മാനന്തവാടി മെഡിക്കൽ കോളേജ് ആശുപത്രിയിലെ അത്യാഹിത വിഭാഗത്തോട് ചേർന്നുള്ള ഗ്രീൻ സോണിൽ കൂടുതൽ സൗകര്യങ്ങൾ ഒരുക്കിയതായി  താലൂക്ക് തല വികസന സമിതി യോഗത്തിൽ ആശുപത്രി അധികൃതർ അറിയിച്ചു. മെഡിക്കൽ കോളേജിൽ സായാഹ്ന ഒ.പി ഇല്ലാത്ത സാഹചര്യത്തിൽ വൈകുന്നേരങ്ങളിൽ എത്തുന്ന രോഗികൾക്കായാണ് ഗ്രീൻ സോണിൽ കൂടുതൽ സൗകര്യങ്ങൾ ഒരുക്കിയതെന്ന് സൂപ്രണ്ട് അറിയിച്ചു. ഗ്രീൻ സോണിൽ അധിക ഡോക്ടർമാരുടെ സേവനവും ലഭ്യമാക്കും. മാനന്തവാടി താലൂക്ക് കോൺഫറൻസ് ഹാളിൽ നടന്ന യോഗത്തിൽ നഗരസഭാ വൈസ് ചെയർമാൻ ജേക്കബ് സെബാസ്റ്റ്യൻ അധ്യക്ഷത വഹിച്ചു.

വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ കാപ്പുംകുന്ന് - പിള്ളേരി റോഡ്, പാതിരിച്ചാല്‍ - 7/4 റോഡ് പ്രദേശങ്ങളില്‍ ഇന്ന് (സെപ്റ്റംബര്‍   12) രാവിലെ 8.30 മുതല്‍ വൈകിട്ട് അഞ്ച് വരെ വൈദ്യുതി വിതരണം ഭാഗികമായി മുടങ്ങും.

--

മീനങ്ങാടി ഗവ പോളിടെക്നിക് കോളെജിന്റെ  സ്റ്റാഫ് ക്വാര്‍ട്ടേഴ്‌സില്‍ ഇന്റര്‍നെറ്റ് കണക്ഷന്‍ ദീര്‍ഘിപ്പിക്കുന്നതിന് താത്പര്യമുള്ള വ്യക്തികള്‍/ സ്ഥാപനങ്ങള്‍ നിന്നും ക്വട്ടേഷന്‍ ക്ഷണിച്ചു. താത്പര്യമുള്ളവര്‍ https://gptcmdi.ac.in/ പ്രസിദ്ധീകരിച്ച ക്വട്ടേഷന്‍ നോട്ടീസ് പരിശോധിച്ച ഒക്ടോബര്‍ ആറിന് ഉച്ചക്ക് ഒന്നിനകം പ്രിന്‍സിപ്പാള്‍, ഗവ പോളിടെക്നിക് കോളേജ്, മീനങ്ങാടി വിലാസത്തില്‍ ക്വട്ടേഷന്‍ നല്‍കണം. ഫോണ്‍- 04936 247420

എന്‍ ഊര് ഗോത്ര പൈതൃക ഗ്രാമത്തിലെ കഫറ്റീരിയയില്‍ വെള്ളം ശുദ്ധീകരിക്കുന്നതിന് കൊമേഴ്‌സ്യല്‍ വാട്ടര്‍ പ്യൂരിഫയര്‍ നല്‍കാന്‍ താത്പര്യമുള്ള സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. 500 എല്‍പിഎച്ച് വാട്ടര്‍ ട്രീറ്റ്‌മെന്റ് പ്ലാന്റ്, 500 എല്‍പിഎച്ച് യുവി സിസ്റ്റം, 844 ഡ്യൂവല്‍ മീഡിയ ഫില്‍റ്റര്‍ എന്നത് പ്രകാരമുള്ള കൊമേഴ്‌സ്യല്‍ വാട്ടര്‍ പ്യൂരിഫയറാണ് ആവിശ്യം. ക്വട്ടേഷനുകള്‍ സെപ്റ്റംബര്‍ 18 നകം സെക്രട്ടറി, എന്‍ ഊര് ചാരിറ്റബിള്‍ സൊസൈറ്റി, കേരള ആനിമല്‍ സയന്‍സ് ആന്‍ഡ് വെറ്ററിനറി യൂണിവേഴ്സിറ്റിക്ക് സമീപം പൂക്കോട്, ലക്കിടി, വയനാട് - 673576  വിലാസത്തില്‍ നല്‍കണം. ഫോണ്‍- 6238071371

