ട വിമലാദിത്യ നിർവഹിക്കും. ജില്ലാ മെഡിക്കൽ ഓഫീസർ ആശാദേവി അധ്യക്ഷയാകും. 

ആലുവ താലൂക്ക് വികസന സമിതി യോഗം മൂക്കന്നൂർ ഗ്രാമപഞ്ചായത്ത് പ്രസിഡന്റ് കെ വി ബിബീഷിന്റെ അധ്യക്ഷതയിൽ ആലുവ മിനി സിവിൽ സ്റ്റേഷൻ അനക്സ് കോൺഫറൻസ് ഹാളിൽ നടന്നു. യോഗത്തിൽ താലൂക്ക് പരിധിയിലുള്ള വിവിധ വിഷയങ്ങൾ ചർച്ചയായി.

 തഹസിൽദാർ വി ഡിക്സി ഫ്രാൻസിസ് ,ഡെപ്യൂട്ടി തഹസിൽദാർ എ. കെ ഷമീർ, രാഷ്ട്രീയ പാർട്ടി പ്രതിനിധികൾ,

വിവിധ വകുപ്പ് ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

മന്ത്രി പി രാജീവ് ഉദ്ഘാടനം നിർവഹിക്കും

നാഷണൽ എംപ്ലോയ്മെൻ്റ് സർവീസ് (കേരളം) വകുപ്പ് എറണാകുളം മേഖലാ "നിയുക്തി 2025 " മെഗാ തൊഴിൽ മേള സെപ്റ്റംബർ 13 ന് രാവിലെ 9 മുതൽ കളമശ്ശേരി കുസാറ്റ് കാമ്പസിൽ നടക്കും. വ്യവസായ വകുപ്പ് മന്ത്രി പി രാജീവ്‌ ഉദ്ഘാടനം നിർവഹിക്കും. 

എറണാകുളം ജില്ലാ എംപ്ലോയ്മെൻ്റ് എക്സ്ചേഞ്ചിന്റെ ആഭിമുഖ്യത്തിൽ കൊച്ചിൻ യൂണിവേഴ്‌സിറ്റി ഓഫ് സയൻസ് ആന്റ് ടെക്നോളജിയുടെ സഹകരണത്തോടെയാണ് തൊഴിൽമേള സംഘടിപ്പിക്കുന്നത്. 

എറണാകുളം, തൃശ്ശൂർ, കോട്ടയം, ഇടുക്കി ജില്ലയിലെ ഉദ്യോഗാർത്ഥികൾക്കായാണ് എറണാകുളം മേഖലാ തലത്തിൽ മേള സംഘടിപ്പിക്കുന്നത്.

പൊതുതിരഞ്ഞെടുപ്പിന് മുന്നോടിയായി തദ്ദേശസ്ഥാപനങ്ങളിലെ വാർഡുകളുടെ സംവരണം നിശ്ചയിക്കുന്നത് സംബന്ധിച്ച് തദ്ദേശസ്ഥാപന സെക്രട്ടറിമാർക്ക് സെപ്റ്റംബർ 26 ന് ഓൺലൈൻ പരിശീലനം നൽകുമെന്ന് സംസ്ഥാന തിരഞ്ഞെടുപ്പ് കമ്മീഷണർ അറിയിച്ചു.

ഗ്രാമ പഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത് എന്നിവിടങ്ങളിലെ, വാർഡ് സംവരണത്തിനുള്ള നറുക്കെടുപ്പ് നടത്തുന്നത് ജില്ലാ വരണാധികാരി കൂടിയായ ജില്ലാ കളക്ടറാണ്.

എറണാകുളം ജില്ലാ സാക്ഷരത മിഷന്റെ നേതൃത്വത്തിൽ വനിതാ ശിശു വികസന ഓഫീസിന്റെ സഹകരണത്തോടെ ലോക സാക്ഷരതാദിനാചരണം സംഘടിപ്പിച്ചു .

കാക്കനാട് ജില്ലാ പഞ്ചായത്ത് പ്രിയദർശിനി ഹാളിൽ നടന്ന ദിനാചരണം ജില്ലാ പഞ്ചായത്ത് പ്രസിഡൻ്റ് മനോജ് മൂത്തേടൻ ഉദ്ഘാടനം ചെയ്തു.

 ജില്ലയിലെ ഏറ്റവും മുതിർന്ന സാക്ഷരത പഠിതാവ് ചിറ്റാറ്റുകര പഞ്ചായത്തിലെ മല്ലിക സുകുമാരൻ, പി കെ മാലതി എന്നിവർക്ക് ജില്ലാ പഞ്ചായത്ത് പ്രസിഡന്റ് സാക്ഷരതാ പാഠാവലി വിതരണം ചെയ്തു.

പളളുരുത്തി ഐസിഡിഎസ് പ്രോജക്ടിനു പരിധിയിലുള്ള കുമ്പളങ്ങി, ചെല്ലാനം, കുമ്പളം പഞ്ചായത്തുകളിലെ അങ്കണവാടികളിൽ ആഴ്ചയിൽ മൂന്ന് ദിവസം പാലും മൂന്ന് ദിവസം മുട്ടയും വിതരണം ചെയ്യുന്നതിന് വ്യക്തികൾ, കുടുംബശ്രീ സംരഭകർ, കെപ്കോ, മറ്റ് സ്ഥാപനങ്ങൾ എന്നിവരിൽ നിന്നും റീ ടെ൯ഡറുകൾ ക്ഷണിച്ചു. സെപ്തംബർ 22 ഉച്ചയ്ക്ക് രണ്ടുവരെ റീ ടെ൯ഡറുകൾ സമർപ്പിക്കാം.  

ഫോൺ- 91889 59733 

പിന്നാക്ക സമുദായത്തിൽപ്പെട്ട (ഒ.ബി.സി.) ഉദ്യോഗാർത്ഥികൾക്കൾക്ക് വിവിധ മത്സര/യോഗ്യത പരീക്ഷാ പരിശീലനത്തിനായി പിന്നാക്ക വിഭാഗ വികസന വകുപ്പ് നടപ്പിലാക്കുന്ന എംപ്ലോയബിലിറ്റി എൻഹാൻസ്മെൻറ് ധനസഹായ പദ്ധതിയിലേക്ക് അപേക്ഷ ക്ഷണിച്ചു.

മെഡിക്കൽ/എഞ്ചിനിയറിംഗ് എൻട്രൻസ്, സിവിൽ സർവ്വീസ്, ബാങ്കിങ് സർവ്വീസ്, ഗേറ്റ്/മാറ്റ്, യു.ജി.സി/നെറ്റ്/ജെ.ആർ.എഫ് എന്നീ മത്സര പരീക്ഷകൾക്കുള്ള പരിശീലനം നടത്തുന്ന ഉദ്യോഗാർത്ഥികൾക്കും/വിദ്യാർത്ഥികൾക്കും അപേക്ഷിക്കാം.