ജില്ലയിലുള്ള ഭിന്നശേഷി സ്ഥാപനങ്ങളുടെയും തെറാപ്പി സെന്ററുകളുടെ പ്രവർത്തനം പരിശോധിക്കുന്നതിന് ഈ മേഖലയിൽ പ്രവർത്തിക്കുന്ന പ്രൊഫഷണൽസിന്റെ പാനൽ തയാറാക്കുന്നു. സെപ്റ്റംബർ 25 ന് രാവിലെ 11 മുതൽ കളക്ടറേറ്റിൽ പ്രവർത്തിക്കുന്ന ജില്ല സാമൂഹിക നീതി വകുപ്പ് ഓഫീസിൽ വാക്-ഇ൯-ഇൻറർവ്യൂ നടക്കും. ഫോൺ- 0484 -2425377

കെൽട്രോണിൽ വിവിധ കോഴ്സുകളിലേക്ക് അപേക്ഷ ക്ഷണിച്ചു. എസ് എസ് എൽ സി യോഗ്യത ഉളളവർക്ക് മൂന്നു മാസത്തെ കമ്പ്യൂട്ടറൈസ്ഡ് ഫിനാ൯ഷ്യൽ അക്കൗണ്ടിംഗ്(ടാലി, എം.എസ് ഓഫീസ്) കോഴ്സിന് അപേക്ഷിക്കാം.

പ്ലസ് ടു യോഗ്യതയുളളവർക്ക് ആറു മാസത്തെ ഡിപ്ലോമ ഇ൯ ഓഫീസ് അക്കൗണ്ടിംഗ്, ഡിപ്ലോമ ഇ൯ ഗുഡ്സ് ആന്റ് സർവ്വീസസ് ടാക്സ്, ഒരു വർഷം ദൈർഘ്യമുളള പ്രൊഫഷണൽ ഡിപ്ലോമ ഇ൯ ബിസിനസ് അക്കൗണ്ടിംഗ്, മാസ്റ്റർ ഡിപ്ലോമ ഇ൯ കമ്പ്യൂട്ടറൈസ്ഡ് ഫിനാ൯ഷ്യൽ അക്കൗണ്ടിംഗ് കോഴ്സുകളിലേക്കും അപേക്ഷിക്കാം. ഫോൺ- 9633503513, 9895915870, 0484-2971400.

തൃപ്പൂണിത്തുറ സർക്കാർ ആയൂർവേദ കോളേജ് ആശുപത്രിയിൽ പ്രവർത്തിക്കുന്ന കാൻ്റീൻ ഏറ്റെടുത്ത് നടത്താൻ തയ്യാറുള്ളവരിൽ നിന്നും ക്വട്ടേഷനുകൾ ക്ഷണിച്ചു. സെപ്റ്റംബർ 24 ഉച്ചയ്ക്ക് രണ്ടു വരെ ക്വട്ടേഷനുകൾ സമർപ്പിക്കാം. ഫോൺ -0484 2777489.

കേരള കള്ള് വ്യവസായ തൊഴിലാളി ക്ഷേമനിധിയിൽ അംഗങ്ങളായ തൊഴിലാളികളുടെ മക്കൾക്ക് 2024-25 അധ്യയന വർഷത്തെ പഠന മികവിനുള്ള സ്കോളർഷിപ്പ് നൽകുന്നതിന് അപേക്ഷ ക്ഷണിച്ചു. ഒക്ടോബർ 15 വരെ അപേക്ഷകൾ സമർപ്പിക്കാം. അപേക്ഷാ ഫോമുകൾ ജില്ലാ ഓഫീസിൽ നിന്നും കള്ള് വ്യവസായ രംഗത്ത് പ്രവർത്തിക്കുന്ന വിവിധ ട്രേഡ് യൂണിയൻ ഓഫീസുകളിൽ നിന്നും ലഭിക്കും. ഫോൺ - 0484-2800581.

എറണാകുളം ഗവ: ഗേൾസ് ഹയർ സെക്കൻ്ററി സ്കൂളിൽ കമ്പ്യൂട്ടർ ആപ്ലിക്കേഷൻ (സീനിയർ) താത്കാലിക ഒഴിവുണ്ട്. താല്പ‌ര്യമുള്ള ഉദ്യോഗാർത്ഥികൾ സെപ്റ്റംബർ 15 ഉച്ചയ്ക്ക് 1.30 ന് അസൽ സർട്ടിഫിക്കറ്റുകളുമായി ഹാജരാകണം. ഫോൺ - 0484-2377774. 

വയോജന മേഖലയിൽ മികച്ച പ്രവർത്തനങ്ങൾ നടത്തിയ സ്ഥാപനങ്ങൾ, സംഘടനകൾ, വ്യക്തികൾ എന്നിവർക്ക് സാമൂഹിക നീതി വകുപ്പിന്റെ നേതൃത്വത്തിൽ നൽകിവരുന്ന വയോസേവന അവാർഡിന് അപേക്ഷ ക്ഷണിച്ചു. എൻ ജി ഒ, മികച്ച മെയിന്റന൯സ് ട്രൈബ്യൂണൽ, ഗവ.വൃദ്ധസദനം/മികച്ച സ്യയംപ്രഭ ഹോം, മികച്ച കായിക താരം, സാംസ്ക്കാരിക മേഖലയിലെ മികച്ച പ്രവർത്തനം, ആജീവനാന്ത ബഹുമതി-വയോജന മേഖല തുടങ്ങിയ ആറ് വിഭാഗങ്ങളിലായാണ് അവാർഡ് നൽകുന്നത്.

