പട്ടുവം ഗ്രാമപഞ്ചായത്ത് 2025-26 വാര്‍ഷിക പദ്ധതിയില്‍ ഉള്‍പ്പെടുത്തി അസിസ്റ്റന്റ് എഞ്ചിനീയര്‍ നിര്‍വ്വഹണം നടത്തുന്ന 12 പ്രവൃത്തികള്‍ക്കും മുഖ്യ മന്ത്രിയുടെ തദ്ദേശ റോഡ് പുനരുദ്ധാരണ പ്രവൃത്തിയില്‍ ഉള്‍പ്പെടുത്തി നടപ്പിലാക്കുന്ന മൂന്ന് പ്രവൃത്തികള്‍ക്കും അംഗീകൃത കരാറുകാരില്‍ നിന്നും മത്സരാധിഷ്ടിത ടെണ്ടറുകള്‍ ക്ഷണിച്ചു. സെപ്റ്റംബര്‍ 22 ഉച്ചക്ക് ഒരുമണിക്കകം ടെണ്ടര്‍ ഓണ്‍ലൈനായി സമര്‍പ്പിക്കണം. കൂടുതല്‍ വിവരങ്ങള്‍ അസിസ്റ്റന്റ് എഞ്ചിനീയറുടെ ഓഫീസില്‍ നിന്നും പഞ്ചായത്ത് ഓഫീസില്‍ നിന്നും http://tender.lsgkerala.gov.in, www.etenders.kerala.gov.in വെബ്‌സൈറ്റുകളില്‍ നിന്നും ലഭിക്കും.

സമഗ്ര ശിക്ഷാ കേരളം യുനിസെഫിന്റെ പങ്കാളിത്തത്തോടെ നടപ്പാക്കുന്ന ഗ്രീന്‍ സ്‌കില്‍സ് ഡെവലപ്‌മെന്റ് ഫോര്‍ ക്ലൈയ്മറ്റ് സസ്റ്റയിനബിലിറ്റി ഇന്‍ വയനാട് ഡിസ്ട്രിക്ട് പദ്ധതിയിലേക്ക് ഫീല്‍ഡ് അസിസ്റ്റന്റിനെ നിയമിക്കുന്നു. അഗ്രികള്‍ച്ചര്‍/ ടൂറിസം മേഖലയില്‍ വി.എച്ച്.എസ്.ഇ/ഹയര്‍സെക്കന്‍ഡറി എന്‍എസ്‌ക്യൂഎഫ് പാസുമുള്ള ബിരുദധാരികള്‍ക്കാണ് അപേക്ഷിക്കാം. 10,000 രൂപയാണ് പ്രതിമാസ ഹോണറേറിയം. സ്വന്തമായി ഇരുചക്ര വാഹനവും മുന്‍പരിചയവുമുള്ളവര്‍ക്ക് മുന്‍ഗണന. താത്പര്യമുള്ളവര്‍ സെപ്റ്റംബര്‍ 15 ന് രാവിലെ 11 നകം സിവില്‍ സ്റ്റേഷനിലെ എസ്.എസ്.കെ ജില്ലാ ഓഫീസില്‍ അഭിമുഖത്തിന് എത്തണം. ഫോണ്‍- 04936 203338, 203347

മെഡിക്കല്‍ ഓഫീസര്‍മാരുടെ പരിശീലന പരിപാടിയിലേക്ക് 300 പേര്‍ക്ക് ആവശ്യമായ ഭക്ഷണ സാധനങ്ങള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ജി എസ് ടി രജിസ്ട്രേഷനുള്ള സപ്ലയര്‍മാരുടെ സീല്‍ ചെയ്ത ക്വട്ടേഷനുകള്‍ ജില്ലാ മെഡിക്കല്‍ ഓഫീസര്‍ (ആരോഗ്യം), ജില്ലാ മെഡിക്കല്‍ ഓഫീസ്, കണ്ണൂര്‍ എന്ന വിലാസത്തില്‍ സെപ്റ്റംബര്‍ 22ന് രാവിലെ 11 മണിക്കകം ലഭിക്കണം. ജി എസ് ടി രജിസ്ട്രേഷന്‍ ഇല്ലാത്തവര്‍ക്കും ക്വട്ടേഷന്‍ സമര്‍പ്പിക്കാം. ഫോണ്‍: 04972700709

കേരളം സംരഭകത്വത്തിന് പറ്റുന്ന നാടായി മാറിക്കഴിഞ്ഞെന്നും വ്യവസായ സൗഹൃദ റാങ്കിങിൽ രാജ്യത്ത് ഒന്നാം സ്ഥാനത്ത് എത്തിയെന്നും വ്യവസായ- കയർ-നിയമ വകുപ്പ് മന്ത്രി പി.രാജീവ്. കൊച്ചിയിൽ നടന്ന ഇൻവെസ്റ്റ് കേരള ഗ്ലോബൽ സമ്മിറ്റിൽ പങ്കെടുത്തവരും മലപ്പുറം ജില്ലയിൽ 20 കോടിയിലധികം നിക്ഷേപം നടത്തുന്നവരുമായ വ്യവസായികളുടെ നേതൃത്വത്തില്‍ ജില്ലാ വ്യവസായ കേന്ദ്രത്തിന്റെ നേതൃത്വത്തിൽ നടത്തിയ ജില്ലാതല നിക്ഷേപക സംഗമം 'എമർജിങ് മലപ്പുറം' ഓൺലൈനായി ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 

തിരൂര്‍ താലൂക്ക് ഓഫീസില്‍ സൂക്ഷിച്ചിട്ടുള്ള മണല്‍ 2,31569 രൂപ അടിസ്ഥാന വിലയായി നിശ്ചയിച്ച് ഒക്ടോബര്‍ പത്തിന് രാവിലെ താലൂക്ക് ഓഫീസ് കോണ്‍ഫ്രൻസ് ഹാളില്‍ ലേലം ചെയ്യും.