വാകേരി ഗവ വോക്കെഷണല്‍ ഹയര്‍സെക്കന്‍ഡറി സ്‌കൂളില്‍ കെമിസ്ട്രി വിഭാഗത്തില്‍ അധ്യാപക നിയമനം നടത്തുന്നു. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുമായി സെപ്റ്റംബര്‍ 17 ന് രാവിലെ 11 ന് സ്‌കൂള്‍ ഓഫീസില്‍ നടക്കുന്ന കൂടിക്കാഴ്ച്ചയില്‍ പങ്കെടുക്കണം. ഫോണ്‍-9847108601

കല്യാശ്ശേരി മണ്ഡലത്തിൽ കൂൺ ഗ്രാമം പദ്ധതിക്ക് തുടക്കമാകുന്നു. പദ്ധതി നടപ്പിലാക്കുന്നതിന് മുന്നോടിയായി മണ്ഡലത്തിലെ ജനപ്രതിനിധികളുടെയും കൃഷി ഓഫീസർമാരുടെയും യോഗം എം വിജിൻ എം എൽ എ യുടെ അധ്യക്ഷതയിൽ കല്യാശേരി ബ്ലോക്ക് പഞ്ചായത്തിൽ ചേർന്നു. യോഗത്തിൽ കല്യാശേരി ബ്ലോക്ക് കൃഷി അഡീഷ്ണൻ ഡയറക്ടർ കെ സതീഷ് കുമാർ പദ്ധതി വിശദീകരിച്ചു.

കണിയാമ്പറ്റ ടീച്ചര്‍ എഡ്യൂക്കേഷന്‍ സെന്ററില്‍ ഫിസിക്കല്‍ എഡ്യൂക്കേഷന്‍, ഫൈന്‍ ആര്‍ട്‌സ്, പെര്‍ഫോമിങ് ആര്‍ട്‌സ് വിഭാഗങ്ങളിലേക്ക് അധ്യാപകരെ നിയമിക്കുന്നു. ബന്ധപ്പെട്ട വിഷയത്തില്‍ 55 ശതമാനം മാര്‍ക്കോടെ പി.ജിയും നെറ്റുമാണ് യോഗ്യത. താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റിന്റെ അസലുമായി സെപ്റ്റംബര്‍ 15 ന് രാവിലെ 11 ന് കോളേജ് ഓഫീസില്‍ നടക്കുന്ന കൂടിക്കാഴ്ചയില്‍ പങ്കെടുക്കണം. ഫോണ്‍- 9846717461  

കതിരൂര്‍ ഗ്രാമപഞ്ചായത്തിനെ സമ്പൂര്‍ണ ഗ്രന്ഥശാലാ പഞ്ചായത്തായി ഡോ. വി ശിവദാസന്‍ എം പി പ്രഖ്യാപിച്ചു. 
പീപ്പിള്‍സ് മിഷന്‍ ഫോര്‍ സോഷ്യല്‍ ഡെവലപ്‌മെന്റ്, ജില്ലാ ലൈബ്രറി കൗണ്‍സിൽ എന്നിവ സംയുക്തമായി ആരംഭിച്ച എല്ലാ വാർഡിലും വായനശാല എന്ന ബൃഹദ് പദ്ധതിയുടെ സഹായത്തോടെയാണ് നേട്ടം കൈവരിച്ചത്. ഇതോടെ  മുഴുവൻ പഞ്ചായത്തു വാര്‍ഡുകളിലും ഓരോ ലൈബ്രറിയുള്ള  സമ്പൂര്‍ണ ലൈബ്രറി ജില്ലയായി കണ്ണൂര്‍ മാറുകയാണ്.

വ്യവസായ മേഖലയിൽ വൻ കുതിപ്പിന് വെളിച്ചം വീശി നിക്ഷേപ സംഗമം. 2700 കോടിയുടെ പദ്ധതിയാണ് ' എമർജിംഗ് മലപ്പുറം ' നിക്ഷേപ സംഗമ പദ്ധതിയിൽ അവതരിപ്പിച്ചത്. ടൂറിസം, ഐടി, ആരോഗ്യം, കാർഷികം, ഭക്ഷ്യോത്പന്നം, ടൗൺഷിപ്പ്, ഫർണിച്ചർ ,ആഭരണ നിർമാണം തുടങ്ങി 28 വൻകിട പദ്ധതികളാണ് തുടക്കം കുറിക്കുന്നത്. ഒരു കോടി മുതൽ 840 കോടി വരെ നിക്ഷേപമുള്ളതാണ് ഓരോ പദ്ധതികളും. പതിനായിരം പേർക്ക് പ്രത്യക്ഷ്യമായും 15000 പേർക്ക് പരോക്ഷമായും ജോലി ലഭിക്കുന്നതാണ് പദ്ധതികൾ. കാക്കഞ്ചേരിയിൽ തുടക്കും കുറിക്കുന്ന തുലാഹ് വെൽനസ് സാങ്ച്വറിക്കായി 840 കോടിയുടെ നിക്ഷേപമാണ് പ്രതീക്ഷിക്കുന്നത്.