കേരള കാർഷിക സർവ്വകലാശാലയുടെ കീഴിലുള്ള തവനൂർ കേളപ്പജി കോളേജ് ഓഫ് അഗ്രികൾച്ചറൽ എഞ്ചിനീയറിംഗ് ആൻ്റ് ഫുഡ് ടെക്നോളജിയിലെ ബി.ടെക്.(അഗ്രികൾച്ചറൽ എഞ്ചിനീയറിംഗ്), ബി.ടെക്.(ഫുഡ് ടെക്നോളജി) എന്നീ കോഴ്സുകളിൽ നിലവിൽ ഒഴിവുകൾ റിപ്പോർട്ട് ചെയ്‌ത സീറ്റുകളിലേക്കും പ്രതീക്ഷിക്കുന്ന ഒഴിവിലേക്കും സ്പോട്ട് അഡ്മിഷൻ നടത്തുന്നു. 

മത്സ്യത്തൊഴിലാളി ക്ഷേമനിധി ബോർഡ്, എറണാകുളം മേഖലയുടെ പരിധിയിലുള്ള ഉദയംപേരൂർ, തൃശ്ശൂർ എന്നീ ഫിഷറീസ് ഓഫീസുകളിൽ കോ-ഓഡിനേറ്റർമാരെ ദിവസവേതന അടിസ്ഥാനത്തിൽ നിയമിക്കുന്നു. ഒരു ഒഴിവ് വീതമാണ് ഉള്ളത്. അപേക്ഷകർ 20 നും, 36 നും ഇടയിൽ പ്രായമുള്ളവരായിരിക്കണം. ബിരുദവും കമ്പ്യൂട്ടർ പരിജ്ഞാനവും ഉള്ളവർക്ക് അപേക്ഷിക്കാം.  

 താല്പര്യമുള്ള ഉദ്യോഗാർത്ഥികൾക്ക് സെപ്റ്റംബർ 17 രാവിലെ 10ന് എറണാകുളം റീജണൽ എക്സിക്യൂട്ടീവ് ഓഫീസിൽ (ഫിഷറീസ് ഓഫീസ് കോംപ്ലക്‌സ്‌, ഡോക്‌ടർ സലിം അലി റോഡ്, ഹൈക്കോടതിക്ക് സമീപം, എറണാകുളം)

 നടക്കുന്ന വാക്-ഇ൯-ഇന്റർവ്യൂവിൽ അസൽ രേഖകൾ സഹിതം ഹാജരാകേണ്ടതാണ്. 

ആതുരസേവനത്തിന് വരുമാനംകൂടി ഉറപ്പാക്കിയുള്ള പരിശീലനം നല്‍കുന്ന കൊല്ലം ജില്ലാ പഞ്ചായത്തിന്റെ പദ്ധതി ഇനി സംസ്ഥാനമൊട്ടാകെ നടപ്പിലാക്കും. മാലാഖകൂട്ടം മാതൃകാപദ്ധതിയുടെ തുടര്‍ച്ചയാണ് കേരളമാകെ വ്യാപിപ്പിക്കാനുള്ള നടപടികളിലേക്ക് കടക്കുന്നതെന്ന് ജില്ലാ പഞ്ചായത്ത് പ്രസിഡന്റ് ഡോ. പി. കെ. ഗോപന്‍ വ്യക്തമാക്കി. തദ്ദേശസ്വയംഭരണസ്ഥാപനങ്ങള്‍ക്കുള്ള പദ്ധതിനിര്‍വഹണം സംബന്ധിച്ച മാര്‍ഗരേഖയില്‍ ഉള്‍ക്കൊള്ളിച്ചതായും അറിയിച്ചു.

കേരളത്തിലെ സാമൂഹിക മാറ്റത്തിനൊപ്പം പട്ടികജാതി/ വര്‍ഗ സമൂഹത്തെയും ഉയര്‍ത്തുന്ന പ്രവര്‍ത്തനങ്ങളാണ് സര്‍ക്കാര്‍ നടത്തുന്നതെന്ന് പട്ടികജാതി /വര്‍ഗ- പിന്നാക്കക്ഷേമ വകുപ്പ് മന്ത്രി ഒ.ആര്‍ കേളു. ശാസ്താംകോട്ട മിനി സിവില്‍ സ്റ്റേഷനില്‍ സംസ്ഥാന പട്ടികജാതി/ വര്‍ഗ വികസന കോര്‍പറേഷന്റെ സബ് ഓഫീസ് ഉദ്ഘാടനം ചെയ്യുകയായിരുന്നു അദ്ദേഹം.