കെ എ പി നാലാം ബറ്റാലിയന്റെ അധീനതയിലുള്ള ഭൂമിയിലെ തേക്ക് മരം സെപ്റ്റംബര്‍ 23 ന് രാവിലെ 11.30 ന് മാങ്ങാട്ടുപറമ്പ് കെ എ പി നാലാം ബറ്റാലിയന്‍ ആസ്ഥാനത്ത് പരസ്യമായി ലേലം ചെയ്യും. ഫോണ്‍: 0497 2781316
 

കുടുംബശ്രീ ജില്ലാ മിഷന് കീഴിലുള്ള പട്ടിക വര്‍ഗ്ഗ സുസ്ഥിര വികസന പദ്ധതിയില്‍ ഒഴിവുള്ള അനിമേറ്റര്‍ കോഓര്‍ഡിനേറ്റര്‍ തസ്തികയിലേക്ക് അപേക്ഷകള്‍ ക്ഷണിച്ചു. ഒരു വര്‍ഷത്തേയ്ക്ക് കരാര്‍ അടിസ്ഥാനത്തിലാണ് നിയമനം. ഡിഗ്രി, ട്രൈബല്‍ മേഖലയില്‍ മൂന്നു വര്‍ഷത്തെ പ്രവൃത്തി പരിചയം എന്നീ യോഗ്യതകളുള്ള മലപ്പുറം ജില്ലയില്‍ താമസിക്കുന്നവര്‍ക്ക് അപേക്ഷിക്കാം. അപേക്ഷകര്‍ 25നും 40നും മധ്യേയുള്ള (2025 സെപ്തംബര്‍ ഒന്നിന്) പട്ടികവര്‍ഗ വിഭാഗത്തില്‍പ്പെട്ടവരും കുടുംബശ്രീ അയല്‍ക്കൂട്ട അംഗമോ/കുടുംബാംഗമോ, ഓക്‌സിലറി ഗ്രൂപ്പ് അംഗമോ ആയിരിക്കണം. ആശ്രയ കുടുംബാംഗം/ഭിന്നശേഷി വിഭാഗം എന്നിവര്‍ക്ക് മുന്‍ഗണന ലഭിക്കും.

സാമ്പത്തികമായി പിന്നോക്കം നില്‍ക്കുന്ന 55 വയസിനു താഴെ പ്രായമുള്ള വിധവകളായ സ്ത്രീകള്‍ക്ക് സ്വയം തൊഴില്‍ ചെയ്ത് വരുമാന മാര്‍ഗം കണ്ടെത്തുന്നതിന് ധനസഹായം അനുവദിക്കുന്ന വനിത ശിശു വികസന വകുപ്പിന്റെ സഹായഹസ്തം പദ്ധതിയിലേക്ക് ഓണ്‍ലൈനായി ഒക്ടോബര്‍ ഒന്ന് വരെ അപേക്ഷിക്കാം. കൂടുതല്‍ വിവരങ്ങള്‍ www.schemes.wcd.kerala.gov.in വെബ്സൈറ്റില്‍ ലഭിക്കും. 

എച്ച് ടി ലൈനിനു സമീപമുള്ള മരച്ചില്ലകള്‍ വെട്ടി മാറ്റുന്ന പ്രവൃത്തി നടക്കുന്നതിനാല്‍ ചാപ്പ, സിദീഖ് പള്ളി, വരയില്‍ചിറ, കാനച്ചേരി, കാനച്ചേരിപള്ളി, ഇടയില്‍പീടിക, കാനച്ചേരി കനാല്‍ ട്രാന്‍സ്‌ഫോര്‍മര്‍ പരിധിയില്‍ സെപ്റ്റംബര്‍ 12 ന് രാവിലെ എട്ട് മണി മുതല്‍ ഉച്ചയ്ക്ക് മൂന്ന് വരെ വൈദ്യുതി മുടങ്ങും

എ.എ.വൈ കാര്‍ഡുടമകള്‍ക്ക് റേഷന്‍ കടകള്‍ മുഖേന ഓണത്തോടനുബന്ധിച്ച്  നല്‍കുന്ന കിറ്റ് വിതരണം സെപ്റ്റംബര്‍ 15 ന് അവസാനിക്കും. അര്‍ഹരായ എ.എ.വൈ ഗുണഭോക്താക്കള്‍ ഓണക്കിറ്റ് കൈപ്പണമെന്ന് ജില്ലാ സപ്ലൈ ഓഫീസര്‍ അറിയിച്ചു.